§5φθόνος τοίνυν μετὰ βασκανίας καὶ δυσμενείας οὐδενὶ μὲν ἔργῳ παρὼν ἀγαθόν, ἀλλὰ πᾶσιν ἐμπόδιος τοῖς καλοῖς, κάκιστος δʼ ἀκροωμένῳ πάρεδρος καὶ σύμβουλος, ἀνιαρὰ καὶ ἀηδῆ καὶ δυσπρόσδεκτα ποιῶν τὰ ὠφέλιμα διὰ τὸ πᾶσι μᾶλλον ἥδεσθαι τοὺς φθονοῦντας ἢ τοῖς εὖ λεγομένοις.
그러므로 악의와 적개심을 동반한 질투는 어떤 일에서도 좋은 것으로 존재하지 않고, 모든 아름다운 일에 장애가 되며, 듣는 이에게는 가장 사악한 동반자이자 조언자이다. 질투하는 자들은 잘 말해진 것보다 다른 모든 일에 더 기뻐하기 때문에, 유익한 것들을 고통스럽고 불쾌하며 받아들이기 어려운 것으로 만들기 때문이다.
καίτοι πλοῦτος μὲν ὅντινα δάκνει καὶ δόξα καὶ κάλλος, ἑτέροις ὑπάρχοντα, φθονερός ἐστι μόνον·
사실 타인의 부, 명성, 아름다움에 상처받는 자는 단지 질투심이 강한 자일 뿐이다.
ἄχθεται γὰρ ἄλλων εὐτυχούντων ὁ δὲ λόγῳ καλῶς λεγομένῳ δυσχεραίνων ὑπὸ τῶν ἰδίων ἀγαθῶν ἀνιᾶται.
그는 타인의 행운에 괴로워하기 때문이다. 그러나 잘 말해진 말씀에 불쾌해하는 자는 자기 자신의 선한 것 때문에 괴로워하는 것이다.
ὡς γὰρ τὸ φῶς τῶν βλεπόντων, καὶ ὁ λόγος τῶν ἀκουόντων ἀγαθόν ἐστιν, ἂν βούλωνται δέχεσθαι.
빛이 보는 이들에게 선인 것처럼, 말씀 역시 듣는 이들에게 선이기 때문이다, 만약 받아들이고자 한다면.
τὸν μὲν οὖν ἐφʼ ἑτέροις φθόνον ἄλλαι τινὲς ἀπαίδευτοι καὶ κακαὶ διαθέσεις ἐμποιοῦσιν, ὁ δὲ πρὸς τοὺς λέγοντας ἐκ φιλοδοξίας ἀκαίρου καὶ φιλοτιμίας ἀδίκου γεννώμενος οὐδὲ προσέχειν ἐᾷ τοῖς λεγομένοις τὸν οὕτω διακείμενον, ἀλλὰ θορυβεῖ καὶ περισπᾷ τὴν διάνοιαν, ἅμα μὲν τὴν ἑαυτῆς ἕξιν ἐπισκοποῦσαν εἰ λείπεται τῆς τοῦ λέγοντος, ἅμα δὲ τοὺς ἄλλους ἐπιβλέπουσαν εἰ ἄγανται καὶ θαυμάζουσιν, ἐκπληττομένην τε ὑπὸ τῶν ἐπαίνων καὶ ἀγριαίνουσαν πρὸς τοὺς παρόντας ἂν ἀποδέχωνται τὸν λέγοντα, τῶν δὲ λόγων τοὺς μὲν εἰρημένους ἐῶσαν καὶ προϊεμένην, ὅτι λυποῦσι μνημονευόμενοι, πρὸς δὲ τοὺς λείποντας ταραττομένην καὶ τρέμουσαν μὴ τῶν εἰρημένων βελτίονες γένωνται, σπεύδουσαν δὲ τάχιστα παύσασθαι τοὺς λέγοντας ὅταν κάλλιστα λέγωσι, λυθείσης δὲ τῆς ἀκροάσεως πρὸς οὐδενὶ τῶν εἰρημένων οὖσαν ἀλλὰ τὰς φωνὰς καὶ διαθέσεις τῶν παρόντων ἐπιψηφίζουσαν, καὶ τοὺς μὲν ἐπαινοῦντας ὥσπερ ἐμμανῆ φεύγουσαν καὶ ἀποπηδῶσαν, προστρέχουσαν δὲ καὶ συναγελαζομένην τοῖς ψέγουσι τὰ εἰρημένα καὶ διαστρέφουσιν ἂν δὲ μηδὲν διαστρέψαι, παραβάλλουσαν ἑτέρους τινὰς ὡς ἄμεινον εἰρηκότας εἰς ταὐτὸ καὶ δυνατώτερον, ἕως διαφθείρασα καὶ λυμηναμένη τὴν ἀκρόασιν ἀχρεῖον ἑαυτῇ καὶ ἀνόνητον ἀπεργάσηται,
타인에 대한 질투는 다른 배움 없고 악한 마음 상태가 불러일으키는 것이지만, 말하는 자들에 대한 질투는 때이른 명예욕과 부당한 야심에서 생겨나며, 그러한 마음을 가진 자가 말해지는 것에 주의를 기울이는 것조차 허락지 않고, 오히려 마음을 뒤흔들고 분산시킨다. 그 마음은 한편으로는 자신의 능력이 말하는 자의 능력에 미치지 못하는지 살피고, 다른 한편으로는 타인들이 찬탄하고 경탄하는지 눈여겨보며, 찬사에 당황하고, 참석한 자들이 말하는 이를 받아들이면 그들에게 분노한다. 또한 말해진 말씀 중에서 이미 말해진 것은 기억하면 고통스럽다는 이유로 내버려 두고 흘려버리며, 남은 말씀에 대해서는 그것이 이미 말해진 것보다 더 훌륭하지 않을까 불안해하고 벌벌 떤다. 그리고 말하는 자들이 가장 훌륭하게 말하고 있을 때 그들이 가장 빨리 끝마치기를 고대하며, 듣는 일이 끝나면 말해진 어떤 것에도 마음을 두지 않고 오히려 참석한 자들의 목소리와 태도를 품평하며, 찬양하는 자들은 마치 미친 사람인 양 피하고 뛰어 달아나면서도, 말해진 것을 비난하고 왜곡하는 자들에게는 달려가 무리를 짓는다. 만약 왜곡할 만한 것이 아무것도 없으면, 다른 누군가가 같은 주제에 대해 더 훌륭하고 힘있게 말했다고 대조하며, 마침내 듣는 행위를 망치고 훼손하여 그것을 자신에게 무용하고 쓸모없는 것으로 만들어 버린다.
§6διὸ δεῖ τῇ φιληκοΐᾳ πρὸς τὴν φιλοδοξίαν σπεισάμενον ἀκροᾶσθαι τοῦ λέγοντος ἵλεων καὶ πρᾶον, ὥσπερ ἐφʼ ἑστίασιν ἱερὰν καὶ θυσίας ἀπαρχὴν παρειλημμένον, ἐπαινοῦντα μὲν ἐν οἷς ἐπιτυγχάνει τὴν δύναμιν, ἀγαπῶντα δὲ τὴν προθυμίαν αὐτὴν τοῦ φέροντος εἰς μέσον ἃ γιγνώσκει καὶ πείθοντος ἑτέρους διʼ ὧν αὐτὸς πέπεισται.
그러므로 명예욕에 맞서 듣기를 좋아하는 마음과 화해를 맺은 뒤, 온화하고 부드러운 태도로, 마치 신성한 잔치나 제물의 첫 수확 의식에 초대받은 것처럼 말하는 이의 말을 들어야 한다. 그가 성공을 거둔 부분에서는 능력을 찬양하고, 자기가 아는 바를 대중 앞에 내놓으며 자신이 설득된 논리로 타인을 설득하려는 그 열의 자체를 기쁘게 받아들여야 한다.
τοῖς μὲν οὖν κατορθουμένοις ἐπιλογιστέον ὡς οὐκ ἀπὸ τύχης οὐδʼ αὐτομάτως ἀλλʼ ἐπιμελείᾳ καὶ πόνῳ καὶ μαθήσει κατορθοῦνται, καὶ μιμητέον γε ταῦτα θαυμάζοντάς γε δὴ καὶ ζηλοῦντας τοῖς δʼ ἁμαρτανομένοις ἐφιστάναι χρὴ τὴν διάνοιαν, ὑφʼ ὧν αἰτιῶν καὶ ὅθεν ἡ παρατροπὴ γέγονεν.
따라서 훌륭하게 이루어진 일들에 관해서는 그것이 우연이나 절로 된 것이 아니라 배려와 노력과 학습으로 달성된 것임을 헤아려야 하며, 참으로 이를 감탄하고 시기하기보다는 모방해야 한다. 반면에 어긋난 일들에 관해서는 어떤 원인으로 그리고 어디서부터 그 일탈이 일어났는지를 생각해보아야 한다.
ὡς γὰρ ὁ Ξενοφῶν φησι τοὺς οἰκονομικοὺς καὶ ἀπὸ τῶν φίλων ὀνίνασθαι καὶ ἀπὸ τῶν ἐχθρῶν, οὕτω τοὺς ἐγρηγορότας καὶ προσέχοντας οὐ μόνον κατορθοῦντες ἀλλὰ καὶ διαμαρτάνοντες ὠφελοῦσιν οἱ λέγοντες·
크세노폰이 집안일을 잘 꾸리는 자들은 친구로부터뿐만 아니라 원수로부터도 도움을 얻는다고 말한 것처럼, 깨어 집중하는 자들에게는 말하는 이들이 올바르게 행할 때뿐만 아니라 잘못을 범할 때도 도움을 주기 때문이다.
καὶ γὰρ διανοήματος εὐτέλεια καὶ ῥήματος κενότης καὶ σχῆμα φορτικὸν καὶ πτόησις μετὰ χαρᾶς ἀπειροκάλου πρὸς ἔπαινον καὶ ὅσα τοιαῦτα μᾶλλον ἀκροωμένοις ἐφʼ ἑτέρων ἢ λέγουσιν ἐφʼ ἑαυτῶν καταφαίνεται.
실제로 생각의 빈약함, 말의 공허함, 천박한 몸짓, 그리고 예술적 감각 없는 기쁨을 동반하며 찬사를 향해 들뜨는 태도, 그리고 그와 같은 다른 모든 것은 말하는 이 자신보다는 듣는 이에게 더 잘 보이는 법이다.
διὸ δεῖ μεταφέρειν τὴν εὐθύνην ἐφʼ ἑαυτοὺς ἀπὸ τοῦ λέγοντος, ἀνασκοποῦντας εἴ τι τοιοῦτο λανθάνομεν ἁμαρτάνοντες, ῥᾷστον γάρ ἐστι τῶν ὄντων τὸ μέμψασθαι τὸν πλησίον, ἀχρήστως τε καὶ κενῶς γιγνόμενον, ἂν μὴ πρός τινα διόρθωσιν ἢ φυλακὴν ἀναφέρηται τῶν ὁμοίων.
그러므로 책망의 시선을 말하는 이로부터 우리 자신에게로 옮겨, 우리 자신도 모르는 사이에 그런 과오를 범하고 있지는 않은지 되돌아보아야 한다. 이웃을 비난하는 것은 세상에서 가장 쉬운 일이지만, 그것이 비슷한 잘못에 대한 수정이나 예방으로 이어지지 않는다면 무용하고 헛된 일이 되기 때문이다.
καὶ τὸ τοῦ Πλάτωνος οὐκ ὀκνητέον ἀεὶ πρὸς αὑτὸν ἐπὶ τῶν ἁμαρτανόντων ἀναφθέγγεσθαι,
μή που ἄρʼ ἐγὼ τοιοῦτος;
그리고 타인이 잘못을 저지르는 것을 볼 때, 플라톤의 저 격언을 주저하지 말고 언제나 자신을 향해 읊조려야 한다. “혹시 나 역시 저러한 자가 아닐까?”라고.
ὡς γὰρ ἐν τοῖς ὄμμασι τῶν πλησίον ἐλλάμποντα τὰ ἑαυτῶν ὁρῶμεν, οὕτως ἐπὶ τῶν λόγων δεῖ τοὺς ἑαυτῶν ἐνεικονίζεσθαι τοῖς ἑτέρων, ἵνα μήτʼ ἄγαν θρασέως καταφρονῶμεν ἄλλων, αὑτοῖς τε προσέχωμεν ἐν τῷ λέγειν ἐπιμελέστερον.
이웃의 눈 속에서 반사되어 반짝이는 우리 자신의 모습을 보듯이, 말에서도 타인의 말을 통해 우리 자신의 모습을 비추어 보아야 하며, 그리하여 타인을 너무 대담하게 멸시하지 않고, 스스로 말할 때 자신을 더욱 세심하게 돌볼 수 있도록 해야 한다.
χρήσιμον δὲ πρὸς τοῦτο καὶ τὸ τῆς παραβολῆς, ὅταν γενόμενοι καθʼ αὑτοὺς ἀπὸ τῆς ἀκροάσεως καὶ λαβόντες τι τῶν μὴ καλῶς ἢ μὴ ἱκανῶς εἰρῆσθαι δοκούντων ἐπιχειρῶμεν εἰς ταὐτὸ καὶ προάγωμεν αὑτοὺς τὰ μὲν ὥσπερ ἀναπληροῦν, τὰ δʼ ἐπανορθοῦσθαι, τὰ δʼ ἑτέρως φράζειν, τὰ δʼ ὅλοις ἐξ ὑπαρχῆς εἰσφέρειν πειρώμενοι πρὸς τὴν ὑπόθεσιν.
그리고 이것에 유용한 것은 대조해보는 일인데, 들은 뒤 홀로 있을 때 잘 다듬어지지 않았거나 미흡하게 말해졌다고 생각되는 부분들을 가져다가 스스로 같은 주제에 도전해 보며, 어떤 부분은 보충하고, 어떤 부분은 교정하며, 어떤 부분은 다르게 표현하고, 어떤 부분은 아예 처음부터 새로이 논제에 맞추어 제안해 보는 식으로 우리 자신을 나아가게 하는 것이다.
ὃ καὶ Πλάτων ἐποίησε πρὸς τὸν Λυσίου λόγον.
이것이 바로 플라톤이 리시아스의 연설에 대해 행한 일이다.
τὸ μὲν γὰρ ἀντειπεῖν οὐ χαλεπὸν ἀλλὰ καὶ πάνυ ῥᾴδιον εἰρημένῳ λόγῳ· τὸ δʼ ἕτερον ἀνταναστῆσαι βελτίονα παντάπασιν ἐργῶδες.
참으로 이미 말해진 주장에 반론을 펴는 것은 어렵지 않고 아주 쉬운 일이지만, 그 자리에 더 훌륭한 다른 주장을 세우는 것은 전적으로 뼈를 깎는 수고가 따르기 때문이다.
ὥσπερ ὁ Λακεδαιμόνιος ἀκούσας ὅτι Φίλιππος Ὄλυνθον κατέσκαψεν
ἀλλʼ οὐκ ἀναστῆσαί γε τοιαύτην
ἔφη
πόλιν ἐκεῖνος ἂν δυνηθείη.
스파르타인이 필리포스가 올린토스를 무너뜨렸다는 말을 듣고, “하지만 그라도 그러한 도시를 다시 세울 수는 없을 것이다” 라고 말한 것처럼 말이다.
ὅταν οὖν ἐν τῷ διαλέγεσθαι πρὸς τὴν τοιαύτην ὑπόθεσιν μὴ πολὺ φαινώμεθα τῶν εἰρηκότων διαφέροντες, πολὺ τοῦ καταφρονεῖν ἀφαιροῦμεν, καὶ τάχιστα κολούεται τὸ αὔθαδες ἡμῶν καὶ φίλαυτον ἐν ταῖς τοιαύταις ἐλεγχόμενον ἀντιπαραβολαῖς.
따라서 동일한 논제를 다룸에 있어 우리가 앞서 말한 이들과 대단히 다르지 않음이 드러날 때, 우리는 상대를 무시하는 태도를 크게 덜어내게 되며, 이러한 대조 속에서 검증됨으로써 우리의 오만함과 자기애는 매우 빠르게 꺾이게 된다.