§21ἃ δὴ λέγει πρὸς ταῦτα ἀκούσατε.
그가 이 점들에 대해 무엇이라고 변명하는지 들어보십시오.
φησὶ γὰρ τὴν ναῦν πλέουσαν ἐξ Αἰγύπτου ῥαγῆναι, καὶ διὰ ταῦτα ἀναγκασθῆναι καὶ προσσχεῖν εἰς τὴν Ῥόδον κἀκεῖ ἐξελέσθαι τὸν σῖτον.
그는 에집트에서 항해하던 중 배가 파손되었고, 그 때문에 로도스섬에 기항하여 그곳에서 곡물을 하선할 수밖에 없었다고 주장합니다.
καὶ τούτου τεκμήριον λέγει, ὡς ἄρα ἐκ τῆς Ῥόδου μισθώσαιτο πλοῖα καὶ δεῦρο ἀποστείλειε τῶν χρημάτων ἔνια.
그리고 이에 대한 증거로, 자신이 로도스섬에서 다른 선박들을 임차하여 화물의 일부를 이곳으로 보냈다고 말합니다.
ἓν μὲν τοῦτό ἐστιν αὐτῷ μέρος τῆς ἀπολογίας, δεύτερον δʼ ἐκεῖνο·
이것이 그의 변명의 첫 번째 부분이고, 두 번째는 다음과 같습니다.
§22φησὶ γὰρ ἑτέρους τινὰς δανειστὰς συγκεχωρηκέναι αὑτῷ τοὺς τόκους τοὺς εἰς Ῥόδον·
그는 다른 어떤 채권자들이 로도스섬까지의 이자를 받는 데 동의해 주었다고 주장합니다.
δεινὸν οὖν, εἰ ἡμεῖς μὴ συγχωρήσομεν ταὐτὰ ἐκείνοις.
그러니 저희가 그들과 똑같이 양보하지 않는다면 가혹한 일이라는 것입니다.
τρίτον πρὸς τούτοις τὴν συγγραφὴν κελεύειν φησὶν αὑτὸν σωθείσης τῆς νεὼς ἀποδοῦναι τὰ χρήματα, τὴν δὲ ναῦν οὐ σεσῷσθαι εἰς τὸν Πειραιᾶ.
여기에 덧붙여 세 번째로, 그는 계약서가 배가 무사히 보전되었을 때 돈을 갚도록 명시하고 있으나, 배가 페이라이에우스로 무사히 돌아오지 못했다고 말합니다.
πρὸς ἕκαστον δὴ τούτων, ὦ ἄνδρες δικασταί, ἀκούσατε ἃ λέγομεν δίκαια.
재판관 여러분, 이 각각의 주장에 대해 저희가 제기하는 정당한 논박을 들어보십시오.
§23πρῶτον μὲν τὸ ῥαγῆναι τὴν ναῦν ὅταν λέγῃ, οἶμαι πᾶσιν ὑμῖν φανερὸν εἶναι ὅτι ψεύδεται.
첫째로, 그가 배가 파손되었다고 말할 때, 그가 거짓말을 하고 있다는 것은 여러분 모두에게 자명하다고 생각합니다.
εἰ γὰρ τοῦτο συνέβη παθεῖν τῇ νηί, οὔτʼ ἂν εἰς τὴν Ῥόδον ἐσώθη οὔτʼ ἂν ὕστερον πλόϊμος ἦν.
만약 배에 그런 일이 실제로 일어났다면, 로도스섬까지 무사히 도달하지도 못했을 것이고 그 후에 다시 항해할 수도 없었을 것입니다.
νῦν δὲ φαίνεται εἰς τὴν Ῥόδον σωθεῖσα καὶ πάλιν ἐκεῖθεν ἀποσταλεῖσα εἰς Αἴγυπτον καὶ ἔτι καὶ νῦν πλέουσα πανταχόσε, πλὴν οὐκ εἰς Ἀθήνας.
그러나 실제로는 배가 로도스섬에 무사히 도착한 후 그곳에서 다시 에집트로 보내졌고, 지금 이 순간에도 아테네만을 제외한 사방으로 항해하고 있음이 드러나 있습니다.
καίτοι πῶς οὐκ ἄτοπον, ὅταν μὲν εἰς τὸ Ἀθηναίων ἐμπόριον δεήσῃ κατάγειν τὴν ναῦν, ῥαγῆναι φάσκειν, ὅταν δὲ εἰς τὴν Ῥόδον τὸν σῖτον ἐξελέσθαι, τηνικαῦτα δὲ πλόϊμον οὖσαν φαίνεσθαι τὴν αὐτὴν ναῦν;
그런데 아테네의 무역항으로 배를 들여와야 할 때는 배가 파손되었다고 핑계를 대고, 로도스섬에서 곡물을 하선해야 할 때는 바로 그 동일한 배가 멀쩡히 항해할 수 있는 상태로 보인다는 것이 어찌 터무니없는 일이 아니겠습니까?
§24διὰ τί οὖν, φησίν, ἐμισθωσάμην ἕτερα πλοῖα καὶ μετεξειλόμην τὸν γόμον καὶ δεῦρʼ ἀπέστειλα;
"그렇다면 내가 왜 다른 선박들을 임차해 화물을 옮겨 싣고 이곳으로 보냈겠는가?"라고 그는 말합니다.
ὅτι, ὦ ἄνδρες Ἀθηναῖοι, οὐ τῶν ἁπάντων ἀγωγίμων οὔθʼ οὗτος ἦν κύριος οὔθʼ ὁ κοινωνὸς αὐτοῦ, ἀλλʼ οἱ ἐπιβάται τὰ ἑαυτῶν χρήματα ἀπέστελλον οἶμαι δεῦρο ἐν ἑτέροις πλοίοις ἐξ ἀνάγκης, ἐπειδὴ προκατέλυσαν οὗτοι τὸν πλοῦν·
아테네인 여러분, 그것은 이 자나 그의 동업자가 선적된 모든 화물의 소유주가 아니었기 때문이며, 이 자들이 일방적으로 항해를 중도에 중단해 버렸기 때문에 승객들이 어쩔 수 없이 자신들의 물건을 다른 배에 실어 이곳으로 보낸 것에 불과합니다.
ὧν μέντοι αὐτοὶ ἦσαν κύριοι, οὐδὲ ταῦτα ἀπέστελλον πάντα δεῦρο, ἀλλʼ ἐκλεγόμενοι τίνων αἱ τιμαὶ ἐπετέταντο.
그러나 자기들이 소유권을 가졌던 화물에 대해서는 그것들을 모두 이곳으로 보내지 않고, 가격이 폭등한 것들만 골라 보냈습니다.
§25ἐπεὶ τί δήποτε μισθούμενοι ἕτερα πλοῖα, ὥς φατε, οὐχ ἅπαντα τὸν γόμον τῆς νεὼς μετενέθεσθε, ἀλλὰ τὸν σῖτον αὐτοῦ ἐν τῇ Ῥόδῳ κατελίπετε;
그렇지 않다면, 당신들 말대로 다른 배를 임차하면서 왜 배의 화물을 전부 옮겨 싣지 않고 곡물은 그대로 로도스섬에 남겨두었단 말입니까?
ὅτι, ὦ ἄνδρες δικασταί, τοῦτον μὲν συνέφερεν αὐτοῖς ἐκεῖσε πωλεῖν (τὰς γὰρ τιμὰς τὰς ἐνθάδε ἀνεικέναι ἤκουον)·
재판관 여러분, 곡물은 그곳에서 파는 것이 그들에게 유리했기 때문입니다(이곳의 곡물 가격이 폭락했다는 소식을 들었기 때문입니다).
τὰ δʼ ἄλλʼ ἀγώγιμα ὡς ὑμᾶς ἀπέστελλον, ἀφʼ ὧν κερδανεῖν ἤλπιζον.
그리고 다른 화물들은 여러분에게 보냈는데, 그것들로부터는 이익을 남길 수 있으리라 기대했기 때문입니다.
ὥστε τὴν μίσθωσιν τῶν πλοίων ὅταν λέγῃς, οὐ τοῦ ῥαγῆναι τὴν ναῦν τεκμήριον λέγεις, ἀλλὰ τοῦ συμφέροντος ὑμῖν.
따라서 당신이 선박 임차를 언급하는 것은 배가 파손되었다는 증거를 대는 것이 아니라, 당신들의 이익을 대변하는 증거를 대는 것일 뿐입니다.
§26περὶ μὲν οὖν τούτων ἱκανά μοι τὰ εἰρημένα·
이 문제들에 대해서는 이 정도로 충분히 말씀드렸습니다.
περὶ δὲ τῶν δανειστῶν, οὕς φασι συγκεχωρηκέναι λαβεῖν παρʼ αὑτῶν τοὺς εἰς Ῥόδον τόκους, ἔστι μὲν οὐδὲν πρὸς ἡμᾶς τοῦτο.
또한, 그들로부터 로도스섬까지의 이자만 받기로 합의했다고 주장하는 채권자들에 대해서는, 그것이 저희와 무슨 상관이 있겠습니까.
εἰ γάρ τις ὑμῖν ἀφῆκέν τι τῶν αὑτοῦ, οὐδὲν ἀδικεῖται οὔθʼ ὁ δοὺς οὔθʼ ὁ πείσας·
만약 누군가가 자기 재산의 일부를 당신들에게 면제해 주었다면, 준 사람이나 설득한 사람이나 아무도 피해를 입지 않은 것입니다.
ἀλλʼ ἡμεῖς οὔτʼ ἀφείκαμέν σοι οὐδὲν οὔτε συγκεχωρήκαμεν τῷ πλῷ τῷ εἰς Ῥόδον, οὐδʼ ἐστὶν ἡμῖν οὐδὲν κυριώτερον τῆς συγγραφῆς.
하지만 저희는 당신에게 아무것도 면제해 준 적이 없고 로도스섬으로의 항해에 합의한 적도 없으며, 저희에게는 계약서보다 더 강력한 효력을 지닌 것이 아무것도 없습니다.
§27αὕτη δὲ τί λέγει καὶ ποῖ προστάττει τὸν πλοῦν ποιεῖσθαι;
그렇다면 이 계약서는 무엇이라 말하며 어디로 항해할 것을 명령하고 있습니까?
Ἀθήνηθεν εἰς Αἴγυπτον καὶ ἐξ Αἰγύπτου εἰς Ἀθήνας·
아테네에서 에집트로, 그리고 에집트에서 아테네로입니다.
εἰ δὲ μή, ἀποτίνειν κελεύει διπλάσια τὰ χρήματα.
그렇지 않을 경우, 돈을 두 배로 상환하도록 명시하고 있습니다.
ταῦτα εἰ μὲν πεποίηκας, οὐδὲν ἀδικεῖς, εἰ δὲ μὴ πεποίηκας μηδὲ κατακεκόμικας τὴν ναῦν Ἀθήναζε, προσήκει σε ζημιοῦσθαι τῷ ἐπιτιμίῳ τῷ ἐκ τῆς συγγραφῆς·
만약 당신이 이 규정들을 실행했다면 잘못한 것이 없으나, 실행하지도 않고 배를 아테네로 입항시키지도 않았다면 계약서에 따른 위약금을 무는 것이 당연합니다.
τοῦτο γὰρ τὸ δίκαιον οὐκ ἄλλος οὐδείς, ἀλλʼ αὐτὸς σὺ σαυτῷ ὥρισας.
왜냐하면 이 정당한 의무는 다른 누구도 아닌 바로 당신 자신이 스스로에게 정한 것이기 때문입니다.
δεῖξον οὖν τοῖς δικασταῖς δυοῖν θάτερον, ἢ τὴν συγγραφήν, ὡς οὐκ ἔστιν ἡμῖν κυρία, ἢ ὡς οὐ δίκαιος εἶ πάντα κατὰ ταύτην πράττειν.
그러므로 재판관들에게 다음 두 가지 중 하나를 증명해 보이십시오. 계약서가 저희에게 효력이 없다는 것인지, 아니면 당신이 계약서에 따라 모든 것을 이행할 의무가 없다는 것인지를 말입니다.