§1ἐν πολλοῖς μέν, ὦ Δημόνικε, πολὺ διεστώσας εὑρήσομεν τάς τε τῶν σπουδαίων γνώμας καὶ τὰς τῶν φαύλων διανοίας·
데모니코스여, 많은 점에서 우리는 훌륭한 사람들의 생각과 비열한 사람들의 마음가짐이 크게 떨어져 있음을 발견하게 될 것입니다.
πολὺ δὲ μεγίστην διαφορὰν εἰλήφασιν ἐν ταῖς πρὸς ἀλλήλους συνηθείαις·
특히 그들은 서로의 교제에서 가장 큰 차이를 보입니다.
οἱ μὲν γὰρ τοὺς φίλους παρόντας μόνον τιμῶσιν, οἱ δὲ καὶ μακρὰν ἀπόντας ἀγαπῶσι·
한쪽은 친구가 곁에 있을 때만 존경하지만, 다른 쪽은 멀리 떨어져 있을 때도 사랑하기 때문입니다.
καὶ τὰς μὲν τῶν φαύλων συνηθείας ὀλίγος χρόνος διέλυσε, τὰς δὲ τῶν σπουδαίων φιλίας οὐδʼ ἂν ὁ πᾶς αἰὼν ἐξαλείψειεν.
또한 비열한 사람들의 교제는 짧은 시간이 해체해 버리지만, 훌륭한 사람들의 우정은 온 세월이라도 지워버릴 수 없을 것입니다.
§2ἡγούμενος οὖν πρέπειν τοὺς δόξης ὀρεγομένους καὶ παιδείας ἀντιποιουμένους τῶν σπουδαίων ἀλλὰ μὴ τῶν φαύλων εἶναι μιμητάς, ἀπέσταλκά σοι τόνδε τὸν λόγον δῶρον, τεκμήριον μὲν τῆς πρὸς ὑμᾶς εὐνοίας, σημεῖον δὲ τῆς πρὸς Ἱππόνικον συνηθείας·
그러므로 명성을 갈망하고 교양을 추구하는 이들은 비열한 이들이 아니라 훌륭한 이들을 모방하는 자가 되어야 마땅하다고 생각하여, 나는 당신에 대한 호의의 증표이자 힙포니코스와의 친교의 표식으로서 이 연설을 선물로 보냅니다.
πρέπει γὰρ τοὺς παῖδας, ὥσπερ τῆς οὐσίας, οὕτω καὶ τῆς φιλίας τῆς πατρικῆς κληρονομεῖν.
자식들이 재산을 상속받듯이 아버지의 우정 또한 상속받는 것이 마땅하기 때문입니다.
§3ὁρῶ δὲ καὶ τὴν τύχην ἡμῖν συλλαμβάνουσαν καὶ τὸν παρόντα καιρὸν συναγωνιζόμενον·
또한 나는 운명도 우리를 돕고 있으며 현재의 기회도 함께 힘을 보태고 있음을 봅니다.
σὺ μὲν γὰρ παιδείας ἐπιθυμεῖς, ἐγὼ δὲ παιδεύειν ἄλλους ἐπιχειρῶ, καὶ σοὶ μὲν ἀκμὴ φιλοσοφεῖν, ἐγὼ δὲ τοὺς φιλοσοφοῦντας ἐπανορθῶ.
당신은 교양을 갈망하고 있고 나는 다른 이들을 교육하려고 시도하고 있으며, 당신에게는 철학을 할 전성기이고 나는 철학을 하는 이들을 이끌고 있기 때문입니다.
ὅσοι μὲν οὖν πρὸς τοὺς ἑαυτῶν φίλους τοὺς προτρεπτικοὺς λόγους συγγράφουσι, καλὸν μὲν ἔργον ἐπιχειροῦσιν, §4οὐ μὴν περί γε τὸ κράτιστον τῆς φιλοσοφίας διατρίβουσιν·
그리하여 자신의 친구들을 위해 권유의 글을 쓰는 이들은 훌륭한 일을 시도하는 것이기는 하지만, 결코 철학의 가장 뛰어난 부분에 시간을 보내고 있는 것은 아닙니다.
ὅσοι δὲ τοῖς νεωτέροις εἰσηγοῦνται μὴ διʼ ὧν τὴν δεινότητα τὴν ἐν τοῖς λόγοις ἀσκήσουσιν, ἀλλʼ ὅπως τὰ τῶν τρόπων ἤθη σπουδαῖοι πεφυκέναι δόξουσι, τοσούτῳ μᾶλλον ἐκείνων τοὺς ἀκούοντας ὠφελοῦσιν, ὅσον οἱ μὲν ἐπὶ λόγον παρακαλοῦσιν, οἱ δὲ τὸν τρόπον αὐτῶν ἐπανορθοῦσι.
그러나 젊은이들에게 말재주의 정묘함을 훈련하는 수단에 의해서가 아니라, 어떻게 그들의 품성이 훌륭한 것으로 여겨질 수 있을지를 권하는 이들은, 전자가 말로 이끄는 반면 후자는 그들의 품성을 바로잡아 준다는 점에서, 전자의 사람들보다 듣는 이들을 훨씬 더 이롭게 합니다.
§5διόπερ ἡμεῖς οὐ παράκλησιν εὑρόντες ἀλλὰ παραίνεσιν γράψαντες, μέλλομέν σοι συμβουλεύειν ὧν χρὴ τοὺς νεωτέρους ὀρέγεσθαι καὶ τίνων ἔργων ἀπέχεσθαι καὶ ποίοις τισὶν ἀνθρώποις ὁμιλεῖν καὶ πῶς τὸν ἑαυτῶν βίον οἰκονομεῖν.
그러므로 우리는 단순한 독려가 아니라 권고를 써서, 젊은이들이 무엇을 열망해야 하고, 어떤 행위를 멀리해야 하며, 어떤 사람들과 사귀어야 하고, 어떻게 자신의 삶을 꾸려나가야 하는지 당신에게 조언하고자 합니다.
ὅσοι γὰρ τοῦ βίου ταύτην τὴν ὁδὸν ἐπορεύθησαν, οὗτοι μόνοι τῆς ἀρετῆς ἐφικέσθαι γνησίως ἠδυνήθησαν, ἧς οὐδὲν κτῆμα σεμνότερον οὐδὲ βεβαιότερόν ἐστι.
인생의 이 길을 걸어간 사람들만이 참되게 덕에 도달할 수 있었으며, 덕보다 더 고귀하고 확실한 소유물은 없기 때문입니다.
§6κάλλος μὲν γὰρ ἢ χρόνος ἀνήλωσεν ἢ νόσος ἐμάρανε· πλοῦτος δὲ κακίας μᾶλλον ἢ καλοκαγαθίας ὑπηρέτης ἐστίν, ἐξουσίαν μὲν τῇ ῥᾳθυμίᾳ παρασκευάζων, ἐπὶ δὲ τὰς ἡδονὰς τοὺς νέους παρακαλῶν·
아름다움은 시간이 소모해 버리거나 병이 시들게 만들며, 부는 미덕보다는 오히려 악덕의 종이 되어 나태함에 방종을 제공하고 젊은이들을 쾌락으로 유혹하기 때문입니다.
ῥώμη δὲ μετὰ μὲν φρονήσεως ὠφέλησεν, ἄνευ δὲ ταύτης πλείω τοὺς ἔχοντας ἔβλαψε, καὶ τὰ μὲν σώματα τῶν ἀσκούντων ἐκόσμησε, ταῖς δὲ τῆς ψυχῆς ἐπιμελείαις ἐπεσκότησεν.
또한 강인함은 사려 깊음과 함께할 때는 유익하지만, 이것이 없을 때는 소유한 자를 더 크게 해치며, 단련하는 이들의 몸은 아름답게 꾸며주지만 영혼에 대한 보살핌은 어둡게 만들기 때문입니다.
§7ἡ δὲ τῆς ἀρετῆς κτῆσις, οἷς ἂν ἀκιβδήλως ταῖς διανοίαις συναυξηθῇ, μόνη μὲν συγγηράσκει, πλούτου δὲ κρείττων, χρησιμωτέρα δὲ εὐγενείας ἐστί, τὰ μὲν τοῖς ἄλλοις ἀδύνατα δυνατὰ καθιστᾶσα, τὰ δὲ τῷ πλήθει φοβερὰ θαρσαλέως ὑπομένουσα, καὶ τὸν μὲν ὄκνον ψόγον, τὸν δὲ πόνον ἔπαινον ἡγουμένη.
그러나 덕의 획득은, 그 마음속에 거짓 없이 그것과 함께 성장한 이들에게만 유일하게 함께 늙어가며, 부보다 뛰어나고 고귀한 가문보다 유용하여, 다른 이들에게는 불가능한 일을 가능하게 만들고, 대중에게 두려운 일을 용기 있게 견뎌내며, 망설임을 비난으로, 노고를 찬사로 여기게 만듭니다.
§8ῥᾴδιον δὲ τοῦτο καταμαθεῖν ἐστιν ἔκ τε τῶν Ἡρακλέους ἄθλων καὶ τῶν Θησέως ἔργων, οἷς ἡ τῶν τρόπων ἀρετὴ τηλικοῦτον εὐδοξίας χαρακτῆρα τοῖς ἔργοις ἐπέβαλεν, ὥστε μηδὲ τὸν ἅπαντα χρόνον δύνασθαι λήθην ἐμποιῆσαι τῶν ἐκείνοις πεπραγμένων.
이 사실은 헤라클레스의 과업과 테세우스의 업적으로부터도 쉽게 깨달을 수 있는데, 그들에게는 품성의 덕이 그들의 위업에 매우 커다란 명성의 각인을 찍어놓았기에, 영원의 시간조차 그들이 행한 일들을 망각 속에 묻어버릴 수 없을 정도입니다.
§9οὐ μὴν ἀλλὰ καὶ τὰς τοῦ πατρὸς προαιρέσεις ἀναμνησθεὶς οἰκεῖον καὶ καλὸν ἕξεις παράδειγμα τῶν ὑπʼ ἐμοῦ σοι λεγομένων.
그뿐만 아니라 아버지의 뜻을 상기해 본다면, 당신은 내가 말하는 바에 대해 가깝고도 훌륭한 귀감을 얻게 될 것입니다.
οὐ γὰρ ὀλιγωρῶν τῆς ἀρετῆς οὐδὲ ῥᾳθυμῶν διετέλεσε τὸν βίον, ἀλλὰ τὸ μὲν σῶμα τοῖς πόνοις ἐγύμναζε, τῇ δὲ ψυχῇ τοὺς κινδύνους ὑπέμενεν.
그는 덕을 소홀히 하거나 나태하게 삶을 보내지 않고, 육체는 노고로 단련하고 영혼으로는 위험을 버텨냈기 때문입니다.
οὐδὲ τὸν πλοῦτον παρακαίρως ἠγάπα, ἀλλʼ ἀπέλαυε μὲν τῶν παρόντων ἀγαθῶν ὡς θνητός, ἐπεμελεῖτο δὲ τῶν ὑπαρχόντων ὡς ἀθάνατος.
또한 부를 부당하게 탐하지 않았고, 죽을 수밖에 없는 존재로서 눈앞의 좋은 것들을 누리면서도, 불사하는 존재로서 기존의 재산을 관리했습니다.