§41καίτοι τί ποτʼ ἂν βουληθείημεν, τῆς μὲν διανοίας ἐπὶ τοῦ λέγειν καὶ βουλεύεσθαι τεταγμένης, τῆς δὲ φιλοσοφίας ἑκατέρου τούτων ἐμπειρίαν παραδιδούσης, μὴ ταύτην κατασχεῖν τὴν πραγματείαν, διʼ ἧς ἀμφοτέρων τούτων ἐγκρατῶς ἕξομεν;
하지만 지성이 말하기와 숙고하기에 배정되어 있고, 철학이 이 두 가지 모두의 경험을 전수해 주는데도, 이 배움을 자신의 것으로 삼아 이를 통해 두 가지 모두를 확고하게 지배할 수 있게 되기를 우리가 어찌 바라지 않을 수 있겠소?
τότε γὰρ εἰκὸς καὶ τὸν βίον ἡμῶν μεγίστην ἐπίδοσιν λαβεῖν, ὅταν τῶν κρατίστων ὀρεγόμενοι τὰ μὲν διδακτὰ τέχνῃ, τὰ δὲ λοιπὰ γυμνασίᾳ καὶ συνηθείᾳ κατασχεῖν δυνηθῶμεν. §42οὐ γὰρ δήπου τοῦτό γʼ ἔστιν εἰπεῖν, ὡς οὐδὲν πρὸς τὸ φρονεῖν εὖ παρὰ τὴν ἐπιστήμην διαφέρομεν ἀλλήλων·
우리가 가장 좋은 것들을 추구하면서, 가르칠 수 있는 것들은 기술을 통해, 나머지 것들은 훈련과 습관을 통해 자신의 것으로 삼을 수 있을 때, 바로 그때 우리의 삶이 가장 큰 발전을 이룩하는 것이 자연스럽기 때문이오. 왜냐하면 지식을 제외하면 현명하게 생각하는 것에 있어서 우리가 서로 아무런 차이도 없다고 결코 말할 수 없기 때문이오.
ὅλως μὲν γὰρ ἅπασα φύσις βελτίων γίγνεται παιδείαν προσλαβοῦσα τὴν προσήκουσαν, πολὺ δὲ μάλισθʼ ὅσαις ἐξ ἀρχῆς εὐφυέστερον τῶν ἄλλων ἔχειν ὑπῆρξεν·
일반적으로 모든 천성은 알맞은 교육을 받아들임으로써 더 나아지지만, 처음부터 타인보다 더 뛰어난 자질을 타고난 이들에게는 훨씬 더 그러하오.
ταῖς μὲν γὰρ αὑτῶν μόνον βελτίοσιν γίγνεσθαι, ταῖς δὲ καὶ τῶν ἄλλων συμβαίνει διενεγκεῖν. §43εὖ δʼ ἴσθι τὴν μὲν ἐκ τῶν πράξεων ἐμπειρίαν γιγνομένην σφαλερὰν οὖσαν καὶ πρὸς τὸν λοιπὸν βίον ἀχρήστως ἔχουσαν, τὴν δʼ ἐκ τοῦ φιλοσοφεῖν παιδείαν πρὸς ἅπαντα ταῦτʼ εὐκαίρως συγκεκραμένην.
평범한 천성에게는 자기 자신보다 나아지는 일만 일어날 뿐이지만, 뛰어난 천성에게는 타인을 능가하는 일까지 일어나기 때문이오. 그러나 행실에서 생겨나는 경험은 불안정하고 남은 인생에 무용하지만, 철학하는 일에서 얻는 교육은 이 모든 상황에 시기적절하게 어우러진다는 점을 잘 알아두시오.
καίτοι τινὲς ἤδη καὶ διʼ εὐτυχίαν πραγμάτων γυμνασθέντες ἐθαυμάσθησαν·
참으로 어떤 이들은 이미 사태의 행운 덕분에 단련되어 찬탄을 받기도 하였소.
σοὶ δὲ προσήκει τούτων μὲν καταφρονεῖν, σαυτοῦ δʼ ἐπιμέλειαν ἔχειν·
하지만 당신에게는 이러한 것들을 경멸하고 자기 자신을 가꾸는 일에 힘쓰는 것이 마땅하오.
οὐ γὰρ αὐτοσχεδιάζειν, ἀλλʼ ἐπίστασθαί σε δεῖ περὶ τῶν μεγίστων, οὐδʼ ἐπὶ τῶν καιρῶν μελετᾶν, ἀλλʼ ἀγωνίζεσθαι καλῶς ἐπίστασθαι. §44νόμιζε δὲ πᾶσαν μὲν τὴν φιλοσοφίαν μεγάλα τοὺς χρωμένους ὠφελεῖν, πολὺ δὲ μάλιστα τὴν περὶ τὰς πράξεις καὶ τοὺς πολιτικοὺς λόγους ἐπιστήμην.
당신은 가장 중대한 일들에 관하여 즉흥적으로 대처해서는 안 되며 확고한 지식을 지녀야 하고, 기회가 닥쳤을 때 연습해서는 안 되며 훌륭하게 대처하는 법을 알고 있어야 하기 때문이오. 그리고 모든 철학이 그것을 활용하는 이들에게 큰 유익을 주지만, 행실과 정치적 언론에 관한 지식은 한층 더 그러하다고 생각하시오.
τῆς γὰρ γεωμετρίας καὶ τῆς ἄλλης τῆς τοιαύτης παιδείας ἀπείρως μὲν ἔχειν αἰσχρόν, ἄκρον δʼ ἀγωνιστὴν γενέσθαι ταπεινότερον τῆς σῆς ἀξίας·
기하학이나 그와 같은 다른 교육에 대해 전혀 무경험한 것은 부끄러운 일이나, 극에 달한 투사가 되는 것은 당신의 품격에 비해 너무나 비천한 일이오.
ἐν ἐκείνῃ δὲ τὸ μὲν διενεγκεῖν ζηλωτόν, τὸ δʼ ἄμοιρον γενέσθαι παντελῶς καταγέλαστον. §45γνοίης δʼ ἂν ἐξ ἄλλων τε πολλῶν, καὶ παραθεωρήσας τοὺς πρὸ σαυτοῦ γεγενημένους ἐνδόξους ἄνδρας.
하지만 저 지식에서 뛰어난 것은 선망의 대상이며, 완전히 참여하지 못하는 것은 지극히 우스꽝스러운 일이기 때문이오. 이 점은 다른 많은 일들로부터도 알 수 있고, 당신보다 앞서 살았던 명망 높은 인물들을 비교 대조해 봄으로써도 깨달을 수 있을 것이오.
τοῦτο μὲν γὰρ Περικλέα τὸν συνέσει πλεῖστον τῶν καθʼ αὑτὸν διενεγκεῖν δόξαντα πάντων, ἀκούσει πλησιάσαντʼ Ἀναξαγόρᾳ τῷ Κλαζομενίῳ καὶ μαθητὴν ἐκείνου γενόμενον ταύτης τῆς δυνάμεως μετασχόντα·
한편으로 동시대인 중에서 지혜에서 가장 크게 두각을 나타낸다고 여겨졌던 페리클레스가 클라조메나이의 아낙사고라스와 가까이 지내고 그의 제자가 됨으로써 이 힘을 나누어 가졌다고 당신은 들을 것이오.
τοῦτο δʼ Ἀλκιβιάδην εὑρήσεις φύσει μὲν πρὸς ἀρετὴν πολλῷ χεῖρον διακείμενον, καὶ τὰ μὲν ὑπερηφάνως, τὰ δὲ ταπεινῶς, τὰ δʼ ὑπερακρατῶς ζῆν προῃρημένον, ἀπὸ δὲ τῆς Σωκράτους ὁμιλίας πολλὰ μὲν ἐπανορθωθέντα τοῦ βίου, τὰ δὲ λοιπὰ τῷ μεγέθει τῶν ἄλλων ἔργων ἐπικρυψάμενον. §46εἰ δὲ δεῖ μὴ παλαιὰ λέγοντας διατρίβειν, ἔχοντας ὑπογυωτέροις παραδείγμασιν χρῆσθαι, τοῦτο μὲν Τιμόθεον οὐκ ἐξ ὧν νεώτερος ὢν ἐπετήδευσεν, ἀλλʼ ἐξ ὧν Ἰσοκράτει συνδιατρίψας ἔπραξεν, μεγίστης δόξης καὶ πλείστων τιμῶν εὑρήσεις ἀξιωθέντα·
다른 한편으로 알키비아데스는 천성적으로는 미덕에 이르기에 훨씬 더 나쁜 상태에 있었고, 어떤 때는 오만하게, 어떤 때는 비굴하게, 어떤 때는 극도로 방종하게 살기를 선택했으나, 소크라테스와의 대화를 통해 삶의 많은 부분을 바로잡았고, 남은 결점들은 다른 업적들의 위대함으로 덮어버렸음을 당신은 발견할 것이오. 만일 우리가 더 최근의 사례들을 사용할 수 있는데도 오래된 일들을 말하며 시간을 보낼 필요가 없다면, 한편으로는 티모테오스가 젊었을 때 연마한 것들 덕분이 아니라 이소크라테스와 동고동락하며 행한 일들 덕분에 가장 큰 명성과 가장 많은 영예를 얻을 자격이 있다고 인정받았음을 당신은 발견할 것이오.
τοῦτο δʼ Ἀρχύταν τὴν Ταραντίνων πόλιν οὕτω καλῶς καὶ φιλανθρώπως διοικήσαντα κύριον αὐτῆς καταστάντα, ὥστʼ εἰς ἅπαντας τὴν ἐκείνου μνήμην διενεγκεῖν·
다른 한편으로는 아르키타스가 타란토인들의 도시의 지배자가 되었을 때 그곳을 이토록 훌륭하고 인도적으로 다스려, 그의 기억이 모든 이들에게 전해지게 하였음을 발견할 것이오.
ὃς ἐν ἀρχῇ καταφρονούμενος, ἐκ τοῦ Πλάτωνι πλησιάσαι τοσαύτην ἔλαβεν ἐπίδοσιν. §47καὶ τούτων οὐδὲν ἀλόγως ἀποβέβηκεν·
그는 처음에 멸시받았으나, 플라톤과 가깝게 지냄으로써 이토록 큰 발전을 이룩하였소. 그리고 이 결과들 중 어떤 것도 불합리하게 일어난 것이 아니오.
πολὺ γὰρ ἄν ἦν ἀτοπώτερον, εἰ τὰ μὲν μικρὰ διʼ ἐπιστήμης καὶ μελέτης ἠναγκαζόμεθʼ ἐπιτελεῖν, τὰ δὲ μέγιστʼ ἄνευ ταύτης τῆς πραγματείας ἠδυνάμεθα πράττειν.
만일 우리가 사소한 일들은 지식과 훈련을 통해 완수하도록 강요받는 반면, 가장 중대한 일들은 이 배움의 공들임 없이도 행할 수 있다면, 그것이 훨씬 더 기이한 일일 것이기 때문이오.
περὶ μὲν οὖν τούτων οὐκ οἶδʼ ὅ τι δεῖ πλείω λέγειν·
그러므로 이것들에 대해 내 어찌 더 많은 말을 해야 할지 모르겠소.
οὐδὲ γὰρ ἐξ ἀρχῆς ὡς παντελῶς ἀπείρως ἔχοντός σου περὶ αὐτῶν ἐμνήσθην, ἀλλʼ ἡγούμενος τὰς τοιαύτας παρακλήσεις τοὺς μὲν ἀγνοοῦντας προτρέπειν, τοὺς δʼ εἰδότας παροξύνειν. §48μηδὲν δʼ ὑπολάβῃς τοιοῦτον, ὡς ἄρʼ ἐγὼ ταῦτʼ εἴρηκα διδάξειν αὐτὸς ἐπαγγελλόμενός σέ τι τούτων·
애초에 당신이 이것들에 관해 완전히 무지하다고 생각하여 언급한 것이 아니라, 이와 같은 권면은 알지 못하는 이들을 촉구하고, 이미 아는 이들을 자극하는 것이라 여겼기 때문이오. 또한 내가 스스로 당신에게 이것들 중 무언가를 가르치겠다고 약속하면서 이 말들을 한 것이라고는 결코 생각지 마시오.
οὐ γὰρ ἂν αἰσχυνθείην εἰπὼν ὅτι πολλὰ μαθεῖν αὐτὸς ἔτι δέομαι, καὶ μᾶλλον ἀγωνιστὴς προῄρημαι τῶν πολιτικῶν ἢ διδάσκαλος εἶναι τῶν ἄλλων.
나 역시 아직 배워야 할 것이 많다고 말하는 것을 부끄러워하지 않으며, 타인의 교사가 되기보다는 정치적 사안의 투사가 되기를 더 원해 왔기 때문이오.
οὐχ ὡς ἀναινόμενος δὲ ταῦτα διορθοῦμαι τὴν τῶν σοφιστεύειν ἑλομένων δόξαν, ἀλλʼ ὅτι τἀληθὲς τοῦτον ἔχον τυγχάνει τὸν τρόπον·
내가 이러한 말들로써 소피스트가 되기를 선택한 이들의 명성을 바로잡는 것은 그들을 부정하려는 것이 아니라, 진실이 실제로 그러한 방식으로 존재하기 때문이오.