§1.31ἔνθα δὴ ὁ Ἀγησίλαος γιγνώσκων ὅτι τοῖς μὲν πολεμίοις οὔπω παρείη τὸ πεζόν, αὐτῷ δὲ οὐδὲν ἀπείη τῶν παρεσκευασμένων, καιρὸν ἡγήσατο μάχην συνάψαι, εἰ δύναιτο.
그때 아게실라오는 적에게는 아직 보병이 도착하지 않았고, 자신에게는 준비된 모든 군세 중 빠진 것이 없음을 알고, 가능하다면 전투를 벌일 기회라고 여겼다.
σφαγιασάμενος οὖν τὴν μὲν φάλαγγα εὐθὺς ἦγεν ἐπὶ τοὺς ἀντιτεταγμένους ἱππέας, ἐκ δὲ τῶν ὁπλιτῶν ἐκέλευσε τὰ δέκα ἀφʼ ἥβης θεῖν ὁμόσε αὐτοῖς, τοῖς δὲ πελτασταῖς εἶπε δρόμῳ ὑφηγεῖσθαι·
그리하여 그는 희생 제사를 바친 후, 즉시 팔랑크스를 대치하고 있는 기병들에게로 이끌었고, 중장보병 중 복무 연령에서 10년 이내의 자들에게 그들에게 맞서 달려가라고 명령했으며, 펠타스타이들에게는 달음박질치며 앞장서라고 말했다.
παρήγγειλε δὲ καὶ τοῖς ἱππεῦσιν ἐμβάλλειν, ὡς αὐτοῦ τε καὶ παντὸς τοῦ στρατεύματος ἑπομένου.
또한 기병들에게도 자신과 전군이 뒤따르고 있다는 전제 하에 돌격하라고 명령했다.
§1.32τοὺς μὲν δὴ ἱππέας ἐδέξαντο οἱ ἀγαθοὶ τῶν Περσῶν· ἐπειδὴ δὲ ἅμα πάντα τὰ δεινὰ παρῆν ἐπʼ αὐτούς, ἐνέκλιναν, καὶ οἱ μὲν αὐτῶν εὐθὺς ἐν τῷ ποταμῷ ἔπεσον, οἱ δὲ ἄλλοι ἔφευγον.
페르시아인들 중 용맹한 자들은 참으로 기병들을 맞아 싸웠으나, 모든 두려운 위협이 동시에 그들에게 닥치자 그들은 퇴각하였고, 그들 중 일부는 즉시 강에 빠졌으며 다른 이들은 도망쳤다.
οἱ δὲ Ἕλληνες ἑπόμενοι αἱροῦσι καὶ τὸ στρατόπεδον αὐτῶν.
그리스인들은 뒤쫓아가 그들의 진영까지 점령했다.
καὶ οἱ μὲν πελτασταὶ ὥσπερ εἰκὸς ἐφʼ ἁρπαγὴν ἐτρέποντο· ὁ δὲ Ἀγησίλαος ἔχων κύκλῳ πάντα καὶ φίλια καὶ πολέμια περιεστρατοπεδεύσατο.
펠타스타이들은 당연히 약탈로 돌아섰으나, 아게실라오는 아군과 적군의 모든 것을 자기 주변에 장악한 채 진영을 쳤다.
§1.33ὡς δʼ ἤκουσε τοὺς πολεμίους ταράττεσθαι διὰ τὸ αἰτιᾶσθαι ἀλλήλους τοῦ γεγενημένου, εὐθὺς ἦγεν ἐπὶ Σάρδεις.
그는 적들이 일어난 일에 대해 서로를 탓하며 혼란에 빠졌다는 말을 듣자마자 즉시 사르디스로 진격했다.
κἀκεῖ ἅμα μὲν ἔκαιε καὶ ἐπόρθει τὰ περὶ τὸ ἄστυ, ἅμα δὲ καὶ κηρύγματι ἐδήλου τοὺς μὲν ἐλευθερίας δεομένους ὡς πρὸς σύμμαχον αὐτὸν παρεῖναι·
그리고 그곳에서 도시 주변 지역을 불태우고 약탈하는 한편, 전령을 통해 다음과 같이 공표했다.
εἰ δέ τινες τὴν Ἀσίαν ἑαυτῶν ποιοῦνται, πρὸς τοὺς ἐλευθεροῦντας διακρινουμένους ἐν ὅπλοις παρεῖναι.
자유를 원하는 자들은 동맹군으로서 자신에게 나아오고, 만약 아시아를 자신들의 소유로 삼으려는 자가 있다면, 자유를 주는 자들과 무기를 들고 결판을 내기 위해 맞서 나아오라고.
§1.34ἐπεὶ μέντοι οὐδεὶς ἀντεξῄει, ἀδεῶς δὴ τὸ ἀπὸ τούτου ἐστρατεύετο, τοὺς μὲν πρόσθεν προσκυνεῖν Ἕλληνας ἀναγκαζομένους ὁρῶν τιμωμένους ὑφʼ ὧν ὑβρίζοντο, τοὺς δὲ ἀξιοῦντας καὶ τὰς τῶν θεῶν τιμὰς καρποῦσθαι, τούτους ποιήσας μηδʼ ἀντιβλέπειν τοῖς Ἕλλησι δύνασθαι, καὶ τὴν μὲν τῶν φίλων χώραν ἀδῄωτον παρέχων, τὴν δὲ τῶν πολεμίων οὕτω καρπούμενος ὥστε ἐν δυοῖν ἐτοῖν πλέον τῶν ἑκατὸν ταλάντων τῷ θεῷ ἐν Δελφοῖς δεκάτην ἀποθῦσαι.
그러나 아무도 맞서 나오지 않았기에, 그는 그때부터 두려움 없이 정벌을 진행했다. 이전에는 굴복할 것을 강요당하던 그리스인들이 자신들을 모욕하던 자들에게 존중받는 것을 보았고, 신들의 영예마저 차지하려던 자들이 그리스인들을 똑바로 쳐다보지도 못하게 만들었으며, 우방의 영토는 황폐해지지 않게 지키면서 적의 영토에서는 풍성한 전리품을 거두어, 2년 동안 100달란트가 넘는 십분의 일을 델포이의 신에게 제물로 바칠 수 있었다.
§1.35ὁ μέντοι Περσῶν βασιλεύς, νομίσας Τισσαφέρνην αἴτιον εἶναι τοῦ κακῶς φέρεσθαι τὰ ἑαυτοῦ, Τιθραύστην καταπέμψας ἀπέτεμεν αὐτοῦ τὴν κεφαλήν.
그러나 페르시아 왕은 티사페르네스가 자신의 일이 잘못되어 가는 원인이라 생각하여, 티트라우스테스를 보내 그의 목을 베었다.
μετὰ δὲ τοῦτο τὰ μὲν τῶν βαρβάρων ἔτι ἀθυμότερα ἐγένετο, τὰ δὲ Ἀγησιλάου πολὺ ἐρρωμενέστερα.
이 일 이후에 야만인들의 기세는 더욱 꺾였고, 아게실라오스의 군세는 훨씬 더 강해졌다.
ἀπὸ πάντων γὰρ τῶν ἐθνῶν ἐπρεσβεύοντο περὶ φιλίας, πολλοὶ δὲ καὶ ἀφίσταντο πρὸς αὐτόν, ὀρεγόμενοι τῆς ἐλευθερίας, ὥστε οὐκέτι Ἑλλήνων μόνον ἀλλὰ καὶ βαρβάρων πολλῶν ἡγεμὼν ἦν ὁ Ἀγησίλαος.
모든 민족들로부터 우호를 구하는 사절단이 파견되었고, 많은 이들이 자유를 갈망하여 그에게로 전향했기에, 아게실라오는 더 이상 그리스인들만의 지도자가 아니라 많은 야만인들의 지도자이기도 했다.
§1.36ἄξιόν γε μὴν καὶ ἐντεῦθεν ὑπερβαλλόντως ἄγασθαι αὐτοῦ, ὅστις ἄρχων μὲν παμπόλλων ἐν τῇ ἠπείρῳ πόλεων, ἄρχων δὲ καὶ νήσων, ἐπεὶ καὶ τὸ ναυτικὸν προσῆψεν αὐτῷ ἡ πόλις, αὐξανόμενος δὲ καὶ εὐκλείᾳ καὶ δυνάμει, παρὸν δʼ αὐτῷ πολλοῖς καὶ ἀγαθοῖς χρῆσθαι ὅ τι ἐβούλετο, πρὸς δὲ τούτοις τὸ μέγιστον, ἐπινοῶν καὶ ἐλπίζων καταλύσειν τὴν ἐπὶ τὴν Ἑλλάδα στρατεύσασαν πρότερον ἀρχήν, ὅμως ὑπʼ οὐδενὸς τούτων ἐκρατήθη, ἀλλʼ ἐπειδὴ ἦλθεν αὐτῷ ἀπὸ τῶν οἴκοι τελῶν βοηθεῖν τῇ πατρίδι, ἐπείθετο τῇ πόλει οὐδὲν διαφερόντως ἢ εἰ ἐν τῷ ἐφορείῳ ἔτυχεν ἑστηκὼς μόνος παρὰ τοὺς πέντε, μάλα ἔνδηλον ποιῶν ὡς οὔτε ἂν πᾶσαν τὴν γῆν δέξαιτο ἀντὶ τῆς πατρίδος οὔτε τοὺς ἐπικτήτους ἀντὶ τῶν ἀρχαίων φίλων οὔτε αἰσχρὰ καὶ ἀκίνδυνα κέρδη μᾶλλον ἢ μετὰ κινδύνων τὰ καλὰ καὶ δίκαια.
참으로 이 점에서도 그를 지극히 찬탄하는 것이 마땅하다. 그는 대륙의 수많은 도시를 지배하고 섬들까지 지배하였으며(본국이 해군 지휘권마저 그에게 맡겼기 때문이다), 명성과 권력 모두에서 성장하고 있었고, 원한다면 많은 훌륭한 이점들을 마음대로 쓸 수 있었음에도 불구하고, 게다가 가장 중요한 것으로서 이전에 그리스를 침공했던 제국을 멸망시키겠다는 계획과 희망을 품고 있었음에도, 이 중 어느 것에도 굴복하지 않았다. 오히려 본국의 집정관들로부터 조국을 도우러 오라는 명령이 도착하자, 마치 자신이 에포로스 집무실에 다섯 명의 에포로스 앞에 홀로 서 있는 평시민인 것처럼 조금도 다름없이 국가에 순종하였다. 이로써 조국 대신 전 세계를 받아들이지도, 오래된 친구 대신 새로 얻은 친구를 취하지도, 위험이 따르는 아름답고 정의로운 일 대신 부끄럽고 안전한 이득을 택하지도 않을 것임을 극히 분명히 보여주었다.
§1.37ὅσον γε μὴν χρόνον ἐπὶ τῇ ἀρχῇ ἔμεινε πῶς οὐκ ἀξιεπαίνου βασιλέως καὶ τοῦτʼ ἔργον ἐπεδείξατο, ὅστις παραλαβὼν πάσας πόλεις ἐφʼ ἃς ἄρξων ἐξέπλευσε στασιαζούσας διὰ τὸ τὰς πολιτείας κινηθῆναι, ἐπεὶ Ἀθηναῖοι τῆς ἀρχῆς ἔληξαν, ἐποίησεν ὥστʼ ἄνευ φυγῆς καὶ θανάτων ἕως αὐτὸς παρῆν ὁμονόως πολιτευομένας καὶ εὐδαίμονας τὰς πόλεις διατελέσαι;
지휘권을 유지하는 동안 그가 칭송받을 만한 왕으로서 이 업적 역시 보여주지 않았다고 어찌 말할 수 있겠는가? 그는 아테네인들의 지배가 끝난 후 정체가 흔들려 내분에 빠져 있던, 자신이 지배하러 항해해 갔던 모든 도시들을 물려받았으나, 자신이 직접 머무는 동안 추방이나 사형 없이 그 도시들이 화합하여 정치를 행하고 번영을 누리게 만들었던 것이다.
§1.38τοιγαροῦν οἱ ἐν τῇ Ἀσίᾳ Ἕλληνες οὐχ ὡς ἄρχοντος μόνον ἀλλὰ καὶ ὡς πατρὸς καὶ ἑταίρου ἀπιόντος αὐτοῦ ἐλυποῦντο.
그리하여 아시아의 그리스인들은 그가 떠나는 것을 단순한 지배자가 아니라 아버지이자 동반자가 떠나는 것처럼 슬퍼했다.
καὶ τέλος ἐδήλωσαν ὅτι οὐ πλαστὴν τὴν φιλίαν παρείχοντο.
그리고 마지막에 자신들이 보낸 우정이 거짓이 아니었음을 증명했다.
ἐθελούσιοι γοῦν αὐτῷ συνεβοήθησαν τῇ Λακεδαίμονι, καὶ ταῦτα εἰδότες ὅτι οὐ χείροσιν ἑαυτῶν δεήσοι μάχεσθαι.
그들은 자신들이 자신들보다 못하지 않은 적들과 싸워야 한다는 것을 알면서도 자발적으로 그를 돕기 위해 라케다이몬으로 함께 나아갔다.
τῶν μὲν δὴ ἐν τῇ Ἀσίᾳ πράξεων τοῦτο τέλος ἐγένετο.
아시아에서의 그의 행적은 이처럼 결말을 맺었다.