§10.1ἐντεῦθεν ὅποι χρὴ τραπέσθαι βουλευόμενον ἐκάλουν Λυσιτανοὶ πρέσβεις πέμψαντες ἐφʼ ἡγεμονίᾳ, πάντως μὲν ἄρχοντος ἀξίωμα μέγα καὶ ἐμπειρίαν ἔχοντος δεόμενοι πρὸς τὸν ἀπὸ Ῥωμαίων φόβον, ἐκείνῳ δὲ πιστεύοντες αὑτοὺς μόνῳ πυνθανόμενοι παρὰ τῶν συγγεγονότων τὸ ἦθος αὐτοῦ.
그 후, 그가 어디로 향해야 할지 고민하고 있을 때, 루시타니아인들이 사절을 보내 그를 사령관으로 초빙했다. 그들은 로마인들에게서 느끼는 공포에 맞서기 위해 큰 위엄과 경험을 갖춘 지도자를 절실히 필요로 하고 있었으며, 세르토리우스와 함께 지내 본 사람들에게서 그의 성품을 전해 듣고 오직 그에게만 자신들을 맡기고자 신뢰했기 때문이다.
§10.2λέγεται δὲ ὁ Σερτώριος οὔτε ὑφʼ ἡδονῆς οὔτε ὑπὸ δέους εὐάλωτος γενέσθαι, φύσει δὲ ἀνέκπληκτος ὢν παρὰ τὰ δεινά καὶ μέτριος εὐτυχίαν ἐνεγκεῖν·
세르토리우스는 쾌락에도 공포에도 굴하기 쉽지 않았고, 태생적으로 위험 앞에서도 대담했으며, 행운을 감내하는 데에도 절도가 있었다고 전해진다.
καὶ πρὸς μὲν εὐθυμαχίαν οὐδενὸς ἀτολμότερος τῶν καθʼ ἑαυτὸν ἡγεμόνων, ὅσα δὲ κλωπείας ἐν πολέμοις ἔργα καὶ πλεονεξίας περὶ τόπους ἐχυροὺς καὶ διαβάσεις τάχους δεομένας ἀπάτης τε καὶ ψευδῶν ἐν δέοντι, σοφιστὴς δεινότατος.
또한 정면 승부에 있어서는 당대의 어떤 장군보다도 용맹했으나, 전쟁에서의 기습 행위나 견고한 요충지 및 신속함을 요하는 도하 지점의 선점, 그리고 필요할 때 기만과 거짓을 사용하는 데 있어서는 가장 노련한 지략가였다.
§10.3ἐν δὲ ταῖς τιμαῖς τῶν ἀνδραγαθημάτων δαψιλὴς φαινόμενος, περὶ τὰς τιμωρίας ἐμετρίαζε τῶν ἁμαρτημάτων, καίτοι δοκεῖ περὶ τὸν ἔσχατον αὐτοῦ βίον ὠμότητος καὶ βαρυθυμίας τὸ περὶ τοὺς ὁμήρους πραχθὲν ἔργον ἐπιδεῖξαι τὴν φύσιν οὐκ οὖσαν ἥμερον, ἀλλʼ ἐπαμπεχομένην λογισμῷ διὰ τὴν ἀνάγκην.
그는 무공을 표창하는 데 있어서는 아낌없는 모습을 보였으나, 잘못에 대한 처벌에 있어서는 절도를 지켰다. 비록 그의 생애 말년에 인질들에게 저지른 일은 그의 본성이 온화한 것이 아니라, 필요에 의해 이성으로 가려져 있었을 뿐임을 보여 주는 듯하지만 말이다.
§10.4ἐμοὶ δὲ ἀρετὴν μὲν εἰλικρινῆ καὶ κατὰ λόγον συνεστῶσαν οὐκ ἄν ποτε δοκεῖ τύχη τις ἐκστῆσαι πρὸς τοὐναντίον, ἄλλως δὲ προαιρέσεις καὶ φύσεις χρηστὰς ὑπὸ συμφορῶν μεγάλων παρʼ ἀξίαν κακωθείσας οὐκ ἀδύνατον τῷ δαίμονι συμμεταβαλεῖν τὸ ἦθος.
하지만 내 생각에는, 이성에 기초한 순수한 덕이 어떤 운명에 의해서도 정반대의 방향으로 바뀔 수는 결코 없다고 본다. 반면에 선한 결의와 천성이 부당하게도 큰 불행을 겪어 훼손될 때, 그 운명과 더불어 성품이 변하는 것은 불가능한 일이 아니다.
ὃ καὶ Σερτώριον οἶμαι παθεῖν ἤδη τῆς τύχης αὐτὸν ἐπιλειπούσης, ἐκτραχυνόμενον ὑπὸ τῶν πραγμάτων γινομένων πονηρῶν πρὸς τοὺς ἀδικοῦντας.
세르토리우스 역시 이미 운명이 그를 저버리기 시작하고 상황이 악화되면서, 자신에게 잘못을 저지르는 자들에게 거칠어지며 이러한 일을 겪었다고 생각한다.