§9πρῶτον μέν, ἐπειδὴ συνελέγησαν οἱ δημόται, κατέτριψεν τὴν ἡμέραν δημηγορῶν καὶ ψηφίσματα γράφων.
우선, 구민들이 소집되었을 때, 그는 연설을 하고 결의안을 작성하며 하루를 허비했습니다.
τοῦτο δʼ ἦν οὐκ ἀπὸ τοῦ αὐτομάτου, ἀλλʼ ἐπιβουλεύων ἐμοί, ὅπως ὡς ὀψιαίταθʼ ἡ διαψήφισις ἡ περὶ ἐμοῦ γένοιτο· καὶ διεπράξατο τοῦτο.
이것은 우연히 일어난 일이 아니라, 저에 대한 투표를 가능한 한 늦추려는 저를 겨냥한 음모였으며, 그는 이를 성사시켰습니다.
καὶ τῶν μὲν δημοτῶν οἱ ὀμόσαντες ἐγενόμεθα τρεῖς καὶ ἑβδομήκοντα, ἠρξάμεθα δὲ τοῦ διαψηφίζεσθαι δείλης ὀψίας, ὥστε συνέβη, ἡνίκα τοὐμὸν ὄνομʼ ἐκαλεῖτο, σκότος εἶναι ἤδη·
맹세를 한 구민은 우리 중 일흔세 명이었으나, 우리가 투표를 시작한 것은 늦은 저녁이었기에, 제 이름이 불렸을 때는 이미 어두워진 상태였습니다.
§10καὶ γὰρ ἦν περὶ ἑξηκοστόν, καὶ ἐκλήθην ὕστατος ἁπάντων τῶν ἐν ἐκείνῃ τῇ ἡμέρᾳ κληθέντων, ἡνίχʼ οἱ μὲν πρεσβύτεροι τῶν δημοτῶν ἀπεληλύθεσαν εἰς τοὺς ἀγρούς·
실제로 저는 예순 번째 전후였고, 그날 호명된 모든 이들 중 가장 마지막으로 불렸는데, 그때는 이미 연로한 구민들이 들판의 집으로 돌아간 뒤였습니다.
τοῦ γὰρ δήμου ἡμῖν, ὦ ἄνδρες δικασταί, πέντε καὶ τριάκοντα στάδια τοῦ ἄστεως ἀπέχοντος καὶ τῶν πλείστων ἐκεῖ οἰκούντων, ἀπεληλύθεσαν οἱ πολλοί· οἱ δὲ κατάλοιποι ἦσαν οὐ πλείους ἢ τριάκοντα.
배심원 여러분, 우리의 구는 도성에서 35스타디온이나 떨어져 있고 대부분이 그곳에 살고 있기 때문에 많은 이들이 가버렸고, 남은 자들은 서른 명 이하에 불과했습니다.
ἐν δὲ τούτοις ἦσαν ἅπαντες οἱ τούτῳ παρεσκευασμένοι.
이들 중에는 이 자에게 포섭된 자들이 모두 포함되어 있었습니다.
§11ἐπειδὴ δʼ ἐκλήθη τοὐμὸν ὄνομα, ἀναπηδήσας οὗτος ἐβλασφήμει κατʼ ἐμοῦ ταχὺ καὶ πολλὰ καὶ μεγάλῃ τῇ φωνῇ, ὥσπερ καὶ νῦν, μάρτυρα μὲν ὧν κατηγόρησεν οὐδένα παρασχόμενος οὔτε τῶν δημοτῶν οὔτε τῶν ἄλλων πολιτῶν, παρεκελεύετο δὲ τοῖς δημόταις ἀποψηφίζεσθαι.
그리고 제 이름이 불리자, 이 자는 벌떡 일어나 지금처럼 큰 목소리로 빠르게, 그리고 온갖 말로 저를 비방하였는데, 자신이 고발한 사실들에 대해서는 구민 중에서나 다른 시민 중에서나 단 한 명의 증인도 제시하지 않은 채, 그저 구민들에게 추방 표를 던지라고 독촉했습니다.
§12ἀξιοῦντος δέ μου ἀναβαλέσθαι εἰς τὴν ὑστεραίαν διά τε τὴν ὥραν καὶ τὸ μηδένα μοι παρεῖναι τό τε πρᾶγμʼ ἄφνω προσπεπτωκέναι, ἵνα τούτῳ τʼ ἐξουσία γένοιθʼ ὁπόσα βούλοιτο κατηγορῆσαι καὶ μάρτυρας εἴ τινας ἔχοι παρασχέσθαι, ἐμοί τʼ ἐκγένοιτʼ ἀπολογήσασθαι ἐν ἅπασι τοῖς δημόταις καὶ τοὺς οἰκείους μάρτυρας παρασχέσθαι·
저는 시간이 늦었고 저를 도와줄 사람이 아무도 없으며 이 일이 갑작스럽게 닥쳤다는 이유로 다음 날로 연기해 줄 것을 요구했습니다. 이는 이 자에게도 원하는 만큼 고발하고 증인이 있다면 제시할 수 있는 기회를 주고, 저에게도 모든 구민 앞에서 변론하고 친척들을 증인으로 내세울 수 있는 기회를 주기 위함이었습니다.
καὶ ὅ τι γνοίησαν περὶ ἐμοῦ, τούτοις ἤθελον ἐμμένειν·
그리고 그들이 저에 대해 어떤 결정을 내리든 저는 따를 용의가 있었습니다.
§13οὗτος ὧν μὲν ἐγὼ προὐκαλούμην οὐδὲν ἐφρόντισεν, τὴν δὲ ψῆφον εὐθὺς ἐδίδου τοῖς παροῦσι τῶν δημοτῶν, οὔτʼ ἀπολογίαν οὐδεμίαν ἐμοὶ δοὺς οὔτʼ ἔλεγχον οὐδένʼ ἀκριβῆ ποιήσας.
이 자는 제가 제안한 것에는 아랑곳하지 않고, 저에게 어떠한 변론의 기회도 주지 않고 정확한 대조 심문도 하지 않은 채, 그 자리에 있던 구민들에게 즉시 투표를 시켰습니다.
οἱ δὲ τούτῳ συνεστῶτες ἀναπηδήσαντες ἐψηφίζοντο.
그러자 그와 공모한 자들이 벌떡 일어나 투표를 했습니다.
καὶ ἦν μὲν σκότος, οἱ δὲ λαμβάνοντες δύο καὶ τρεῖς ψήφους ἕκαστος παρὰ τούτου ἐνέβαλλον εἰς τὸν καδίσκον.
어둠 속이었는데, 그들 중에는 이 자로부터 각각 두세 개의 투표용 돌을 받아 투표함에 던져 넣는 자들도 있었습니다.
σημεῖον δέ· οἱ μὲν γὰρ ψηφισάμενοι οὐ πλείους ἢ τριάκοντʼ ἦσαν, αἱ δὲ ψῆφοι ἠριθμήθησαν πλείους ἢ ἑξήκοντα, ὥστε πάντας ἡμᾶς ἐκπλαγῆναι.
그 증거로, 투표를 한 사람은 서른 명 이하에 불과했음에도 투표수는 예순 개 이상으로 집계되어 우리 모두를 경악하게 만들었습니다.
§14καὶ ταῦθʼ ὡς ἀληθῆ λέγω, καὶ ὅτι οὔτʼ ἐδόθη ἡ ψῆφος ἐν ἅπασιν πλείους τʼ ἐγένοντο τῶν ψηφισαμένων, μάρτυρας ὑμῖν παρέξομαι.
그리고 제가 이 일들을 진실로 말하고 있다는 것, 투표가 전원 앞에서 치러지지 않았다는 것, 그리고 투표자 수보다 표수가 더 많았다는 것에 대해 여러분께 증인들을 제시하겠습니다.
συμβαίνει δέ μοι περὶ τούτων τῶν μὲν φίλων ἢ τῶν ἄλλων Ἀθηναίων μηδένα μάρτυρα παρεῖναι διά τε τὴν ὥραν καὶ διὰ τὸ μηδένα παρακαλέσαι, αὐτοῖς δὲ τοῖς ἠδικηκόσιν με χρῆσθαι μάρτυσιν.
그러나 저로서는 시간이 너무 늦었고 아무도 소집하지 않았기 때문에, 제 친구들이나 다른 아테네인들 중 누구도 증인으로 참석하지 못하여, 저에게 해를 끼친 바로 그 자들을 증인으로 삼아야만 하는 처지에 놓여 있습니다.
ἃ οὖν οὐ δυνήσονται ἔξαρνοι γενέσθαι, ταῦτα γέγραφʼ αὐτοῖς.
이에 그들이 부인할 수 없는 사실들을 그들을 위해 서면으로 작성해 두었습니다.
λέγε. ΜΑΡΤΥΡΙΑ.
읽으시오.
§15εἰ μὲν τοίνυν, ὦ ἄνδρες δικασταί, συνέβαινεν τοῖς Ἁλιμουσίοις περὶ ἁπάντων τῶν δημοτῶν διαψηφίσασθαι ἐν ἐκείνῃ τῇ ἡμέρᾳ, εἰκὸς ἦν καὶ εἰς ὀψὲ ψηφίζεσθαι, ἵνʼ ἀπηλλαγμένοι ἦσαν ποιήσαντες τὰ ὑμῖν ἐψηφισμένα.
[증언] 배심원 여러분, 그러므로 만약 할리무스 구민들이 그날 모든 구민에 대한 투표를 마쳐야 하는 상황이었다면, 여러분이 결의한 바를 수행하여 그 의무에서 벗어나기 위해 밤늦게까지 투표를 하는 것도 당연했을 것입니다.
εἰ δὲ πλείους ἢ εἴκοσιν ὑπόλοιποι ἦσαν τῶν δημοτῶν, περὶ ὧν ἔδει τῇ ὑστεραίᾳ διαψηφίσασθαι, καὶ ὁμοίως ἦν ἀνάγκη συλλέγεσθαι τοὺς δημότας, τί ποτʼ ἦν τὸ δυσχερὲς Εὐβουλίδῃ ἀναβαλέσθαι εἰς τὴν ὑστεραίαν καὶ περὶ ἐμοῦ πρώτου τὴν ψῆφον διδόναι τοῖς δημόταις;
하지만 다음 날 투표해야 할 구민이 아직 스무 명 이상 남아 있어 어차피 구민들이 소집되어야만 했는데, 다음 날로 연기하여 제 투표를 이튿날 첫 순서로 처리하는 것이 에우불리데스에게 도대체 무슨 지장이 있었겠습니까?
§16διότι, ὦ ἄνδρες δικασταί, οὐκ ἠγνόει Εὐβουλίδης ὅτι, εἰ λόγος ἀποδοθήσοιτο καὶ παραγένοιντό μοι πάντες οἱ δημόται καὶ ἡ ψῆφος δικαίως δοθείη, οὐδαμοῦ γενήσονται οἱ μετὰ τούτου συνεστηκότες.
배심원 여러분, 그것은 만약 변론의 기회가 주어지고 모든 구민이 저를 위해 모여 공정하게 투표가 치러진다면, 자신과 공모한 자들이 설 자리가 없게 되리라는 것을 에우불리데스가 너무나 잘 알고 있었기 때문입니다.
ὅθεν δʼ οὗτοι συνέστησαν, ταῦτα, ἐπειδὰν περὶ τοῦ γένους εἴπω, τότε, ἂν βούλησθʼ ἀκούειν, ἐρῶ.
그들이 어떻게 공모하게 되었는지에 대해서는, 제가 제 가문에 대해 말씀드린 뒤에 여러분이 듣고자 하신다면 그때 말씀드리겠습니다.
§17νῦν δὲ τί δίκαιον νομίζω καὶ τί παρεσκεύασμαι ποιεῖν, ἄνδρες δικασταί;
배심원 여러분, 그렇다면 이제 제가 무엇을 정의롭다고 생각하며 무엇을 할 준비가 되어 있겠습니까?
δεῖξαι πρὸς ὑμᾶς ἐμαυτὸν Ἀθηναῖον ὄντα καὶ τὰ πρὸς πατρὸς καὶ τὰ πρὸς μητρός, καὶ μάρτυρας τούτων, οὓς ὑμεῖς ἀληθεῖς φήσετʼ εἶναι, παρασχέσθαι, τὰς δὲ λοιδορίας καὶ τὰς αἰτίας ἀνελεῖν·
그것은 제가 아버지 쪽으로나 어머니 쪽으로나 아테네 시민임을 여러분께 입증하고, 여러분이 진실하다고 인정할 증인들을 제시하여 저 비방과 혐의들을 물리치는 것입니다.
ὑμᾶς δʼ ἀκούσαντας τούτων, ἐὰν μὲν ὑμῖν πολίτης ὢν κατεστασιάσθαι δοκῶ, σῴζειν, εἰ δὲ μή, πράττειν ὁποῖον ἄν τι ὑμῖν εὐσεβὲς εἶναι δοκῇ.
그리고 여러분은 이를 들으신 뒤, 제가 시민이면서도 음모에 빠진 것으로 보이신다면 저를 구해주시고, 그렇지 않다면 여러분이 신성하다고 생각하시는 대로 처분하시는 것입니다.
ἄρξομαι δʼ ἐντεῦθεν.
여기서부터 시작하겠습니다.