§1.12ἐμοὶ οὖν τοῦτο πρῶτον καλὸν δοκεῖ διαπράξασθαι, ὅτι Τισσαφέρνην μὲν ἐμφανίσας ἐπίορκον ἄπιστον πᾶσιν ἐποίησεν, ἑαυτὸν δʼ ἀντεπιδείξας πρῶτον μὲν ὅρκους ἐμπεδοῦντα, ἔπειτα συνθήκας μὴ ψευδόμενον, πάντας ἐποίησε καὶ Ἕλληνας καὶ βαρβάρους θαρροῦντας συντίθεσθαι ἑαυτῷ, εἴ τι βούλοιτο.
그러므로 나에게는 이것이 그가 완수한 첫 번째 훌륭한 일로 여겨진다. 즉, 티사페르네스가 맹세를 어긴 자임을 폭로하여 그를 모든 사람에게 신용할 수 없는 자로 만든 반면, 자신은 첫째로 맹세를 굳건히 지키고 둘째로 협정을 속이지 않는 사람임을 보여줌으로써, 그리스인이든 야만인이든 모든 사람이 그가 원하기만 한다면 안심하고 자신과 협정을 맺도록 만든 일이다.
§1.13ἐπεὶ δὲ μέγα φρονήσας ὁ Τισσαφέρνης ἐπὶ τῷ καταβάντι στρατεύματι προεῖπεν Ἀγησιλάῳ πόλεμον, εἰ μὴ ἀπίοι ἐκ τῆς Ἀσίας, οἱ μὲν ἄλλοι σύμμαχοι καὶ Λακεδαιμονίων οἱ παρόντες μάλα ἀχθεσθέντες φανεροὶ ἐγένοντο, νομίζοντες μείονα τὴν παροῦσαν δύναμιν Ἀγησιλάῳ τῆς βασιλέως παρασκευῆς εἶναι·
그러나 티사페르네스가 내려온 군대를 믿고 기고만장해져서, 아시아에서 떠나지 않으면 전쟁을 선포하겠다고 아게실라오스에게 경고했을 때, 다른 동맹국 사람들과 그 자리에 있던 라케다이몬인들은 아게실라오스의 현재 군사력이 왕의 군비보다 열세라고 생각하여 크게 낙담한 기색이 역력했다.
Ἀγησίλαος δὲ μάλα φαιδρῷ τῷ προσώπῳ ἀπαγγεῖλαι τῷ Τισσαφέρνει τοὺς πρέσβεις ἐκέλευσεν ὡς πολλὴν χάριν αὐτῷ ἔχοι ὅτι ἐπιορκήσας αὐτὸς μὲν πολεμίους τοὺς θεοὺς ἐκτήσατο, τοῖς δʼ Ἕλλησι συμμάχους ἐποίησεν.
반면 아게실라오스는 매우 밝은 표정으로 사절들에게 티사페르네스에게 다음과 같이 전하라고 명령했다. 즉, 그가 맹세를 어김으로써 스스로는 신들을 적으로 만든 반면 그리스인들에게는 신들을 동맹군으로 만들어 주었으니, 자신은 그에게 깊은 감사를 느끼고 있다고 말이다.
§1.14ἐκ δὲ τούτου εὐθὺς τοῖς μὲν στρατιώταις παρήγγειλε συσκευάζεσθαι ὡς εἰς στρατείαν·
이 일이 있은 직후, 그는 즉시 병사들에게 원정을 준비하며 짐을 꾸리라고 명령했다.
ταῖς δὲ πόλεσιν εἰς ἃς ἀνάγκη ἦν ἀφικνεῖσθαι στρατευομένῳ ἐπὶ Καρίαν προεῖπεν ἀγορὰν παρασκευάζειν.
그리고 카리아로 진군할 때 반드시 거쳐 가야 하는 도시들에는 시장을 마련해 두라고 미리 지시했다.
ἐπέστειλε δὲ καὶ Ἴωσι καὶ Αἰολεῦσι καὶ Ἑλλησποντίοις πέμπειν πρὸς αὑτὸν εἰς Ἔφεσον τοὺς συστρατευσομένους.
또한 이오니아인, 아이올리스인, 헬레스폰토스인들에게도 함께 원정할 군대를 에페소스에 있는 자신에게 보내라고 서신을 보냈다.
§1.15ὁ μὲν οὖν Τισσαφέρνης, καὶ ὅτι ἱππικὸν οὐκ εἶχεν ὁ Ἀγησίλαος, ἡ δὲ Καρία ἄφιππος ἦν, καὶ ὅτι ἡγεῖτο αὐτὸν ὀργίζεσθαι αὐτῷ διὰ τὴν ἀπάτην, τῷ ὄντι νομίσας ἐπὶ τὸν αὐτοῦ οἶκον εἰς Καρίαν ὁρμήσειν αὐτόν, τὸ μὲν πεζὸν ἅπαν διεβίβασεν ἐκεῖσε, τὸ δὲ ἱππικὸν εἰς τὸ Μαιάνδρου πεδίον περιήγαγε, νομίζων ἱκανὸς εἶναι καταπατῆσαι τῇ ἵππῳ τοὺς Ἕλληνας πρὶν εἰς τὰ δύσιππα ἀφικέσθαι.
그리하여 티사페르네스는 아게실라오스에게 기병이 없고 카리아는 기병이 활동하기에 적합하지 않은 지형이라는 점, 그리고 아게실라오스가 속임수 때문에 자신에게 분노하고 있다고 생각한 점 때문에, 실제로 그가 자신의 영지가 있는 카리아로 진격할 것이라고 믿고, 보병 전체를 그곳으로 이동시켰으며 기병은 마이안드로스 평원으로 우회시켰다. 그리스인들이 기병이 다니기 힘든 곳에 도달하기 전에 기병으로 그들을 짓밟아 버릴 수 있다고 생각했기 때문이다.
§1.16ὁ δὲ Ἀγησίλαος ἀντὶ τοῦ ἐπὶ Καρίαν ἰέναι εὐθὺς ἀντιστρέψας ἐπὶ Φρυγίας ἐπορεύετο·
그러나 아게실라오스는 카리아로 가는 대신 즉시 방향을 돌려 프리기아로 진군했다.
καὶ τάς τε ἐν τῇ πορείᾳ ἀπαντώσας δυνάμεις ἀναλαμβάνων ἦγε καὶ τὰς πόλεις κατεστρέφετο καὶ ἐμβαλὼν ἀπροσδοκήτως παμπληθῆ χρήματα ἔλαβε.
그리고 행군 중에 합류한 부대들을 거두어 이끌었고, 도시들을 복속시켰으며, 예기치 않게 침공하여 엄청난 재물을 손에 넣었다.
§1.17στρατηγικὸν οὖν καὶ τοῦτο ἐδόκει διαπράξασθαι, ὅτι ἐπεὶ πόλεμος προερρήθη καὶ τὸ ἐξαπατᾶν ὅσιόν τε καὶ δίκαιον ἐξ ἐκείνου ἐγένετο, παῖδα ἀπέδειξε τὸν Τισσαφέρνην τῇ ἀπάτῃ, φρονίμως δὲ καὶ τοὺς φίλους ἐνταῦθα ἔδοξε πλουτίσαι·
그리하여 이 또한 그가 장수로서 이룩한 훌륭한 일로 여겨졌다. 즉, 전쟁이 선포되어 그때부터 기만하는 행위가 경건하고 정의로운 일이 되었을 때, 그는 기만술을 통해 티사페르네스를 어린아이처럼 보이게 만들었고, 또한 이 기회에 현명하게도 자신의 친구들을 부유하게 만든 것으로 여겨졌기 때문이다.
§1.18ἐπεὶ γὰρ διὰ τὸ πολλὰ χρήματα εἰλῆφθαι ἀντίπροικα τὰ πάντα ἐπωλεῖτο, τοῖς μὲν φίλοις προεῖπεν ὠνεῖσθαι, εἰπὼν ὅτι καταβήσοιτο ἐπὶ θάλατταν ἐν τάχει τὸ στράτευμα κατάγων·
왜냐하면 엄청난 전리품이 포획되어 모든 물건이 거저나 다름없는 헐값에 팔리고 있을 때, 그는 군대를 이끌고 조만간 바다로 내려갈 것이라고 말하며 친구들에게 그것들을 사두라고 미리 일러두었기 때문이다.
τοὺς δὲ λαφυροπώλας ἐκέλευσε γραφομένους ὁπόσου τι πρίαιντο προΐεσθαι τὰ χρήματα.
그리고 전리품 판매원들에게는 그들이 얼마에 사들이는지를 기록한 뒤 물건을 먼저 넘겨주라고 명령했다.
ὥστε οὐδὲν προτελέσαντες οἱ φίλοι αὐτοῦ οὐδὲ τὸ δημόσιον βλάψαντες πάντες παμπληθῆ χρήματα ἔλαβον.
그 결과 그의 친구들은 미리 한 푼도 지불하지 않고도, 또한 국고에 전혀 손해를 끼치지 않고도 모두가 막대한 재물을 얻을 수 있었다.
§1.19ἔτι δὲ ὁπότε αὐτόμολοι ὡς εἰκὸς πρὸς βασιλέα ἰόντα χρήματα ἐθέλοιεν ὑφηγεῖσθαι, καὶ ταῦτα ἐπεμέλετο ὡς διὰ τῶν φίλων ἁλίσκοιτο, ὅπως ἅμα μὲν χρηματίζοιντο, ἅμα δὲ ἐνδοξότεροι γίγνοιντο.
또한 투항병들이 으레 그러하듯 왕에게로 가고 있던 재물의 위치를 알려주려 할 때마다, 그는 그것 역시 자기 친구들을 통해 탈취되도록 배려했다. 이는 그들이 재물을 얻는 동시에 더 큰 명성을 얻도록 하기 위함이었다.
διὰ μὲν δὴ ταῦτα εὐθὺς πολλοὺς ἐραστὰς τῆς αὑτοῦ φιλίας ἐποιήσατο.
참으로 이러한 일들을 통해 그는 즉시 자신과의 우정을 열망하는 많은 이들을 얻게 되었다.
§1.20γιγνώσκων δʼ ὅτι ἡ μὲν πορθουμένη καὶ ἐρημουμένη χώρα οὐκ ἂν δύναιτο πολὺν χρόνον στράτευμα φέρειν, ἡ δʼ οἰκουμένη μὲν σπειρομένη δὲ ἀέναον ἂν τὴν τροφὴν παρέχοι, ἐπεμέλετο οὐ μόνον τοῦ βίᾳ χειροῦσθαι τοὺς ἐναντίους, ἀλλὰ καὶ τοῦ πρᾳότητι προσάγεσθαι.
약탈당하고 황폐해진 땅은 오랜 기간 군대를 부양할 수 없지만, 사람들이 살고 씨가 뿌려진 땅은 끊임없이 식량을 제공할 것임을 알고 있었기에, 그는 적들을 무력으로 굴복시키는 것뿐만 아니라 온화함으로 포섭하는 것에도 신경을 썼다.
§1.21καὶ πολλάκις μὲν προηγόρευε τοῖς στρατιώταις τοὺς ἁλισκομένους μὴ ὡς ἀδίκους τιμωρεῖσθαι, ἀλλʼ ὡς ἀνθρώπους ὄντας φυλάττειν, πολλάκις δὲ ὁπότε μεταστρατοπεδεύοιτο, εἰ αἴσθοιτο καταλελειμμένα παιδάρια μικρὰ ἐμπόρων, ἃ πολλοὶ ἐπώλουν διὰ τὸ νομίζειν μὴ δύνασθαι ἂν φέρειν αὐτὰ καὶ τρέφειν, ἐπεμέλετο καὶ τούτων ὅπως συγκομίζοιντό ποι.
그리고 그는 자주 병사들에게 사로잡힌 자들을 범죄자로 처벌하지 말고 인간으로서 보호하라고 포고했으며, 진영을 옮길 때마다 상인들의 어린아이들이 버려진 것을 발견하면(이 아이들은 데리고 다니며 키울 수 없다고 생각한 많은 이들에 의해 팔리곤 했던 자들이었다), 이 아이들 역시 어딘가로 안전하게 거두어지도록 보살폈다.
§1.22τοῖς δʼ αὖ διὰ γῆρας καταλειπομένοις αἰχμαλώτοις προσέταττεν ἐπιμελεῖσθαι αὐτῶν, ὡς μήτε ὑπὸ κυνῶν μήθʼ ὑπὸ λύκων διαφθείροιντο.
또한 고령으로 인해 버려진 포로들에 대해서도, 그들이 개나 늑대에게 물려 죽지 않도록 돌보아 줄 것을 명령했다.
ὥστε οὐ μόνον οἱ πυνθανόμενοι ταῦτα, ἀλλὰ καὶ αὐτοὶ οἱ ἁλισκόμενοι εὐμενεῖς αὐτῷ ἐγίγνοντο.
그 결과 이 소식을 들은 이들뿐만 아니라 사로잡힌 당사자들까지도 그에게 호의를 품게 되었다.
ὁπόσας δὲ πόλεις προσαγάγοιτο, ἀφαιρῶν αὐτῶν ὅσα δοῦλοι δεσπόταις ὑπηρετοῦσι προσέταττεν ὅσα ἐλεύθεροι ἄρχουσι πείθονται·
그리고 그가 귀순시킨 도시가 어디든 간에, 노예가 주인에게 복종하는 식의 굴욕적인 의무를 면제해 주고, 자유민이 통치자에게 복종하는 만큼의 의무만을 부과했다.
καὶ τῶν κατὰ κράτος ἀναλώτων τειχέων τῇ φιλανθρωπίᾳ ὑπὸ χεῖρα ἐποιεῖτο.
그리하여 그는 무력으로는 함락할 수 없던 성벽을 지닌 도시들조차 자신의 인도주의적 온화함으로 굴복시켰다.