§27εἶναι βούλου τὰ περὶ τὴν ἐσθῆτα φιλόκαλος, ἀλλὰ μὴ καλλωπιστής.
의복에 관한 일에 있어서는 아름다움을 사랑하는 자가 되기를 바라되, 사치스럽게 꾸미는 자가 되지 마십시오.
ἔστι δὲ φιλοκάλου μὲν τὸ μεγαλοπρεπές, καλλωπιστοῦ δὲ τὸ περίεργον.
우아한 자에게 속하는 것은 품위 있음이며, 꾸미기만 하는 자에게 속하는 것은 번잡함이기 때문입니다.
ἀγάπα τῶν ὑπαρχόντων ἀγαθῶν μὴ τὴν ὑπερβάλλουσαν κτῆσιν ἀλλὰ τὴν μετρίαν ἀπόλαυσιν.
가지고 있는 좋은 것들 중에서도 과도한 소유가 아니라 적당한 누림을 사랑하십시오.
καταφρόνει τῶν περὶ τὸν πλοῦτον σπουδαζόντων μέν, χρῆσθαι δὲ τοῖς ὑπάρχουσι μὴ δυναμένων·
부를 얻는 데는 열중하면서도 정작 가지고 있는 것을 쓸 줄 모르는 자들을 경멸하십시오.
παραπλήσιον γὰρ οἱ τοιοῦτοι πάσχουσιν, ὥσπερ ἂν εἴ τις ἵππον κτήσαιτο καλὸν κακῶς ἱππεύειν ἐπιστάμενος.
그러한 자들이 겪는 일은, 말 타는 법을 서투르게 알면서도 아름다운 말을 얻는 사람의 경우와 비슷하기 때문입니다.
§28πειρῶ τὸν πλοῦτον χρήματα καὶ κτήματα κατασκευάζειν.
부를 유용한 재물이자 소유물이 되게 하도록 힘쓰십시오.
ἔστι δὲ χρήματα μὲν τοῖς ἀπολαύειν ἐπισταμένοις, κτήματα δὲ τοῖς κτᾶσθαι δυναμένοις.
즉, 누릴 줄 아는 이들에게는 유용한 재물이고, 획득할 수 있는 이들에게는 소유물이기 때문입니다.
τίμα τὴν ὑπάρχουσαν οὐσίαν δυοῖν ἕνεκεν, τοῦ τε ζημίαν μεγάλην ἐκτῖσαι δύνασθαι, καὶ τοῦ φίλῳ σπουδαίῳ δυστυχοῦντι βοηθῆσαι·
현재 있는 재산을 두 가지 이유 때문에 중히 여기십시오. 즉 큰 손실을 치러낼 수 있기 위함이며, 불행을 겪는 훌륭한 친구를 도울 수 있기 위함입니다.
πρὸς δὲ τὸν ἄλλον βίον μηδὲν ὑπερβαλλόντως ἀλλὰ μετρίως αὐτὴν ἀγάπα.
그러나 그 밖의 삶에 대해서는 그것을 지나치게 사랑하지 말고 적당히 사랑하십시오.
§29στέργε μὲν τὰ παρόντα, ζήτει δὲ τὰ βελτίω.
현재 있는 것에 만족하되, 더 나은 것을 구하십시오.
μηδενὶ συμφορὰν ὀνειδίσῃς·
그 누구에게도 불행을 나무라지 마십시오.
κοινὴ γὰρ ἡ τύχη καὶ τὸ μέλλον ἀόρατον.
운명은 모두에게 공통된 것이며 미래는 보이지 않기 때문입니다.
τοὺς ἀγαθοὺς εὖ ποίει·
선한 이들에게 선을 베푸십시오.
καλὸς γὰρ θησαυρὸς παρʼ ἀνδρὶ σπουδαίῳ χάρις ὀφειλομένη.
훌륭한 사람에게 빚진 감사의 마음은 아름다운 보물창고이기 때문입니다.
τοὺς κακοὺς εὖ ποιῶν ὅμοια πείσει τοῖς τὰς ἀλλοτρίας κύνας σιτίζουσιν·
악한 이들에게 선을 베풀면 남의 개에게 먹이를 주는 자들과 같은 일을 겪게 될 것입니다.
ἐκεῖναί τε γὰρ τοὺς διδόντας ὥσπερ τοὺς τυχόντας ὑλακτοῦσιν, οἵ τε κακοὶ τοὺς ὠφελοῦντας ὥσπερ τοὺς βλάπτοντας ἀδικοῦσι.
그 개들은 먹이를 주는 사람에게도 지나가는 행인에게 하듯 짖어대고, 악한 이들도 자신들에게 이익을 주는 자들에게 해를 끼치는 자들에게 하듯 해를 입히기 때문입니다.
§30μίσει τοὺς κολακεύοντας ὥσπερ τοὺς ἐξαπατῶντας·
아첨하는 자들을 속이는 자들과 똑같이 미워하십시오.
ἀμφότεροι γὰρ πιστευθέντες τοὺς πιστεύσαντας ἀδικοῦσιν.
두 부류 모두 신뢰를 받게 되면 자신을 신뢰한 이들에게 해를 끼치기 때문입니다.
ἐὰν ἀποδέχῃ τῶν φίλων τοὺς πρὸς τὸ φαυλότατον χαριζομένους, οὐχ ἕξεις ἐν τῷ βίῳ τοὺς πρὸς τὸ βέλτιστον ἀπεχθανομένους.
만약 당신이 친구들 중에서 가장 나쁜 일에 비위를 맞춰주는 자들을 받아들인다면, 가장 좋은 일을 위해 미움을 사는 자들을 삶 속에서 얻지 못할 것입니다.
γίγνου πρὸς τοὺς πλησιάζοντας ὁμιλητικός, ἀλλὰ μὴ σεμνός·
가까이 다가오는 이들에게 친근하게 대하되, 거만하게 굴지 마십시오.
τὸν μὲν γὰρ τῶν ὑπεροπτικῶν ὄγκον μόλις ἂν οἱ δοῦλοι καρτερήσειαν, τὸν δὲ τῶν ὁμιλητικῶν τρόπον ἅπαντες ἡδέως ὑποφέρουσιν.
오만한 자들의 거만함은 노예들조차 겨우 참아내는 법이지만, 친근한 자들의 태도는 모든 이들이 기껍게 받아들이기 때문입니다.
§31ὁμιλητικὸς δʼ ἔσει μὴ δύσερις ὢν μηδὲ δυσάρεστος μηδὲ πρὸς πάντας φιλόνικος, μηδὲ πρὸς τὰς τῶν πλησιαζόντων ὀργὰς τραχέως ἀπαντῶν, μηδʼ ἂν ἀδίκως ὀργιζόμενοι τυγχάνωσιν, ἀλλὰ θυμουμένοις μὲν αὐτοῖς εἴκων, πεπαυμένοις δὲ τῆς ὀργῆς ἐπιπλήττων· μηδὲ παρὰ τὰ γελοῖα σπουδάζων, μηδὲ παρὰ τὰ σπουδαῖα τοῖς γελοίοις χαίρων (τὸ γὰρ ἄκαιρον πανταχοῦ λυπηρόν)· μηδὲ τὰς χάριτας ἀχαρίστως χαριζόμενος, ὅπερ πάσχουσιν οἱ πολλοί, ποιοῦντες μέν, ἀηδῶς δὲ τοῖς φίλοις ὑπουργοῦντες· μηδὲ φιλαίτιος ὤν, βαρὺ γάρ, μηδὲ φιλεπιτιμητής, παροξυντικὸν γάρ.
다투기를 좋아하지 않고, 까다롭게 굴지 않으며, 모든 이에게 이기려고 들지 않는다면 당신은 친근한 사람이 될 것입니다. 가까이 다가오는 이들의 분노에 대해, 비록 그들이 부당하게 화를 내는 중일지라도 거칠게 맞서지 않고, 오히려 그들이 화를 낼 때는 한 걸음 물러서고, 분노가 가라앉았을 때 훈계하며, 농담해야 할 자리에서 엄격한 척하지 않고, 진지한 자리에서 농담을 즐기지 않음으로써(시의적절하지 못한 것은 어디서든 불쾌감을 주기 때문입니다), 많은 이들이 범하는 오류이듯이, 친구들을 도와주기는 하되 마지못해 봉사하는 식의 우아하지 못한 방식으로 은혜를 베풀지 않으며, 트집 잡기를 좋아하지 않고(그것은 무거운 짐이 되기 때문입니다), 나무라기를 좋아하지 않음(그것은 자극을 주기 때문입니다)으로써 말입니다.
§32μάλιστα μὲν εὐλαβοῦ τὰς ἐν τοῖς πότοις συνουσίας·
무엇보다도 술자리에서의 모임을 조심하십시오.
ἐὰν δέ ποτέ σοι συμπέσῃ καιρός, ἐξανίστασο πρὸ μέθης.
그러나 그러한 때를 맞닥뜨리게 된다면, 취하기 전에 자리에서 일어나십시오.
ὅταν γὰρ ὁ νοῦς ὑπὸ οἴνου διαφθαρῇ, ταὐτὰ πάσχει τοῖς ἅρμασι τοῖς τοὺς ἡνιόχους ἀποβαλοῦσιν·
정신이 술 때문에 상하게 되면, 마부를 잃어버린 전차들과 똑같은 일을 겪기 때문입니다.
ἐκεῖνά τε γὰρ ἀτάκτως φέρεται διαμαρτόντα τῶν εὐθυνούντων, ἥ τε ψυχὴ πολλὰ σφάλλεται διαφθαρείσης τῆς διανοίας.
전차들은 통제해 주는 이들을 잃고 무질서하게 굴러가며, 영혼 또한 지성이 손상되면 크게 비틀거리기 마련입니다.
ἀθάνατα μὲν φρόνει τῷ μεγαλόψυχος εἶναι, θνητὰ δὲ τῷ συμμέτρως τῶν ὑπαρχόντων ἀπολαύειν.
도량이 넓음으로써 불멸할 것을 생각하고, 가지고 있는 것들을 적당히 누림으로써 죽을 것을 생각하십시오.
§33ἡγοῦ τὴν παιδείαν τοσούτῳ μεῖζον ἀγαθὸν εἶναι τῆς ἀπαιδευσίας, ὅσῳ τὰ μὲν ἄλλα μοχθηρὰ πάντες κερδαίνοντες πράττουσιν, αὕτη δὲ μόνη καὶ προσεζημίωσε τοὺς ἔχοντας·
교양은 무교양보다 훨씬 더 큰 선이라고 생각하십시오. 다른 모든 나쁜 일들은 다들 이익을 얻으면서 행하는 반면, 이것(무교양)만은 그것을 가진 자들에게 추가적인 손해까지 입히기 때문입니다.
πολλάκις γάρ, ὧν τοῖς λόγοις ἐλύπησαν, τούτων τοῖς ἔργοις τὴν τιμωρίαν ἔδοσαν.
참으로 그들은 흔히 말로 타인에게 불쾌감을 준 일에 대하여, 행동으로써 벌을 받기 때문입니다.
οὓς ἂν βούλῃ ποιήσασθαι φίλους, ἀγαθόν τι λέγε περὶ αὐτῶν πρὸς τοὺς ἀπαγγέλλοντας·
당신이 친구로 삼고 싶은 이들에 대해서는, 그 말을 전할 사람들에게 그들에 관한 좋은 말을 하십시오.
ἀρχὴ γὰρ φιλίας μὲν ἔπαινος, ἔχθρας δὲ ψόγος.
우정의 시작은 칭찬이고, 적대의 시작은 비난이기 때문입니다.
§34βουλευόμενος παραδείγματα ποιοῦ τὰ παρεληλυθότα τῶν μελλόντων·
심사숙고할 때에는 과거의 일들을 미래의 일들의 본보기로 삼으십시오.
τὸ γὰρ ἀφανὲς ἐκ τοῦ φανεροῦ ταχίστην ἔχει τὴν διάγνωσιν.
보이지 않는 것은 보이는 것으로부터 가장 신속히 판단할 수 있기 때문입니다.
Βουλεύου μὲν βραδέως, ἐπιτέλει δὲ ταχέως τὰ δόξαντα.
생각은 천천히 하되, 결정된 일을 실행하는 것은 신속히 하십시오.
ἡγοῦ κράτιστον εἶναι παρὰ μὲν τῶν θεῶν εὐτυχίαν, παρὰ δʼ ἡμῶν αὐτῶν εὐβουλίαν.
신들로부터는 행운을 얻고, 우리 자신으로부터는 현명한 숙고를 얻는 것이 가장 훌륭한 일이라고 생각하십시오.
περὶ ὧν ἂν αἰσχύνῃ παρρησιάσασθαι, βούλῃ δέ τισι τῶν φίλων ἀνακοινώσασθαι, χρῶ τοῖς λόγοις ὡς περὶ ἀλλοτρίου τοῦ πράγματος·
터놓고 이야기하기가 부끄럽지만 친구들 중 누군가와 의논하고 싶은 일에 대해서는, 남의 일인 것처럼 말을 사용하십시오.
οὕτω γὰρ τὴν ἐκείνων τε γνῶσιν αἰσθήσει, καὶ σεαυτὸν οὐ καταφανῆ ποιήσεις.
그렇게 하면 그들의 생각도 알아낼 수 있고, 자신을 드러내지도 않게 될 것이기 때문입니다.