§31πρὸς μὲν οὖν τὰ συμφέροντʼ ἐὰν ἐξετάζῃς, καλῶς βεβουλευμένον αὐτὸν εὑρήσεις·
그러므로 만약 이익의 관점에서 검토해 본다면, 그가 현명하게 결정을 내렸음을 알게 될 것입니다.
εἰ δὲ πρὸς γένους δόξαν ἀναίνει Φορμίωνα κηδεστήν, ὅρα μὴ γελοῖον ᾖ σὲ ταῦτα λέγειν.
하지만 가문의 명예에 비추어 포르미온을 사돈으로 삼는 것을 거부한다면, 당신이 그런 말을 하는 것이 우스꽝스러운 일이 아닌지 주의하십시오.
εἰ γάρ τις ἔροιτό σε, ποῖόν τινʼ ἡγεῖ τὸν πατέρα τὸν σεαυτοῦ εἶναι, χρηστὸν εὖ οἶδʼ ὅτι φήσειας ἄν.
만약 누군가가 당신에게 당신의 아버지가 어떤 사람이라고 생각하느냐고 묻는다면, 당신이 "훌륭한 분"이라고 대답할 것임을 나는 잘 알고 있기 때문입니다.
πότερον οὖν οἴει μᾶλλον ἐοικέναι τὸν τρόπον καὶ πάντα τὸν βίον Πασίωνι σαυτὸν ἢ τουτονί;
그렇다면 당신은 자신의 성품과 전 생애에 걸쳐 당신 자신과 이 사람 중 누가 파시온을 더 닮았다고 생각합니까?
ἐγὼ μὲν εὖ οἶδʼ ὅτι τοῦτον.
나는 이 사람이 더 닮았음을 잘 알고 있습니다.
εἶθʼ ὅς ἐστιν ὁμοιότερος σοῦ τῷ σῷ πατρί, τοῦτον, εἰ τὴν μητέρα τὴν σὴν ἔγημεν, ἀναίνει.
그런데 당신보다 당신의 아버지를 더 닮은 이 사람이 당신의 어머니와 결혼했다고 해서 당신은 그를 거부하는 것입니까?
§32ἀλλὰ μὴν ὅτι γε δόντος καὶ ἐπισκήψαντος τοῦ σοῦ πατρὸς ταῦτʼ ἐπράχθη, οὐ μόνον ἐκ τῆς διαθήκης ἔστιν ἰδεῖν, ὦ ἄνδρες Ἀθηναῖοι, ἀλλὰ καὶ σὺ μάρτυς αὐτὸς γέγονας.
게다가 당신의 아버지가 그녀를 주고 그렇게 하도록 유언했기 때문에 이 일들이 행해졌다는 것은, 아테네인 여러분, 유언장을 통해서 볼 수 있을 뿐만 아니라 당신 자신이 직접 그 증인이 되었습니다.
ὅτε γὰρ τὰ μητρῷα πρὸς μέρος ἠξίους νέμεσθαι, ὄντων παίδων ἐκ τῆς γυναικὸς Φορμίωνι τουτῳί, τόθʼ ὡμολόγεις κυρίως δόντος τοῦ πατρὸς τοῦ σοῦ κατὰ τοὺς νόμους αὐτὴν γεγαμῆσθαι.
이 포르미온과 그 여성 사이에 자녀들이 있을 때, 당신이 어머니의 유산을 지분대로 분할해 달라고 요구했을 때, 당신은 당신의 아버지가 정당하게 그녀를 주었고 법에 따라 결혼이 성립되었음을 인정했던 것입니다.
εἰ γὰρ αὐτὴν εἶχε λαβὼν ἀδίκως ὅδε μηδενὸς δόντος, οὐκ ἦσαν οἱ παῖδες κληρονόμοι, τοῖς δὲ μὴ κληρονόμοις οὐκ ἦν μετουσία τῶν ὄντων.
만약 이 사람이 아무도 주지 않았는데 부정하게 그녀를 데려다 데리고 있었다면, 그 자녀들은 상속인이 될 수 없었을 것이고, 상속인이 아닌 자들에게는 재산의 지분이 주어지지 않았을 것입니다.
ἀλλὰ μὴν ὅτι ταῦτʼ ἀληθῆ λέγω, μεμαρτύρηται τὸ τέταρτον μέρος λαβεῖν καὶ ἀφεῖναι τῶν ἐγκλημάτων ἁπάντων.
그리고 내가 진실을 말하고 있음은, 당신이 4분의 1의 지분을 받았고 모든 혐의를 면제해 주었다는 사실로 증명되었습니다.
§33κατʼ οὐδὲν τοίνυν, ὦ ἄνδρες Ἀθηναῖοι, δίκαιον οὐδὲν ἔχων εἰπεῖν, ἀναιδεστάτους λόγους ἐτόλμα λέγειν πρὸς τῷ διαιτητῇ, περὶ ὧν προακηκοέναι βέλτιόν ἐσθʼ ὑμᾶς, ἕνα μὲν τὸ παράπαν μὴ γενέσθαι διαθήκην, ἀλλʼ εἶναι τοῦτο πλάσμα καὶ σκευώρημʼ ὅλον, ἕτερον δʼ ἕνεκα τούτου πάντα ταῦτα συγχωρεῖν τὸν πρὸ τοῦ χρόνον καὶ οὐχὶ δικάζεσθαι, ὅτι μίσθωσιν ἤθελεν αὐτῷ φέρειν Φορμίων πολλὴν καὶ ὑπισχνεῖτʼ οἴσειν· ἐπειδὴ δʼ οὐ ποιεῖ ταῦτα, τηνικαῦτα, φησίν, δικάζομαι.
그러므로 아테네인 여러분, 아무런 정당한 말도 할 수 없었던 이 자는 중재인 앞에서 극히 뻔뻔스러운 주장을 감히 폈는데, 이에 대해 여러분이 미리 알아두는 것이 좋을 것입니다. 첫째는 유언장이라는 것이 아예 존재하지 않으며 이것이 완전히 위조되고 조작된 것이라는 주장이고, 둘째는 자신이 그동안 이 모든 것에 동의하고 소송을 제기하지 않은 것은 포르미온이 자신에게 많은 임대료를 지불하기를 원했고 지불하겠다고 약속했기 때문이며, "그가 이를 이행하지 않기 때문에 이제서야 소송을 제기하는 것"이라는 주장입니다.
§34ὅτι δὲ ταῦτʼ ἀμφότερʼ, ἐὰν λέγῃ, ψεύσεται καὶ τοῖς ὑφʼ ἑαυτοῦ πεπραγμένοις ἐναντίʼ ἐρεῖ, σκοπεῖτʼ ἐκ τωνδί.
하지만 만약 그가 이 두 가지를 모두 주장한다면, 거짓말을 하는 것이며 자신이 행한 일들과 상반되는 말을 하는 것임을 다음 일들을 통해 살펴보십시오.
ὅταν μὲν τοίνυν τὴν διαθήκην ἀρνῆται, ἐκ τίνος τρόπου πρεσβεῖα λαβὼν τὴν συνοικίαν κατὰ τὴν διαθήκην ἔχει, τοῦτʼ ἐρωτᾶτʼ αὐτόν.
그가 유언장을 부인할 때에는, 도대체 어떤 방식으로 유언장에 따라 특별 상속분으로서 임대 주택을 받아 소유하고 있는지 그에게 물어보십시오.
οὐ γὰρ ἐκεῖνό γʼ ἐρεῖ, ὡς ἃ μὲν πλεονεκτεῖν τόνδʼ ἔγραψεν ὁ πατήρ, κύριʼ ἐστὶν τῆς διαθήκης, τὰ δʼ ἄλλʼ ἄκυρα.
설마 아버지가 자신에게 유리하게 기록한 유언장의 부분은 유효하고, 나머지 부분은 무효라고 말하지는 못할 것입니다.
§35ὅταν δʼ ὑπὸ τῶν τοῦδʼ ὑποσχέσεων ὑπάγεσθαι φῇ, μέμνησθʼ ὅτι μάρτυρας ὑμῖν παρεσχήμεθα, οἳ χρόνον πολὺν τοῦδʼ ἀπηλλαγμένου μισθωταὶ τούτοις ἐγίγνοντο τῆς τραπέζης καὶ τοῦ ἀσπιδοπηγείου.
또한 그가 이 사람의 약속에 속아 넘어갔다고 말할 때에는, 이 자가 물러난 후 오랜 기간 동안 그들에게 은행과 방패 공장의 임차인이 되었던 사람들을 우리가 증인으로 제시했음을 기억하십시오.
καίτοι τόθʼ, ὁπηνίκʼ ἐμίσθωσεν ἐκείνοις, τῷδʼ ἐγκαλεῖν παραχρῆμʼ ἐχρῆν, εἴπερ ἀληθῆ ἦν ὑπὲρ ὧν τότʼ ἀφεὶς νῦν τούτῳ δικάζεται.
하지만 그가 그 사람들에게 임대해 주었던 바로 그 당시에, 만약 그가 그때 면제해 주었으면서 지금 이 사람을 상대로 소송을 제기하는 이유들이 사실이었다면, 즉시 이 사람을 비난했어야 마땅합니다.
ὡς τοίνυν ἀληθῆ λέγω, καὶ πρεσβεῖά τε τὴν συνοικίαν ἔλαβεν κατὰ τὴν διαθήκην, καὶ τῷδʼ οὐχ ὅπως ἐγκαλεῖν ᾤετο δεῖν, ἀλλʼ ἐπῄνει, λαβὲ τὴν μαρτυρίαν.
내가 진실을 말하고 있음과, 그가 유언장에 따라 특별 상속분으로 임대 주택을 받았으며, 이 사람을 비난해야 한다고 생각하기는커녕 오히려 칭찬했다는 사실을 증명하기 위해, 증언서를 받아 주십시오.
ΜΑΡΤΥΡΙΑ.
증언서
§36ἵνα τοίνυν εἰδῆτʼ, ὦ ἄνδρες Ἀθηναῖοι, ὅσα χρήματʼ ἔχων ἐκ τῶν μισθώσεων καὶ ἐκ τῶν χρεῶν ὡς ἀπορῶν καὶ πάντʼ ἀπολωλεκὼς ὀδυρεῖται, βραχέʼ ἡμῶν ἀκούσατε.
그러므로 아테네인 여러분, 이 자가 임대료와 채권으로부터 얼마나 많은 돈을 받았으면서도, 마치 곤궁하고 모든 것을 잃은 것처럼 울부짖으려 하는지 알 수 있도록 우리의 짧은 설명을 들어보십시오.
οὗτος γὰρ ἐκ μὲν τῶν χρεῶν ὁμοῦ τάλαντʼ εἴκοσιν εἰσπέπρακται ἐκ τῶν γραμμάτων ὧν ὁ πατὴρ κατέλιπεν, καὶ τούτων ἔχει πλέον ἢ τὰ ἡμίσεα (πολλῶν γὰρ τὰ μέρη τὸν ἀδελφὸν ἀποστερεῖ).
이 자는 아버지가 남겨둔 장부에 근거하여 채권으로부터 총 20탈란톤을 거두어들였으며, 그중 절반 이상을 자신이 소유하고 있습니다(많은 부분에서 동생의 몫을 가로채고 있기 때문입니다).
§37ἐκ δὲ τῶν μισθώσεων, ὀκτὼ μὲν ἐτῶν ἃ Φορμίων εἶχε τὴν τράπεζαν, ὀγδοήκοντα μνᾶς τοῦ ἐνιαυτοῦ ἑκάστου, τὸ ἥμισυ τῆς ὅλης μισθώσεως· καὶ ταῦτʼ ἐστὶ δέκα τάλαντα καὶ τετταράκοντα μναῖ·
또한 임대료로부터는, 포르미온이 은행을 경영했던 8년 동안 매년 80미나를 받았는데, 이는 전체 임대료의 절반에 해당하며, 이 금액은 10탈란톤과 40미나입니다.
δέκα δὲ τῶν μετὰ ταῦτα, ὧν ἐμίσθωσαν ὕστερον Ξένωνι καὶ Εὐφραίῳ καὶ Εὔφρονι καὶ Καλλιστράτῳ, τάλαντον τοῦ ἐνιαυτοῦ ἑκάστου.
그 후 10년 동안은 그들이 나중에 크세논, 에우프라이오스, 에우프론, 칼리스트라토스에게 임대해 준 것에서 매년 1탈란톤을 받았습니다.
§38χωρὶς δὲ τούτων, ἐτῶν ἴσως εἴκοσι τῆς ἐξ ἀρχῆς νεμηθείσης οὐσίας, ἧς αὐτὸς ἐπεμελεῖτο, τὰς προσόδους, πλέον ἢ μνᾶς τριάκοντα.
이외에도, 처음에 분할되어 자신이 직접 관리했던 재산으로부터 아마도 20년 동안 매년 30미나가 넘는 수익을 올렸습니다.
ἐὰν δʼ ἅπαντα συνθῆτε, ὅσʼ ἐνείματο, ὅσʼ εἰσεπράξατο, ὅσʼ εἴληφε μίσθωσιν, πλέον ἢ τετταράκοντα τάλαντʼ εἰληφὼς φανήσεται, χωρὶς ὧν οὗτος εὖ πεποίηκεν, καὶ τῶν μητρῴων, καὶ ὧν ἀπὸ τῆς τραπέζης ἔχων οὐκ ἀποδίδωσι πένθʼ ἡμιταλάντων καὶ ἑξακοσίων δραχμῶν.
만약 분할받은 것, 회수한 것, 임대료로 받은 것을 모두 합산한다면, 이 사람(포르미온)이 그에게 베푼 은혜와 어머니의 유산, 그리고 은행에서 가져가 돌려주지 않고 있는 2탈란톤 반과 600드라크마를 제외하고도, 그가 40탈란톤 이상을 받았음이 분명해질 것입니다.