§11καὶ δὴ κατὰ τοῦτο τὸ χωρίον, ὦ ἄνδρες δικασταί, γενομένης ἐπομβρίας συνέβη τὸ ὕδωρ ἐμβαλεῖν·
그리고 재판관 여러분, 바로 이 토지에서 폭우가 내렸을 때 물이 들어오는 일이 일어났습니다.
ἀμεληθὲν δʼ οὔπω τοῦ πατρὸς ἔχοντος αὐτό, ἀλλʼ ἀνθρώπου δυσχεραίνοντος ὅλως τοῖς τόποις καὶ μᾶλλον ἀστικοῦ, δὶς καὶ τρὶς ἐμβαλὸν τὸ ὕδωρ τά τε χωρίʼ ἐλυμήνατο καὶ μᾶλλον ὡδοποίει.
제 아버지가 아직 이 땅을 소유하지 않았고, 오히려 그 지역을 온통 싫어하고 주로 도시에 살던 어떤 사람에 의해 방치되어 있었기 때문에, 물이 두세 번 들어와 토지를 망쳐 놓고 점점 더 길을 내고 말았습니다.
διὸ δὴ ταῦθʼ ὁ πατὴρ ὁρῶν, ὡς ἐγὼ τῶν εἰδότων ἀκούω, καὶ τῶν γειτόνων ἐπινεμόντων ἅμα καὶ βαδιζόντων διὰ τοῦ χωρίου, τὴν αἱμασιὰν περιῳκοδόμησεν ταύτην.
그리하여 사실을 아는 사람들에게 제가 듣기로는, 아버지가 이 상황을 보시고, 또한 이웃들이 동시에 방목하며 토지를 지나다녔기 때문에 이 돌담을 둘러쌓은 것입니다.
§12καὶ ὡς ταῦτʼ ἀληθῆ λέγω, παρέξομαι μὲν καὶ μάρτυρας ὑμῖν τοὺς εἰδότας, πολὺ δʼ, ὦ ἄνδρες Ἀθηναῖοι, τῶν μαρτύρων ἰσχυρότερα τεκμήρια.
그리고 제가 이 일들을 진실되게 말하고 있음을 보여주기 위해, 여러분에게 사실을 아는 증인들을 제시할 뿐만 아니라, 아테네의 시민 여러분, 증인보다 훨씬 더 강력한 물증들을 제시하겠습니다.
Καλλικλῆς μὲν γάρ φησιν τὴν χαράδραν ἀποικοδομήσαντα βλάπτειν ἔμʼ αὑτόν· ἐγὼ δʼ ἀποδείξω χωρίον ὂν τοῦτο, ἀλλʼ οὐ χαράδραν.
칼리클레스는 제가 물길을 막아 담을 쌓음으로써 자기 자신에게 피해를 입히고 있다고 말하지만, 저는 이곳이 사유지이지 물길이 아님을 증명해 보이겠습니다.
§13εἰ μὲν οὖν μὴ συνεχωρεῖθʼ ἡμέτερον ἴδιον εἶναι, τάχʼ ἂν τοῦτʼ ἠδικοῦμεν, εἴ τι τῶν δημοσίων ᾠκοδομοῦμεν·
그러므로 만약 이곳이 우리의 사유지라는 점이 인정되지 않고, 우리가 공공의 자산 중 일부에 건축을 하고 있었던 것이라면 우리는 잘못을 저지르고 있는 것일지도 모릅니다.
νυνὶ δʼ οὔτε τοῦτʼ ἀμφισβητοῦσιν, ἔστιν τʼ ἐν τῷ χωρίῳ δένδρα πεφυτευμένα, ἄμπελοι καὶ συκαῖ.
하지만 지금 그들은 이 점에 대해 다투지 않고 있으며, 그 토지에는 심어진 나무들, 즉 포도나무와 무화과나무가 있습니다.
καίτοι τίς ἂν ἐν χαράδρᾳ ταῦτα φυτεύειν ἀξιώσειεν;
그런데 누가 물길에 이러한 것들을 심으려 하겠습니까?
οὐδείς γε.
아무도 그러지 않을 것입니다.
τίς δὲ πάλιν τοὺς αὑτοῦ προγόνους θάπτειν;
또한 누가 자신의 조상들을 그곳에 묻으려 하겠습니까?
§14οὐδὲ τοῦτʼ οἶμαι.
그 역시 아무도 생각하지 않을 것입니다.
ταῦτα τοίνυν ἀμφότερʼ, ὦ ἄνδρες δικασταί, συμβέβηκεν·
재판관 여러분, 이 두 가지 일이 실제로 이 토지에서 일어났습니다.
καὶ γὰρ τὰ δένδρα πεφύτευται πρότερον ἢ τὸν πατέρα περιοικοδομῆσαι τὴν αἱμασιάν, καὶ τὰ μνήματα παλαιὰ καὶ πρὶν ἡμᾶς κτήσασθαι τὸ χωρίον γεγενημένʼ ἐστίν.
왜냐하면 나무들은 아버지가 돌담을 쌓기 전부터 심어져 있었고, 무덤들 또한 오래되어 우리가 이 토지를 취득하기 전에 만들어진 것이기 때문입니다.
καίτοι τούτων ὑπαρχόντων τίς ἂν ἔτι λόγος ἰσχυρότερος, ὦ ἄνδρες Ἀθηναῖοι, γένοιτο;
그런데 이러한 사실들이 있는 이상, 아테네의 시민 여러분, 이보다 더 강력한 어떤 논거가 있을 수 있겠습니까?
τὰ γὰρ ἔργα φανερῶς ἐξελέγχει.
사실 자체가 명백히 그들을 반박하고 있습니다.
καί μοι λαβὲ πάσας νυνὶ τὰς μαρτυρίας, καὶ λέγε.
이제 저를 위해 모든 증언서를 가져와 읽어 주십시오.
ΜΑΡΤΥΡΙΑΙ. §15ἀκούετʼ, ὦ ἄνδρες Ἀθηναῖοι, τῶν μαρτυριῶν.
【증언서】 아테네의 시민 여러분, 증언을 들으셨습니다.
ἆρʼ ὑμῖν δοκοῦσι διαρρήδην μαρτυρεῖν, καὶ χωρίον εἶναι δένδρων μεστὸν καὶ μνήματʼ ἔχειν τινὰ καὶ τἄλλʼ ἅπερ καὶ τοῖς ἄλλοις χωρίοις συμβέβηκεν, καὶ πάλιν ὅτι περιῳκοδομήθη τὸ χωρίον ζῶντος μὲν ἔτι τοῦ τούτων πατρός, οὐκ ἀμφισβητούντων δʼ οὔτε τούτων οὔτʼ ἄλλου τῶν γειτόνων οὐδενός;
이 증언들이 여러분에게, 이곳이 나무가 울창한 토지이고 몇 개의 무덤이 있으며 다른 토지들이 가진 모든 특징을 가지고 있다는 점을, 그리고 나아가 그들의 아버지가 아직 살아 계실 때 토지에 담이 쌓였으며 이들이나 다른 이웃 중 누구도 이의를 제기하지 않았다는 점을 명백히 증언해 준다고 생각하지 않으십니까?
§16ἄξιον δʼ, ὦ ἄνδρες δικασταί, καὶ περὶ τῶν ἄλλων ὧν εἴρηκε Καλλικλῆς ἀκοῦσαι.
재판관 여러분, 칼리클레스가 말한 다른 것들에 대해서도 들을 가치가 있습니다.
καὶ σκέψασθε πρῶτον μέν, εἴ τις ὑμῶν ἑόρακεν ἢ ἀκήκοεν πώποτε παρʼ ὁδὸν χαράδραν οὖσαν.
그리고 먼저, 여러분 중 누군가가 도로 옆에 물길이 있는 것을 본 적이 있거나 들어본 적이 있는지 생각해 보십시오.
οἶμαι γὰρ ἐν πάσῃ τῇ χώρᾳ μηδεμίαν εἶναι·
온 나라를 통틀어 그런 곳은 단 하나도 없다고 생각합니다.
τοῦ γὰρ ἕνεκʼ ἄν, ὃ διὰ τῆς ὁδοῦ τῆς δημοσίας ἔμελλεν βαδιεῖσθαι φερόμενον, τούτῳ διὰ τῶν ἰδίων χωρίων χαράδραν ἐποίησέν τις;
왜냐하면 공공의 도로를 통해 흘러 내려갈 물을 위해, 무엇 때문에 자기 사유지에 일부러 물길을 만들 사람이 있겠습니까?
§17ἔπειτα τίς ἂν ὑμῶν εἴτʼ ἐν ἀγρῷ νὴ Δίʼ εἴτʼ ἐν ἄστει τὸ διὰ τῆς ὁδοῦ ῥέον ὕδωρ εἰς τὸ χωρίον ἢ τὴν οἰκίαν δέξαιτʼ ἂν;
다음으로, 맹세컨대 시골에서든 도시에서든, 여러분 중 누가 도로를 흐르는 물을 자신의 토지나 집으로 받아들이려 하겠습니까?
ἀλλʼ οὐκ αὐτὸ τοὐναντίον, κἂν βιάσηταί ποτε, ἀποφράττειν ἅπαντες καὶ παροικοδομεῖν εἰώθαμεν;
오히려 그 반대로, 물이 언제고 밀어닥치려 하면 우리 모두는 그것을 가로막고 둑을 쌓아 올리는 것이 예삿일이 아닙니까?
οὗτος τοίνυν ἀξιοῖ μʼ ἐκ τῆς ὁδοῦ τὸ ὕδωρ εἰσδεξάμενον εἰς τὸ ἐμαυτοῦ χωρίον, ὅταν τὸ τούτου παραλλάξῃ χωρίον, πάλιν εἰς τὴν ὁδὸν ἐξαγαγεῖν.
그런데 이 자는 제가 도로에서 물을 제 토지로 받아들였다가, 그의 토지를 지나치고 나면 다시 그것을 도로로 내보내야 한다고 요구하고 있습니다.
οὐκοῦν πάλιν ὁ μετὰ τοῦτόν μοι γεωργῶν τῶν γειτόνων ἐγκαλεῖ·
그렇다면 그의 뒤를 이어 농사를 짓는 이웃이 다시 저를 고소할 것입니다.
τὸ γὰρ ὑπὲρ τούτου δίκαιον δῆλον ὅτι κἀκείνοις ὑπάρξει πᾶσι λέγειν.
왜냐하면 이 자에게 적용되는 정당한 권리는 당연히 그들 모두에게도 주장할 수 있는 것으로 돌아갈 것이기 때문입니다.
§18ἀλλὰ μὴν εἴ γʼ εἰς τὴν ὁδὸν ὀκνήσω τὸ ὕδωρ ἐξάγειν, ἦ που σφόδρα θαρρῶν εἰς τὸ τοῦ πλησίον χωρίον ἀφιείην ἄν.
하지만 만약 제가 도로로 물을 내보내기를 주저한다면, 대체 무슨 대단한 배짱으로 이웃의 토지로 물을 흘려보낼 수 있겠습니까?
ὅπου γὰρ δίκας ἀτιμήτους φεύγω διότι τὸ ἐκ τῆς ὁδοῦ ῥέον ὕδωρ εἰς τὸ τούτου χωρίον διέπεσεν, τί πείσομαι πρὸς Διὸς ὑπὸ τῶν ἐκ τοῦ χωρίου τοὐμοῦ τοῦ ὕδατος εἰσπεσόντος βλαπτομένων;
도로를 흐르던 물이 이 자의 토지로 흘러 들어갔다는 이유만으로 제가 배상액 미정의 소송을 당하고 있는 마당에, 제우스의 이름으로 맹세컨대, 제 토지에서 흘러나온 물로 피해를 입은 사람들로부터 제가 어떤 꼴을 당하겠습니까?
ὅπου δὲ μήτʼ εἰς τὴν ὁδὸν μήτʼ εἰς τὰ χωρίʼ ἀφιέναι μοι τὸ ὕδωρ ἐξέσται δεξαμένῳ, τί λοιπόν, ὦ ἄνδρες δικασταί, πρὸς θεῶν;
물을 받아들이고도 도로로도 이웃 토지로도 내보낼 수 없다면, 재판관 여러분, 신들의 이름으로 청하건대 무엇이 남겠습니까?
οὐ γὰρ ἐκπιεῖν γε δήπου με Καλλικλῆς αὐτὸ προσαναγκάσει.
칼리클레스가 저에게 그 물을 다 마셔 버리라고 강요할 수는 없을 테니 말입니다.