§24ὅτι μὲν τοίνυν ἥ γε τούτων μήτηρ οὐκ ἐπηνέγκατο προῖκα, ἀλλʼ οὗτοι τοῦτο ψεύδονται, ἱκανῶς ὑμᾶς μεμαθηκέναι νομίζω·
그러므로 이들의 어머니가 지참금을 가져오지 않았다는 것, 그리고 이들이 이 점에 대해 거짓말을 하고 있다는 것은 여러분이 충분히 이해하셨으리라 생각합니다.
ὅτι δὲ ἡ ἐμὴ μήτηρ ἐπηνέγκατο, ῥᾳδίως ἐγὼ δείξω.
반면에 제 어머니가 지참금을 가져왔다는 것에 대해서는 제가 쉽게 증명하겠습니다.
πρῶτον μὲν γὰρ Πολυαράτου θυγάτηρ ἦν, ὃς καὶ ὑφʼ ὑμῶν ἐτιμᾶτο καὶ πολλὴν οὐσίαν ἐκέκτητο·
첫째로, 어머니는 폴리아라토스의 딸이었는데, 그는 여러분에게도 존경을 받았고 많은 재산을 소유하고 있었습니다.
ἔπειτα μεμαρτύρηται ὑμῖν ὡς καὶ ἡ ἀδελφὴ αὐτῆς τοσαύτην προῖκα ἐπενεγκαμένη Ἐρυξιμάχῳ συνῴκησεν, τῷ Χαβρίου κηδεστῇ.
둘째로, 어머니의 자매 역시 그만한 액수의 지참금을 가지고 카브리아스의 인척인 에리크시마코스와 혼인했다는 사실이 여러분에게 증언되었습니다.
§25πρὸς δὲ τούτοις φαίνεταί μου ἡ μήτηρ τὸ πρῶτον ἐκδοθεῖσα Κλεομέδοντι, οὗ φασι τὸν πατέρα Κλέωνα τῶν ὑμετέρων προγόνων στρατηγοῦντα, Λακεδαιμονίων πολλοὺς ἐν Πύλῳ ζῶντας λαβόντα, μάλιστα πάντων ἐν τῇ πόλει εὐδοκιμῆσαι·
여기에 더하여, 제 어머니는 처음에 클레오메돈에게 출가했음이 드러납니다. 그의 아버지 클레온은 여러분 선조들의 장군으로 복무하던 중, 필로스에서 많은 라케다이몬인들을 생포하여 도시에서 누구보다도 큰 명성을 얻었다고 전해집니다.
ὥστε οὔτε τὸν ἐκείνου προσῆκεν υἱὸν ἄπροικον αὐτὴν γῆμαι, οὔτε Μενέξενον καὶ Βάθυλλον εἰκός ἐστιν, αὐτούς τε οὐσίαν πολλὴν κεκτημένους καὶ Κλεομέδοντος τελευτήσαντος κομισαμένους τὴν προῖκα, ἀποστερῆσαι τὴν ἀδελφὴν τὴν ἑαυτῶν, ἀλλὰ προσθέντας αὐτοὺς ἐκδοῦναι τῷ ἡμετέρῳ πατρί, καθάπερ καὶ αὐτοὶ πρὸς ὑμᾶς καὶ οἱ ἄλλοι μεμαρτυρήκασιν.
따라서 그의 아들이 지참금도 없이 그녀와 혼인하는 것은 합당하지 않았으며, 메넥세노스와 바튈로스가 자신들도 많은 재산을 소유하고 있었고 클레오메돈이 사망했을 때 지참금을 회수했음에도, 자신들의 자매에게서 그것을 빼앗기보다는 오히려 자신들이 지참금을 보태어 우리 아버지에게 출가시켰다고 보는 것이 당연하며, 이는 그들 자신과 다른 이들이 여러분에게 증언한 바와 같습니다.
§26χωρὶς δὲ τούτων ἐνθυμήθητε, διὰ τί ἄν ποτε ὁ πατήρ, εἴπερ ἡ μὲν ἐμὴ μήτηρ μὴ ἦν ἐγγυητὴ μηδὲ ἠνέγκατο προῖκα, ἡ δὲ τούτων ἠνέγκατο, τοὺς μὲν οὐκ ἔφη αὑτοῦ υἱεῖς εἶναι, ἐμὲ δὲ καὶ ἐποιεῖτο καὶ ἐπαίδευεν;
이것들과는 별개로, 만약 제 어머니는 정식으로 혼인하지도 않았고 지참금도 가져오지 않은 반면 이들의 어머니는 지참금을 가져왔다면, 어째서 아버지가 이들은 자기 아들이 아니라고 부인하면서 저에 대해서는 자식으로 인정하고 교육했겠는지 생각해 보십시오.
ὅτι νὴ Δία, ὡς οὗτοι φήσουσιν, ἐμοὶ χαριζόμενος καὶ τῇ ἐμῇ μητρὶ τούτους ἠτίμαζεν.
“맹세코 제우스의 이름으로, 이들이 주장하듯 아버지가 저와 제 어머니의 환심을 사기 위해 이들을 홀대했다”는 것입니까?
§27ἀλλʼ ἐκείνη μὲν ἔτι παῖδα μικρὸν ἐμὲ καταλιποῦσα αὐτὴ τὸν βίον ἐτελεύτησεν, ἡ δὲ τούτων μήτηρ Πλαγγὼν καὶ πρότερον καὶ μετὰ ταῦτα εὐπρεπὴς τὴν ὄψιν οὖσα ἐπλησίαζεν αὐτῷ·
하지만 어머니는 제가 아직 어린아이였을 때 저를 남겨두고 세상을 떠났습니다. 반면에 이들의 어머니인 플랑곤은 그 전이나 그 후나 용모가 아름다워 아버지와 친밀하게 지냈습니다.
ὥστε πολὺ μᾶλλον εἰκὸς ἦν αὐτὸν διὰ τὴν ζῶσαν γυναῖκα, ἧς ἐρῶν ἐτύγχανε, τὸν τῆς τεθνεώσης υἱὸν ἀτιμάζειν, ἢ διʼ ἐμὲ καὶ τὴν τετελευτηκυῖαν τοὺς ἐκ τῆς ζώσης καὶ πλησιαζούσης αὐτῷ παῖδας μὴ ποιεῖσθαι.
따라서 아버지가 자신이 사랑하던 살아 있는 여인을 위해 죽은 여인의 아들을 홀대하는 것이, 저와 고인이 된 어머니를 위해 살아 있고 자신과 친밀한 여인의 자식들을 자기 자식으로 인정하지 않는 것보다 훨씬 더 그럴듯한 일입니다.
§28καίτοι οὗτός γε εἰς τοῦτο τόλμης ἥκει, ὥστε φησὶ τὸν πατέρα μου δεκάτην ὑπὲρ αὑτοῦ ἑστιᾶσαι.
그럼에도 이 자는 참으로 대담하게도, 제 아버지가 자신을 위해 열흘째의 축하 잔치를 베풀어 주었다고 주장합니다.
καὶ περὶ τούτου μόνον Τιμοκράτους καὶ Προμάχου ἐμβέβληται μαρτυρίας, οἳ οὔτε γένει προσήκουσί μου τῷ πατρὶ οὐδὲν οὔτε φίλοι ἦσαν ἐκείνῳ.
그리고 오직 이 점에 대해서만 그는 티모크라테스와 프로마코스의 증언을 제출했는데, 그들은 제 아버지와 아무런 혈연관계도 없고 그의 친구도 아니었습니다.
οὕτω δὲ φανερῶς τὰ ψευδῆ μεμαρτυρήκασιν, ὥστε ὃν πάντων ὑμῶν εἰδότων οὑτοσὶ δίκην λαχὼν ἄκοντα ἠνάγκασε ποιήσασθαι αὑτόν, τοῦτον οὗτοι, ὥσπερ κλητῆρες, δύο μόνοι ὄντες μαρτυροῦσιν δεκάτην ὑπὲρ τούτου ἑστιᾶσαι.
그들은 너무나도 명백한 거짓을 증언하고 있습니다. 여러분 모두가 알고 있듯이, 이 자가 소송을 제기하여 아버지가 마지못해 자신을 자식으로 인정하게 만들었음에도 불구하고, 이들 두 사람만이 마치 소장 송달 증인처럼 아버지가 그를 위해 열흘째 잔치를 베풀었다고 증언하고 있기 때문입니다.
§29οἷς τίς ἂν ὑμῶν πιστεύσειεν;
이들을 여러분 중 누가 믿겠습니까?
καὶ μὴν οὐδʼ ἐκεῖνό γε εἰπεῖν αὐτῷ ἐνδέχεται, ὡς μικρὸν μὲν ὄντα ἐποιεῖτο αὐτὸν ὁ πατήρ, μείζω δὲ γενόμενον τῇ μητρὶ ὀργισθείς τι τῇ τούτων ἠτίμαζεν·
더욱이 그가 다음과 같이 말할 수도 없습니다. 즉, 어릴 때는 아버지가 그를 자식으로 인정했으나 그가 자란 뒤에 그들의 어머니에게 화가 나서 그를 홀대했다는 것입니다.
πολὺ γὰρ δήπου μᾶλλον εἰώθασιν, ὧν ἂν ἐν αὑτοῖς διενεχθῶσιν γυνὴ καὶ ἀνήρ, διαλλάττεσθαι διὰ τοὺς παῖδας ἢ διὰ τὰς πρὸς ἑαυτοὺς ὀργὰς τοὺς κοινοὺς παῖδας πρὸς μισεῖν.
부부 사이에 어떤 불화가 있더라도 자녀들을 위해 화해하는 것이 일반적이지, 서로에 대한 분노 때문에 공동의 자녀까지 미워하는 일보다는 훨씬 더 그러하기 때문입니다.
ὥστε ἐὰν μὲν ἐπιχειρῇ ταῦτα λέγειν, μὴ ἐπιτρέπετε ἀναισχυντεῖν.
그러므로 만일 그가 이런 말을 하려고 시도한다면, 그가 뻔뻔스럽게 행동하도록 방치하지 마십시오.
§30ἂν δὲ λέγῃ περὶ τῶν δικῶν ἃς ἀπεδιῄτησέν μου ὁ διαιτητής, καὶ φάσκῃ ὑπʼ ἐμοῦ ἀπαράσκευος ληφθῆναι, πρῶτον μὲν μέμνησθε ὅτι οὐκ ὀλίγος χρόνος ἐγένετο, ἐν ᾧ ἔδει παρασκευάσασθαι αὐτόν, ἀλλʼ ἔτη πολλά, ἔπειθʼ ὅτι οὗτος ἦν ὁ διώκων, ὥστε πολὺ μᾶλλον ἦν εἰκὸς ἐμὲ ὑπὸ τούτου ἀπαράσκευον ληφθῆναι ἢ τοῦτον ὑπʼ ἐμοῦ.
또한 만일 그가 중재인이 저에게 유리한 판결을 내린 소송들에 대해 이야기하며, 제게 무방비 상태로 허점을 찔렸다고 주장한다면, 첫째로, 그가 준비했어야 할 기간이 짧지 않았고 수년의 세월이 있었다는 점을 기억하십시오. 둘째로, 그가 원고였으므로 그가 저에 의해 허점을 찔리기보다는 제가 그에 의해 무방비 상태로 당했을 가능성이 훨씬 더 높았다는 점을 기억하십시오.
§31ἔτι δὲ πάντες ὑμῖν οἱ πρὸς τῷ διαιτητῇ παρόντες μεμαρτυρήκασιν ὡς οὗτος παρὼν αὐτός, ὅτε ἀπεδιῄτησέ μου ὁ διαιτητής, οὔτε ἐφῆκεν εἰς τὸ δικαστήριον ἐνέμεινέ τε τῇ διαίτῃ.
게다가 중재인 앞에 입회했던 모든 이들이, 중재인이 저에게 유리한 판결을 내렸을 때 이 자가 직접 현장에 있었음에도 불구하고 법정에 상소하지도 않았고 중재 판결을 수용했다는 사실을 여러분에게 증언했습니다.
καίτοι ἄτοπον δοκεῖ μοι εἶναι, εἰ οἱ μὲν ἄλλοι, ὅταν οἴωνται ἀδικεῖσθαι, καὶ τὰς πάνυ μικρὰς δίκας εἰς ὑμᾶς ἐφιᾶσιν, οὗτος δέ μοι περὶ προικὸς δίκην ταλάντου λαχών, ταύτης, ὡς αὐτός φησιν, ἀδίκως ἀποδιαιτηθείσης ἐνέμεινεν.
그러나 다른 사람들은 부당한 일을 당했다고 생각하면 아주 사소한 소송이라도 여러분에게 상소하는 반면, 이 자는 저를 상대로 1탈란토스짜리 지참금 소송을 제기해 놓고서, 그의 말대로 불공정하게 판결이 내려졌음에도 그것을 그냥 받아들였다는 것은 제게는 참으로 기이하게 보입니다.