§6.1ἀνδρείας γε μὴν οὐκ ἀφανῆ τεκμήριά μοι δοκεῖ παρασχέσθαι ὑφιστάμενος μὲν ἀεὶ πολεμεῖν πρὸς τοὺς ἰσχυροτάτους τῶν ἐχθρῶν τῇ τε πόλει καὶ τῇ Ἑλλάδι, ἐν δὲ τοῖς πρὸς τούτους ἀγῶσι πρῶτον ἑαυτὸν τάττων.
용기에 대해서 말하자면, 그는 국가와 그리스 전체에 있어 가장 강력한 적들과 항상 맞서 싸울 것을 자처하고, 이들과의 전투에서 자신을 맨 앞에 배치함으로써, 명백한 증거를 보여주었다고 나에게 여겨진다.
§6.2ἔνθα γε μὴν ἠθέλησαν αὐτῷ οἱ πολέμιοι μάχην συνάψαι, οὐ φόβῳ τρεψάμενος νίκης ἔτυχεν, ἀλλὰ μάχῃ ἀντιτύπῳ κρατήσας τρόπαιον ἐστήσατο, ἀθάνατα μὲν τῆς ἑαυτοῦ ἀρετῆς μνημεῖα καταλιπών, σαφῆ δὲ καὶ αὐτὸς σημεῖα ἀπενεγκάμενος τοῦ θυμῷ μάχεσθαι·
참으로 적들이 그와 전투를 벌이고자 했던 곳에서는, 두려움으로 적들을 패주시킴으로써 승리를 얻은 것이 아니라, 격렬히 맞붙는 전투에서 승리하여 전승비를 세웠으니, 자신의 덕에 대한 불멸의 기념비들을 남기는 한편, 자기 자신도 격렬히 싸웠다는 명백한 흔적을 가지고 돌아왔다.
ὥστʼ οὐκ ἀκούοντας ἀλλʼ ὁρῶντας ἐξῆν αὐτοῦ τὴν ψυχὴν δοκιμάζειν.
그리하여 듣는 이들이 아니라 직접 눈으로 보는 이들이 그의 기상을 시험해 볼 수 있었다.
§6.3τρόπαια μὴν Ἀγησιλάου οὐχ ὅσα ἐστήσατο ἀλλʼ ὅσα ἐστρατεύσατο δίκαιον νομίζειν.
참으로 아게실라오스의 전승비는 그가 세운 것들뿐만 아니라 그가 원정을 수행한 횟수만큼 있다고 생각하는 것이 공당하다.
μεῖον μὲν γὰρ οὐδὲν ἐκράτει ὅτε οὐκ ἤθελον αὐτῷ οἱ πολέμιοι μάχεσθαι, ἀκινδυνότερον δὲ καὶ συμφορώτερον τῇ τε πόλει καὶ τοῖς συμμάχοις·
적들이 그와 싸우기를 원치 않았을 때도 그의 승리는 결코 덜하지 않았으며, 그것이 국가와 동맹국들 모두에게 더 안전하고 유익했기 때문이다.
καὶ ἐν τοῖς ἀγῶσι δὲ οὐδὲν ἧττον τοὺς ἀκονιτὶ ἢ τοὺς διὰ μάχης νικῶντας στεφανοῦσι.
경기에서도 피땀 흘리지 않고 이긴 자들에게 전투를 통해 이긴 자들 못지않게 면류관을 씌워주는 법이다.
§6.4τήν γε μὴν σοφίαν αὐτοῦ ποῖαι τῶν ἐκείνου πράξεων οὐκ ἐπιδεικνύουσιν;
그의 지혜에 대해서는 그의 어떤 행동이 그것을 보여주지 않겠는가?
ὃς τῇ μὲν πατρίδι οὕτως ἐχρῆτο ὥστε μάλιστα πειθόμενος τοῖς δʼ ἑταίροις πρόθυμος ὢν ἀπροφασίστους τοὺς φίλους ἐκέκτητο· τοὺς δέ γε στρατιώτας ἅμα πειθομένους καὶ φιλοῦντας αὐτὸν παρεῖχε.
그는 조국에 대해서는 지극히 순종적으로 대하였고, 동료들에게는 헌신적임으로써 아낌없이 돕는 친구들을 얻었으며, 군사들은 자신에게 순종하는 동시에 자신을 사랑하게 만들었다.
καίτοι πῶς ἂν ἰσχυροτέρα γένοιτο φάλαγξ ἢ διὰ τὸ μὲν πείθεσθαι εὔτακτος οὖσα, διὰ δὲ τὸ φιλεῖν τὸν ἄρχοντα πιστῶς παροῦσα;
참으로, 순종함으로 기율이 잡히고, 지휘관을 사랑함으로 충성스럽게 따르는 방진보다 더 강력한 군대가 어찌 존재할 수 있겠는가?
§6.5τούς γε μὴν πολεμίους εἶχε ψέγειν μὲν οὐ δυναμένους, μισεῖν δὲ ἀναγκαζομένους.
한편 적들에 대해서는 그들이 자신을 비난할 수는 없어도 미워할 수밖에 없게 만들었다.
τοὺς γὰρ συμμάχους ἀεὶ πλέον ἔχειν αὐτῶν ἐμηχανᾶτο, ἐξαπατῶν μὲν ὅπου καιρὸς εἴη, φθάνων δὲ ὅπου τάχους δέοι, λήθων δὲ ὅπου τοῦτο συμφέροι, πάντα δὲ τἀναντία πρὸς τοὺς πολεμίους ἢ πρὸς τοὺς φίλους ἐπιτηδεύων.
그는 동맹국들이 언제나 적들보다 더 많은 이익을 얻도록 꾀하였으니, 기회가 있을 때는 속이고, 신속함이 필요할 때는 앞서가며, 은밀함이 유리할 때는 알아채지 못하게 하는 등, 친구들에게 행하는 것과 온전히 반대되는 모든 일을 적들에게 행했기 때문이다.
§6.6καὶ γὰρ νυκτὶ μὲν ὅσαπερ ἡμέρᾳ ἐχρῆτο, ἡμέρᾳ δὲ ὅσαπερ νυκτί, πολλάκις ἄδηλος γιγνόμενος ὅπου τε εἴη καὶ ὅποι ἴοι καὶ ὅ τι ποιήσοι.
실로 그는 밤을 낮처럼 쓰고 낮을 밤처럼 쓰며, 자신이 어디에 있는지, 어디로 가는지, 무엇을 할 것인지를 자주 알 수 없게 만들었다.
ὥστε καὶ τὰ ἐχυρὰ ἀνώχυρα τοῖς ἐχθροῖς καθίστη, τὰ μὲν παριών, τὰ δὲ ὑπερβαίνων, τὰ δὲ κλέπτων.
그리하여 적들의 견고한 요새조차 무방비하게 만들었으니, 어떤 곳은 우회하고, 어떤 곳은 넘어갔으며, 어떤 곳은 몰래 탈취했다.
§6.7ὁπότε γε μὴν πορεύοιτο εἰδὼς ὅτι ἐξείη τοῖς πολεμίοις μάχεσθαι, εἰ βούλοιντο, συντεταγμένον μὲν οὕτως ἦγε τὸ στράτευμα ὡς ἂν ἐπικουρεῖν μάλιστα ἑαυτῷ δύναιτο, ἡσύχως δʼ ὥσπερ ἂν παρθένος ἡ σωφρονεστάτη προβαίνοι, νομίζων ἐν τῷ τοιούτῳ τὸ ἀτρεμὲς καὶ ἀνεκπληκτότατον καὶ ἀθορυβητότατον καὶ ἀναμαρτητότατον καὶ δυσεπιβουλευτότατον εἶναι.
또한 적들이 원하기만 하면 싸울 수 있다는 것을 알면서 행군할 때에는, 군대를 서로 가장 잘 도울 수 있도록 정렬시켜 인도하는 한편, 가장 정숙한 처녀가 나아가는 것처럼 고요히 전진했으니, 그러한 상태에 흔들림이 없고, 가장 동요가 적으며, 가장 소란스럽지 않고, 가장 실수가 없으며, 가장 계책에 빠지기 어렵다는 점이 있다고 생각했기 때문이다.
§6.8τοιγαροῦν τοιαῦτα ποιῶν τοῖς μὲν πολεμίοις δεινὸς ἦν, τοῖς δὲ φίλοις θάρρος καὶ ῥώμην ἐνεποίει.
그리하여 이러한 행함으로 그는 적들에게는 두려운 존재였고, 친구들에게는 용기와 힘을 불어넣어 주었다.
ὥστε ἀκαταφρόνητος μὲν ὑπὸ τῶν ἐχθρῶν διετέλεσεν, ἀζήμιος δʼ ὑπὸ τῶν πολιτῶν, ἄμεμπτος δʼ ὑπὸ τῶν φίλων, πολυεραστότατος δὲ καὶ πολυεπαινετώτατος ὑπὸ πάντων ἀνθρώπων.
따라서 그는 적들에게 끝내 얕보이지 않았고, 시민들에게 해를 입지 않았으며, 친구들에게 비난받지 않았고, 모든 사람들로부터 가장 큰 사랑을 받고 가장 큰 찬사를 받는 자로 남았다.