§10οὐδὲ ταπεινῶς διῴκει τὸν αὑτοῦ βίον, ἀλλὰ φιλόκαλος ἦν καὶ μεγαλοπρεπὴς καὶ τοῖς φίλοις κοινός, καὶ μᾶλλον ἐθαύμαζε τοὺς περὶ αὑτὸν σπουδάζοντας ἢ τοὺς γένει προσήκοντας·
그는 자신의 삶을 비굴하게 꾸려나가지 않았고, 미를 사랑하고 품위가 있었으며 친구들에게 관대하였고, 혈통으로 엮인 이들보다 자신을 따르는 이들을 더 중히 여겼다.
ἡγεῖτο γὰρ εἶναι πρὸς ἑταιρίαν πολλῷ κρείττω φύσιν νόμου καὶ τρόπον γένους καὶ προαίρεσιν ἀνάγκης.
우정에 있어서는 본성이 법보다, 품성이 혈통보다, 자발적 선택이 강요보다 훨씬 더 훌륭하다고 여겼기 때문이다.
§11ἐπιλίποι δʼ ἂν ἡμᾶς ὁ πᾶς χρόνος, εἰ πάσας τὰς ἐκείνου πράξεις καταριθμησαίμεθα.
만약 우리가 그의 모든 행적을 낱낱이 열거한다면 온 시간이 우리에게 부족할 것입니다.
ἀλλὰ τὸ μὲν ἀκριβὲς αὐτῶν ἐν ἑτέροις καιροῖς δηλώσομεν, δεῖγμα δὲ τῆς Ἱππονίκου φύσεως νῦν ἐξενηνόχαμεν, πρὸς ὃν δεῖ ζῆν σε ὥσπερ πρὸς παράδειγμα, νόμον μὲν τὸν ἐκείνου τρόπον ἡγησάμενον, μιμητὴν δὲ καὶ ζηλωτὴν τῆς πατρῴας ἀρετῆς γιγνόμενον·
그러나 그것들의 정확한 전말은 다른 기회에 밝히기로 하고, 이제 우리는 힙포니코스의 천성의 모범을 제시했으니, 당신은 그를 귀감으로 삼아 살아가야 하며, 그의 품성을 법으로 여기고 아버지의 덕의 모방자이자 추구자가 되어야 합니다.
αἰσχρὸν γὰρ τοὺς μὲν γραφεῖς ἀπεικάζειν τὰ καλὰ τῶν ζῴων, τοὺς δὲ παῖδας μὴ μιμεῖσθαι τοὺς σπουδαίους τῶν γονέων.
화가들은 동물의 아름다운 모습을 모사하는데, 자식들이 훌륭한 부모를 모방하지 않는 것은 수치스러운 일이기 때문입니다.
§12ἡγοῦ δὲ μηδενὶ τῶν ἀθλητῶν οὕτω προσήκειν ἐπὶ τοὺς ἀνταγωνιστὰς ἀσκεῖν, ὡς σοὶ σκοπεῖν ὅπως ἐφάμιλλος γενήσει τοῖς τοῦ πατρὸς ἐπιτηδεύμασιν.
어떤 운동선수도 경쟁 상대들에 맞서 훈련하는 것이, 당신이 아버지의 행실에 필적하는 자가 되도록 힘쓰는 것만큼 어울리지 않는다고 생각하십시오.
οὕτω δὲ τὴν γνώμην οὐ δυνατὸν διατεθῆναι τὸν μὴ πολλῶν καὶ καλῶν ἀκουσμάτων πεπληρωμένον·
그러나 많은 고귀한 가르침으로 채워지지 않은 자는 그와 같은 정신 상태를 갖출 수 없습니다.
τὰ μὲν γὰρ σώματα τοῖς συμμέτροις πόνοις, ἡ δὲ ψυχὴ τοῖς σπουδαίοις λόγοις αὔξεσθαι πέφυκε.
육체는 알맞은 노고로 자라나고, 영혼은 훌륭한 언어로 자라나도록 태어났기 때문입니다.
διόπερ ἐγώ σοι πειράσομαι συντόμως ὑποθέσθαι, διʼ ὧν ἄν μοι δοκεῖς ἐπιτηδευμάτων πλεῖστον πρὸς ἀρετὴν ἐπιδοῦναι καὶ παρὰ τοῖς ἄλλοις ἅπασιν ἀνθρώποις εὐδοκιμῆσαι.
그러므로 나는 어떤 수양을 통해 당신이 덕을 향해 가장 크게 나아가고, 다른 모든 사람들 사이에서 명성을 떨칠 수 있을지 간략하게 조언해 보고자 합니다.
§13πρῶτον μὲν οὖν εὐσέβει τὰ πρὸς τοὺς θεούς, μὴ μόνον θύων, ἀλλὰ καὶ τοῖς ὅρκοις ἐμμένων·
우선 첫째로, 신들에 대한 일에 경건히 하십시오. 단지 제물을 바칠 뿐만 아니라 맹세를 지킴으로써 말입니다.
ἐκεῖνο μὲν γὰρ τῆς τῶν χρημάτων εὐπορίας σημεῖον, τοῦτο δὲ τῆς τῶν τρόπων καλοκαγαθίας τεκμήριον.
전자는 재산의 풍요함을 나타내는 표식이고, 후자는 품성의 고결함을 보여주는 증거이기 때문입니다.
τίμα τὸ δαιμόνιον ἀεὶ μέν, μάλιστα δὲ μετὰ τῆς πόλεως·
신성을 언제나 공경하되, 특히 국가와 함께 하십시오.
οὕτω γὰρ δόξεις ἅμα τε τοῖς θεοῖς θύειν καὶ τοῖς νόμοις ἐμμένειν.
그렇게 하면 신들에게 제사를 지내는 동시에 법을 준수하는 것으로 보일 것이기 때문입니다.
§14τοιοῦτος γίγνου περὶ τοὺς γονεῖς, οἵους ἂν εὔξαιο περὶ σεαυτὸν γενέσθαι τοὺς σεαυτοῦ παῖδας.
부모에 대해서는 당신의 자녀들이 당신에 대해 처신해 주기를 바라는 것과 같은 태도로 처신하십시오.
ἄσκει τῶν περὶ τὸ σῶμα γυμνασίων μὴ τὰ πρὸς τὴν ῥώμην ἀλλὰ τὰ πρὸς τὴν ὑγίειαν·
신체 훈련 중에서는 강인함을 위한 것이 아니라 건강을 위한 것을 단련하십시오.
τούτου δʼ ἂν ἐπιτύχοις, εἰ λήγοις τῶν πόνων ἔτι πονεῖν δυνάμενος.
아직 더 운동할 수 있을 때 노고를 멈춘다면 이를 달성할 수 있을 것입니다.
§15μήτε γέλωτα προπετῆ στέργε, μήτε λόγον μετὰ θράσους ἀποδέχου·
경솔한 웃음을 좋아하지 말고, 불손함이 섞인 말도 받아들이지 마십시오.
τὸ μὲν γὰρ ἀνόητον, τὸ δὲ μανικόν.
전자는 어리석은 짓이고 후자는 광기 어린 짓이기 때문입니다.
ἃ ποιεῖν αἰσχρόν, ταῦτα νόμιζε μηδὲ λέγειν εἶναι καλόν.
행하기에 부끄러운 일은 말하기에도 아름답지 않다고 생각하십시오.
ἔθιζε σεαυτὸν εἶναι μὴ σκυθρωπὸν ἀλλὰ σύννουν·
자신을 침울하게 만들기보다는 사려 깊게 처신하도록 길들이십시오.
διʼ ἐκεῖνο μὲν γὰρ αὐθάδης, διὰ δὲ τοῦτο φρόνιμος εἶναι δόξεις.
전자 때문에 거만하게 보이고, 후자 때문에 현명하게 보일 것이기 때문입니다.
ἡγοῦ μάλιστα σεαυτῷ πρέπειν κόσμον, αἰσχύνην δικαιοσύνην σωφροσύνην·
단정함과 부끄러워함, 정의와 절제가 당신에게 가장 어울리는 장식이라고 여기십시오.
τούτοις γὰρ ἅπασι δοκεῖ κρατεῖσθαι τὸ τῶν νεωτέρων ἦθος.
이 모든 것에 의해 젊은이들의 품성이 다스려진다고 생각되기 때문입니다.
§16μηδέποτε μηδὲν αἰσχρὸν ποιήσας ἔλπιζε λήσειν·
부끄러운 일을 저지르고도 결코 탄로나지 않기를 바라지 마십시오.
καὶ γὰρ ἂν τοὺς ἄλλους λάθῃς, σεαυτῷ συνειδήσεις.
다른 이들은 속일 수 있을지라도 스스로는 알고 있을 것이기 때문입니다.
τοὺς μὲν θεοὺς φοβοῦ, τοὺς δὲ γονεῖς τίμα, τοὺς δὲ φίλους αἰσχύνου, τοῖς δὲ νόμοις πείθου.
신들을 두려워하고, 부모를 공경하며, 친구들을 존중하고, 법에 복종하십시오.
τὰς ἡδονὰς θήρευε τὰς μετὰ δόξης·
명예를 동반하는 쾌락을 좇으십시오.
τέρψις γὰρ σὺν τῷ καλῷ μὲν ἄριστον, ἄνευ δὲ τούτου κάκιστον.
아름다움과 함께하는 즐거움은 최상이지만, 이것이 없는 즐거움은 최악이기 때문입니다.
§17εὐλαβοῦ τὰς διαβολάς, κἂν ψευδεῖς ὦσιν·
비록 그것이 거짓일지라도 비방을 조심하십시오.
οἱ γὰρ πολλοὶ τὴν μὲν ἀλήθειαν ἀγνοοῦσι, πρὸς δὲ τὴν δόξαν ἀποβλέπουσιν.
대중은 진실을 알지 못하고 평판을 바라보기 때문입니다.
ἅπαντα δόκει ποιεῖν ὡς μηδένα λήσων·
그 누구에게도 숨길 수 없는 것처럼 모든 행동을 하십시오.
καὶ γὰρ ἃ παραυτίκα κρύψῃς, ὕστερον ὀφθήσει.
당장 숨겨둔 일이라도 나중에는 드러날 것이기 때문입니다.
μάλιστα δʼ ἂν εὐδοκιμοίης, εἰ φαίνοιο ταῦτα μὴ πράττων, ἃ τοῖς ἄλλοις ἂν πράττουσιν ἐπιτιμῴης.
남들이 할 때 비난할 법한 일을 스스로는 행하지 않는 것처럼 보일 때, 당신은 가장 큰 명성을 얻게 될 것입니다.
§18ἐὰν ᾖς φιλομαθής, ἔσει πολυμαθής.
배우기를 좋아한다면 박식해질 것입니다.
ἃ μὲν ἐπίστασαι, ταῦτα διαφύλαττε ταῖς μελέταις, ἃ δὲ μὴ μεμάθηκας, προσλάμβανε ταῖς ἐπιστήμαις·
알고 있는 것은 훈련을 통해 지켜내고, 배우지 못한 것은 지식을 통해 덧붙이십시오.
ὁμοίως γὰρ αἰσχρὸν ἀκούσαντα χρήσιμον λόγον μὴ μαθεῖν καὶ διδόμενόν τι ἀγαθὸν παρὰ τῶν φίλων μὴ λαβεῖν.
유익한 말을 듣고도 배우지 않는 것은, 친구들이 주는 좋은 선물을 받지 않는 것과 똑같이 수치스러운 일이기 때문입니다.
κατανάλισκε τὴν ἐν τῷ βίῳ σχολὴν εἰς τὴν τῶν λόγων φιληκοΐαν·
삶의 여가를 유익한 말을 듣는 데에 아낌없이 쓰십시오.
οὕτω γὰρ τὰ τοῖς ἄλλοις χαλεπῶς εὑρημένα συμβήσεταί σοι ῥᾳδίως μανθάνειν.
그렇게 하면 다른 이들이 어렵게 찾아낸 것들을 당신은 쉽게 배울 수 있게 될 것입니다.