§2Ἐγὼ δ’ οὔτ’ ἄλλο τι καταληπτὸν ἡγοῦμαι σημαίνειν παρὰ τὸ γνωστὸν, οὔτ’ ἄλλο τι τὸ καταλαμβάνεσθαι τοῦ βεβαίως γιγνώσκειν, ἀνάλογον δ’ αὐτοῖς λέγεσθαι τήν τε κατάληψιν καὶ τὴν καταληπτικὴν φαντασίαν.
나는 ‘파악 가능한 것’이 ‘알려질 수 있는 것’ 외에 다른 어떤 것을 의미한다고 생각하지 않으며, 파 악되는 것이 ‘확실하게 아는 것’ 외에 다른 어떤 것을 의미한다고 생각하지 않는다. 그리고 이와 비례하여 ‘파악’과 ‘파악적 표상’도 이야기된다고 생각한다.
ἐπειδὴ γὰρ ἔνια μὲν οἰόμεθα ἢ βλέπειν, ἢ ἀκούειν, ἢ ὅλως αἰσθάνεσθαι, καθάπερ ἐν ὀνείροις καὶ μανίαις, ἔνια δὲ οὐκ οἰόμεθα μόνον, ἀλλὰ καὶ κατ’ ἀλήθειαν ὁρῶμεν, ἢ ὅλως αἰσθανόμεθα, ταυτὶ μὲν τὰ δεύτερα πάντες ἄνθρωποι πλὴν Ἀκαδημιακῶν τε καὶ Πυῤῥωνείων εἰς βεβαίαν γνῶσιν ἥκειν νομίζουσιν, ἃ δ’ ὄναρ ἢ παραπαιόντων ἡ ψυχὴ φαντάζεται, ψευδῆ ταῦθ’ ὑπάρχειν.
왜냐하면 우리가 꿈속이나 광기 속에서 그러하듯이, 어떤 것들에 대해서는 보거나 듣거나 완전히 지각하고 있다고 생각할 뿐이지만, 다른 어떤 것들에 대해서는 그렇게 생각할 뿐만 아니라 실제로 진실로 보거나 완전히 지각하기 때문이다. 아카데미아파와 피론파를 제외한 모든 사람들은 이 후자의 것들이 확실한 지식에 이른다고 생각하는 반면, 꿈에서나 정황을 잃은 자들의 혼이 그려내는 표상들은 거짓으로 존재한다고 생각한다.
εἰ μὲν δὴ συγχωροῦσιν αὐτὸ τοῦθ’ οὕτως ἔχειν, ἐξαλειψάτωσαν, ἐν οἷς γράφουσι, μήτε τοῦ μαινομένου τὸν σωφρονοῦντα, μήτε τοῦ νοσοῦντος τὸν ὑγιαίνοντα, μήτε τοῦ κοιμωμένου τὸν ἐγρηγορότα πιστότερον ὑπάρχειν εἰς τὴν τῶν πραγμάτων γνῶσιν.
만약 참으로 그들이 바로 이 점이 그러하다는 것을 인정한다면, 그들은 자신들의 저작 속에서 다음과 같은 내용을 지워버려야 한다. 즉, 사물의 지식에 있어서 미친 사람보다 온전한 사람이, 병든 사람보다 건강한 사람이, 자고 있는 사람보다 깨어 있는 사람이 더 신뢰할 만한 것은 아니라는 주장 말이다.
εἰ δ’ οὐδὲν μᾶλλον ἐκείνοις ἐστὶν ἢ τοῖς ἐναντίως διακειμένοις γνωστὸν, συγκέχυται μὲν δήπου τὰ τῆς ἀληθείας κριτήρια, οὔτ’ αὐτὸς ὁ διδάσκαλος ὁ Ἀκαδημιακὸς, οὔτ’ ὁ μαθητὴς αὐτοῦ δυνήσεται κρῖναι τοὺς εἰς ἑκάτερα τῶν ἀντικειμένων εἰρημένους λόγους.
그러나 만약 그들에게도 반대의 상태에 있는 사람들에 비해 더 알려질 수 있는 것이 전혀 없다면, 진리의 판정 기준은 당연히 뒤섞여 혼란해진 것이며, 아카데미아파 교사 자신도 그의 제자도 대립하는 양편에 대해 이야기된 논리들을 판정할 수 없을 것이다.
ἔτι δὲ οὐ δεησόμεθα τὴν ἀρχὴν τοιούτων διδασκάλων, δυνάμενοί γε καὶ αὐτοὶ τὰ γεγραμμένα τοῖς ἀπὸ τῶν αἱρέσεων ἀντιδιῃρημένων ἀναγινώσκειν, καὶ οὐδὲν ἧττον τῶν Ἀκαδημιακῶν εἰδέναι, κᾂν ἀσαφὲς αὐτῶν τὶ ᾖ, τὸ μὲν παρὰ τῷ Χρυσίππῳ τοῖς Στωϊκοῖς διδασκάλοις ἀσφαλέστερον ὀνομάζειν ἐστὶ, τὸ δὲ παρὰ Θεοφράστῳ καὶ Ἀριστοτέλει τοῖς περιπατητικοῖς.
더욱이 우리는 애초에 그러한 교사들을 필요로 하지 않을 것이다. 왜냐하면 우리 자신도 대립하는 학파의 사람들이 쓴 글들을 읽을 수 있으며, 아카데미아파 사람들에 못지않게 그것들을 알 수 있기 때문이다. 그리고 만약 그들의 주장 중에 불명확한 점이 있다면, 한편은 크뤼시포스에게서 스토아파 교사들의 설명으로 더 안전하게 명명할 수 있고, 다른 한편은 테오프라스토스와 아리스토텔레스에게서 소요학파 교사들의 설명으로 명명할 수 있다.
οὕτω δὲ κᾀπὶ τῶν ἄλλων, ὥστ’ οὐδὲν ἄν τι λείποιτο πρὸς διδασκαλίαν τοῖς Ἀκαδημιακοῖς, ὅσον ἐπὶ τῷ Φαβωρίνου λόγῳ τοῖς μὲν γὰρ πρεσβυτέροις αὐτὸ δὴ τοῦτο ἦν δίδαγμα, τὸ μηδὲν εἶναι κριτήριον ἀνθρώπῳ δεδομένον ὑπὸ τῆς φύσεως, ᾧ παραβάλλων ἕκαστον τῶν ὄντων ἀκριβῶς διαγνώσεται.
다른 학파들에 대해서도 이와 같으므로, 파보리누스의 논리에 따르는 한 아카데미아파 사람들에게 가르침을 위해 남겨질 것은 아무것도 없을 것이다. 왜냐하면 더 이전의 사람들에게는 바로 이것, 즉 자연에 의해 인간에게 판정 기준이 전혀 주어지지 않았으며, 그것에 비추어 존재하는 각각의 것들을 정확하게 판별해 낼 수 없다는 것 자체가 가르침이었기 때문이다.
διὸ μήδ’ ἀποφήνασθαι περὶ μηδενὸς ἠξίουν, ἀλλὰ περὶ πάντων ἐπέχειν ἀεί.
그렇기 때문에 그들은 어떤 것에 대해서도 판단을 내리지 않고, 항상 모든 것에 대해 판단을 중지하는 것을 당연하게 여겼다.
ἀλλ’ εἰ δὴ τοῖς φυσικοῖς κριτηρίοις αἴσθησιν ἱκανῶς συγχωρήσουσιν ἡμῖν, οὐδὲν ἔτι δεησόμεθα τῆς εἰς ἑκάτερα ἐπιχειρήσεως, ἀλλ’ ἑτέρου τινὸς ἀπαιτήσεως, μᾶλλον μὲν τοὺς τεχνίτας παρέχοντας τοῖς μαθηταῖς εὐθέως, ἀλλ’ ἕτερον τὸ λογίζεσθαι, τὸ καλούμενον ὑπὸ τῶν πολλῶν ψηφίζειν.
그러나 만약 그들이 자연적인 판정 기준 중에서 감각을 우리에게 충분히 인정해 준다면, 우리는 더 이상 양편에 대한 논박을 필요로 하지 않고, 오히려 다른 종류의 요구를 필요로 할 것이다. 즉, 제자들에게 곧바로 기술자들을 제공해 주는 것이 아니라, 다른 것 즉 추론하는 것, 대다수의 사람들에 의해 ‘계산하는 것’이라 불리는 것을 요구할 것이다.
τοῦτο δ’ ἔστι τὸ ἐπισταθῆναι τῷ γυμναζομένῳ, καὶ τούτῳ προσέχειν τὸν νοῦν, ἐν οἷς σφάλλεται, καὶ ταῦτα ἐπανορθούμενον μόνα.
그리고 이것은 훈련받는 사람의 곁에 서서, 그가 틀리는 지점에 주의를 기울이고 오직 그것들만을 교정해 주는 것이다.
παραπλησίως δὲ καὶ ὁ παιδοτρίβης ἐπανορθοῦται τὰ τῶν παλαιόντων ἁμαρτήματα.
이와 비슷하게 체육 교사 역시 레슬링하는 사람들의 잘못을 교정해 준다.
καὶ ὁ γραμματικὸς, καὶ ὁ ῥήτωρ, καὶ γεωμέτρης, καὶ μουσικὸς, οὕτω διδάσκουσιν οὐ διασείοντες, οὐδὲ σαλεύοντες τῶν μαθητῶν ἣν ἔχουσι πίστιν ἐπὶ τοῖς φυσικοῖς κριτηρίοις, ἀλλ’ ἐφεστῶτες αὐτοῖς γυμναζομένοις, ἄχρι περ ἂν ἀναμαρτήτους ἀποδείξωσι, τὰς κατὰ μέρος ἐνεργείας, ἀλλ’ οὐχὶ τὴν ἐποχὴν εἰσάγοντες.
문법학자, 수사학자, 기하학자, 음악가 역시 제자들이 자연적인 판정 기준에 대해 가지고 있는 신뢰를 흔들거나 요동치게 하지 않고 이와 같이 가르친다. 오히려 그들이 훈련하는 동안 곁에 서서 잘못이 없음을 증명해 보일 때까지 개별적인 활동들을 도입할 뿐, 판단 중지를 도입하지는 않는다.
οὗτοι γάρ εἰσιν οἱ καὶ ταῖς ἐνεργείαις σὺν αἰσθήσεσιν ἀπιστεῖν ἀνατιθέντες, ἢ τοῖς ὑπό του βεβαίως γιγνωσκομένοις καταφρονεῖν.
왜냐하면 이들이야말로 감각을 동반한 활동들조차 불신하게 만들거나, 누군가에 의해 확실하게 알려진 것들을 경멸하게 만드는 사람들이기 때문이다.
ὁ γοῦν Καρνεάδης οὐδὲ τοῦτο τὸ πάντων ἐναργέστατον συγχωρεῖ πιστεύειν, ὅτι τὰ τῷ αὐτῷ ἴσα μεγέθη καὶ ἀλλήλοις ἴσα γίγνεται.
어쨌든 카르네아데스는 조차도 이것, 즉 모든 것 중에 가장 명백한 것인 ‘동일한 것과 같은 크기들은 서로도 같다’는 것조차 믿는 것을 허용하지 않는다.
τοὺς μὲν οὖν λόγους, οἷς ἐπιχειρεῖ λύειν καὶ ταῦτα καὶ ἄλλα πάμπολλα τῶν ἐναργῶς τὶ εἶναί σοι φαινομένων τε καὶ πιστευομένων, ἔτι καὶ εἰς τόδε σωζομένους ἔχομεν.
따라서 그가 이것들과, 당신에게 명백하게 존재하는 것처럼 보이고 또 믿어지는 다른 아주 많은 것들을 반박하려고 시도하는 논리들을 우리는 오늘날까지도 보존된 채 가지고 있다.
ἀπόκεινται γὰρ ἐν γράμμασιν ὑπὸ τῶν μαθητῶν αὐτοῦ συναθροισθέντες.
그것들은 그의 제자들에 의해 수집되어 저작 속에 저장되어 있기 때문이다.
αἱ λύσεις δ’ οὔθ’ ὑπ’ ἐκείνων, οὔθ’ ὑπ’ ἄλλου τινὸς εἴρηνται τῶν μετ’ αὐτὸν Ἀκαδημιακῶν.
그러나 해결책은 그들에 의해서도, 그 이후의 다른 어떤 아카데미아파 사람들에 의해서도 이야기되지 않았다.
ἆρ’ οὖν εἰ καὶ μηδὲν ἄλλο, τοῦτο γοῦν ἐδήλωσε μόνον, ὅτι σοφίσματά εἰσιν οἱ λόγοι πάντες οὗτοι, καὶ ζητητέον τὴν λύσιν αὐτῶν ὑμῖν, ὦ μαθηταί.
그렇다면 다른 어떤 것은 아니더라도, 적어도 이 점만은 그가 밝힌 것이 아닌가? 즉, 이 모든 논리들은 궤변이며, 제자들이여, 너희 스스로 그것들의 해결책을 찾아야 한다는 것 말이다.
μοχθηρὸν μὲν γὰρ τοῦτο, σμικρότερον δ’ ὅμως οὐ πεποιήκασιν οἱ γράψαντες μὲν αὐτοὺς, μὴ δηλώσαντες δ’ ὑμῖν, ὁποῖοί τινές εἰσι.
왜냐하면 이것은 불행한 일이지만, 그럼에도 그것들을 기록하면서 그것들이 어떤 성질의 것인지 너희에게 밝혀주지 않은 사람들은 그 과실을 결코 작게 만든 것이 아니기 때문이다.