§4.1ἔν γε μὴν ταῖς πορείαις ἀεὶ δεῖ τὸν ἵππαρχον προνοεῖν ὅπως ἀναπαύῃ μὲν τῶν ἵππων τὰς ἕδρας, ἀναπαύῃ δὲ τοὺς ἱππέας τῷ βαδίζειν, μέτριον μὲν ὀχοῦντα, μέτριον δὲ πεζοποροῦντα.
나아가 행군 중에는 언제나 기병총감이 적당히 말을 타게 하고 적당히 걸어가게 함으로써, 말의 등을 쉬게 하고 또한 걸어감으로써 기병들을 쉬게 하도록 배려해야 한다.
τοῦ δὲ μετρίου ἐννοῶν οὐκ ἂν ἁμαρτάνοις·
적당함에 대해 마음을 쓴다면 틀림이 없을 것이다.
αὐτὸς γὰρ μέτρον ἕκαστος τοῦ μὴ λαθεῖν ὑπερπονοῦντας.
당신 자신이, 그들이 과도하게 피로한 것이 알아차려지지 않는 일이 없도록 하기 위한 각각에 대한 척도이기 때문이다.
§4.2ὅταν μέντοι ἀδήλου ὄντος εἰ πολεμίοις ἐντεύξῃ πορεύῃ ποι, κατὰ μέρος χρὴ τὰς φυλὰς ἀναπαύειν.
하지만 적과 마주칠지가 불확실한 상태에서 어딘가로 행군할 때에는, 부족별로 교대로 쉬게 해야 한다.
χαλεπὸν γὰρ εἰ πᾶσι καταβεβηκόσι πλησιάσειαν οἱ πολέμιοι.
모두가 말에서 내렸을 때 적이 다가온다면 곤란한 일이 되기 때문이다.
§4.3καὶ ἢν μέν γε διὰ στενῶν ὁδῶν ἐλαύνῃς, ἀπὸ παραγγέλσεως εἰς κέρας ἡγητέον· ἢν δὲ πλατείαις ἐπιτυγχάνῃς ὁδοῖς, ἀπὸ παραγγέλσεως αὖ πλατυντέον τῆς φυλῆς ἑκάστης τὸ μέτωπον·
그리고 만약 좁은 길을 지나간다면 명령 전달에 의해 종대로 인도해야 하며, 넓은 길을 만나면 다시 명령 전달에 의해 각 부족의 정면을 넓혀야 한다.
ὅταν γε μὴν εἰς πεδίον ἀφικνῆσθε, ἐπὶ φάλαγγος πάσας τὰς φυλὰς ἀκτέον.
또한 평원에 도달했을 때에는 모든 부족을 방진 대형으로 전진시켜야 한다.
ἀγαθὸν γὰρ καὶ μελέτης ἕνεκα ταῦτα ποιεῖν καὶ τοῦ ἥδιον διαπερᾶν τὰς ὁδοὺς ποικίλλοντας ἱππικαῖς τάξεσι τὰς πορείας.
훈련을 위해서도 좋고, 기병 대형으로 행군에 변화를 줌으로써 더 즐겁게 길을 통과하기 위해서도 이 일들을 행하는 것은 유익하기 때문이다.
§4.4ὅταν μέντοι ἔξω τῶν ὁδῶν διὰ δυσχωριῶν ἐλαύνητε, μάλα χρήσιμον καὶ ἐν πολεμίᾳ καὶ ἐν φιλίᾳ προελαύνειν τῆς φυλῆς ἑκάστης τῶν ὑπηρετῶν οἵτινες, ἢν ἀπόροις νάπαις ἐντυγχάνωσι, παριόντες ἐπὶ τὰ εὔπορα δηλώσουσι τοῖς ἱππεῦσιν ᾗ χρὴ τὴν ἔλασιν ποιεῖσθαι, ὡς μὴ ὅλαι αἱ τάξεις πλανῶνται.
하지만 길을 벗어나 험난한 지형을 지나갈 때에는, 적지에서나 아군 지역에서나, 각 부족의 종졸들 중에서 통행하기 어려운 계곡을 만났을 때 통행하기 쉬운 곳으로 나아가 기병들에게 어디로 가야 할지를 표시해 주어 부대 전체가 길을 잃지 않게 할 자들을 선행시키는 것이 매우 유익하다.
§4.5ἢν δὲ διʼ ἐπικινδύνων ἐλαύνητέ που, φρονίμου ἱππάρχου τὸ τῶν προόδων ἄλλους προόδους διερευνωμένους προηγεῖσθαι (τὸ γὰρ ὡς ἐκ πλείστου προαισθάνεσθαι πολεμίων χρήσιμον καὶ πρὸς τὸ ἐπιθέσθαι καὶ πρὸς τὸ φυλάξασθαι), καὶ τὸ ἀναμένειν δὲ ἐπὶ ταῖς διαβάσεσιν, ὡς μὴ κατακόπτωσι τοὺς ἵππους οἱ τελευταῖοι τὸν ἡγεμόνα διώκοντες.
또한 어딘가 위험한 곳을 지나갈 때에는, 전위대보다 한 걸음 앞서서 정찰을 수행하는 다른 전위대를 선행시키는 것이 현명한 기병총감의 도리이다 (가능한 한 멀리서 적을 미리 알아차리는 것은 공격할 때나 방어할 때 모두 유익하기 때문이다). 그리고 건너는 곳에서 대기하여, 뒤처진 자들이 인도자를 쫓아가느라 말을 지치게 만들지 않도록 하는 것도 그러하다.
ἴσασι μὲν οὖν ταῦτα σχεδὸν ἅπαντες, καρτερεῖν δʼ ἐπιμελούμενοι οὐ πολλοὶ ἐθέλουσι.
참으로 거의 모든 이들이 이러한 사실을 알고 있지만, 마음을 써서 끝까지 실행하려는 사람은 많지 않다.
§4.6προσήκει δὲ ἱππάρχῳ ἔτι ἐν εἰρήνῃ ἐπιμελεῖσθαι ὅπως ἐμπείρως ἕξει τῆς τε πολεμίας καὶ τῆς φιλίας χώρας·
또한 기병총감은 아직 평화로울 때에 적의 영토와 아군의 영토 모두에 익숙해지도록 유념하는 것이 마땅하다.
ἢν δʼ ἄρα αὐτὸς ἀπείρως ἔχῃ, τῶν ἄλλων γε δὴ τοὺς ἐπιστημονεστάτους ἑκάστων τόπων παραλαμβάνειν.
만약 그 자신에게 경험이 없다면, 다른 이들 중에서 각 장소에 대해 가장 잘 아는 이들을 동행시켜야 한다.
πολὺ γὰρ διαφέρει ἡγούμενος ὁ εἰδὼς τὰς ὁδοὺς τοῦ μὴ εἰδότος, καὶ ἐπιβουλεύων δὲ πολεμίοις ὁ εἰδὼς τοὺς τόπους τοῦ μὴ εἰδότος πολὺ διαφέρει.
길을 아는 인도자는 모르는 자와 크게 다르며, 적을 상대로 계략을 꾸밀 때에도 지형을 아는 자는 모르는 자와 크게 다르기 때문이다.
§4.7καὶ κατασκόπων δὲ πρὶν πόλεμον εἶναι δεῖ μεμεληκέναι, ὅπως ἔσονται καὶ ἐκ πόλεων ἀμφοτέροις φιλίων καὶ ἐξ ἐμπόρων·
또한 전쟁이 일어나기 전에, 양측 모두와 우호적인 도시의 주민들과 상인들로부터 정찰원을 확보하도록 마음을 써 두어야 한다.
πᾶσαι γὰρ αἱ πόλεις τοὺς εἰσάγοντάς τι ἀεὶ ὡς εὐμενεῖς δέχονται·
모든 도시는 무언가를 들여오는 사람들을 언제나 호의적으로 맞아들이기 때문이다.
καὶ ψευδαυτόμολοι δʼ ἔστιν ὅτε χρήσιμον.
그리고 거짓 탈영병 역시 때로는 유용하다.
§4.8οὐ μέντοι τοῖς γε κατασκόποις δεῖ ποτε πιστεύοντα φυλακῆς ἀμελεῖν, ἀλλʼ ἀεὶ οὕτως κατεσκευάσθαι χρή, ὥσπερ ἢν ἥξοντες εἰσηγγελμένοι ὦσιν οἱ πολέμιοι.
그렇다고 정찰원들을 신용하여 경계를 소홀히 해서는 결코 안 되며, 적이 들이닥칠 것이라고 보고된 것처럼 언제나 대비하고 있어야 한다.
καὶ γὰρ ἢν πάνυ πιστοὶ ὦσιν οἱ κατάσκοποι, χαλεπὸν ἐν καιρῷ ἀπαγγέλλειν·
정찰원들이 매우 신용할 만하더라도 제때 보고하는 것은 어렵기 때문이다.
πολλὰ γὰρ ἐν πολέμῳ τὰ ἐμπόδια συμπίπτει.
전쟁 중에는 많은 장애가 예기치 않게 발생하는 법이다.
§4.9τάς γε μὴν ἐξαγωγὰς τοῦ ἱππικοῦ ἧττον ἂν οἱ πολέμιοι αἰσθάνοιντο, εἰ ἀπὸ παραγγέλσεως γίγνοιντο μᾶλλον ἢ εἰ ὑπὸ κήρυκος ἢ εἰ ἀπὸ προγραφῆς.
더욱이 기병대의 출동은 전령에 의하거나 공고에 의하기보다 명령 전달에 의해 행해진다면 적들이 알아차리기 훨씬 어려울 것이다.
ἀγαθὸν οὖν καὶ πρὸς τὸ διὰ παραγγέλσεως ἐξάγειν τὸ δεκαδάρχους καθιστάναι, καὶ ἐπὶ τοῖς δεκαδάρχοις πεμπαδάρχους, ἵνα ὡς ἐλαχίστοις ἕκαστος παραγγέλλῃ·
그러므로 명령 전달을 통해 출동시키기 위해 십인대장들을 임명하고, 십인대장들 밑에 오인대장들을 두는 것이 유익하다. 이는 각자가 가능한 한 적은 인원에게 명령을 전달하기 위함이다.