§68καὶ μὴν ἐκεῖνό γʼ αἰσχρόν, ὕστερόν ποτʼ εἰπεῖν
τίς γὰρ ἂν ᾠήθη ταῦτα γενέσθαι; νὴ τὸν Δίʼ, ἔδει γὰρ τὸ καὶ τὸ ποιῆσαι καὶ τὸ μὴ ποιῆσαι.
그리고 참으로, 나중에 가서 '이런 일이 일어날 줄 누가 알았겠는가? 제우스의 이름으로, 이러저러한 일을 해야 했고 이러저러한 일을 하지 말아야 했다'라고 말하는 것은 수치스러운 일입니다.
πόλλʼ ἂν εἰπεῖν ἔχοιεν Ὀλύνθιοι νῦν, ἃ τότʼ εἰ προείδοντο, οὐκ ἂν ἀπώλοντο·
올륀토스인들은 당시에 예견했더라면 멸망하지 않았을 많은 일들을 지금은 말할 수 있을 것입니다.
πόλλʼ ἂν Ὠρεῖται, πολλὰ Φωκεῖς, πολλὰ τῶν ἀπολωλότων ἕκαστοι.
오레오스인들도 많이 말할 수 있고, 포키스인들도 많이 말할 수 있으며, 멸망한 이들 각각이 많은 것을 말할 수 있을 것입니다.
§69ἀλλὰ τί τούτων ὄφελος αὐτοῖς;
그러나 이것이 지금 그들에게 무슨 소용이 있겠습니까?
ἕως ἂν σῴζηται τὸ σκάφος, ἄν τε μεῖζον ἄν τʼ ἔλαττον ᾖ, τότε χρὴ καὶ ναύτην καὶ κυβερνήτην καὶ πάντʼ ἄνδρʼ ἑξῆς προθύμους εἶναι, καὶ ὅπως μήθʼ ἑκὼν μήτʼ ἄκων μηδεὶς ἀνατρέψει, τοῦτο σκοπεῖσθαι·
배가 안전한 동안에는, 그것이 큰 배이든 작은 배이든, 바로 그때 선원과 선장, 그리고 모든 이가 차례로 열성을 다해야 하며, 그 누구도 고의로든 실수로든 배를 뒤집지 못하도록 이 점을 경계해야 합니다.
ἐπειδὰν δʼ ἡ θάλαττα ὑπέρσχῃ, μάταιος ἡ σπουδή.
하지만 일단 바다가 배를 덮쳐버리면, 그때의 노력은 헛된 것입니다.
§70καὶ ἡμεῖς τοίνυν, ὦ ἄνδρες Ἀθηναῖοι, ἕως ἐσμὲν σῷοι, πόλιν μεγίστην ἔχοντες, ἀφορμὰς πλείστας, ἀξίωμα κάλλιστον, τί ποιῶμεν;
그러므로 아테네인 여러분, 우리 역시 무사히 있는 동안에, 가장 거대한 도시와 가장 풍부한 자금, 가장 영광스러운 명성을 누리고 있으니, 도대체 무엇을 해야 하겠습니까?
πάλαι τις ἡδέως ἂν ἴσως ἐρωτήσας κάθηται.
아마도 누군가가 오래전부터 기꺼이 질문하고 싶어 자리에 앉아 있을 것입니다.
ἐγὼ νὴ Δίʼ ἐρῶ, καὶ γράψω δέ, ὥστʼ ἂν βούλησθε χειροτονήσετε.
제우스의 이름으로 내가 말씀드리겠으며, 결의안도 작성하여 여러분이 원하신다면 표결에 부치도록 하겠습니다.
αὐτοὶ πρῶτον ἀμυνόμενοι καὶ παρασκευαζόμενοι, τριήρεσι καὶ χρήμασι καὶ στρατιώταις λέγω·
먼저 우리 스스로가 방어하고 준비하는 일인데, 삼단노선과 자금, 그리고 군사들을 가지고 해야 한다는 말입니다.
καὶ γὰρ ἂν ἅπαντες δήπου δουλεύειν συγχωρήσωσιν οἱ ἄλλοι, ἡμῖν γʼ ὑπὲρ τῆς ἐλευθερίας ἀγωνιστέον·
다른 모든 이들이 노예가 되는 것에 동의할지라도, 우리만큼은 자유를 위해 싸워야 하기 때문입니다.
§71ταῦτα δὴ πάντʼ αὐτοὶ παρεσκευασμένοι καὶ ποιήσαντες φανερὰ τοὺς ἄλλους ἤδη παρακαλῶμεν, καὶ τοὺς ταῦτα διδάξοντας ἐκπέμπωμεν πρέσβεις πανταχοῖ, εἰς Πελοπόννησον, εἰς Ῥόδον, εἰς Χίον, ὡς βασιλέα λέγω (οὐδὲ γὰρ τῶν ἐκείνῳ συμφερόντων ἀφέστηκε τὸ μὴ τοῦτον ἐᾶσαι πάντα καταστρέψασθαι), ἵνʼ ἐὰν μὲν πείσητε, κοινωνοὺς ἔχητε καὶ τῶν κινδύνων καὶ τῶν ἀναλωμάτων, ἄν τι δέῃ, εἰ δὲ μή, χρόνους γʼ ἐμποιῆτε τοῖς πράγμασιν.
이 모든 것을 우리 스스로 준비하고 행동으로 보여준 뒤에, 이제 다른 이들을 불러 모으고, 이러한 사실을 설명할 사절단을 페로폰네소스, 로도스, 키오스, 그리고 왕에게까지 모든 곳에 파견합시다(저 자가 모든 것을 정복하도록 내버려 두지 않는 것은 왕 자신의 이익과도 무관하지 않기 때문입니다). 그리하여 만약 그들을 설득한다면 필요할 때 위험과 비용을 함께 나눌 동반자를 얻게 될 것이고, 그렇지 못하더라도 정세에 시간적 여유를 벌 수 있을 것입니다.
§72ἐπειδὴ γάρ ἐστι πρὸς ἄνδρα καὶ οὐχὶ συνεστώσης πόλεως ἰσχὺν ὁ πόλεμος, οὐδὲ τοῦτʼ ἄχρηστον, οὐδʼ αἱ πέρυσιν πρεσβεῖαι περὶ τὴν Πελοπόννησον ἐκεῖναι καὶ κατηγορίαι, ἃς ἐγὼ καὶ Πολύευκτος ὁ βέλτιστος ἐκεινοσὶ καὶ Ἡγήσιππος καὶ οἱ ἄλλοι πρέσβεις περιήλθομεν, καὶ ἐποιήσαμεν ἐπισχεῖν ἐκεῖνον καὶ μήτʼ ἐπʼ Ἀμβρακίαν ἐλθεῖν μήτʼ εἰς Πελοπόννησον ὁρμῆσαι.
전쟁은 한 인간을 상대로 하는 것이지 단합된 도시의 힘을 상대로 하는 것이 아니기에, 이것 역시 무익하지 않으며, 작년에 페로폰네소스 주변에서 행해진 사절단 파견과 고발들 역시 무익하지 않았습니다. 나와 저기 계신 가장 훌륭한 폴뤼에욱토스, 헤게시포스, 그리고 다른 사절들이 순회하며 저 자를 멈추게 하였고, 암브라키아로 진군하지도 페로폰네소스로 돌진하지도 못하게 만들었기 때문입니다.
§73οὐ μέντοι λέγω μηδὲν αὐτοὺς ὑπὲρ αὑτῶν ἀναγκαῖον ἐθέλοντας ποιεῖν, τοὺς ἄλλους παρακαλεῖν·
그렇다고 해서 우리 스스로는 우리를 위해 필요한 일을 아무것도 하려 하지 않으면서 다른 이들에게 호소해야 한다고 말하는 것은 아닙니다.
καὶ γὰρ εὔηθες τὰ οἰκεῖʼ αὐτοὺς προϊεμένους τῶν ἀλλοτρίων φάσκειν κήδεσθαι, καὶ τὰ παρόντα περιορῶντας ὑπὲρ τῶν μελλόντων τοὺς ἄλλους φοβεῖν.
제 일은 내팽개치면서 남의 일을 돌본다고 주장하거나, 눈앞의 정세를 방치하면서 미래의 일로 다른 이들을 겁주는 것은 어리석은 일이기 때문입니다.
οὐ λέγω ταῦτα, ἀλλὰ τοῖς μὲν ἐν Χερρονήσῳ χρήματʼ ἀποστέλλειν φημὶ δεῖν καὶ τἄλλʼ ὅσʼ ἀξιοῦσι ποιεῖν, αὐτοὺς δὲ παρασκευάζεσθαι, τοὺς δʼ ἄλλους Ἕλληνας συγκαλεῖν, συνάγειν, διδάσκειν, νουθετεῖν·
나는 그런 말을 하는 것이 아니라, 헤르소네소스에 있는 이들에게 자금을 보내고 그들이 요구하는 다른 모든 일을 해 주어야 하며, 우리 스스로도 준비를 갖추는 동시에 다른 그리스인들을 불러 모으고 결속시키며 가르치고 훈계해야 한다고 말하는 것입니다.
ταῦτʼ ἐστὶν πόλεως ἀξίωμʼ ἐχούσης ἡλίκον ὑμῖν ὑπάρχει.
이것이야말로 여러분이 가진 만큼의 명성을 지닌 도시에 걸맞은 일입니다.
§74εἰ δʼ οἴεσθε Χαλκιδέας τὴν Ἑλλάδα σώσειν ἢ Μεγαρέας, ὑμεῖς δʼ ἀποδράσεσθαι τὰ πράγματα, οὐκ ὀρθῶς οἴεσθε·
만약 여러분이 칼키스인들이나 메가라인들이 그리스를 구하고 여러분 자신은 정세에서 도망칠 수 있다고 생각한다면, 그것은 잘못된 생각입니다.
ἀγαπητὸν γὰρ ἐὰν αὐτοὶ σῴζωνται τούτων ἑκάστοις.
그들 각각에게는 자신들만이라도 살아남는 것이 감지덕지한 일이기 때문입니다.
ἀλλʼ ὑμῖν τοῦτο πρακτέον·
오히려 이 일은 여러분이 완수해야 할 일입니다.
ὑμῖν οἱ πρόγονοι τοῦτο τὸ γέρας ἐκτήσαντο καὶ κατέλιπον μετὰ πολλῶν καὶ μεγάλων κινδύνων.
여러분의 조상들이 수많은 거대한 위험을 무릅쓰고 이 특권을 획득하여 여러분에게 남겨주었기 때문입니다.
§75εἰ δʼ ὃ βούλεται ζητῶν ἕκαστος καθεδεῖται, καὶ ὅπως μηδὲν αὐτὸς ποιήσει σκοπῶν, πρῶτον μὲν οὐδὲ μήποθʼ εὕρῃ τοὺς ποιήσοντας, ἔπειτα δέδοιχʼ ὅπως μὴ πάνθʼ ἅμʼ ὅσʼ οὐ βουλόμεθα ποιεῖν ἡμῖν ἀνάγκη γενήσεται.
만약 각자가 자신이 원하는 것만을 구하며 주저앉아 있고, 스스로는 아무 일도 하지 않을 방법만을 궁리한다면, 첫째로 대신 일해 줄 사람을 결코 찾지 못할 것이며, 둘째로 우리가 원하지 않는 모든 일을 한꺼번에 우리가 억지로 떠맡아야 하는 지경에 이르지 않을까 두렵습니다.
§76ἐγὼ μὲν δὴ ταῦτα λέγω, ταῦτα γράφω·
나는 이와 같이 말하고, 이와 같이 결의안을 씁니다.
καὶ οἴομαι καὶ νῦν ἔτʼ ἐπανορθωθῆναι ἂν τὰ πράγματα τούτων γιγνομένων.
그리고 이러한 일들이 실행된다면 지금이라도 정세가 바로잡힐 수 있다고 생각합니다.
εἰ δέ τις ἔχει τούτων τι βέλτιον, λεγέτω καὶ συμβουλευέτω.
만약 누군가 이보다 더 좋은 안을 가지고 있다면 말하고 조언해 주십시오.
ὅ τι δʼ ὑμῖν δόξει, τοῦτʼ, ὦ πάντες θεοί, συνενέγκοι.
여러분이 결정하는 바가, 오 모든 신들이시여, 부디 우리에게 이롭게 작용하기를 바랍니다.