§14πρῶτον μὲν οὖν ἐπιβουλεύει μοι μετὰ τῶν ἀντιδίκων, καὶ πίστιν αὐτοῖς δίδωσιν·
우선 그는 나의 소송 상대방들과 공모하여 나를 해치려 모의하고, 그들에게 신의를 맹세했습니다.
ἔπειτʼ ἀγώνων μοι συνεστηκότων πρὸς αὐτούς, τούς τε λόγους ἐκφέρει μου εἰδώς, καὶ ἐγγράφει τῷ δημοσίῳ ἀπρόσκλητον ἐξ ἐμφανῶν καταστάσεως ἐπιβολὴν ἑξακοσίας καὶ δέκα δραχμάς, διὰ Λυκίδου τοῦ μυλωθροῦ ποιησάμενος τὴν δίκην.
그다음으로 나와 그들 사이에 소송이 진행 중일 때, 그는 나의 변론 내용을 알고 있으면서도 이를 누설하고, 방앗간 주인 뤼키다스를 통해 소송을 제기하게 함으로써, 재산 개시 절차에 대한 불이행을 이유로, 소환장도 없이 나에게 부과된 610드라크마의 벌금을 국고 채무로 공적 장부에 등록했습니다.
κλητῆρα δὲ κατʼ ἐμοῦ τόν τε ἀδελφὸν τὸν αὑτοῦ τὸν Ἀρεθούσιον τοῦτον ἐπιγράφεται, οὗπέρ ἐστιν τὰ ἀνδράποδα ταῦτα, καὶ ἄλλον τινά·
그리고 나에 대한 소환 증인으로서, 현재 등록된 이 노예들의 주인인 그의 형제 아레투시오스와 또 다른 사람을 등록했습니다.
καὶ παρεσκευάζοντο, εἰ ἀνακρινοίμην κατὰ τῶν οἰκείων τῶν ἀδικούντων με τὰς δίκας ἃς εἰλήχειν αὐτοῖς, ἐνδεικνύναι με ὡς ὀφείλοντα τῷ δημοσίῳ καὶ ἐμβάλλειν εἰς τὸ δεσμωτήριον.
그리고 그들은 나에게 피해를 준 그들의 친척들을 상대로 제기한 소송의 예비 심문을 진행하려 할 때, 나를 국고 채무자로 고발하여 감옥에 쳐넣으려고 준비하고 있었습니다.
§15ἔτι δὲ πρὸς τούτοις ὁ ἀπρόσκλητόν μου ἑξακοσίων καὶ δέκα δραχμῶν δίκην καταδικασάμενος καὶ ψευδεῖς κλητῆρας ἐπιγραψάμενος, εἰσελθὼν εἰς τὴν οἰκίαν βίᾳ τὰ σκεύη πάντα ἐξεφόρησεν, πλέον ἢ εἴκοσι μνῶν ἄξια, καὶ οὐδʼ ὁτιοῦν κατέλιπεν.
게다가 이에 더하여, 소환장도 없이 나에게 610드라크마의 유죄 판결을 받아내고 허위 소환 증인을 등록한 그 자는, 내 집에 무단으로 침입하여 20미나 이상의 가치가 있는 가재도구를 모두 실어 가고 아무것도 남겨두지 않았습니다.
ὅτε δὲ τιμωρεῖσθαι ᾤμην δεῖν, καὶ ἐκτείσας τῷ δημοσίῳ τὸ ὄφλημα, ἐπειδὴ ἐπυθόμην τὴν ἐπιβουλήν, ἐβάδιζον ἐπὶ τὸν κλητῆρα τὸν ὁμολογοῦντα κεκλητευκέναι, τὸν Ἀρεθούσιον, τῆς ψευδοκλητείας κατὰ τὸν νόμον, ἐλθὼν εἰς τὸ χωρίον τῆς νυκτός, ὅσα ἐνῆν φυτὰ ἀκροδρύων γενναῖα ἐμβεβλημένα καὶ τὰς ἀναδενδράδας ἐξέκοψε, καὶ φυτευτήρια ἐλαῶν περιστοίχων κατέκλασεν, οὕτως δεινῶς ὡς οὐδʼ ἂν οἱ πολέμιοι διαθεῖεν.
내가 그들에게 보복해야 한다고 생각하여, 국고 채무를 납부하고 나서(그들의 음모를 알게 되었기 때문입니다), 법에 따라 소환을 했다고 자인하는 소환 증인 아레투시오스를 허위 소환죄로 고발하려고 절차를 밟고 있었을 때, 그는 밤중에 내 토지에 침입하여, 그곳에 심겨 있던 우수한 과수와 덩굴성 포도나무를 모두 베어버리고, 줄지어 서 있던 올리브 묘목들을 꺾어놓았습니다. 그 참상은 적군이라 할지라도 이만큼 심하게 하지는 않았을 정도였습니다.
§16πρὸς δὲ τούτοις μεθʼ ἡμέραν παιδάριον ἀστὸν εἰσπέμψαντες διὰ τὸ γείτονες εἶναι καὶ ὅμορον τὸ χωρίον, ἐκέλευον τὴν ῥοδωνιὰν βλαστάνουσαν ἐκτίλλειν, ἵνα, εἰ καταλαβὼν αὐτὸν ἐγὼ δήσαιμι ἢ κατάξαιμι ὡς δοῦλον ὄντα, γραφήν με γράψαιντο ὕβρεως.
게다가 그들은 이웃하여 토지가 맞닿아 있다는 점을 이용하여, 낮에 시민 신분의 어린아이를 내 토지로 보내 싹트고 있는 장미 덤불을 뽑으라고 시켰습니다. 만일 내가 그 아이를 붙잡아 노예인 줄 알고 묶거나 끌고 간다면, 나를 모욕죄로 고발하기 위함이었습니다.
ὡς δὲ τούτου διήμαρτον, καὶ ἐγὼ μάρτυρας μὲν ὧν ἔπασχον ἐποιούμην, αὐτὸς δὲ οὐδὲν ἐξημάρτανον εἰς αὐτούς, ἐνταῦθα ἤδη μοι ἐπιβουλεύουσι τὴν μεγίστην ἐπιβουλήν·
그러나 그들이 이 계획에 실패하고, 나는 내가 겪은 피해의 증인들을 모으는 한편 그들에게 아무런 잘못도 범하지 않자, 그들은 마침내 나를 상대로 가장 거대한 음모를 꾸몄습니다.
§17ἀνακεκριμένου γὰρ ἤδη μου κατʼ αὐτοῦ τὴν τῆς ψευδοκλητείας γραφὴν καὶ μέλλοντος εἰσιέναι εἰς τὸ δικαστήριον, τηρήσας με ἀνιόντα ἐκ Πειραιῶς ὀψὲ περὶ τὰς λιθοτομίας παίει τε πὺξ καὶ ἁρπάζει μέσον καὶ ἐώθει με εἰς τὰς λιθοτομίας, εἰ μή τινες προσιόντες, βοῶντός μου ἀκούσαντες, παρεγένοντο καὶ ἐβοήθησαν.
즉, 내가 그를 상대로 제기한 허위 소환 공소의 예비 심문을 이미 마치고 법정에 들어가려던 참이었을 때, 그는 내가 늦은 저녁에 페이라이에우스로부터 올라오는 것을 채석장 근처에서 노리고 있다가 주먹으로 나를 때리고 허리를 붙잡아 채석장 밑으로 밀쳐 떨어뜨리려 했습니다. 만일 지나가던 사람들이 내가 지르는 소리를 듣고 달려와 도와주지 않았다면 큰일 날 뻔했습니다.
ἡμέραις δὲ οὐ πολλαῖς ὕστερον εἰσελθὼν εἰς τὸ δικαστήριον πρὸς ἡμέραν διαμεμετρημένην, καὶ ἐξελέγξας αὐτὸν τὰ ψευδῆ κεκλητευκότα καὶ τὰ ἄλλα ὅσα εἴρηκα ἠδικηκότα, εἷλον.
며칠 후, 나는 시간이 제한된 법정에 들어가, 그가 허위 소환을 했다는 것과 내가 말한 다른 모든 불법 행위를 저질렀음을 입증하여 유죄 판결을 받아냈습니다.
§18καὶ ἐν τῇ τιμήσει βουλομένων τῶν δικαστῶν θανάτου τιμῆσαι αὐτῷ, ἐδεήθην ἐγὼ τῶν δικαστῶν μηδὲν διʼ ἐμοῦ τοιοῦτον πρᾶξαι, ἀλλὰ συνεχώρησα ὅσουπερ αὐτοὶ ἐτιμῶντο, ταλάντου, οὐχ ἵνα μὴ ἀποθάνῃ ὁ Ἀρεθούσιος (ἄξια γὰρ αὐτῷ θανάτου εἴργαστο εἰς ἐμέ), ἀλλʼ ἵνα ἐγὼ Πασίωνος ὢν καὶ κατὰ ψήφισμα πολίτης μηδένα Ἀθηναίων ἀπεκτονὼς εἴην.
그리고 형량 결정에서 재판관들이 그에게 사형을 내리려 했을 때, 나는 재판관들에게 나로 인해 그러한 판결을 내리지 말아 달라고 간청했고, 그들 스스로 산정한 1탈란토의 벌금형에 동의했습니다. 그것은 아레투시오스가 죽지 않기를 바라서가 아니라(그는 나에게 사형에 처해 마땅할 짓을 저질렀기 때문입니다), 파시온의 아들이자 민회 결의에 따른 시민인 나 자신이 아테네 시민 중 누구도 죽인 적이 없는 상태로 남고 싶었기 때문입니다.
ὡς δʼ ἀληθῆ εἴρηκα πρὸς ὑμᾶς, τούτων ὑμῖν πάντων τοὺς μάρτυρας παρέξομαι.
내가 여러분에게 진실을 말했음을 입증하기 위해, 이 모든 사실에 대한 증인들을 제시하겠습니다.
ΜΑΡΤΥΡΕΣ. §19ἃ μὲν τοίνυν ἀδικούμενος, ὦ ἄνδρες δικασταί, ὑπʼ αὐτῶν τὴν ἀπογραφὴν ἐποιησάμην, δεδήλωκα ὑμῖν·
[증인들] 배심원 여러분, 이처럼 그들로부터 부당한 대우를 받았기에 내가 압류 재산 목록을 작성한 경위에 대해서는 이미 설명해 드렸습니다.
ὡς δʼ ἔστιν Ἀρεθουσίου τὰ ἀνδράποδα ταῦτα καὶ ὄντα ἐν τῇ οὐσίᾳ τῇ ἐκείνου ἀπέγραψα, ἐπιδείξω ὑμῖν.
다음으로, 이 노예들이 아레투시오스의 소유이며 그의 재산에 속하기에 내가 이들을 목록에 등록했음을 여러분에게 증명해 보이겠습니다.
τὸν μὲν γὰρ Κέρδωνα ἐκ μικροῦ παιδαρίου ἐξεθρέψατο·
그는 케르돈을 어린 시절부터 키웠습니다.
καὶ ὡς ἦν Ἀρεθουσίου, τούτων ὑμῖν τοὺς εἰδότας μάρτυρας παρέξομαι.
그리고 그가 아레투시오스의 소유였음을 아는 증인들을 여러분 앞에 제시하겠습니다.
ΜΑΡΤΥΡΕΣ. §20παρʼ οἷς τοίνυν ἠργάσατο πώποτε, ὡς τοὺς μισθοὺς Ἀρεθούσιος ἐκομίζετο ὑπὲρ αὐτοῦ, καὶ δίκας ἐλάμβανε καὶ ἐδίδου, ὁπότε κακόν τι ἐργάσαιτο, ὡς δεσπότης ὤν, τούτων ὑμῖν τοὺς εἰδότας μάρτυρας παρέξομαι.
[증인들] 또한, 케르돈이 일했던 고용주들을 통해, 아레투시오스가 주인으로서 그의 임금을 수령했으며, 케르돈이 잘못을 저질렀을 때 주인으로서 손해 배상을 청구받거나 지급했다는 사실을 아는 증인들을 여러분 앞에 제시하겠습니다.
ΜΑΡΤΥΡΕΣ.
τὸν δὲ Μάνην, δανείσας ἀργύριον Ἀρχεπόλιδι τῷ Πειραιεῖ, ἐπειδὴ οὐχ οἷός τʼ ἦν αὐτῷ ἀποδοῦναι ὁ Ἀρχέπολις οὔτε τὸν τόκον οὔτε τὸ ἀρχαῖον ἅπαν, ἐναπετίμησεν αὐτῷ.
[증인들] 그리고 마네스에 관해서는, 아레투시오스가 페이라이에우스의 아르케폴리스에게 돈을 빌려주었을 때, 아르케폴리스가 이자나 원금 전체를 상환할 수 없게 되자, 그 대신 마네스를 대물변제로 양도했습니다.
καὶ ὅτι ἀληθῆ λέγω, τούτων ὑμῖν τοὺς μάρτυρας παρέξομαι.
내가 진실을 말하고 있음을 입증하기 위해, 이에 대한 증인들을 제시하겠습니다.
ΜΑΡΤΥΡΕΣ.
[증인들]