§8.1.1ἐς δὲ τὰς Ἀθήνας ἐπειδὴ ἠγγέλθη, ἐπὶ πολὺ μὲν ἠπίστουν καὶ τοῖς πάνυ τῶν στρατιωτῶν ἐξ αὐτοῦ τοῦ ἔργου διαπεφευγόσι καὶ σαφῶς ἀγγέλλουσι, μὴ οὕτω γε ἄγαν πανσυδὶ διεφθάρθαι·
아테네에 그 소식이 전해졌을 때, 그들은 전장 자체에서 탈출하여 명확하게 보고하는 군사들 중 가장 신뢰할 만한 자들의 말조차도 오랫동안 믿으려 하지 않았으니, 자신들이 그토록 철저하게 전멸했을 리가 없다고 생각했기 때문이다.
ἐπειδὴ δὲ ἔγνωσαν, χαλεποὶ μὲν ἦσαν τοῖς ξυμπροθυμηθεῖσι τῶν ῥητόρων τὸν ἔκπλουν, ὥσπερ οὐκ αὐτοὶ ψηφισάμενοι, ὠργίζοντο δὲ καὶ τοῖς χρησμολόγοις τε καὶ μάντεσι καὶ ὁπόσοι τι τότε αὐτοὺς θειάσαντες ἐπήλπισαν ὡς λήψονται Σικελίαν. §8.1.2πάντα δὲ πανταχόθεν αὐτοὺς ἐλύπει τε καὶ περιειστήκει ἐπὶ τῷ γεγενημένῳ φόβος τε καὶ κατάπληξις μεγίστη δή.
그러나 마침내 사실을 알게 되었을 때, 그들은 자신들이 직접 투표해 결의하지나 않은 것처럼 원정을 열성적으로 함께 추진했던 웅변가들에게 화를 냈으며, 또한 신탁 전수자들과 예언자들, 그리고 당시 신비로운 예언으로 그들에게 시켈리아를 차지할 수 있다는 희망을 품게 했던 모든 이들에게도 분노를 터뜨렸다. 일어난 일에 대해 모든 것이 사방에서 그들을 괴롭혔고, 실로 더할 나위 없이 거대한 공포와 경악이 그들을 에워쌌다.
ἅμα μὲν γὰρ στερόμενοι καὶ ἰδίᾳ ἕκαστος καὶ ἡ πόλις ὁπλιτῶν τε πολλῶν καὶ ἱππέων καὶ ἡλικίας οἵαν οὐχ ἑτέραν ἑώρων ὑπάρχουσαν ἐβαρύνοντο·
개인적으로나 국가적으로나 수많은 중장보병과 기병, 그리고 다른 곳에서는 찾아볼 수 없을 만큼 기량이 뛰어난 한창때의 젊은이들을 잃었기에 그들의 마음은 무거웠다.
ἅμα δὲ ναῦς οὐχ ὁρῶντες ἐν τοῖς νεωσοίκοις ἱκανὰς οὐδὲ χρήματα ἐν τῷ κοινῷ οὐδ’ ὑπηρεσίας ταῖς ναυσὶν ἀνέλπιστοι ἦσαν ἐν τῷ παρόντι σωθήσεσθαι, τούς τε ἀπὸ τῆς Σικελίας πολεμίους εὐθὺς σφίσιν ἐνόμιζον τῷ ναυτικῷ ἐπὶ τὸν Πειραιᾶ πλευσεῖσθαι, ἄλλως τε καὶ τοσοῦτον κρατήσαντας, καὶ τοὺς αὐτόθεν πολεμίους τότε δὴ καὶ διπλασίως πάντα παρεσκευασμένους κατὰ κράτος ἤδη καὶ ἐκ γῆς καὶ ἐκ θαλάσσης ἐπικείσεσθαι, καὶ τοὺς ξυμμάχους σφῶν μετ᾽ αὐτῶν ἀποστάντας. §8.1.3ὅμως δὲ ὡς ἐκ τῶν ὑπαρχόντων ἐδόκει χρῆναι μὴ ἐνδιδόναι, ἀλλὰ παρασκευάζεσθαι καὶ ναυτικόν, ὅθεν ἂν δύνωνται ξύλα ξυμπορισαμένους, καὶ χρήματα, καὶ τὰ τῶν ξυμμάχων ἐς ἀσφάλειαν ποιεῖσθαι, καὶ μάλιστα τὴν Εὔβοιαν, τῶν τε κατὰ τὴν πόλιν τι ἐς εὐτέλειαν σωφρονίσαι, καὶ ἀρχήν τινα πρεσβυτέρων ἀνδρῶν ἑλέσθαι, οἵτινες περὶ τῶν παρόντων ὡς ἂν καιρὸς ᾖ προβουλεύσουσιν. §8.1.4πάντα τε πρὸς τὸ παραχρῆμα περιδεές, ὅπερ φιλεῖ δῆμος ποιεῖν, ἑτοῖμοι ἦσαν εὐτακτεῖν.
동시에 조선소에 충분한 군선도 보이지 않고 공금도 없으며 군선을 움직일 선원도 없었기에 당장은 살아남을 가망이 없다고 생각했으며, 시켈리아의 적들이 그토록 대승을 거둔 이상 즉각 함대를 이끌고 페이라이에우스로 진격해 올 것이라 믿었고, 주변의 적들도 이때를 틈타 모든 준비를 두 배로 늘려 육지와 바다에서 즉각 총공격을 감행해 올 것이며, 자신들의 동맹국들마저 적들과 합세하여 이탈할 것이라 여겼기 때문이다. 그럼에도 불구하고 현재의 여건 속에서 굴복해서는 안 되며, 오히려 어떻게든 목재를 조달하여 함대를 준비하고, 자금을 마련하며, 동맹국들 특히 에우보이아를 안전하게 지키고, 도성 내의 지출을 긴축하여 절약하며, 당면한 사태에 대해 필요에 따라 사전 심의를 담당할 연장자들로 구성된 일종의 위원회를 선출해야 한다고 결정했다. 그리고 눈앞의 공포에 직면하자, 민중이 흔히 그러하듯, 그들은 만사에 규율을 잘 따를 준비가 되어 있었다.
καὶ ὡς ἔδοξεν αὐτοῖς, καὶ ἐποίουν ταῦτα, καὶ τὸ θέρος ἐτελεύτα.
그들은 자신들이 결의한 대로 이를 실행에 옮겼고, 이로써 여름이 끝났다.