§35ὅταν ὑπὲρ σεαυτοῦ μέλλῃς τινὶ συμβούλῳ χρῆσθαι, σκόπει πρῶτον πῶς τὰ ἑαυτοῦ διῴκησεν·
스스로를 위해 누군가를 조언자로 삼고자 할 때에는, 먼저 그가 자신의 일들을 어떻게 처리했는지를 살펴보십시오.
ὁ γὰρ κακῶς διανοηθεὶς περὶ τῶν οἰκείων οὐδέποτε καλῶς βουλεύσεται περὶ τῶν ἀλλοτρίων.
자신의 일에 대해 잘못 생각한 사람은 타인의 일에 대해서 결코 훌륭하게 조언하지 못할 것이기 때문입니다.
οὕτω δʼ ἂν μάλιστα βουλεύεσθαι παροξυνθείης, εἰ τὰς συμφορὰς τὰς ἐκ τῆς ἀβουλίας ἐπιβλέψειας·
그리고 만약 당신이 생각 없음에서 비롯되는 불행들을 직시한다면, 그렇게 함으로써 가장 강력하게 숙고하도록 고무될 것입니다.
καὶ γὰρ τῆς ὑγιείας πλείστην ἐπιμέλειαν ἔχομεν, ὅταν τὰς λύπας τὰς ἐκ τῆς ἀρρωστίας ἀναμνησθῶμεν.
참으로 우리가 건강에 가장 큰 관심을 기울이는 것은, 질병에서 비롯되는 고통들을 기억할 때이기 때문입니다.
§36μιμοῦ τὰ τῶν βασιλέων ἤθη καὶ δίωκε τὰ ἐκείνων ἐπιτηδεύματα·
왕들의 품성을 모방하고 그들의 행실을 따르십시오.
δόξεις γὰρ αὐτοὺς ἀποδέχεσθαι καὶ ζηλοῦν, ὥστε σοι συμβήσεται παρά τε τῷ πλήθει μᾶλλον εὐδοκιμεῖν καὶ τὴν παρʼ ἐκείνων εὔνοιαν βεβαιοτέραν ἔχειν.
그렇게 하면 당신이 그들을 인정하고 본받는 것처럼 보일 것이며, 그 결과 대중 사이에서 더 좋은 명성을 얻고 왕들로부터의 호의를 더 확고히 간직하게 될 것입니다.
πείθου μὲν καὶ τοῖς νόμοις τοῖς ὑπὸ τῶν βασιλέων κειμένοις, ἰσχυρότατον μέντοι νόμον ἡγοῦ τὸν ἐκείνων τρόπον.
왕들에 의해 제정된 법률에도 복종하되, 그들의 태도를 가장 강력한 법으로 여기십시오.
ὥσπερ γὰρ τὸν ἐν δημοκρατίᾳ πολιτευόμενον τὸ πλῆθος δεῖ θεραπεύειν, οὕτω καὶ τὸν ἐν μοναρχίᾳ κατοικοῦντα τὸν βασιλέα προσήκει θαυμάζειν.
민주정 하에서 정치 활동을 하는 사람은 대중을 영합해야 하는 것처럼, 군주정 하에서 사는 사람은 왕을 숭배하는 것이 마땅하기 때문입니다.
§37εἰς ἀρχὴν κατασταθεὶς μηδενὶ χρῶ πονηρῷ πρὸς τὰς διοικήσεις·
관직에 임명되었을 때는 행정 업무를 위해 그 어떤 악한 사람도 기용하지 마십시오.
ὧν γὰρ ἂν ἐκεῖνος ἁμάρτῃ, σοὶ τὰς αἰτίας ἀναθήσουσιν.
그가 저지르는 잘못에 대해 사람들이 당신에게 그 책임을 돌릴 것이기 때문입니다.
ἐκ τῶν κοινῶν ἐπιμελειῶν ἀπαλλάττου μὴ πλουσιώτερος ἀλλʼ ἐνδοξότερος·
공직의 보살핌에서 벗어날 때는 더 부유해져서가 아니라 더 명예로워져서 떠나십시오.
πολλῶν γὰρ χρημάτων κρείττων ὁ παρὰ τοῦ πλήθους ἔπαινος.
대중으로부터 받는 찬사는 많은 재물보다 더 훌륭하기 때문입니다.
μηδενὶ πονηρῷ πράγματι μήτε παρίστασο μήτε συνηγόρει·
그 어떤 악한 일에도 조력하거나 변호하지 마십시오.
δόξεις γὰρ καὶ αὐτὸς τοιαῦτα πράττειν, οἷά περ ἂν τοῖς ἄλλοις πράττουσι βοηθῇς.
타인이 행하는 그러한 일들을 돕는다면 당신 자신도 그와 같은 일을 행하는 것으로 보일 것이기 때문입니다.
§38παρασκεύαζε σεαυτὸν πλεονεκτεῖν μὲν δύνασθαι, ἀνέχου δὲ τὸ ἴσον ἔχων, ἵνα δοκῇς ὀρέγεσθαι τῆς δικαιοσύνης μὴ διʼ ἀσθένειαν ἀλλὰ διʼ ἐπιείκειαν.
스스로 더 많이 가질 수 있도록 능력을 갖추되, 평등하게 가지는 것을 견뎌내십시오. 그리하여 당신이 정의를 갈망하는 것이 약함 때문이 아니라 관대함 때문인 것으로 보이게 하십시오.
μᾶλλον ἀποδέχου δικαίαν πενίαν ἢ πλοῦτον ἄδικον·
부정하게 얻은 부보다는 의로운 가난을 더 기꺼이 받아들이십시오.
τοσούτῳ γὰρ κρείττων δικαιοσύνη χρημάτων, ὅσῳ τὰ μὲν ζῶντας μόνον ὠφελεῖ, τὸ δὲ καὶ τελευτήσασι δόξαν παρασκευάζει, κἀκείνων μὲν τοῖς φαύλοις μέτεστι, τούτου δὲ τοῖς μοχθηροῖς ἀδύνατον μεταλαβεῖν.
정의가 재물보다 더 훌륭한 것은, 재물은 살아 있는 자들만을 이롭게 하는 반면 정의는 죽은 자들에게까지도 명성을 가져다주며, 재물은 보잘것없는 자들도 나누어 가질 수 있는 반면 정의는 악당들이 나누어 갖는 것이 불가능하기 때문입니다.
§39μηδένα ζήλου τῶν ἐξ ἀδικίας κερδαινόντων, ἀλλὰ μᾶλλον ἀποδέχου τοὺς μετὰ δικαιοσύνης ζημιωθέντας·
불의로부터 이득을 얻는 자들 중 그 누구도 부러워하지 말고, 오히려 정의와 함께 손실을 입은 이들을 더 존중하십시오.
οἱ γὰρ δίκαιοι τῶν ἀδίκων εἰ μηδὲν ἄλλο πλεονεκτοῦσιν, ἀλλʼ οὖν ἐλπίσι γε σπουδαίαις ὑπερέχουσιν.
의로운 이들이 불의한 이들보다 다른 어떤 것에서도 앞서지 못한다 할지라도, 적어도 훌륭한 희망에 있어서만큼은 그들을 능가하기 때문입니다.
§40πάντων μὲν ἐπιμελοῦ τῶν περὶ τὸν βίον, μάλιστα δὲ τὴν σαυτοῦ φρόνησιν ἄσκει·
삶에 관한 모든 것들을 보살피되, 특히 당신 자신의 지혜를 단련하십시오.
μέγιστον γὰρ ἐν ἐλαχίστῳ νοῦς ἀγαθὸς ἐν ἀνθρώπου σώματι.
사람의 몸 안에서 훌륭한 지성은 가장 작은 것 안에 있는 가장 위대한 것이기 때문입니다.
πειρῶ τῷ μὲν σώματι εἶναι φιλόπονος, τῇ δὲ ψυχῇ φιλόσοφος, ἵνα τῷ μὲν ἐπιτελεῖν δύνῃ τὰ δόξαντα, τῇ δὲ προορᾶν ἐπίστῃ τὰ συμφέροντα.
몸으로는 일하기를 좋아하고 혼으로는 지혜를 사랑하도록 힘쓰십시오. 그리하여 몸으로는 결정된 일을 완수할 수 있고, 혼으로는 유익한 일들을 내다볼 줄 알게 하기 위함입니다.
§41πᾶν ὅ τι ἂν μέλλῃς ἐρεῖν, πρότερον ἐπισκόπει τῇ γνώμῃ·
당신이 말하고자 하는 모든 것을 먼저 마음속으로 음미해 보십시오.
πολλοῖς γὰρ ἡ γλῶττα προτρέχει τῆς διανοίας.
많은 이들에게 혀가 지성보다 앞서 나가기 때문입니다.
δύο ποιοῦ καιροὺς τοῦ λέγειν, ἢ περὶ ὧν οἶσθα σαφῶς, ἢ περὶ ὧν ἀναγκαῖον εἰπεῖν.
말할 기회를 두 가지로 한정하십시오. 당신이 분명하게 아는 것에 대해서거나, 혹은 말하는 것이 불가피한 것에 대해서입니다.
ἐν τούτοις γὰρ μόνοις ὁ λόγος τῆς σιγῆς κρείττων, ἐν δὲ τοῖς ἄλλοις ἄμεινον σιγᾶν ἢ λέγειν.
이 경우들에만 말이 침묵보다 더 훌륭하고, 다른 경우들에는 말하는 것보다 침묵하는 것이 더 낫기 때문입니다.
§42νόμιζε μηδὲν εἶναι τῶν ἀνθρωπίνων βέβαιον·
인간사의 그 어떤 것도 확실하지 않다고 생각하십시오.
οὕτω γὰρ οὔτʼ εὐτυχῶν ἔσει περιχαρὴς οὔτε δυστυχῶν περίλυπος.
그렇게 하면 행운이 따를 때에도 지나치게 기뻐하지 않을 것이고 불행할 때에도 지나치게 슬퍼하지 않을 것입니다.
χαῖρε μὲν ἐπὶ τοῖς συμβαίνουσι τῶν ἀγαθῶν, λυποῦ δὲ μετρίως ἐπὶ τοῖς γιγνομένοις τῶν κακῶν, γίγνου δὲ τοῖς ἄλλοις μηδʼ ἐν ἑτέροις ὢν κατάδηλος·
일어나는 좋은 일들에 대해서는 기뻐하고, 생기는 나쁜 일들에 대해서는 적당히 슬퍼하되, 다른 이들에게는 어느 쪽의 감정도 드러나지 않게 하십시오.
ἄτοπον γὰρ τὴν μὲν οὐσίαν ἐν ταῖς οἰκίαις ἀποκρύπτειν, τὴν δὲ διάνοιαν φανερὰν ἔχοντα περιπατεῖν.
재산은 집 안에 숨겨두면서 생각은 훤히 드러낸 채 걸어 다니는 것은 이상한 일이기 때문입니다.
§43μᾶλλον εὐλαβοῦ ψόγον ἢ κίνδυνον·
위험보다는 오히려 비난을 경계하십시오.
δεῖ γὰρ εἶναι φοβερὰν τοῖς μὲν φαύλοις τὴν τοῦ βίου τελευτήν, τοῖς δὲ σπουδαίοις τὴν ἐν τῷ ζῆν ἀδοξίαν.
사악한 자들에게는 삶의 종말이 두려운 것이어야 하지만, 훌륭한 자들에게는 살아가는 동안의 불명예가 두려운 것이어야 하기 때문입니다.
μάλιστα μὲν πειρῶ ζῆν κατὰ τὴν ἀσφάλειαν·
무엇보다 안전하게 살아가도록 힘쓰십시오.
ἐὰν δέ ποτέ σοι συμβῇ κινδυνεύειν, ζήτει τὴν ἐκ τοῦ πολέμου σωτηρίαν μετὰ καλῆς δόξης, ἀλλὰ μὴ μετʼ αἰσχρᾶς φήμης·
그러나 언젠가 위험에 처하게 된다면, 추악한 평판이 아니라 아름다운 명성과 함께 전쟁으로부터의 구원을 구하십시오.
τὸ μὲν γὰρ τελευτῆσαι πάντων ἡ πεπρωμένη κατέκρινε, τὸ δὲ καλῶς ἀποθανεῖν ἴδιον τοῖς σπουδαίοις ἀπένειμεν.
참으로 죽는 것은 운명이 모든 이들에게 선고한 일이지만, 아름답게 죽는 것은 운명이 훌륭한 자들에게만 고유한 몫으로 나누어 준 것이기 때문입니다.