§7.69.1καὶ οἱ μὲν τῶν Συρακοσίων στρατηγοὶ καὶ Γύλιππος τοιαῦτα καὶ αὐτοὶ τοῖς σφετέροις στρατιώταις παρακελευσάμενοι ἀντεπλήρουν τὰς ναῦς εὐθὺς ἐπειδὴ καὶ τοὺς Ἀθηναίους ᾐσθάνοντο. §7.69.2ὁ δὲ Νικίας ὑπὸ τῶν παρόντων ἐκπεπληγμένος καὶ ὁρῶν οἷος ὁ κίνδυνος καὶ ὡς ἐγγὺς ἤδη [ἦν], ἐπειδὴ καὶ ὅσον οὐκ ἔμελλον ἀνάγεσθαι, καὶ νομίσας, ὅπερ πάσχουσιν ἐν τοῖς μεγάλοις ἀγῶσι, πάντα τε ἔργῳ ἔτι σφίσιν ἐνδεᾶ εἶναι καὶ λόγῳ αὐτοῖς οὔπω ἱκανὰ εἰρῆσθαι, αὖθις τῶν τριηράρχων ἕνα ἕκαστον ἀνεκάλει, πατρόθεν τε ἐπονομάζων καὶ αὐτοὺς ὀνομαστὶ καὶ φυλήν, ἀξιῶν τό τε καθ’ ἑαυτόν, ᾧ ὑπῆρχε λαμπρότητός τι, μὴ προδιδόναι τινὰ καὶ τὰς πατρικὰς ἀρετάς, ὧν ἐπιφανεῖς ἦσαν οἱ πρόγονοι, μὴ ἀφανίζειν, πατρίδος τε τῆς ἐλευθερωτάτης ὑπομιμνῄσκων καὶ τῆς ἐν αὐτῇ ἀνεπιτάκτου πᾶσιν ἐς τὴν δίαιταν ἐξουσίας, ἄλλα τε λέγων ὅσα ἐν τῷ τοιούτῳ ἤδη τοῦ καιροῦ ὄντες ἄνθρωποι οὐ πρὸς τὸ δοκεῖν τινὶ ἀρχαιολογεῖν φυλαξάμενοι εἴποιεν ἄν, καὶ ὑπὲρ ἁπάντων παραπλήσια ἔς τε γυναῖκας καὶ παῖδας καὶ θεοὺς πατρῴους προφερόμενα, ἀλλ’ ἐπὶ τῇ παρούσῃ ἐκπλήξει ὠφέλιμα νομίζοντες ἐπιβοῶνται. §7.69.3καὶ ὁ μὲν οὐχ ἱκανὰ μᾶλλον ἢ καὶ ἀναγκαῖα νομίσας παρῃνῆσθαι, ἀποχωρήσας ἦγε τὸν πεζὸν πρὸς τὴν θάλασσαν καὶ παρέταξεν ὡς ἐπὶ πλεῖστον ἐδύνατο, ὅπως ὅτι μεγίστη τοῖς ἐν ταῖς ναυσὶν ὠφελία ἐς τὸ θαρσεῖν γίγνοιτο· §7.69.4ὁ δὲ Δημοσθένης καὶ Μένανδρος καὶ Εὐθύδημος (οὗτοι γὰρ ἐπὶ τὰς ναῦς τῶν Ἀθηναίων στρατηγοὶ ἐπέβησαν) ἄραντες ἀπὸ τοῦ ἑαυτῶν στρατοπέδου εὐθὺς ἔπλεον πρὸς τὸ ζεῦγμα τοῦ λιμένος καὶ τὸν παραλειφθέντα διέκπλουν, βουλόμενοι βιάσασθαι ἐς τὸ ἔξω.
시라쿠사의 장군들과 길리포스는 자신들도 마찬가지로 자신들의 병사들에게 그와 같은 격려를 마친 후, 아테네인들의 움직임을 알아채자마자 즉시 배들을 가득 채웠다. 한편 니키아스는 당면한 상황에 사로잡혀 위험이 얼마나 크며 그것이 이제 얼마나 임박했는지를 보고, 바로 지금 출항하려는 찰나에, 큰 싸움을 앞두었을 때 사람들이 늘 겪듯이 행동에 있어서는 아직 모든 것이 자신들에게 부족하고 말에 있어서는 아직 충분히 다해지지 않았다고 생각하여, 다시 삼단노선 지휘관들을 한 명씩 불러 세웠다. 그리고 그들의 이름, 아버지의 이름, 그리고 부족의 이름을 부르며, 스스로에게 어떤 광영이 깃들어 있던 자는 자신을 배반하지 말 것과, 선조들이 이름을 떨쳤던 조상의 미덕을 흐리지 말 것을 요구하였고, 가장 자유로운 조국과 그 안에서 누구나 사생활에 있어 누구의 명령도 받지 않는 자유를 상기시켰다. 또한 이러한 절박한 상황에 처한 사람들이라면 누군가에게 고리타분한 옛이야기를 늘어놓는다는 인상을 줄까 봐 조심하여 삼가는 일 없이 털어놓을 법한 온갖 말들, 즉 아내와 자식과 조상의 신들을 위해 모든 싸움에서 한결같이 인용되는 것이라 할지라도 현재의 공포 속에서는 유익하다고 믿어 대성으로 외치는 온갖 말들을 건넸다. 그리고 그는 자신이 충분히 권고했다기보다는 그저 필요한 말을 다했을 뿐이라고 생각하며 물러나와, 보병들을 바닷가로 이끌고 가서는 배에 탄 이들이 용기를 얻는 데 가장 큰 도움이 되도록 가능한 한 넓게 대열을 배치했다. 한편 데모스테네스와 메난드로스, 에우티데모스(이들이 아테네 함대의 장군으로서 승선했다)는 자신들의 진영에서 배를 띄워, 외해로 힘껏 돌파하고자 즉시 항구의 봉쇄선과 열려 있는 통로를 향해 나아갔다.