§35ἔστι τοίνυν τι πρᾶγμα καὶ ἄλλο, ὃ λυμαίνεται τὴν πόλιν ὑπὸ βλασφημίας ἀδίκου καὶ λόγων οὐ προσηκόντων διαβεβλημένον, εἶτα τοῖς μηδὲν τῶν ἐν τῇ πολιτείᾳ δικαίων βουλομένοις ποιεῖν πρόφασιν παρέχει·
또한 다른 문제도 있습니다. 그것은 부당한 비방과 부적절한 말로 비난을 받아 국가를 해치고 있으며, 그리하여 국정의 의무를 전혀 행하려 하지 않는 자들에게 핑계를 제공합니다.
καὶ πάντων, ὅσʼ ἐκλείπει, δέον παρά του γίγνεσθαι, ἐπὶ τοῦθʼ εὑρήσετε τὴν αἰτίαν ἀναφερομένην.
그리고 마땅히 누군가에 의해 행해져야 함에도 부족한 모든 일에 대해, 여러분은 그 책임이 이것으로 전가되는 것을 보게 될 것입니다.
περὶ οὗ πάνυ μὲν φοβοῦμαι, οὐ μὴν ἀλλʼ ἐρῶ·
이 점에 대해 저는 매우 두렵습니다만, 그럼에도 불구하고 말씀드리겠습니다.
§36οἶμαι γὰρ ἕξειν καὶ ὑπὲρ τῶν ἀπόρων τὰ δίκαιʼ ἐπὶ τῷ συμφέροντι τῆς πόλεως εἰπεῖν πρὸς τοὺς εὐπόρους, καὶ ὑπὲρ τῶν κεκτημένων τὰς οὐσίας πρὸς τοὺς ἐπιδεεῖς.
왜냐하면 저는 가난한 이들을 위해 국가의 이익에 부합하는 정의로운 것을 부유한 이들에게 말하고, 또한 재산을 가진 이들을 위해 결핍된 이들에게 정의로운 것을 말할 수 있을 것이라 생각하기 때문입니다.
εἰ ἀνέλοιμεν ἐκ μέσου καὶ τὰς βλασφημίας ἃς ἐπὶ τῷ θεωρικῷ ποιοῦνταί τινες οὐχὶ δικαίως, καὶ τὸν φόβον, ὡς οὐ στήσεται τοῦτʼ ἄνευ μεγάλου τινὸς κακοῦ, οὐδὲν ἂν εἰς τὰ πράγματα μεῖζον εἰσενεγκαίμεθα, οὐδʼ ὅ τι κοινῇ μᾶλλον ἂν ὅλην ἐπιρρώσειε τὴν πόλιν.
만약 우리가 관극 보조금에 대해 일부 사람들이 부당하게 가하는 비방과, 이것이 어떤 커다란 재앙 없이는 존속될 수 없다는 두려움을 우리 가운데에서 제거한다면, 우리는 국정에 이보다 더 큰 기여를 할 수 없을 것이며, 국가 전체를 공동으로 이보다 더 강화할 수 있는 것도 없을 것입니다.
§37οὑτωσὶ δὲ σκοπεῖτε·
이와 같이 생각해보십시오.
ἐρῶ δʼ ὑπὲρ τῶν ἐν χρείᾳ δοκούντων εἶναι πρότερον.
저는 먼저 궁핍한 상태에 있는 것으로 보이는 이들을 위해 말씀드리겠습니다.
ἦν ποτʼ οὐ πάλαι παρʼ ὑμῖν, ὅτʼ οὐ προσῄει τῇ πόλει τάλανθʼ ὑπὲρ τριάκοντα καὶ ἑκατόν·
여러분 가운데 그리 오래되지 않은 옛날, 국가에 130달란트가 넘는 세입이 들어오지 않던 시절이 있었습니다.
καὶ οὐδεὶς τῶν τριηραρχεῖν δυναμένων οὐδὲ τῶν εἰσφέρειν ὅστις οὐκ ἠξίου τὰ καθήκοντʼ ἐφʼ ἑαυτὸν ποιεῖν, ὅτι χρήματʼ οὐ περιῆν, ἀλλὰ καὶ τριήρεις ἔπλεον καὶ χρήματʼ ἐγίγνετο καὶ πάντʼ ἐποιοῦμεν τὰ δέοντα.
그리고 삼열추선 지휘관을 맡을 능력이 있는 이나 재산세를 낼 능력이 있는 이 중 누구도, 자금이 남아돌지 않는다는 이유로 자신에게 부과된 의무를 행하지 않아도 된다고 여기지 않았습니다. 오히려 군선은 출항했고, 자금은 마련되었으며, 우리는 마땅히 해야 할 모든 일을 행했습니다.
§38μετὰ ταῦθʼ ἡ τύχη, καλῶς ποιοῦσα, πολλὰ πεποίηκε τὰ κοινά, καὶ τετρακόσιʼ ἀντὶ τῶν ἑκατὸν ταλάντων προσέρχεται, οὐδενὸς οὐδὲν ζημιουμένου τῶν τὰς οὐσίας ἐχόντων, ἀλλὰ καὶ προσλαμβάνοντος·
그 후 다행스럽게도 운이 공공 자금을 크게 늘려주어, 100달란트 대신 400달란트가 들어오고 있습니다. 재산을 가진 이들 중 누구도 아무런 손해를 입지 않았을 뿐만 아니라, 오히려 추가로 얻고 있습니다.
οἱ γὰρ εὔποροι πάντες ἔρχονται μεθέξοντες τούτου, καὶ καλῶς ποιοῦσιν.
부유한 이들도 모두 이것을 나누어 받기 위해 오고 있으며, 이는 좋은 일입니다.
§39τί οὖν μαθόντες τοῦτʼ ὀνειδίζομεν ἀλλήλοις καὶ προφάσει χρώμεθα τοῦ μηδὲν ποιεῖν, πλὴν εἰ τῇ παρὰ τῆς τύχης βοηθείᾳ γεγονυίᾳ τοῖς ἀπόροις φθονοῦμεν;
그렇다면 우리는 무슨 생각으로 이것을 두고 서로를 비난하며, 아무것도 하지 않는 핑계로 삼고 있습니까? 가난한 이들에게 찾아온 운의 도움을 우리가 시기하는 것이 아니라면 말입니다.
§40οὓς οὔτʼ ἂν αἰτιασαίμην ἔγωγε, οὔτʼ ἀξιῶ.
그들을 저로서는 비난하지도 않으며, 비난해야 마땅하다고 생각하지도 않습니다.
οὐδὲ γὰρ ἐν ταῖς ἰδίαις οἰκίαις ὁρῶ τὸν ἐν ἡλικίᾳ πρὸς τοὺς πρεσβυτέρους οὕτω διακείμενον οὐδʼ οὕτως ἀγνώμονʼ οὐδʼ ἄτοπον τῶν ὄντων οὐδένα, ὥστε, εἰ μὴ ποιήσουσιν ἅπαντες ὅσʼ ἂν αὐτός, οὐ φάσκοντα ποιήσειν οὐδὲν οὐδʼ αὐτόν·
사사로운 가정에서도 젊은이가 연장자들에게 이처럼 굴거나, 살아 있는 이들 중에 이토록 몰인정하고 터무니없는 태도를 취하는 것을 저는 보지 못하기 때문입니다. 즉, 다른 모든 이들이 자신만큼 하지 않는다면 자기 자신도 아무것도 하지 않겠다고 말하는 것과 같은 태도를 말입니다.
καὶ γὰρ ἂν τοῖς τῆς κακώσεως εἴη νόμοις οὕτω γʼ ἔνοχος·
사실 그렇게 한다면 그는 학대죄에 관한 법률에 따라 처벌 대상이 될 것입니다.
δεῖ γάρ, οἶμαι, τοῖς γονεῦσι τὸν ὡρισμένον ἐξ ἀμφοτέρων ἔρανον, καὶ παρὰ τῆς φύσεως καὶ παρὰ τοῦ νόμου, δικαίως φέρειν καὶ ἑκόνθʼ ὑποτελεῖν.
자연과 법률 모두로부터 규정된, 부모에 대한 정해진 보답을 정당하고도 자발적으로 바쳐야 하기 때문입니다.
§41ὥσπερ τοίνυν ἑνὸς ἡμῶν ἑκάστου τίς ἐστι γονεύς, οὕτω συμπάσης τῆς πόλεως κοινοὺς δεῖ τοὺς γονέας σύμπαντας ἡγεῖσθαι, καὶ προσήκειν τούτους οὐχ ὅπως ὧν ἡ πόλις δίδωσʼ ἀφελέσθαι τι, ἀλλʼ εἰ καὶ μηδὲν ἦν τούτων, ἄλλοθεν σκοπεῖν ὅπως μηδενὸς ὄντες ἐνδεεῖς περιοφθήσονται.
그러므로 우리 각자에게 부모가 있는 것처럼, 우리는 모든 시민을 온 국가의 공동의 부모로 여겨야 하며, 국가가 주는 것에서 그들의 몫을 빼앗는 일은 결코 있어서는 안 되고, 비록 그러한 것이 전혀 없을지라도, 다른 방도를 찾아서 그들이 궁핍한 채로 방치되지 않도록 보살펴야 마땅합니다.
§42τοὺς μὲν τοίνυν εὐπόρους ταύτῃ χρωμένους τῇ γνώμῃ οὐ μόνον ἡγοῦμαι τὰ δίκαιʼ ἂν ποιεῖν, ἀλλὰ καὶ τὰ λυσιτελῆ·
그러므로 부유한 이들이 이러한 생각을 품는다면, 그들은 정의로운 일을 할 뿐만 아니라 유익한 일도 하는 것이라고 저는 생각합니다.
τὸ γὰρ τῶν ἀναγκαίων τινʼ ἀποστερεῖν κοινῇ κακόνους ἐστὶ ποιεῖν πολλοὺς ἀνθρώπους τοῖς πράγμασι·
필수적인 것들을 빼앗는 것은 많은 사람들을 공동체와 국정에 적대감을 품게 만드는 일이기 때문입니다.
τοῖς δʼ ἐν ἐνδείᾳ, διʼ ὃ δυσχεραίνουσι τὸ πρᾶγμʼ οἱ τὰς οὐσίας ἔχοντες καὶ κατηγοροῦσι δικαίως, τοῦτʼ ἀφελεῖν ἂν συμβουλεύσαιμι.
반면에 가난한 이들에게는, 재산을 가진 이들이 이 제도를 마뜩잖게 여기며 정당하게 비난하는 원인이 되는 바로 그 부분을 제거하라고 권하고 싶습니다.
§43δίειμι δέ, ὥσπερ ἄρτι, τὸν αὐτὸν τρόπον καὶ ὑπὲρ τῶν εὐπόρων, οὐ κατοκνήσας εἰπεῖν τἀληθῆ.
그리고 저 역시 아까와 마찬가지 방식으로, 부유한 이들을 위해서도 진실을 말하기를 주저하지 않고 계속해 나가겠습니다.
ἐμοὶ γὰρ οὐδεὶς οὕτως ἄθλιος οὐδʼ ὠμὸς εἶναι δοκεῖ τὴν γνώμην, οὔκουν Ἀθηναίων γε, ὥστε λυπεῖσθαι ταῦτα λαμβάνοντας ὁρῶν τοὺς ἀπόρους καὶ τῶν ἀναγκαίων ἐνδεεῖς ὄντας.
가난한 이들, 즉 필수적인 것이 결핍된 이들이 이것을 받는 것을 보고 괴로워할 만큼 마음이 비열하거나 잔인한 사람은, 적어도 아테네인 중에는 아무도 없다고 여겨지기 때문입니다.
§44ἀλλὰ ποῦ συντρίβεται τὸ πρᾶγμα καὶ ποῦ δυσχεραίνεται;
그렇다면 이 제도는 어디서 삐걱거리며, 불만은 어디서 생겨나는 것입니까?
ὅταν τὸ ἀπὸ τῶν κοινῶν ἔθος ἐπὶ τὰ ἴδια μεταβιβάζοντας ὁρῶσί τινας, καὶ μέγαν μὲν ὄντα παρʼ ὑμῖν εὐθέως τὸν λέγοντα, ἀθάνατον δʼ ἕνεκʼ ἀσφαλείας, ἑτέραν δὲ τὴν κρύβδην ψῆφον τοῦ φανερῶς θορύβου.
그것은 공공 자금에서 비롯된 습성을 개인적인 일로 전가하는 자들을 그들이 목격할 때입니다. 그리고 그것을 주장하는 자가 여러분 사이에서 즉시 위대해지고, 자신의 안전함 덕분에 불멸의 존재가 되며, 공개적인 환호와는 딴판인 비밀 투표가 행해지는 것을 볼 때입니다.