§1.80.1ἐς τὸ πεδίον δὲ συνελθόντων τοῦτο τὸ πρὸ τοῦ ἄστεος ἐστὶ τοῦ Σαρδιηνοῦ, ἐὸν μέγα τε καὶ ψιλὸν (διὰ δὲ αὐτοῦ ποταμοὶ ῥέοντες καὶ ἄλλοι καὶ Ὕλλος συρρηγνῦσι ἐς τὸν μέγιστον, καλεόμενον δὲ Ἕρμον, ὃς ἐξ ὄρεος ἱροῦ μητρὸς Δινδυμήνης ῥέων ἐκδιδοῖ ἐς θάλασσαν κατὰ Φωκαίην πόλιν), §1.80.2ἐνθαῦτα ὁ Κῦρος ὡς εἶδε τοὺς Λυδοὺς ἐς μάχην τασσομένους, καταρρωδήσας τὴν ἵππον ἐποίησε Ἁρπάγου ὑποθεμένου ἀνδρὸς Μήδου τοιόνδε·
그들이 사르디스 성읍 앞에 있는, 넓고 나무가 없는 평원에 모였을 때(이 평원을 가로질러 휠로스강을 비롯한 다른 강들이 흐르며 가장 큰 강인 헤르모스강으로 합류하는데, 헤르모스강은 어머니 신 딘뒤메네의 성스러운 산에서 발원하여 포카이아 성읍 근처에서 바다로 흘러든다), 그곳에서 키루스는 뤼디아인들이 전투 대형을 갖추는 것을 보고, 그들의 기병을 두려워하여 메디아인 하르파고스의 제안에 따라 다음과 같이 행했다.
ὅσαι τῷ στρατῷ τῷ ἑωυτοῦ εἵποντο σιτοφόροι τε καὶ σκευοφόροι κάμηλοι, ταύτας πάσας ἁλίσας καὶ ἀπελὼν τὰ ἄχθεα ἄνδρας ἐπʼ αὐτὰς ἀνέβησε ἱππάδα στολὴν ἐνεσταλμένους, σκευάσας δὲ αὐτοὺς προσέταξε τῆς ἄλλης στρατιῆς προϊέναι πρὸς τὴν Κροίσου ἵππον, τῇ δὲ καμήλῳ ἕπεσθαι τὸν πεζὸν στρατὸν ἐκέλευσε, ὄπισθε δὲ τοῦ πεζοῦ ἐπέταξε τὴν πᾶσαν ἵππον.
즉, 자신의 군대를 따르던 식량 수송용 및 짐 수송용 낙타를 모두 모아 짐을 내린 다음, 기병 복장을 한 남자들을 그 위에 태웠다. 그리고 그들을 이와 같이 준비시킨 뒤, 다른 군대의 선두에 서서 크로이소스의 기병을 향해 나아가도록 명령했고, 낙타 뒤에는 보병이 따르도록 했으며, 보병 뒤에는 모든 기병을 배치했다.
§1.80.3ὡς δέ οἱ πάντες διετετάχατο, παραίνεσε τῶν μὲν ἄλλων Λυδῶν μὴ φειδομένους κτείνειν πάντα τὸν ἐμποδὼν γινόμενον, Κροῖσον δὲ αὐτὸν μὴ κτείνειν, μηδὲ ἢν συλλαμβανόμενος ἀμύνηται.
그의 모든 군세가 배치를 마치자, 그는 다른 뤼디아인들에 대해서는 용서 없이 앞을 가로막는 자를 모두 죽이되, 크로이소스 자신은 설령 붙잡히는 과정에서 저항하며 맞서더라도 죽이지 말라고 당부했다.
§1.80.4ταῦτα μὲν παραίνεσε, τὰς δὲ καμήλους ἔταξε ἀντία τῆς ἵππου τῶνδε εἵνεκεν·
그는 이러한 당부를 남기고 낙타들을 기병들의 맞은편에 배치했는데, 그 이유는 다음과 같았다.
κάμηλον ἵππος φοβέεται, καὶ οὐκ ἀνέχεται οὔτε τὴν ἰδέην αὐτοῦ ὁρέων οὔτε τὴν ὀδμὴν ὀσφραινόμενος.
말은 낙타를 두려워하여 그 모습을 보는 것도, 그 냄새를 맡는 것도 견디지 못하기 때문이다.
αὐτοῦ δὴ ὦν τούτου εἵνεκεν ἐσεσόφιστο, ἵνα τῷ Κροίσῳ ἄχρηστον ᾖ τὸ ἱππικόν, τῷ δή τι καὶ ἐπεῖχε ἐλλάμψεσθαι ὁ Λυδός.
바로 이 목적을 위해 그는 계책을 썼던 것이니, 크로이소스에게 있어 뤼디아인이 크게 활약하기를 기대했던 바로 그 기병이 무용지물이 되도록 하기 위함이었다.
§1.80.5ὡς δὲ καὶ συνήισαν ἐς τὴν μάχην, ἐνθαῦτα ὡς ὤσφροντο τάχιστα τῶν καμήλων οἱ ἵπποι καὶ εἶδον αὐτάς, ὀπίσω ἀνέστρεφον, διέφθαρτό τε τῷ Κροίσῳ ἡ ἐλπίς.
이리하여 그들이 전투에서 맞붙었을 때, 말들이 낙타의 냄새를 맡고 그 모습을 보자마자 즉시 뒤로 돌아섰으며, 크로이소스의 희망은 꺾이고 말았다.
§1.80.6οὐ μέντοι οἵ γε Λυδοὶ τὸ ἐνθεῦτεν δειλοὶ ἦσαν, ἀλλʼ ὡς ἔμαθον τὸ γινόμενον, ἀποθορόντες ἀπὸ τῶν ἵππων πεζοὶ τοῖσι Πέρσῃσι συνέβαλλον.
그러나 뤼디아인들이 그 후로 비겁하게 군 것은 아니었으니, 그들은 무슨 일이 벌어지고 있는지 알아차리자마자 말에서 뛰어내려 보병으로서 페르시아인들과 격돌했다.
χρόνῳ δὲ πεσόντων ἀμφοτέρων πολλῶν ἐτράποντο οἱ Λυδοί, κατειληθέντες δὲ ἐς τὸ τεῖχος ἐπολιορκέοντο ὑπὸ τῶν Περσέων.
시간이 흘러 양측에서 많은 이들이 쓰러진 끝에 뤼디아인들은 패주했고, 성벽 안으로 몰려들어가 페르시아인들에게 포위당했다.