§7.23.1ἐν τούτῳ δ’ ὁ Γύλιππος τῶν ἐν τῷ Πλημμυρίῳ Ἀθηναίων πρὸς τὴν θάλασσαν ἐπικαταβάντων καὶ τῇ ναυμαχίᾳ τὴν γνώμην προσεχόντων φθάνει προσπεσὼν ἅμα τῇ ἕῳ αἰφνιδίως τοῖς τείχεσι, καὶ αἱρεῖ τὸ μέγιστον πρῶτον, ἔπειτα δὲ καὶ τὰ ἐλάσσω δύο, οὐχ ὑπομεινάντων τῶν φυλάκων, ὡς εἶδον τὸ μέγιστον ῥᾳδίως ληφθέν.
이 사이에 플레미리온에 있던 아테네인들이 바닷가로 내려가 해전에 신경을 쓰고 있는 틈을 타서, 길리포스는 새벽녘에 돌연 요새들을 기습하여 선수를 쳤다. 그는 먼저 가장 큰 요새를 함락시키고, 이어서 더 작은 두 요새를 함락시켰는데, 이는 가장 큰 요새가 쉽게 함락되는 것을 본 수비병들이 버티지 못했기 때문이다.
§7.23.2καὶ ἐκ μὲν τοῦ πρώτου ἁλόντος χαλεπῶς οἱ ἄνθρωποι, ὅσοι καὶ ἐς τὰ πλοῖα καὶ ὁλκάδα τινὰ κατέφυγον, ἐς τὸ στρατόπεδον ἐξεκομίζοντο·
그리고 첫 번째로 함락된 요새에서는, 보트들과 어떤 상선 한 척으로 피신했던 이들이 간신히 진영으로 탈출하였다.
τῶν γὰρ Συρακοσίων ταῖς ἐν τῷ μεγάλῳ λιμένι ναυσὶ κρατούντων τῇ ναυμαχίᾳ ὑπὸ τριήρους μιᾶς καὶ εὖ πλεούσης ἐπεδιώκοντο·
당시 슈라쿠사 인들이 대항 안의 배들로 해전에서 우세를 점하고 있었기 때문에, 그들은 기동성이 뛰어난 삼단노선 한 척에 추격을 받았기 때문이다.
ἐπειδὴ δὲ τὰ δύο τειχίσματα ἡλίσκετο, ἐν τούτῳ καὶ οἱ Συρακόσιοι ἐτύγχανον ἤδη νικώμενοι καὶ οἱ ἐξ αὐτῶν φεύγοντες ῥᾷον παρέπλευσαν.
그러나 다른 두 요새가 함락되고 있을 때에는, 마침 슈라쿠사 인들 역시 이미 해전에서 패배하고 있었으므로, 그 요새들로부터 도망치던 이들은 더 수월하게 연안을 따라 배로 대피할 수 있었다.
§7.23.3αἱ γὰρ τῶν Συρακοσίων αἱ πρὸ τοῦ στόματος νῆες ναυμαχοῦσαι βιασάμεναι τὰς τῶν Ἀθηναίων ναῦς οὐδενὶ κόσμῳ ἐσέπλεον, καὶ ταραχθεῖσαι περὶ ἀλλήλας παρέδοσαν τὴν νίκην τοῖς Ἀθηναίοις·
왜냐하면 항구 입구 앞에서 싸우던 슈라쿠사 인들의 배들이 아테네인들의 배들을 돌파한 후 무질서하게 항내로 진입하였고, 서로 엉켜 혼란에 빠짐으로써 아테네인들에게 승리를 넘겨주었기 때문이다.
ταύτας τε γὰρ ἔτρεψαν καὶ ὑφ’ ὧν τὸ πρῶτον ἐνικῶντο ἐν τῷ λιμένι.
아테네인들은 이 배들을 패주시켰을 뿐만 아니라, 처음에 항내에서 자신들을 압도하고 있던 배들마저 패주시켰다.
§7.23.4καὶ ἕνδεκα μὲν ναῦς τῶν Συρακοσίων κατέδυσαν, καὶ τοὺς πολλοὺς τῶν ἀνθρώπων ἀπέκτειναν, πλὴν ὅσον ἐκ τριῶν νεῶν οὓς ἐζώγρησαν·
그리하여 아테네인들은 슈라쿠사 인들의 배 열한 척을 침몰시키고 대다수의 선원들을 죽였으나, 세 척의 배에서 생포한 이들은 예외로 하였다.
τῶν δὲ σφετέρων τρεῖς νῆες διεφθάρησαν.
반면 아테네인들의 배는 세 척이 파괴되었다.
τὰ δὲ ναυάγια ἀνελκύσαντες τῶν Συρακοσίων καὶ τροπαῖον ἐν τῷ νησιδίῳ στήσαντες τῷ πρὸ τοῦ Πλημμυρίου, ἀνεχώρησαν ἐς τὸ ἑαυτῶν στρατόπεδον.
그들은 슈라쿠사 인들의 선박 잔해를 인양하고 플레미리온 앞의 소도에 전승비를 세운 후, 자신들의 진영으로 퇴각하였다.