§53ἐπειδὴ δʼ οὐκέτι χρεία ἦν αὐτῷ τριήρων, ἐμβιβάσας μοι Λυκῖνον τὸν Παλληνέα ἄρχοντα εἰς τὴν ναῦν, καὶ προστάξας αὐτῷ καθʼ ἡμέραν ἀργύριον διδόναι τοῖς ναύταις, ἀποπλεῖν οἴκαδέ με ἐκέλευεν.
그리고 티모마코스에게 더 이상 삼단노선이 필요하지 않게 되자, 팔레네 구의 관리인 리키노스를 내 배에 태우고 그에게 매일 선원들에게 돈을 지급하라고 명령한 뒤, 내게 집으로 회항하라고 명령했습니다.
ἐπειδὴ τοίνυν καταπλέοντες οἴκαδε ἦμεν ἐν Τενέδῳ, καὶ οὔτε ὁ Λυκῖνος, ᾧ προσέταξεν ὁ Τιμόμαχος, ἐδίδου τοῖς ναύταις σιτηρέσιον (οὐ γὰρ ἔφη ἔχειν, ἀλλʼ ἐκ Μυτιλήνης λήψεσθαι), οἵ τε στρατιῶται εἶχον οὐδὲν ὅτου ἂν ἐπεσιτίσαντο, ἄσιτοι δὲ οὐκ ἂν ἐδύναντο ἐλαύνειν, §54πάλιν παραλαβὼν ἐγὼ μάρτυρας τῶν πολιτῶν, προσελθὼν Πολυκλεῖ τουτῳὶ ἐν Τενέδῳ, ἐκέλευον αὐτὸν τήν τε ναῦν παραλαμβάνειν ὡς διάδοχον ὄντα, καὶ τὸ ἐπιτριηράρχημα ἀποδιδόναι τοῦ χρόνου οὗ ἐπανήλωσα ὑπὲρ τούτου ἐπιτριηραρχῶν, ἵνα μὴ πρόφασις αὐτῷ γένοιτο ἀπολογίας πρὸς ὑμᾶς, ὡς ἐγὼ διὰ τοῦτο οὐκ ἤθελον αὐτῷ παραδοῦναι τὴν ναῦν φιλοτιμούμενος, ἵνα καταπλεύσαιμι οἴκαδε ἐπὶ νεὼς εὖ πλεούσης καὶ ἐνδειξαίμην ὑμῖν τὰ ἀναλώματα.
그리하여 우리가 집으로 가던 중 테네도스에 머물고 있었을 때, 티모마코스가 명령했던 리키노스는 선원들에게 식비를 지급하지 않았고 (자신에게는 돈이 없고 미틸레네에서 받을 것이라고 말했기 때문입니다), 군인들도 양식을 살 수 있는 돈이 전혀 없었으며, 굶고서는 노를 저을 수 없었기에, 나는 다시 시민들 중에서 증인들을 데리고 테네도스에 있던 여기 이 폴리클레스에게 가서, 그가 후임자이므로 배를 인도받을 것과, 내가 그를 대신하여 기간을 초과해 삼단노선 봉사를 수행하며 지출한 초과 비용을 지급할 것을 요구했습니다. 이는 그가 여러분 앞에서 변명할 때, 내가 명예욕 때문에 잘 달리는 배를 타고 귀국하여 여러분에게 지출을 과시하기 위해 배를 넘겨주려 하지 않았다는 핑계를 대지 못하게 하기 위함이었습니다.
§55οὐκ ἐθέλοντος δʼ αὐτοῦ παραλαμβάνειν, τῶν δὲ ναυτῶν ἀργύριον αἰτούντων ἵνα ἀγοράσωνται τὰ ἐπιτήδεια, πάλιν αὐτῷ προσέρχομαι μάρτυρας ἔχων, καὶ ἠρώτων αὐτὸν εἰ ἀναπλεύσειεν ἔχων ἀργύριον ὡς διαδεξόμενός μοι τὴν ναῦν, ἢ οὔ.
그러나 그가 인도받기를 원치 않고, 선원들은 생필품을 사기 위해 돈을 요구하고 있었으므로, 나는 다시 증인들을 대동하고 그에게 가서, 그가 나로부터 배를 인계받기 위해 돈을 가지고 출항한 것인지 아닌지를 물었습니다.
ἀποκριναμένου δʼ αὐτοῦ ὅτι ἔχων ἀργύριον ἥκοι, ἐκέλευον αὐτόν μοι δανεῖσαι ὑποθέμενον τὰ σκεύη τῆς νεώς, ἵνʼ ἔχοιμι διαδοῦναι τοῖς ναύταις καὶ κατακομίσαι τὴν ναῦν, ἐπειδὴ οὐ βούλεται παραλαβεῖν διάδοχος ὤν.
그가 돈을 가지고 왔다고 대답하자, 나는 그가 후임자이면서도 배를 인계받으려 하지 않으니, 선원들에게 나누어 주고 배를 본국으로 이끌고 갈 수 있도록 배의 장비들을 담보로 돈을 빌려달라고 요구했습니다.
§56δεομένου δέ μου ταῦτα, ἀπεκρίνατό μοι ὅτι οὐδʼ ἀκαρῆ δανείσοι.
내가 이렇게 간청하자, 그는 내게 단 한 푼도 빌려주지 않겠다고 대답했습니다.
ἐγὼ μὲν οὖν παρὰ ξένων Τενεδίων τοῦ πατρός, Κλεάνακτος καὶ Ἐπηράτου, ἐδανεισάμην καὶ ἔδωκα τοῖς ναύταις τὸ σιτηρέσιον·
그리하여 나는 테네도스에 있는 아버지의 객주 친구들인 클레아낙스와 에피라토스로부터 돈을 빌려 선원들에게 식비를 주었습니다.
διὰ γὰρ τὸ Πασίωνος εἶναι καὶ ἐκεῖνον ἐπεξενῶσθαι πολλοῖς καὶ πιστευθῆναι ἐν τῇ Ἑλλάδι οὐκ ἠπόρουν, ὅπου δεηθείην, δανείσασθαι.
왜냐하면 내가 파시온의 아들이고 아버지가 많은 사람과 친교를 맺고 그리스 전역에서 신뢰를 받았기 때문에, 나는 필요로 하는 곳 어디에서든 돈을 빌리는 데 어려움이 없었기 때문입니다.
ὡς οὖν ταῦτα ἀληθῆ πρὸς ὑμᾶς λέγω, τούτων ὑμῖν τὰς μαρτυρίας παρέξομαι.
내가 이 일들을 여러분께 진실로 말씀드리고 있음을 증명하기 위해, 이에 대한 증언들을 제시하겠습니다.
ΜΑΡΤΥΡΙΑΙ.
증언.
§57ὅσων μὲν τοίνυν ὑμῖν ἐδυνάμην τὰς μαρτυρίας παρασχέσθαι τῶν παραγενομένων, ὡς παρεδίδουν τὴν ναῦν Πολυκλεῖ πολλάκις, οὗτος δὲ οὐκ ἤθελεν παραλαβεῖν, ἀνέγνωκεν ὑμῖν·
현장에 있던 사람들 중 내가 폴리클레스에게 여러 번 배를 인도하려 했으나 그가 인계받으려 하지 않았다는 사실에 대해 내가 제시할 수 있었던 증언들은 서기가 이미 여러분께 낭독해 드렸습니다.
ἔτι δὲ καὶ ἐκ τεκμηρίων ἱκανῶν δεδήλωκα ὑμῖν, διʼ ὅ τι οὐκ ἤθελεν παραλαβεῖν τὴν ναῦν.
게다가 나는 충분한 증거들을 통해 그가 왜 배를 인계받으려 하지 않았는지도 밝혀 드렸습니다.
βούλομαι δʼ ὑμῖν καὶ τὸν νόμον ἀναγνωσθῆναι τὸν περὶ τῶν διαδόχων, ἵνʼ εἰδῆτε ἡλίκων τῶν ἐπιτιμίων ὄντων, ἐάν τις μὴ διαδέξηται τὴν ναῦν ἐν τῷ χρόνῳ τῷ εἰρημένῳ, κατεφρόνησεν οὐκ ἐμοῦ μόνον, ἀλλὰ καὶ ὑμῶν καὶ τῶν νόμων.
또한 후임자에 관한 법률도 여러분께 낭독되기를 원하는데, 이는 정해진 기간 내에 배를 인도받지 않을 경우의 벌칙이 얼마나 큰지 알게 함으로써, 그가 나뿐만 아니라 여러분과 법률을 어떻게 경멸했는지 알게 하려는 것입니다.
§58καὶ διὰ μὲν τοῦτον πάντα τῇ πόλει ἄπρακτα γέγονεν καὶ τοῖς συμμάχοις·
그리고 이 자 때문에 국가와 동맹국들에게 모든 일이 수포로 돌아갔습니다.
οὔτε γὰρ ἀφίκετο ἐπὶ τὴν ναῦν κατὰ τὸν νόμον, οὔτʼ ἐπειδὴ ἦλθεν ἠθέλησε διαδέξασθαι·
법에 따라 배에 오지도 않았고, 온 뒤에도 인도받기를 원치 않았기 때문입니다.
ἐγὼ δὲ καὶ τὸν ὑπὲρ ἐμαυτοῦ ὑμῖν χρόνον καὶ τὸν ὑπὲρ τοῦ συντριηράρχου ἐλῃτούργησα, καὶ ἐπειδὴ ἐξῆλθέ μοι ὁ χρόνος τῆς τριηραρχίας, προστάττοντός μοι τοῦ στρατηγοῦ πλεῖν ἐφʼ Ἱερὸν παρέπεμψα τῷ δήμῳ τὸν σῖτον,
그러나 나는 나 자신의 임기뿐만 아니라 공동 삼단노선 봉사자의 임기분까지 여러분을 위해 공무를 수행했으며, 삼단노선 봉사자의 임기가 만료되었을 때에도 장군이 내게 히에론으로 항해하라는 명령을 내렸기에 민중을 위해 곡물을 호송했습니다.
§59ἵνα ἔχητε ἄφθονον ὠνεῖσθαι καὶ μηδὲν ὑμῖν τὸ κατʼ ἐμὲ ἐλλείπηται, καὶ ἄλλα ὅσα ἢ ἐμοὶ ἢ τῇ τριήρει ἐβουλήθη ὁ στρατηγὸς χρῆσθαι, παρέσχον αὐτῷ, οὐ μόνον τὴν οὐσίαν ἀναλίσκων, ἀλλὰ καὶ τῷ σώματι κινδυνεύων συνεπιπλέων, τῶν οἰκείων μοι πραγμάτων τοιούτων συμβεβηκότων ἐν τῷ τότε καιρῷ, ὥστε ὑμᾶς ἂν ἀκούσαντας ἐλεῆσαι.
그것은 여러분이 풍부하게 곡물을 살 수 있게 하고 나로 인한 부족함이 없게 하려는 것이었으며, 장군이 나나 삼단노선을 사용하고자 했던 다른 모든 일에서도 나는 자산을 낭비할 뿐만 아니라 몸소 승선하여 위험을 무릅쓰고 그에게 협력했습니다. 당시 내 개인적인 사정이 다음과 같은 처지에 놓여 있었기에 여러분께서 들으시면 동정하셨을 것입니다.
§60ἡ μέν γε μήτηρ ἔκαμνε καὶ ἐπιθάνατος ἦν ἐμοῦ ἀποδημοῦντος, ὥστε μὴ δύνασθαι ἔτι αὐτὴν βοηθῆσαι τοῖς ἐμοῖς πράγμασιν ἀνηλωμένοις ἀλλʼ ἢ βραχέα.
내가 타국에 나가 있는 동안 어머니는 병석에 누워 임종을 앞두고 계셨기에, 내 탕진된 자산에 아주 미미한 도움밖에 주실 수 없었습니다.
ἑκταῖος γὰρ ἥκων ἐτύγχανον, καὶ ἐκείνη ἰδοῦσά με καὶ προσειποῦσα τὴν ψυχὴν ἀφῆκεν, οὐκέτι τῶν ὄντων κυρία οὖσα ὥστε δοῦναι ὅσα ἐβούλετό μοι.
내가 마침 귀국했을 때는 어머니의 병환이 여섯째 날이었는데, 어머니는 나를 보고 말을 건넨 뒤 숨을 거두셨고, 더 이상 자신의 재산을 처분하여 내게 원하는 만큼 줄 수 있는 권한이 없으셨습니다.
πολλάκις δὲ πρότερον μετεπέμπετό με, ἀφικέσθαι δεομένη αὐτόν, εἰ μὴ τῇ τριήρει οἷόν τε εἴη.
그 전에 어머니는 삼단노선으로 올 수 없다면 몸만이라도 와달라고 간청하며 나를 여러 번 부르러 보냈던 것입니다.