§21εἰ μὲν οὖν ὁ ταῦτα πράξας εἷς ἦν τῶν τυχόντων ἀλλὰ μὴ τῶν πολὺ διενεγκόντων, οὐκ ἄν πω δῆλος ἦν ὁ λόγος, πότερον Ἑλένης ἔπαινος ἢ κατηγορία Θησέως ἐστίν·
그리하여 만일 이 일들을 행한 자가 범상한 사람들 중 한 명이고 대단히 뛰어난 이들 중 한 명이 아니었다면, 이 연설이 헬레네에 대한 찬양인지 아니면 테세우스에 대한 고발인지 아직 명확하지 않았을 것이다.
νῦν δὲ τῶν μὲν ἄλλων τῶν εὐδοκιμησάντων εὑρήσομεν τὸν μὲν ἀνδρίας, τὸν δὲ σοφίας, τὸν δʼ ἄλλου τινὸς τῶν τοιούτων μερῶν ἀπεστερημένον, τοῦτον δὲ μόνον οὐδʼ ἑνὸς ἐνδεᾶ γενόμενον, ἀλλὰ παντελῆ τὴν ἀρετὴν κτησάμενον.
그러나 현실에서는, 명성을 얻은 다른 이들에게서는 어떤 이는 용기를, 어떤 이는 지혜를, 또 어떤 이는 그와 같은 덕의 일부분을 결여하고 있음을 우리가 보게 되지만, 이 인물만큼은 단 한 가지도 부족함이 없이 온전한 덕을 획득했음을 발견하게 된다.
§22δοκεῖ δέ μοι πρέπειν περὶ αὐτοῦ καὶ διὰ μακροτέρων εἰπεῖν·
그리고 그에 대해 더 길게 이야기하는 것이 내게는 합당해 보인다.
ἡγοῦμαι γὰρ ταύτην μεγίστην εἶναι πίστιν τοῖς βουλομένοις Ἑλένην ἐπαινεῖν, ἢν ἐπιδείξωμεν τοὺς ἀγαπήσαντας καὶ θαυμάσαντας ἐκείνην αὐτοὺς τῶν ἄλλων θαυμαστοτέρους ὄντας.
왜냐하면 그녀를 사랑하고 찬탄했던 이들이 다른 누구보다 찬탄할 만한 이들이었음을 우리가 보여준다면, 이것이야말로 헬레네를 찬양하고자 하는 이들에게 가장 큰 논거가 된다고 생각하기 때문이다.
ὅσα μὲν γὰρ ἐφʼ ἡμῶν γέγονεν, εἰκότως ἂν ταῖς δόξαις ταῖς ἡμετέραις αὐτῶν διακρίνοιμεν, περὶ δὲ τῶν οὕτω παλαιῶν προσήκει τοῖς κατʼ ἐκεῖνον τὸν χρόνον εὖ φρονήσασιν ὁμονοοῦντας ἡμᾶς φαίνεσθαι.
참으로 우리 시대에 일어난 일들에 대해서는 마땅히 우리 자신의 의견으로 판단하겠지만, 이토록 오래된 일들에 대해서는 그 시대의 현명했던 이들과 우리가 의견을 같이하는 것처럼 보이는 것이 마땅하기 때문이다.
§23κάλλιστον μὲν οὖν ἔχω περὶ Θησέως τοῦτʼ εἰπεῖν, ὅτι κατὰ τὸν αὐτὸν χρόνον Ἡρακλεῖ γενόμενος ἐνάμιλλον τὴν αὑτοῦ δόξαν πρὸς τὴν ἐκείνου κατέστησεν.
그리하여 테세우스에 대해 내가 말할 수 있는 가장 아름다운 점은, 그가 헤라클레스와 같은 시대에 태어나 자신의 명성을 그의 명성과 대등하게 만들었다는 사실이다.
οὐ γὰρ μόνον τοῖς ὅπλοις ἐκοσμήσαντο παραπλησίοις, ἀλλὰ καὶ τοῖς ἐπιτηδεύμασιν ἐχρήσαντο τοῖς αὐτοῖς, πρέποντα τῇ συγγενείᾳ ποιοῦντες.
왜냐하면 그들은 비슷한 무기로 몸을 단장했을 뿐만 아니라, 친족 관계에 걸맞은 행동을 하며 동일한 활동을 추구했기 때문이다.
ἐξ ἀδελφῶν γὰρ γεγονότες, ὁ μὲν ἐκ Διός, ὁ δʼ ἐκ Ποσειδῶνος, ἀδελφὰς καὶ τὰς ἐπιθυμίας ἔσχον.
참으로 형제인 이들(한 명은 제우스에게서, 다른 한 명은 포세이돈에게서)에게서 태어났기에, 그들은 그 욕망 또한 형제처럼 똑같았다.
μόνοι γὰρ οὗτοι τῶν προγεγενημένων ὑπὲρ τοῦ βίου τοῦ τῶν ἀνθρώπων ἀθληταὶ κατέστησαν.
이전 세대 중에서 오직 이들 둘만이 인류의 삶을 위한 투사로 나섰기 때문이다.
συνέβη δὲ τὸν μὲν ὀνομαστοτέρους καὶ μείζους, §24τὸν δʼ ὠφελιμωτέρους καὶ τοῖς Ἕλλησιν οἰκειοτέρους ποιήσασθαι τοὺς κινδύνους.
그런데 한쪽은 자신의 모험을 더 유명하고 더 거대하게 만들었으나, 다른 쪽은 모험을 더 유익하고 헬라스인들에게 더 친숙한 것으로 만들었다는 점에서 차이가 있다.
τῷ μὲν γὰρ Εὐρυσθεὺς προσέταττε τάς τε βοῦς τὰς ἐκ τῆς Ἐρυθείας ἀγαγεῖν καὶ τὰ μῆλα τὰ τῶν Ἑσπερίδων ἐνεγκεῖν καὶ τὸν Κέρβερον ἀναγαγεῖν καὶ τοιούτους ἄλλους πόνους, ἐξ ὧν ἤμελλεν οὐ τοὺς ἄλλους ὠφελήσειν ἀλλʼ αὐτὸς κινδυνεύσειν· §25ὁ δʼ αὐτὸς αὑτοῦ κύριος ὢν τούτους προῃρεῖτο τῶν ἀγώνων ἐξ ὧν ἤμελλεν ἢ τῶν Ἑλλήνων ἢ τῆς αὑτοῦ πατρίδος εὐεργέτης γενήσεσθαι.
참으로 전자에게는 에우리스테우스가 에리테이아의 소들을 몰고 오고, 헤스페리데스의 사과를 가져오며, 케르베로스를 끌어올리는 일과 그와 같은 다른 고역들을 명령하여, 다른 이들을 이롭게 하지는 못하고 자신만 위험을 겪게 될 운명이었으나, 후자는 자기 자신의 주인이었기에, 헬라스인들이나 자신의 조국에 은혜를 베풀게 될 그러한 투쟁들을 스스로 선택했다.
καὶ τόν τε ταῦρον τὸν ἀνεθέντα μὲν ὑπὸ Ποσειδῶνος, τὴν δὲ χώραν λυμαινόμενον, ὃν πάντες οὐκ ἐτόλμων ὑπομένειν, μόνος χειρωσάμενος μεγάλου φόβου καὶ πολλῆς ἀπορίας τοὺς οἰκοῦντας τὴν πόλιν ἀπήλλαξεν·
또한 포세이돈에 의해 풀려나 땅을 황폐화시키고 있었으며 모두가 감히 맞서지 못했던 황소를 홀로 제압하여, 그 도시의 주민들을 거대한 공포와 커다란 곤경에서 건져내었다.
§26καὶ μετὰ ταῦτα Λαπίθαις σύμμαχος γενόμενος, στρατευσάμενος ἐπὶ Κενταύρους τοὺς διφυεῖς, οἳ καὶ τάχει καὶ ῥώμῃ καὶ τόλμῃ διενεγκόντες τὰς μὲν ἐπόρθουν, τὰς δʼ ἤμελλον, ταῖς δʼ ἠπείλουν τῶν πόλεων, τούτους μάχῃ νικήσας εὐθὺς μὲν αὐτῶν τὴν ὕβριν ἔπαυσεν, οὐ πολλῷ δʼ ὕστερον τὸ γένος ἐξ ἀνθρώπων ἠφάνισεν.
그리고 이어서 라피타이인들의 동맹군이 되어, 날램과 힘과 대담함에서 뛰어나 어떤 도시들은 약탈했고 어떤 도시들은 약탈하려 했으며 또 어떤 도시들은 위협하고 있던, 두 가지 몸을 가진 켄타우로스들에 맞서 원정을 떠났으며, 그들을 전투에서 격파하여 즉시 그들의 오만함을 잠재웠고, 얼마 지나지 않아 그 종족을 인간 세계에서 소멸시켰다.
§27περὶ δὲ τοὺς αὐτοὺς χρόνους τὸ τέρας τὸ τραφὲν μὲν ἐν Κρήτῃ, γενόμενον δʼ ἐκ Πασιφάης τῆς Ἡλίου θυγατρός, ᾧ κατὰ μαντείαν δασμὸν τῆς πόλεως δὶς ἑπτὰ παῖδας ἀποστελλούσης, ἰδὼν αὐτοὺς ἀγομένους καὶ πανδημεὶ προπεμπομένους ἐπὶ θάνατον ἄνομον καὶ προῦπτον καὶ πενθουμένους ἔτι ζῶντας, οὕτως ἠγανάκτησεν ὥσθʼ ἡγήσατο κρεῖττον εἶναι τεθνάναι μᾶλλον ἢ ζῆν ἄρχων τῆς πόλεως τῆς οὕτως οἰκτρὸν τοῖς ἐχθροῖς φόρον ὑποτελεῖν ἠναγκασμένης.
또한 비슷한 시기에, 크레타에서 길러졌고 태양신의 딸 파시파에에게서 태어난 괴물에 대해, 신탁에 따라 도시가 두 번이나 일곱 명의 아이들을 공물로 보냈을 때, 그들이 끌려가 불법적이고 뻔히 보이는 죽음으로 전 시민들의 전송을 받으며 아직 살아 있음에도 애도를 받는 것을 보고서, 테세우스는 너무나 분개한 나머지, 이토록 비참한 공물을 적들에게 바치도록 강요받는 도시의 지배자로서 사는 것보다는 차라리 죽는 것이 더 낫다고 여겼다.
§28σύμπλους δὲ γενόμενος, καὶ κρατήσας φύσεως ἐξ ἀνδρὸς μὲν καὶ ταύρου μεμιγμένης, τὴν δʼ ἰσχὺν ἐχούσης οἵαν προσήκει τὴν ἐκ τοιούτων σωμάτων συγκειμένην, τοὺς μὲν παῖδας διασώσας τοῖς γονεῦσιν ἀπέδωκε, τὴν δὲ πόλιν οὕτως ἀνόμου καὶ δεινοῦ καὶ δυσαπαλλάκτου προστάγματος ἠλευθέρωσεν.
그리하여 함께 배를 타고 나아가, 인간과 황소가 혼합된 천성을 가졌으며 그러한 육체들로 구성된 것에 걸맞은 힘을 지닌 괴물을 물리치고, 아이들을 구출하여 부모들에게 돌려주었으며, 도시를 이처럼 불법적이고 두려우며 벗어나기 어려운 명령으로부터 해방시켰다.
§29ἀπορῶ δʼ ὅ τι χρήσωμαι τοῖς ἐπιλοίποις·
그러나 남은 이야기들을 어떻게 처리해야 할지 나는 막막하다.
ἐπιστὰς γὰρ ἐπὶ τὰ Θησέως ἔργα καὶ λέγειν ἀρξάμενος περὶ αὐτῶν ὀκνῶ μὲν μεταξὺ παύσασθαι καὶ παραλιπεῖν τήν τε Σκίρωνος καὶ Κερκύονος καὶ τῶν ἄλλων τῶν τοιούτων παρανομίαν, πρὸς οὓς ἀνταγωνιστὴς γενόμενος ἐκεῖνος πολλῶν καὶ μεγάλων συμφορῶν τοὺς Ἕλληνας ἀπήλλαξεν, αἰσθάνομαι δʼ ἐμαυτὸν ἔξω φερόμενον τῶν καιρῶν καὶ δέδοικα μή τισι δόξω περὶ τούτου μᾶλλον σπουδάζειν ἢ περὶ ἧς τὴν ἀρχὴν ὑπεθέμην.
참으로 테세우스의 업적에 멈추어 서서 그 일들에 대해 말하기 시작하자, 도중에 멈추고서 스키론과 케르키온, 그리고 그와 같은 다른 자들의 무법함을 생략하기가 망설여지는데, 테세우스는 그들의 경쟁자가 되어 헬라스인들을 많고 커다란 재앙으로부터 구출해 주었기 때문이며, 한편으로는 내가 적절한 한도를 벗어나 겉돌고 있음을 느끼며, 내가 처음에 주제로 삼았던 그녀보다 이 인물에 대해 더 심혈을 기울이고 있는 것으로 누군가에게 보이지 않을까 두렵기 때문이다.