§24συκοφαντοῦντος τούτου καὶ παρὰ τοὺς νόμους δικαζομένου παρεγραψάμεθʼ ἐκ τῶν νόμων μὴ εἶναι τὴν δίκην εἰσαγώγιμον.
이 자가 무고를 저지르고 법에 반하여 소송을 제기하고 있으므로, 우리는 법에 근거하여 이 소송이 수리될 수 없다는 항변서를 제출했습니다.
ἵνʼ οὖν εἰδῆθʼ ὑπὲρ οὗ τὴν ψῆφον οἴσετε, τόν τε νόμον ὑμῖν τοῦτον ἀναγνώσεται καὶ τὰς μαρτυρίας ἐφεξῆς τῶν παρόντων, ὅτʼ ἀφίει τῆς μισθώσεως καὶ τῶν ἄλλων ἁπάντων ἐγκλημάτων Ἀπολλόδωρος.
그러므로 여러분이 무엇에 대해 표를 던질지 알 수 있도록, 이 법과 아폴로도로스가 임대차 및 다른 모든 혐의를 면제해 줄 때 입회했던 사람들의 증언서를 순서대로 낭독하겠습니다.
λαβέ μοι τὰς μαρτυρίας ταυτασὶ καὶ τὸν νόμον.
이 증언서들과 법을 받아 주십시오.
ΜΑΡΤΥΡΙΑΙ. ΝΟΜΟΣ.
ΜΑΡΤΥΡΙΑΙ. ΝΟΜΟΣ.
§25ἀκούετε τοῦ νόμου λέγοντος, ὦ ἄνδρες Ἀθηναῖοι, τά τʼ ἄλλʼ ὧν μὴ εἶναι δίκας, καὶ ὅσα τις ἀφῆκεν ἢ ἀπήλλαξεν.
아테네인 여러분, 법이 다른 어떤 일들에 대해 소송을 금지하는지, 그리고 누군가가 면제해 주었거나 해방해 준 모든 일들에 대해서도 그러하다고 말하는 것을 들어보십시오.
εἰκότως·
당연한 일입니다.
εἰ γάρ ἐστι δίκαιον, ὧν ἂν ἅπαξ γένηται δίκη, μηκέτʼ ἐξεῖναι δικάζεσθαι, πολὺ τῶν ἀφεθέντων δικαιότερον μὴ εἶναι δίκας.
한 번 재판이 치러진 일에 대해 다시 소송을 제기하는 것이 허용되지 않는 것이 정의라면, 면제해 준 일들에 대해 소송이 허용되지 않는 것은 훨씬 더 정의롭기 때문입니다.
ὁ μὲν γὰρ ἐν ὑμῖν ἡττηθεὶς τάχʼ ἂν εἴποι τοῦθʼ ὡς ἐξηπατήθηθʼ ὑμεῖς· ὁ δʼ αὑτοῦ φανερῶς καταγνοὺς καὶ ἀφεὶς καὶ ἀπαλλάξας, τίνʼ ἂν ἑαυτὸν αἰτίαν αἰτιασάμενος τῶν αὐτῶν πάλιν εἰκότως δικάζοιτο;
여러분 앞에서 패소한 자는 아마도 여러분이 속았다고 말할지도 모르지만, 스스로 명백히 불리함을 인정하고 면제해 주며 해방해 준 자가, 자신에게 무슨 잘못이 있다고 탓하며 같은 일들에 대해 다시 당연하다는 듯이 소송을 제기할 수 있겠습니까?
οὐδεμίαν δήπου.
결코 그럴 수 없습니다.
διόπερ τοῦτο πρῶτον ἔγραψεν ὁ τὸν νόμον θεὶς ὧν μὴ εἶναι δίκας, ὅσα τις ἀφῆκεν ἢ ἀπήλλαξεν.
그렇기 때문에 입법자는 소송을 허용하지 않는 첫 번째 일로, 누군가가 면제해 주었거나 해방해 준 모든 일들을 기록한 것입니다.
ἃ τῷδε γέγονεν ἀμφότερα·
그리고 이 자에게는 이 두 가지가 모두 해당합니다.
καὶ γὰρ ἀφῆκεν καὶ ἀπήλλαξεν.
그는 면제해 주었고 또 해방해 주었기 때문입니다.
ὡς δʼ ἀληθῆ λέγω, μεμαρτύρηται ὑμῖν, ὦ ἄνδρες Ἀθηναῖοι.
아테네인 여러분, 제가 드리는 말씀이 사실임은 이미 여러분에게 증언되었습니다.
λαβὲ δή μοι καὶ τὸν τῆς προθεσμίας νόμον.
이제 소멸시효에 관한 법도 제게 받으십시오.
ΝΟΜΟΣ.
ΝΟΜΟΣ.
§26ὁ μὲν τοίνυν νόμος, ὦ ἄνδρες Ἀθηναῖοι, σαφῶς οὑτωσὶ τὸν χρόνον ὥρισεν·
아테네인 여러분, 이처럼 법은 명백하게 시한을 정해 두었습니다.
Ἀπολλόδωρος δʼ οὑτοσὶ παρεληλυθότων ἐτῶν πλέον ἢ εἴκοσιν τὴν ἑαυτοῦ συκοφαντίαν ἀξιοῖ περὶ πλείονος ὑμᾶς ποιήσασθαι τῶν νόμων, καθʼ οὓς ὀμωμοκότες δικάζετε.
하지만 여기 있는 아폴로도로스는 20년이 넘는 세월이 흘렀음에도 불구하고, 여러분이 선서를 하고 재판을 하는 기준인 법보다 자신의 무고를 더 무겁게 여겨 달라고 요구하고 있습니다.
καίτοι πᾶσι μὲν τοῖς νόμοις προσέχειν εἰκός ἐσθʼ ὑμᾶς, οὐχ ἥκιστα δὲ τούτῳ, ὦ ἄνδρες Ἀθηναῖοι.
그러나 아테네인 여러분, 여러분이 모든 법을 따르는 것이 마땅하지만, 이 법에 대해서는 특히 그러합니다.
§27δοκεῖ γάρ μοι καὶ ὁ Σόλων οὐδενὸς ἄλλου ἕνεκα θεῖναι αὐτὸν ἢ τοῦ μὴ συκοφαντεῖσθαι ὑμᾶς.
제 생각에 솔론이 이 법을 제정한 것도 여러분이 무고에 시달리지 않도록 하기 위함이었습니다.
τοῖς μὲν γὰρ ἀδικουμένοις τὰ πέντʼ ἔτη ἱκανὸν ἡγήσατʼ εἶναι εἰσπράξασθαι· κατὰ δὲ τῶν ψευδομένων τὸν χρόνον ἐνόμισεν σαφέστατον ἔλεγχον ἔσεσθαι.
그는 부정을 당한 이들에게는 5년의 세월이 청구하기에 충분하다고 생각한 반면, 거짓을 말하는 자들에 대해서는 시간이 가장 명백한 검증 수단이 될 것이라고 여겼습니다.
καὶ ἅμʼ ἐπειδὴ ἀδύνατον ἔγνω ὂν τούς τε συμβάλλοντας καὶ τοὺς μάρτυρας ἀεὶ ζῆν, τὸν νόμον ἀντὶ τούτων ἔθηκεν, ὅπως μάρτυς εἴη τοῦ δικαίου τοῖς ἐρήμοις.
또한 거래 당사자들과 증인들이 언제까지나 살아 있을 수는 없음을 알았기에, 이들을 대신해 이 법을 제정하여, 증인을 잃고 고립된 자들에게 정의의 증인이 되도록 한 것입니다.
§28θαυμάζω τοίνυν ἔγωγʼ, ὦ ἄνδρες δικασταί, τί ποτʼ ἐστὶν ἃ πρὸς ταῦτʼ ἐπιχειρήσει λέγειν Ἀπολλόδωρος οὑτοσί.
배심원 여러분, 여기 있는 아폴로도로스가 이에 대해 도대체 무슨 말을 하려고 할지 참으로 궁금합니다.
οὐ γὰρ ἐκεῖνό γʼ ὑπείληφεν, ὡς ὑμεῖς, μηδὲν ὁρῶντες εἰς χρήματα τοῦτον ἠδικημένον, ὀργιεῖσθʼ ὅτι τὴν μητέρʼ ἔγημεν αὐτοῦ Φορμίων.
그가 금전적으로 아무런 부당한 대우를 받지 않았음을 아는 여러분이, 포르미온이 그의 어머니와 결혼했다는 이유로 분노할 것이라고 그가 생각하고 있지는 않을 것이기 때문입니다.
οὐ γὰρ ἀγνοεῖ τοῦτο, οὐδʼ αὐτὸν λέληθεν, οὐδʼ ὑμῶν πολλούς, ὅτι Σωκράτης ὁ τραπεζίτης ἐκεῖνος, παρὰ τῶν κυρίων ἀπαλλαγεὶς ὥσπερ ὁ τούτου πατήρ, ἔδωκε Σατύρῳ τὴν ἑαυτοῦ γυναῖκα, ἑαυτοῦ ποτὲ γενομένῳ.
그 유명한 은행가 소크라테스가 이 자의 아버지와 마찬가지로 주인들에게서 해방된 후, 한때 자신의 노예였던 사티로스에게 자신의 아내를 주었다는 사실을 이 자도 모르는 바가 아니며, 그뿐만 아니라 여러분 중 많은 분들도 이미 알고 계시기 때문입니다.
§29ἕτερος Σωκλῆς τραπεζιτεύσας ἔδωκε τὴν ἑαυτοῦ γυναῖκα Τιμοδήμῳ τῷ νῦν ἔτʼ ὄντι καὶ ζῶντι, γενομένῳ ποθʼ αὑτοῦ.
은행가였던 또 다른 사람인 소클레스는 자신의 아내를, 한때 자신의 노예였으며 지금도 여전히 살아 있는 티모데모스에게 주었습니다.
καὶ οὐ μόνον ἐνθάδε ταῦτα ποιοῦσιν οἱ περὶ τὰς ἐργασίας ὄντες ταύτας, ὦ ἄνδρες Ἀθηναῖοι, ἀλλʼ ἐν Αἰγίνῃ ἔδωκεν Στρυμόδωρος Ἑρμαίῳ τῷ ἑαυτοῦ οἰκέτῃ τὴν γυναῖκα, καὶ τελευτησάσης ἐκείνης ἔδωκε πάλιν τὴν θυγατέρα τὴν ἑαυτοῦ.
아테네인 여러분, 이러한 업에 종사하는 자들이 이런 일을 행하는 것은 비단 이곳뿐만이 아닙니다. 아이기나에서는 스트리모도로스가 자신의 노예였던 헤르마이오스에게 아내를 주었고, 그녀가 세상을 떠나자 다시 자신의 딸을 주었습니다.
καὶ πολλοὺς ἂν ἔχοι τις εἰπεῖν τοιούτους.
이와 같은 사례는 얼마든지 많이 들 수 있을 것입니다.
§30εἰκότως·
당연한 일입니다.
ὑμῖν μὲν γάρ, ὦ ἄνδρες Ἀθηναῖοι, τοῖς γένει πολίταις, οὐδὲ ἓν πλῆθος χρημάτων ἀντὶ τοῦ γένους καλόν ἐστιν ἑλέσθαι·
아테네인 여러분, 태생적인 시민인 여러분에게는 가문 대신 그 어떤 막대한 재산을 선택하는 것도 아름다운 일이 아닙니다.
τοῖς δὲ τοῦτο μὲν δωρεὰν ἢ παρʼ ὑμῶν ἢ παρʼ ἄλλων τινῶν λαβοῦσιν, τῇ τύχῃ δʼ ἐξ ἀρχῆς ἀπὸ τοῦ χρηματίσασθαι καὶ ἑτέρων πλείω κτήσασθαι καὶ αὐτῶν τούτων ἀξιωθεῖσιν, ταῦτʼ ἐστὶν φυλακτέα.
하지만 이 시민권을 여러분이나 다른 이들로부터 선물로 받았고, 처음부터 행운에 의해 사업을 하고 남들보다 더 많은 부를 쌓음으로써 바로 그 이유로 시민권의 가치가 있다고 여겨진 이들에게는, 이것들을 지켜내야만 합니다.
διόπερ Πασίων ὁ πατὴρ ὁ σὸς οὐ πρῶτος οὐδὲ μόνος, οὐδʼ αὑτὸν ὑβρίζων οὐδʼ ὑμᾶς τοὺς υἱεῖς, ἀλλὰ μόνην ὁρῶν σωτηρίαν τοῖς ἑαυτοῦ πράγμασιν, εἰ τοῦτον ἀνάγκῃ ποιήσειεν οἰκεῖον ὑμῖν, ἔδωκε τὴν ἑαυτοῦ γυναῖκα, μητέρα δʼ ὑμετέραν τούτῳ.
그렇기 때문에 당신의 아버지 파시온은 최초도 유일한 사람도 아니었으며, 자신을 모욕하거나 아들들인 여러분을 모욕하려 한 것도 아니고, 오직 이 자를 필연적으로 여러분의 친척으로 만드는 것만이 자신의 사업을 지키는 유일한 방법임을 보았기에, 자신의 아내이자 여러분의 어머니인 분을 이 자에게 준 것입니다.