§19ἡγοῦ τῶν ἀκουσμάτων πολλὰ πολλῶν εἶναι χρημάτων κρείττω·
많은 가르침은 많은 재산보다 더 낫다고 생각하십시오.
τὰ μὲν γὰρ ταχέως ἀπολείπει, τὰ δὲ πάντα τὸν χρόνον παραμένει·
전자는 빨리 떠나가지만 후자는 영원히 머무르기 때문입니다.
σοφία γὰρ μόνον τῶν κτημάτων ἀθάνατον.
소유물 중에서 지혜만이 불멸하기 때문입니다.
μὴ κατόκνει μακρὰν ὁδὸν πορεύεσθαι πρὸς τοὺς διδάσκειν τι χρήσιμον ἐπαγγελλομένους·
유익한 무언가를 가르쳐 주겠다고 약속하는 이들을 향해 먼 길을 여행하기를 주저하지 마십시오.
αἰσχρὸν γὰρ τοὺς μὲν ἐμπόρους τηλικαῦτα πελάγη διαπερᾶν ἕνεκα τοῦ πλείω ποιῆσαι τὴν ὑπάρχουσαν οὐσίαν, τοὺς δὲ νεωτέρους μηδὲ τὰς κατὰ γῆν πορείας ὑπομένειν ἐπὶ τῷ βελτίω καταστῆσαι τὴν αὑτῶν διάνοιαν.
상인들은 기존의 재산을 더 늘리기 위해 그토록 큰 바다를 건너는 반면, 젊은이들은 자신의 지성을 더 나은 상태로 만들기 위해 육로의 여행조차 견디지 못하는 것은 수치스러운 일이기 때문입니다.
§20τῷ μὲν τρόπῳ γίγνου φιλοπροσήγορος, τῷ δὲ λόγῳ εὐπροσήγορος.
품성에 있어서는 다정하게 굴고, 말씨에 있어서는 붙임성 있게 하십시오.
ἔστι δὲ φιλοπροσηγορίας μὲν τὸ προσφωνεῖν τοὺς ἀπαντῶντας, εὐπροσηγορίας δὲ τὸ τοῖς λόγοις αὐτοῖς οἰκείως ἐντυγχάνειν.
다정함이란 만나는 사람들에게 먼저 말을 건네는 것이며, 붙임성 있음이란 말씨 자체로 친근하게 대하는 것입니다.
ἡδέως μὲν ἔχε πρὸς ἅπαντας, χρῶ δὲ τοῖς βελτίστοις·
모든 이들을 기껍게 대하되, 가장 훌륭한 이들과 사귀십시오.
οὕτω γὰρ τοῖς μὲν οὐκ ἀπεχθὴς ἔσει, τοῖς δὲ φίλος γενήσει.
그렇게 하면 전자에게는 미움을 받지 않을 것이고, 후자에게는 친구가 될 것입니다.
τὰς ἐντεύξεις μὴ ποιοῦ πυκνὰς τοῖς αὐτοῖς, μηδὲ μακρὰς περὶ τῶν αὐτῶν·
같은 사람들과 너무 자주 만나지 말고, 같은 주제로 길게 이야기하지 마십시오.
πλησμονὴ γὰρ ἁπάντων.
모든 일에는 물림이 있기 때문입니다.
§21γύμναζε σεαυτὸν πόνοις ἑκουσίοις, ὅπως ἂν δύνῃ καὶ τοὺς ἀκουσίους ὑπομένειν.
자발적인 노고로 자신을 단련하여 마지못해 겪는 노고도 견뎌낼 수 있도록 하십시오.
ὑφʼ ὧν κρατεῖσθαι τὴν ψυχὴν αἰσχρόν, τούτων ἐγκράτειαν ἄσκει πάντων, κέρδους, ὀργῆς, ἡδονῆς, λύπης.
영혼이 그것들에 의해 지배당하는 것이 수치스러운 일인 모든 것들, 즉 이익, 분노, 쾌락, 슬픔에 대한 절제를 훈련하십시오.
ἔσει δὲ τοιοῦτος, ἐὰν κέρδη μὲν εἶναι νομίζῃς διʼ ὧν εὐδοκιμήσεις ἀλλὰ μὴ διʼ ὧν εὐπορήσεις, τῇ δὲ ὀργῇ παραπλησίως ἔχῃς πρὸς τοὺς ἁμαρτάνοντας ὥσπερ ἂν πρὸς ἑαυτὸν ἁμαρτάνοντα καὶ τοὺς ἄλλους ἔχειν ἀξιώσειας, ἐν δὲ τοῖς τερπνοῖς, ἐὰν αἰσχρὸν ὑπολάβῃς τῶν μὲν οἰκετῶν ἄρχειν ταῖς δʼ ἡδοναῖς δουλεύειν, ἐν δὲ τοῖς πονηροῖς, ἐὰν τὰς τῶν ἄλλων ἀτυχίας ἐπιβλέπῃς καὶ αὑτὸν ὡς ἄνθρωπος ὢν ὑπομιμνήσκῃς.
만약 당신이 평판을 얻을 수 있는 것은 이익으로 여기고 부유해지기만 하는 것은 이익으로 여기지 않는다면, 그리고 다른 이들이 잘못을 저지를 때 당신 자신도 잘못을 저질렀을 때 남들이 자신에게 대하기를 바라는 것과 마찬가지로 분노를 다스린다면, 또한 즐거운 일에 있어서는 하인들을 지배하면서 쾌락의 노예가 되는 것을 수치스럽게 여긴다면, 그리고 불행한 일에 있어서는 다른 이들의 불운을 눈여겨보며 스스로도 인간임을 상기한다면, 당신은 그러한 사람이 될 것입니다.
§22μᾶλλον τήρει τὰς τῶν λόγων ἢ τὰς τῶν χρημάτων παρακαταθήκας·
돈의 예치금보다 말의 기탁을 더 잘 지키십시오.
δεῖ γὰρ τοὺς ἀγαθοὺς ἄνδρας τρόπον ὅρκου πιστότερον φαίνεσθαι παρεχομένους.
훌륭한 사람들은 맹세보다 더 신뢰할 수 있는 품성을 보여주어야 하기 때문입니다.
προσήκειν ἡγοῦ τοῖς πονηροῖς ἀπιστεῖν, ὥσπερ τοῖς χρηστοῖς πιστεύειν.
선한 이들을 신뢰하는 것처럼, 악한 이들을 불신하는 것이 마땅하다고 생각하십시오.
περὶ τῶν ἀπορρήτων μηδενὶ λέγε, πλὴν ἐὰν ὁμοίως συμφέρῃ τὰς πράξεις σιωπᾶσθαι σοί τε τῷ λέγοντι κἀκείνοις τοῖς ἀκούουσιν.
비밀에 대해서는 그 누구에게도 말하지 마십시오. 다만 말하는 당신에게나 듣는 그들에게나 그 일들이 침묵 속에 묻혀 있는 것이 똑같이 유익한 경우는 예외입니다.
§23ὅρκον ἐπακτὸν προσδέχου διὰ δύο προφάσεις, ἢ σεαυτὸν αἰτίας αἰσχρᾶς ἀπολύων, ἢ φίλους ἐκ μεγάλων κινδύνων διασώζων.
강요된 맹세는 두 가지 이유에서만 받아들이십시오. 곧 자기 자신을 수치스러운 혐의로부터 벗어나게 하거나, 혹은 친구들을 큰 위험으로부터 구해내기 위해서입니다.
ἕνεκα δὲ χρημάτων μηδένα θεῶν ὀμόσῃς, μηδʼ ἂν εὐορκεῖν μέλλῃς·
하지만 돈 때문에 신들을 두고 맹세하지 마십시오. 비록 진실하게 맹세하려 할지라도 말입니다.
δόξεις γὰρ τοῖς μὲν ἐπιορκεῖν, τοῖς δὲ φιλοχρημάτως ἔχειν.
어떤 이들에게는 위증하는 것처럼 보이고, 다른 이들에게는 돈을 탐하는 것처럼 보일 것이기 때문입니다.
§24μηδένα φίλον ποιοῦ, πρὶν ἂν ἐξετάσῃς πῶς κέχρηται τοῖς πρότερον φίλοις·
그가 이전의 친구들을 어떻게 대했는지 시험해 보기 전에는 그 누구도 친구로 삼지 마십시오.
ἔλπιζε γὰρ αὐτὸν καὶ περὶ σὲ γενέσθαι τοιοῦτον, οἷος καὶ περὶ ἐκείνους γέγονε.
그가 그들에게 했던 그대로 당신에게도 행할 것이라 기대하십시오.
βραδέως μὲν φίλος γίγνου, γενόμενος δὲ πειρῶ διαμένειν·
천천히 친구가 되되, 친구가 되었다면 관계를 오래 유지하도록 힘쓰십시오.
ὁμοίως γὰρ αἰσχρὸν μηδένα φίλον ἔχειν καὶ πολλοὺς ἑταίρους μεταλλάττειν.
친구가 한 명도 없는 것과 많은 동료를 자주 바꾸는 것은 똑같이 수치스러운 일이기 때문입니다.
μήτε μετὰ βλάβης πειρῶ τῶν φίλων, μήτʼ ἄπειρος εἶναι τῶν ἑταίρων θέλε.
손해를 끼쳐 가며 친구를 시험하려 하지 말고, 동료들을 시험해보지 않은 채로 있기를 바라지도 마십시오.
τοῦτο δὲ ποιήσεις, ἐὰν μὴ δεόμενος τὸ δεῖσθαι προσποιῇ.
당신이 아쉽지 않으면서도 아쉬운 척을 한다면 이를 행할 수 있을 것입니다.
§25περὶ τῶν ῥητῶν ὡς ἀπορρήτων ἀνακοινοῦ·
말해도 좋은 일을 비밀인 것처럼 의논해 보십시오.
μὴ τυχὼν μὲν γὰρ οὐδὲν βλαβήσει, τυχὼν δὲ μᾶλλον αὐτῶν τὸν τρόπον ἐπιστήσει.
잘 되지 않더라도 아무런 해를 입지 않을 것이고, 잘 된다면 그들의 품성을 더 잘 알게 될 것이기 때문입니다.
δοκίμαζε τοὺς φίλους ἔκ τε τῆς περὶ τὸν βίον ἀτυχίας καὶ τῆς ἐν τοῖς κινδύνοις κοινωνίας·
삶의 불운과 위험 속에서의 동행을 통해 친구들을 검증하십시오.
τὸ μὲν γὰρ χρυσίον ἐν τῷ πυρὶ βασανίζομεν, τοὺς δὲ φίλους ἐν ταῖς ἀτυχίαις διαγιγνώσκομεν.
금은 불 속에서 단련하지만, 친구는 불행 속에서 알아보기 때문입니다.
οὕτως ἄριστα χρήσει τοῖς φίλοις, ἐὰν μὴ προσμένῃς τὰς παρʼ ἐκείνων δεήσεις, ἀλλʼ αὐτεπάγγελτος αὐτοῖς ἐν τοῖς καιροῖς βοηθῇς.
그들의 요청을 기다리지 않고, 제때에 자발적으로 그들을 돕는다면 친구들을 가장 잘 대하게 될 것입니다.
§26ὁμοίως αἰσχρὸν εἶναι νόμιζε τῶν ἐχθρῶν νικᾶσθαι ταῖς κακοποιίαις καὶ τῶν φίλων ἡττᾶσθαι ταῖς εὐεργεσίαις.
적들의 악행에 지는 것과 친구들의 선행에 뒤처지는 것은 똑같이 수치스러운 일로 여기십시오.
ἀποδέχου τῶν ἑταίρων μὴ μόνον τοὺς ἐπὶ τοῖς κακοῖς δυσχεραίνοντας, ἀλλὰ καὶ τοὺς ἐπὶ τοῖς ἀγαθοῖς μὴ φθονοῦντας·
동료로서는 불행에 함께 슬퍼하는 자들뿐만 아니라, 행운에 질투하지 않는 자들도 받아들이십시오.
πολλοὶ γὰρ ἀτυχοῦσι μὲν τοῖς φίλοις συνάχθονται, καλῶς δὲ πράττουσι φθονοῦσι.
많은 이들이 친구가 불행할 때는 함께 슬퍼하지만, 잘 나갈 때는 질투하기 때문입니다.
τῶν ἀπόντων φίλων μέμνησο πρὸς τοὺς παρόντας, ἵνα δοκῇς μηδὲ τούτων ἀπόντων ὀλιγωρεῖν.
자리에 없는 친구들을 있는 이들 앞에서 언급하십시오. 그들이 없을 때에도 소홀히 하지 않는 것처럼 보이기 위해서입니다.