§5.1ἐπεὶ δὲ Δᾶτις ὑπὸ Δαρείου πεμφθεὶς λόγῳ μὲν ἐπιθεῖναι δίκην Ἀθηναίοις, ὅτι Σάρδεις ἐνέπρησαν, ἔργῳ δὲ καταστρέψασθαι τοὺς Ἕλληνας, εἰς Μαραθῶνα παντὶ τῷ στόλῳ κατέσχε καὶ τὴν χώραν ἐπόρθει, τῶν δέκα καθεστώτων τοῖς Ἀθηναίοις ἐπὶ τὸν πόλεμον στρατηγῶν μέγιστον μὲν εἶχεν ἀξίωμα Μιλτιάδης, δόξῃ δὲ καὶ δυνάμει δεύτερος ἦν Ἀριστείδης.
다리우스에 의해 파견된 다티스가, 겉으로는 사르디스를 불태운 아테네인들에게 벌을 주기 위해, 실제로는 그리스인들을 복종시키기 위해, 전 함대를 이끌고 마라톤에 입항하여 그 지방을 황폐화시키고 있었을 때, 전쟁을 위해 아테네인들에게 임명된 열 명의 장군들 중 밀티아데스가 가장 높은 위신을 가졌고, 아리스티데스는 명성과 영향력에서 두 번째였다.
§5.2καὶ τότε περὶ τῆς μάχης γνώμῃ τῇ Μιλτιάδου προσθέμενος οὐ μικρὰν ἐποίησε ῥοπήν·
그리고 그때, 전투에 관한 밀티아데스의 의견에 동조함으로써 그는 작지 않은 영향을 주었다.
καὶ παρʼ ἡμέραν ἑκάστου στρατηγοῦ τὸ κράτος ἔχοντος, ὡς περιῆλθεν εἰς αὐτὸν ἡ ἀρχή, παρέδωκε Μιλτιάδῃ, διδάσκων τοὺς συνάρχοντας, ὅτι τὸ πείθεσθαι καὶ ἀκολουθεῖν τοῖς εὖ φρονοῦσιν οὐκ αἰσχρόν, ἀλλὰ σεμνόν ἐστι καὶ σωτήριον.
또한 날마다 각 장군이 지휘권을 갖기로 되어 있었는데, 지휘권이 자신에게로 돌아왔을 때 그는 그것을 밀티아데스에게 양도하며, 동료 장군들에게 훌륭한 식견을 가진 사람에게 복종하고 따르는 것은 부끄러운 일이 아니라 고결하고 구원적인 일임을 가르쳤다.
οὕτω δὲ πραΰνας τὴν φιλονεικίαν καὶ προτρεψάμενος αὐτοὺς ἀγαπᾶν μιᾷ γνώμῃ τῇ κρατίστῃ χρωμένους, ἔρρωσε τὸν Μιλτιάδην τῷ ἀπερισπάστῳ τῆς ἐξουσίας ἰσχυρὸν γενόμενον.
이처럼 경쟁심을 완화하고 그들이 가장 훌륭한 단 하나의 의견을 따르는 데 만족하도록 권유함으로써, 그는 권력의 분산이 없음으로 인해 강력해진 밀티아데스에게 힘을 실어주었다.
χαίρειν γὰρ ἐῶν ἕκαστος ἤδη τὸ παρʼ ἡμέραν ἄρχειν ἐκείνῳ προσεῖχεν.
왜냐하면 이제 각자가 일일 지휘권을 갖는 것을 그만두고 그에게 주목했기 때문이다.
§5.3ἐν δὲ τῇ μάχῃ μάλιστα τῶν Ἀθηναίων τοῦ μέσου πονήσαντος καὶ πλεῖστον ἐνταῦθα χρόνον τῶν βαρβάρων ἀντερεισάντων κατὰ τὴν Λεοντίδα καὶ τὴν Ἀντιοχίδα φυλήν, ἠγωνίσαντο λαμπρῶς τεταγμένοι παρʼ ἀλλήλους ὅ τε Θεμιστοκλῆς καὶ ὁ Ἀριστείδης·
전투에서는 아테네인 군대의 중앙이 가장 고전하고 야만인들이 그곳에서 레온티스 부족과 안티오키스 부족을 상대로 가장 오랫동안 저항했는데, 그곳에서 테미스토클레스와 아리스티데스가 서로 이웃하여 배치되어 눈부시게 싸웠다.
ὁ μὲν γὰρ Λεοντίδος ἦν, ὁ δʼ Ἀντιοχίδος·
왜냐하면 전자는 레온티스 부족에, 후자는 안티오키스 부족에 속해 있었기 때문이다.
§5.4ἐπεὶ δὲ τρεψάμενοι τοὺς βαρβάρους ἐνέβαλον εἰς τὰς ναῦς καὶ πλέοντας οὐκ ἐπὶ νήσων ἑώρων, ἀλλʼ ὑπὸ τοῦ πνεύματος καὶ τῆς θαλάσσης εἴσω πρὸς τὴν Ἀττικὴν ἀποβιαζομένους, φοβηθέντες μὴ τὴν πόλιν ἔρημον λάβωσι τῶν ἀμυνομένων, ταῖς μὲν ἐννέα φυλαῖς ἠπείγοντο πρὸς τὸ ἄστυ καὶ κατήνυσαν αὐθημερόν·
그러나 그들이 야만인들을 패주시켜 배로 몰아넣고, 그들이 섬들을 향해 항해하는 것이 아니라 바람과 바다에 밀려 아티카 내륙 쪽으로 밀려오는 것을 보았을 때, 방어하는 자들이 없는 무방비 상태의 도시를 그들이 장악할까 두려워하여, 그들은 아홉 부족을 이끌고 도시를 향해 서둘렀고 당일에 도착했다.
§5.5ἐν δὲ Μαραθῶνι μετὰ τῆς ἑαυτοῦ φυλῆς Ἀριστείδης ἀπολειφθεὶς φύλαξ τῶν αἰχμαλώτων καὶ τῶν λαφύρων οὐκ ἐψεύσατο τὴν δόξαν, ἀλλὰ χύδην μὲν ἀργύρου καὶ χρυσοῦ παρόντος, ἐσθῆτος δὲ παντοδαπῆς καὶ χρημάτων ἄλλων ἀμυθήτων ἐν ταῖς σκηναῖς καὶ τοῖς ἡλωκόσι σκάφεσιν ὑπαρχόντων, οὔτʼ αὐτὸς ἐπεθύμησε θιγεῖν οὔτʼ ἄλλον εἴασε, πλὴν εἴ τινες ἐκεῖνον λαθόντες ὠφελήθησαν· ὧν ἦν καὶ Καλλίας ὁ δᾳδοῦχος.
한편 아리스티데스는 마라톤에 자신의 부족과 함께 남겨져 포로와 전리품의 파수꾼이 되었으나, 그의 명성을 저버리지 않았다. 즉, 은과 금이 무더기로 널려 있었고, 온갖 종류의 의복과 수많은 다른 재물들이 천막과 나포된 배 안에 있었음에도 불구하고, 그 자신은 그것들을 만지고 싶어 하지도 않았고 다른 사람에게 허용하지도 않았다. 다만 그에게 들키지 않고 이득을 챙긴 자들이 있다면 예외였는데, 횃불 잡이 칼리아스도 그중 한 명이었다.
§5.6τούτῳ γάρ τις, ὡς ἔοικε, τῶν βαρβάρων προσέπεσεν οἰηθεὶς βασιλέα διὰ τὴν κόμην καὶ τὸ στρόφιον εἶναι·
왜냐하면 들리는 바에 의하면, 야만인 중 한 명이 그의 긴 머리와 머리띠 때문에 그를 왕이라고 생각하고 칼리아스에게 다가왔기 때문이다.
προσκυνήσας δὲ καὶ λαβόμενος τῆς δεξιᾶς ἔδειξε πολὺ χρυσίον ἐν λάκκῳ τινὶ κατορωρυγμένον.
그는 엎드려 절하고 오른손을 붙잡은 후, 어떤 구덩이 속에 묻혀 있던 많은 금을 보여주었다.
ὁ δὲ Καλλίας ὠμότατος ἀνθρώπων καὶ παρανομώτατος γενόμενος τὸν μὲν χρυσὸν ἀνείλετο, τὸν δʼ ἄνθρωπον, ὡς μὴ κατείποι πρὸς ἑτέρους, ἀπέκτεινεν.
그런데 칼리아스는 인간들 중 가장 잔인하고 무법한 자가 되어, 금은 가져갔고 그 사람이 다른 사람들에게 폭로하지 못하도록 죽여버렸다.
ἐκ τούτου φασὶ καὶ λακκοπλούτους ὑπὸ τῶν κωμικῶν τοὺς ἀπὸ τῆς οἰκίας λέγεσθαι, σκωπτόντων εἰς τὸν τόπον, ἐν ᾧ τὸ χρυσίον ὁ Καλλίας εὗρεν.
이 일로부터 희극 작가들이 그 가문 사람들을 '구덩이 부자'라고 불렀다고 하는데, 이는 칼리아스가 금을 발견한 장소를 놀린 것이었다.
§5.7Ἀριστείδης δὲ τὴν ἐπώνυμον εὐθὺς ἀρχὴν ἦρξε.
아리스티데스는 곧바로 에포니모스 아르콘직을 맡았다.
καίτοι φησὶν ὁ Φαληρεὺς Δημήτριος ἄρξαι τὸν ἄνδρα μικρὸν ἔμπροσθεν τοῦ θανάτου μετὰ τὴν ἐν Πλαταιαῖς μάχην.
비록 팔레론의 데메트리오스는 이 인물이 플라타이아이 전투 이후, 즉 죽기 직전에 아르콘이 되었다고 말하지만 말이다.
ἐν δὲ ταῖς ἀναγραφαῖς μετὰ μὲν Ξανθιππίδην, ἐφʼ οὗ Μαρδόνιος ἡττήθη Πλαταιᾶσιν, οὐδʼ ὁμώνυμον Ἀριστείδην ἐν πάνυ πολλοῖς λαβεῖν ἔστι, μετὰ δὲ Φαίνιππον, ἐφʼ οὗ τὴν ἐν Μαραθῶνι μάχην ἐνίκων, εὐθὺς Ἀριστείδης ἄρχων ἀναγέγραπται.
그러나 공식 기록에서는 마르도니오스가 플라타이아이에서 패배했을 때의 아르콘인 크산티피데스 이후에는, 매우 많은 이름들 중에서 동명의 아리스티데스조차 찾아볼 수 없는 반면, 마라톤 전투에서 승리했을 때의 아르콘인 파이니포스 이후에는 곧바로 아리스티데스가 아르콘으로 기록되어 있다.