§9.69.1οἳ μὲν δὴ νικῶντες εἵποντο τοὺς Ξέρξεω διώκοντές τε καὶ φονεύοντες.
한편, 승리를 거두고 있던 그리스인들은 크세르크세스의 군대를 추격하고 살육하며 그 뒤를 쫓았다.
ἐν δὲ τούτῳ τῷ γινομένῳ φόβῳ ἀγγέλλεται τοῖσι ἄλλοισι Ἕλλησι τοῖσι τεταγμένοισι περὶ τὸ Ἥραιον καὶ ἀπογενομένοισι τῆς μάχης, ὅτι μάχη τε γέγονε καὶ νικῷεν οἱ μετὰ Παυσανίεω·
이러한 패주가 벌어지고 있는 와중에, 헤라 신전 주변에 배치되어 전투에 참여하지 않았던 다른 그리스인들에게 전투가 일어났고 파우사니아스가 이끄는 자들이 승리하고 있다는 소식이 전해졌다.
οἳ δὲ ἀκούσαντες ταῦτα, οὐδένα κόσμον ταχθέντες, οἱ μὲν ἀμφὶ Κορινθίους ἐτράποντο διὰ τῆς ὑπωρέης καὶ τῶν κολωνῶν τὴν φέρουσαν ἄνω ἰθὺ τοῦ ἱροῦ τῆς Δήμητρος, οἱ δὲ ἀμφὶ Μεγαρέας τε καὶ Φλειασίους διὰ τοῦ πεδίου τὴν λειοτάτην τῶν ὁδῶν.
이 소식을 들은 그들은 전혀 대열을 정비하지 않은 채, 코린토스인들을 중심으로 한 무리는 산기슭과 언덕을 거쳐 데메테르 신전으로 곧장 올라가는 길을 택했고, 메가라인들과 플리아시온인들을 중심으로 한 무리는 평원을 가로지르는 가장 평탄한 길로 향했다.
§9.69.2ἐπείτε δὲ ἀγχοῦ τῶν πολεμίων ἐγίνοντο οἱ Μεγαρέες καὶ Φλειάσιοι, ἀπιδόντες σφέας οἱ τῶν Θηβαίων ἱππόται ἐπειγομένους οὐδένα κόσμον ἤλαυνον ἐπʼ αὐτοὺς τοὺς ἵππους, τῶν ἱππάρχεε Ἀσωπόδωρος ὁ Τιμάνδρου, ἐσπεσόντες δὲ κατεστόρεσαν αὐτῶν ἑξακοσίους, τοὺς δὲ λοιποὺς κατήραξαν διώκοντες ἐς τὸν Κιθαιρῶνα.
그러나 메가라인들과 플리아시온인들이 적에게 가까이 이르렀을 때, 테바이의 기병들은 그들이 대열도 없이 서두르고 있는 것을 보고 그들을 향해 말을 몰아 돌격했다. 이 기병대를 이끌던 이는 티만드로스의 아들 아소포도로스였다. 그들은 습격하여 그들 중 육백 명을 쓰러뜨렸고, 남은 자들을 추격하여 키타이론산으로 몰아냈다.