§37εἶτʼ αὐτοὺς πάλιν, εἶτʼ ἀντεμβιβάζειν, εἶτʼ ἐν ὅσῳ ταῦτα μέλλεται, προαπόλωλεν τὸ ἐφʼ ὃ ἂν ἐκπλέωμεν·
그리고는 다시 우리 자신이, 그리고는 대리인을 교대로 승선시키며, 이러한 일들이 지체되는 사이에 우리가 출항하려는 목적은 미리 상실되고 맙니다.
τὸν γὰρ τοῦ πράττειν χρόνον εἰς τὸ παρασκευάζεσθαι ἀναλίσκομεν, οἱ δὲ τῶν πραγμάτων οὐ μένουσι καιροὶ τὴν ἡμετέραν βραδυτῆτα καὶ εἰρωνείαν.
행동해야 할 시간을 준비하는 데 낭비해 버리며, 사태의 기회는 우리의 느태함과 핑계를 기다려 주지 않기 때문입니다.
ἃς δὲ τὸν μεταξὺ χρόνον δυνάμεις οἰόμεθʼ ἡμῖν ὑπάρχειν, οὐδὲν οἷαί τʼ οὖσαι ποιεῖν ἐπʼ αὐτῶν τῶν καιρῶν ἐξελέγχονται.
또한 그 중간 기간에 우리가 보유하고 있다고 생각하는 병력은, 정작 위급한 순간에는 아무것도 할 수 없음이 폭로되고 맙니다.
ὁ δʼ εἰς τοῦθʼ ὕβρεως ἐλήλυθεν ὥστʼ ἐπιστέλλειν Εὐβοεῦσιν ἤδη τοιαύτας ἐπιστολάς.
그리고 그는 이미 에우보이아인들에게 이와 같은 편지를 보낼 정도로 오만함이 극치에 달했습니다.
§38ΕΠΙΣΤΟΛΗΣ ΑΝΑΓΝΩΣΙΣ.
τούτων, ὦ ἄνδρες Ἀθηναῖοι, τῶν ἀνεγνωσμένων ἀληθῆ μέν ἐστι τὰ πολλά, ὡς οὐκ ἔδει, οὐ μὴν ἀλλʼ ἴσως οὐχ ἡδέʼ ἀκούειν.
[편지 낭독] 아테나이 시민 여러분, 낭독된 이 내용의 대부분은 비록 그래서는 안 되는 일이지만 사실입니다. 하지만 아마도 듣기에 유쾌하지는 않을 것입니다.
ἀλλʼ εἰ μέν, ὅσʼ ἄν τις ὑπερβῇ τῷ λόγῳ, ἵνα μὴ λυπήσῃ, καὶ τὰ πράγμαθʼ ὑπερβήσεται, δεῖ πρὸς ἡδονὴν δημηγορεῖν· εἰ δʼ ἡ τῶν λόγων χάρις, ἂν ᾖ μὴ προσήκουσα, ἔργῳ ζημία γίγνεται, αἰσχρόν ἐστι φενακίζειν ἑαυτούς, καὶ ἅπαντʼ ἀναβαλλομένους ἃν ᾖ δυσχερῆ πάντων ὑστερεῖν τῶν ἔργων,
그러나 만약 누군가가 청중을 불쾌하게 하지 않으려고 말 속에서 회피하는 모든 것을 현실의 사태도 회피해 준다면야 비위를 맞추는 연설을 해야 마땅하겠지만, 만약 어울리지 않는 말의 감언이설이 실제 행동에 손실이 된다면, 우리 자신을 기만하고 억센 일들을 모두 미루며 모든 행동에서 뒤처지는 것은 부끄러운 일입니다.
§39καὶ μηδὲ τοῦτο δύνασθαι μαθεῖν, ὅτι δεῖ τοὺς ὀρθῶς πολέμῳ χρωμένους οὐκ ἀκολουθεῖν τοῖς πράγμασιν, ἀλλʼ αὐτοὺς ἔμπροσθεν εἶναι τῶν πραγμάτων, καὶ τὸν αὐτὸν τρόπον ὥσπερ τῶν στρατευμάτων ἀξιώσειέ τις ἂν τὸν στρατηγὸν ἡγεῖσθαι, οὕτω καὶ τῶν πραγμάτων τοὺς βουλευομένους, ἵνʼ ἃν ἐκείνοις δοκῇ, ταῦτα πράττηται καὶ μὴ τὰ συμβάντʼ ἀναγκάζωνται διώκειν.
그리고 전쟁을 올바르게 수행하는 자들은 사태를 뒤따라갈 것이 아니라 스스로 사태보다 앞서 가야 하며, 누군가가 장군이 군대를 이끌어 주기를 요구하는 것과 같은 방식으로, 심의하는 자들도 사태를 이끌어 감으로써 자신들이 결정한 일이 실행되도록 해야지 일어난 사건들을 뒤쫓아 가도록 강요받아서는 안 된다는 사실조차 깨닫지 못하는 것도 부끄러운 일입니다.
§40ὑμεῖς δʼ, ὦ ἄνδρες Ἀθηναῖοι, πλείστην δύναμιν ἁπάντων ἔχοντες, τριήρεις, ὁπλίτας, ἱππέας, χρημάτων πρόσοδον, τούτων μὲν μέχρι τῆς τήμερον ἡμέρας οὐδενὶ πώποτʼ εἰς δέον τι κέχρησθε, οὐδὲν δʼ ἀπολείπετε, ὥσπερ οἱ βάρβαροι πυκτεύουσιν, οὕτω πολεμεῖν Φιλίππῳ.
그런데 아테나이 시민 여러분, 여러분은 삼단노선, 중장보병, 기병, 세입 자금 등 가장 큰 전력을 보유하고 있으면서도, 오늘날에 이르기까지 이 중 어떤 것도 필요한 곳에 제대로 사용해 본 적이 없으며, 마치 야만인들이 권투를 하듯이 필리포스와 전쟁을 치르는 것에서 조금도 다를 바가 없습니다.
καὶ γὰρ ἐκείνων ὁ πληγεὶς ἀεὶ τῆς πληγῆς ἔχεται, κἂν ἑτέρωσε πατάξῃ τις, ἐκεῖσʼ εἰσὶν αἱ χεῖρες· προβάλλεσθαι δʼ ἢ βλέπειν ἐναντίον οὔτʼ οἶδεν οὔτʼ ἐθέλει.
그들 중 한 대 맞은 자는 늘 맞은 곳을 움켜쥐고, 누군가 다른 곳을 때리면 그 손이 그곳으로 가며, 방어 자세를 취하거나 상대를 정면으로 마주 보는 법은 알지도 못하고 하려고도 하지 않기 때문입니다.
§41καὶ ὑμεῖς, ἂν ἐν Χερρονήσῳ πύθησθε Φίλιππον, ἐκεῖσε βοηθεῖν ψηφίζεσθε, ἂν ἐν Πύλαις, ἐκεῖσε, ἂν ἄλλοθί που, συμπαραθεῖτʼ ἄνω κάτω, καὶ στρατηγεῖσθʼ ὑπʼ ἐκείνου, βεβούλευσθε δʼ οὐδὲν αὐτοὶ συμφέρον περὶ τοῦ πολέμου, οὐδὲ πρὸ τῶν πραγμάτων προορᾶτʼ οὐδέν, πρὶν ἂν ἢ γεγενημένον ἢ γιγνόμενόν τι πύθησθε.
여러분도 필리포스가 헤르소네소스에 있다는 소식을 들으면 그곳으로 구원병을 보내기로 의결하고, 퓔라이에 있다면 그곳으로, 다른 어떤 곳에 있다면 그를 따라 위아래로 함께 뛰어다니며 그에게 끌려다닐 뿐, 전쟁에 관해 유익한 것을 스스로 심의한 적이 없고, 어떤 일이 이미 일어났거나 일어나고 있다는 소식을 듣기 전까지는 사태에 앞서 아무것도 내다보지 못합니다.
ταῦτα δʼ ἴσως πρότερον μὲν ἐνῆν· νῦν δʼ ἐπʼ αὐτὴν ἥκει τὴν ἀκμήν, ὥστʼ οὐκέτʼ ἐγχωρεῖ.
이러한 행동은 이전에는 아마 가능했을지 몰라도, 이제는 바로 그 한계에 도달했기에 더 이상 허용될 수 없습니다.
§42δοκεῖ δέ μοι θεῶν τις, ὦ ἄνδρες Ἀθηναῖοι, τοῖς γιγνομένοις ὑπὲρ τῆς πόλεως αἰσχυνόμενος τὴν φιλοπραγμοσύνην ταύτην ἐμβαλεῖν Φιλίππῳ.
아테나이 시민 여러분, 신들 중 누군가가 우리 국가에 일어나고 있는 일들을 부끄럽게 여겨, 필리포스에게 이러한 쉴 새 없는 활동력을 불어넣어 준 것이 아닌가 생각됩니다.
εἰ γὰρ ἔχων ἃ κατέστραπται καὶ προείληφεν ἡσυχίαν ἔχειν ἤθελε καὶ μηδὲν ἔπραττεν ἔτι, ἀποχρῆν ἐνίοις ὑμῶν ἄν μοι δοκεῖ, ἐξ ὧν αἰσχύνην καὶ ἀνανδρίαν καὶ πάντα τὰ αἴσχιστʼ ὠφληκότες ἂν ἦμεν δημοσίᾳ·
만약 그가 이미 굴복시키고 선점한 것들을 차지한 채 안주하려 하고 더 이상 아무 일도 하지 않았다면, 여러분 중 일부는 그것으로 만족했을 것이라 생각되는데, 그 결과 우리는 공적으로 수치와 비겁함, 그리고 온갖 가장 치욕스러운 오명을 뒤집어썼을 것입니다.
νῦν δʼ ἐπιχειρῶν ἀεί τινι καὶ τοῦ πλείονος ὀρεγόμενος ἴσως ἂν ἐκκαλέσαιθʼ ὑμᾶς, εἴπερ μὴ παντάπασιν ἀπεγνώκατε.
하지만 지금 그는 끊임없이 무언가를 시도하고 더 많은 것을 갈망하고 있으므로, 여러분이 완전히 포기해 버린 것이 아니라면 필시 여러분을 자극하여 깨울 것입니다.
§43θαυμάζω δʼ ἔγωγε, εἰ μηδεὶς ὑμῶν μήτʼ ἐνθυμεῖται μήτʼ ὀργίζεται, ὁρῶν, ὦ ἄνδρες Ἀθηναῖοι, τὴν μὲν ἀρχὴν τοῦ πολέμου γεγενημένην περὶ τοῦ τιμωρήσασθαι Φίλιππον, τὴν δὲ τελευτὴν οὖσαν ἤδη ὑπὲρ τοῦ μὴ παθεῖν κακῶς ὑπὸ Φιλίππου.
아테나이 시민 여러분, 저는 이 전쟁의 시작은 필리포스를 징벌하는 것에 관한 것이었는데, 그 끝은 이미 필리포스로부터 피해를 입지 않기 위한 것이 된 것을 보면서도, 여러분 중 누구도 깊이 생각하거나 분노하지 않는다는 사실이 참으로 놀랍습니다.
ἀλλὰ μὴν ὅτι γʼ οὐ στήσεται, δῆλον, εἰ μή τις κωλύσει.
하지만 누군가 막아서지 않는 한 그가 멈추지 않으리라는 것은 자명합니다.
εἶτα τοῦτʼ ἀναμενοῦμεν;
그렇다면 우리는 이것을 기다리고만 있을 것입니까?
καὶ τριήρεις κενὰς καὶ τὰς παρὰ τοῦ δεῖνος ἐλπίδας ἂν ἀποστείλητε, πάντʼ ἔχειν οἴεσθε καλῶς;
그리고 비어 있는 삼단노선들과 아무개에게서 오는 헛된 희망들을 파견하기만 하면 모든 것이 잘될 것이라고 생각하십니까?
§44οὐκ ἐμβησόμεθα;
우리는 배에 타지 않을 것입니까?
οὐκ ἔξιμεν αὐτοὶ μέρει γέ τινι στρατιωτῶν οἰκείων νῦν, εἰ καὶ μὴ πρότερον;
이전에는 그러지 않았을지라도, 지금이라도 우리 시민병의 일부를 데리고 직접 출병하지 않을 것입니까?
οὐκ ἐπὶ τὴν ἐκείνου πλευσόμεθα;
그의 영토를 향해 항해하지 않을 것입니까?
ποῖ οὖν προσορμιούμεθʼ; ἤρετό τις.
'그렇다면 우리는 어디에 정박해야 합니까?'라고 누군가 물었습니다.
εὑρήσει τὰ σαθρά, ὦ ἄνδρες Ἀθηναῖοι, τῶν ἐκείνου πραγμάτων αὐτὸς ὁ πόλεμος, ἂν ἐπιχειρῶμεν·
아테나이 시민 여러분, 만약 우리가 공격을 시도한다면, 전쟁 자체가 그의 취약한 부분을 스스로 찾아낼 것입니다.
ἂν μέντοι καθώμεθʼ οἴκοι, λοιδορουμένων ἀκούοντες καὶ αἰτιωμένων ἀλλήλους τῶν λεγόντων, οὐδέποτʼ οὐδὲν ἡμῖν μὴ γένηται τῶν δεόντων.
그러나 만약 우리가 집에 주저앉아 연설가들이 서로를 비방하고 비난하는 것을 듣고만 있다면, 우리에게 필요한 일은 결코 단 하나도 이루어지지 않을 것입니다.