§3.36.1ταῦτα δέ μιν ποιεῦντα ἐδικαίωσε Κροῖσος ὁ Λυδὸς νουθετῆσαι τοῖσιδε τοῖσι ἔπεσι.
캄비세스가 이런 일들을 저지르고 있는 것을 보고, 리디아인 크로이스소스는 다음과 같은 말로 그를 훈계하는 것이 옳다고 생각했다.
ὦ βασιλεῦ, μὴ πάντα ἡλικίῃ καὶ θυμῷ ἐπίτραπε, ἀλλʼ ἴσχε καὶ καταλάμβανε σεωυτόν·
"임금님이시여, 모든 것을 젊은 기운과 분노에만 맡겨두지 마시고, 스스로를 억제하고 다스리소서.
ἀγαθόν τι πρόνοον εἶναι, σοφὸν δὲ ἡ προμηθίη.
미리 깊이 생각하는 것은 좋은 일이며, 앞날을 대비하는 것이야말로 현명한 처사입니다.
σὺ δὲ κτείνεις μὲν ἄνδρας σεωυτοῦ πολιήτας ἐπʼ οὐδεμιῇ αἰτίῃ ἀξιοχρέῳ ἑλών, κτείνεις δὲ παῖδας.
그런데 임금님께서는 아무런 합당한 이유도 없이 임금님 자신의 시민인 자들을 붙잡아 죽이시고, 나아가 아이들까지 죽이고 계십니다.
§3.36.2ἢν δὲ πολλὰ τοιαῦτα ποιέῃς, ὅρα ὅκως μή σευ ἀποστήσονται Πέρσαι.
만일 이와 같은 일들을 여러 번 거듭하신다면, 페르시아인들이 임금님께 반역하지 않도록 주의하소서.
ἐμοὶ δὲ πατὴρ σὸς Κῦρος ἐνετέλλετο πολλὰ κελεύων σε νουθετέειν καὶ ὑποτίθεσθαι ὅ τι ἂν εὑρίσκω ἀγαθόν. ὃ μὲν δὴ εὐνοίην φαίνων συνεβούλευέ οἱ ταῦτα· ὃ δʼ ἀμείβετο τοῖσιδε.
저에게는 임금님의 부친이신 키루스께서 임금님을 훈계하고 제가 좋다고 생각하는 것은 무엇이든 제안하라고 여러 차례 강력히 명하셨습니다." 크로이스소스는 호의를 보이며 이처럼 그에게 조언했으나, 캄비세스는 다음과 같이 대답했다.
§3.36.3σὺ καὶ ἐμοὶ τολμᾷς συμβουλεύειν, ὃς χρηστῶς μὲν τὴν σεωυτοῦ πατρίδα ἐπετρόπευσας, εὖ δὲ τῷ πατρὶ τῷ ἐμῷ συνεβούλευσας, κελεύων αὐτὸν Ἀράξεα ποταμὸν διαβάντα ἰέναι ἐπὶ Μασσαγέτας, βουλομένων ἐκείνων διαβαίνειν ἐς τὴν ἡμετέρην, καὶ ἀπὸ μὲν σεωυτὸν ὤλεσας τῆς σεωυτοῦ πατρίδος κακῶς προστάς, ἀπὸ δὲ ὤλεσας Κῦρον πειθόμενον σοί, ἀλλʼ οὔτι χαίρων, ἐπεί τοι καὶ πάλαι ἐς σὲ προφάσιός τευ ἐδεόμην ἐπιλαβέσθαι. §3.36.4ταῦτα δὲ εἴπας ἐλάμβανε τὸ τόξον ὡς κατατοξεύσων αὐτόν, Κροῖσος δὲ ἀναδραμὼν ἔθεε ἔξω.
"네가 감히 나에게까지 조언하려 드느냐? 자신의 조국을 그토록 훌륭하게 다스렸고, 내 부친에게는 마사게타이인들이 우리 땅으로 건너오기를 바라고 있었음에도 불구하고 스스로 아락세스 강을 건너 그들에게 가라고 명령하여 훌륭한 조언을 해 준 네놈이 말이다. 너는 자신의 조국을 잘못 다스려 자신을 망쳤을 뿐만 아니라, 너를 믿었던 키루스마저 망쳐 버렸다. 그러나 결코 무사하지 못할 것이다. 내 이미 오래전부터 너를 처단할 구실을 찾고 있었기 때문이다." 이 말을 마친 캄비세스는 그를 쏘아 죽이려고 활을 잡았으나, 크로이스소스는 벌떡 일어나 밖으로 도망쳤다.
ὁ δὲ ἐπείτε τοξεῦσαι οὐκ εἶχε, ἐνετείλατο τοῖσι θεράπουσι λαβόντας μιν ἀποκτεῖναι.
캄비세스는 활을 쏠 기회를 잃자, 시종들에게 그를 붙잡아 죽이라고 명령했다.
§3.36.5οἱ δὲ θεράποντες ἐπιστάμενοι τὸν τρόπον αὐτοῦ κατακρύπτουσι τὸν Κροῖσον ἐπὶ τῷδε τῷ λόγῳ ὥστε, εἰ μὲν μεταμελήσῃ τῷ Καμβύσῃ καὶ ἐπιζητέῃ τὸν Κροῖσον, οἳ δὲ ἐκφήναντες αὐτὸν δῶρα λάμψονται ζωάγρια Κροίσου, ἢν δὲ μὴ μεταμέληται μηδὲ ποθέῃ μιν, τότε καταχρᾶσθαι.
그러나 시종들은 그의 성품을 잘 알고 있었기에, 다음과 같은 계산으로 크로이스소스를 숨겨 두었다. 즉, 만일 캄비세스가 후회하여 크로이스소스를 찾으면 그를 다시 데려와 크로이스소스의 목숨을 살려준 대가로 상을 받을 것이요, 만일 후회하지도 않고 그를 그리워하지도 않는다면 그때 그를 죽여 없애겠다는 생각이었다.
§3.36.6ἐπόθησέ τε δὴ ὁ Καμβύσης τὸν Κροῖσον οὐ πολλῷ μετέπειτα χρόνῳ ὕστερον, καὶ οἱ θεράποντες μαθόντες τοῦτο ἐπηγγέλλοντο αὐτῷ ὡς περιείη.
과연 캄비세스는 그리 오래 지나지 않아 크로이스소스를 그리워하게 되었고, 시종들은 이를 알고 그에게 크로이스소스가 살아남아 있다고 보고했다.
Καμβύσης δὲ Κροίσῳ μὲν συνήδεσθαι ἔφη περιεόντι, ἐκείνους μέντοι τοὺς περιποιήσαντας οὐ καταπροΐξεσθαι ἀλλʼ ἀποκτενέειν· καὶ ἐποίησε ταῦτα.
캄비세스는 크로이스소스가 살아 있는 것은 기쁜 일이라고 말하면서도, 그를 살려둔 자들은 결코 용서하지 않고 죽이겠다고 말했으며, 실제로 그렇게 행했다.