§7.18.1παρεσκευάζοντο δὲ καὶ τὴν ἐς τὴν Ἀττικὴν ἐσβολὴν οἱ Λακεδαιμόνιοι, ὥσπερ τε προυδέδοκτο αὐτοῖς καὶ τῶν Συρακοσίων καὶ Κορινθίων ἐναγόντων, ἐπειδὴ ἐπυνθάνοντο τὴν ἀπὸ τῶν Ἀθηναίων βοήθειαν ἐς τὴν Σικελίαν, ὅπως δὴ ἐσβολῆς γενομένης διακωλυθῇ.
라케다이몬인들 역시 아티카 침공을 준비하고 있었다. 이는 그들 자신이 이전에 결정했던 대로이기도 했고, 시라쿠사이인들과 코린토스인들이 다그치고 있기도 했기 때문이었는데, 아테네인들이 시켈리아에 보낸 지원군에 대해 알게 되자 침공이 감행됨으로써 그것이 저지되도록 하기 위함이었다.
καὶ ὁ Ἀλκιβιάδης προσκείμενος ἐδίδασκε τὴν Δεκέλειαν τειχίζειν καὶ μὴ ἀνιέναι τὸν πόλεμον.
또한 알키비아데스도 끈질기게 졸라대며 데켈레이아에 성채를 쌓을 것과 전쟁의 고삐를 늦추지 말 것을 설득하고 있었다.
§7.18.2μάλιστα δὲ τοῖς Λακεδαιμονίοις ἐγεγένητό τις ῥώμη, διότι τοὺς Ἀθηναίους ἐνόμιζον διπλοῦν τὸν πόλεμον ἔχοντας, πρός τε σφᾶς καὶ Σικελιώτας, εὐκαθαιρετωτέρους ἔσεσθαι, καὶ ὅτι τὰς σπονδὰς προτέρους λελυκέναι ἡγοῦντο αὐτούς·
특히 라케다이몬인들에게는 어떤 힘이 생겨나 있었다. 아테네인들이 자신들과 시켈리아인들을 상대로 이중의 전쟁을 치르게 되어 더 쉽게 쓰러뜨릴 수 있을 것이라 생각했기 때문이며, 또한 아테네인들이 먼저 조약을 위반했다고 여겼기 때문이다.
ἐν γὰρ τῷ προτέρῳ πολέμῳ σφέτερον τὸ παρανόμημα μᾶλλον γενέσθαι, ὅτι τε ἐς Πλάταιαν ἦλθον Θηβαῖοι ἐν σπονδαῖς, καὶ εἰρημένον ἐν ταῖς πρότερον ξυνθήκαις ὅπλα μὴ ἐπιφέρειν, ἢν δίκας ἐθέλωσι διδόναι, αὐτοὶ οὐχ ὑπήκουον ἐς δίκας προκαλουμένων τῶν Ἀθηναίων.
이전 전쟁에서는 불법 행위가 오히려 자신들 편에 더 많이 있었다고 생각했다. 테바이인들이 조약 중에 플라타이아에 침입한 일이 있었고, 또한 상대방이 재판에 응할 뜻이 있다면 무력을 행사해서는 안 된다고 이전 조약에 명시되어 있었음에도 불구하고, 아테네인들이 재판을 청해 왔을 때 자신들이 이에 응하지 않았기 때문이다.
καὶ διὰ τοῦτο εἰκότως δυστυχεῖν τε ἐνόμιζον, καὶ ἐνεθυμοῦντο τήν τε περὶ Πύλον ξυμφορὰν καὶ εἴ τις ἄλλη αὐτοῖς ἐγένετο.
이 때문에 그들은 자신들이 불운을 겪는 것이 당연하다고 생각했으며, 필로스에서의 참사와 그 밖에 자신들에게 일어났던 온갖 불행을 가슴 깊이 새겨두고 있었다.
§7.18.3ἐπειδὴ δὲ οἱ Ἀθηναῖοι ταῖς τριάκοντα ναυσὶν ἐξ Ἄργους ὁρμώμενοι Ἐπιδαύρου τέ τι καὶ Πρασιῶν καὶ ἄλλα ἐδῄωσαν καὶ ἐκ Πύλου ἅμα ἐλῃστεύοντο, καὶ ὁσάκις περί του διαφοραὶ γένοιντο τῶν κατὰ τὰς σπονδὰς ἀμφισβητουμένων, ἐς δίκας προκαλουμένων τῶν Λακεδαιμονίων οὐκ ἤθελον ἐπιτρέπειν, τότε δὴ οἱ Λακεδαιμόνιοι νομίσαντες τὸ παρανόμημα, ὅπερ καὶ σφίσι πρότερον ἡμάρτητο, αὖθις ἐς τοὺς Ἀθηναίους τὸ αὐτὸ περιεστάναι, πρόθυμοι ἦσαν ἐς τὸν πόλεμον.
그러나 아테네인들이 서른 척의 배로 아르고스에서 출격하여 에피다우로스의 일부와 프라시아이 등을 약탈하고 동시에 필로스에서도 약탈을 감행하고 있었으며, 조약에 관한 분쟁 거리들에 대해 이견이 생길 때마다 라케다이몬인들이 재판을 청하는데도 이에 맡기려 하지 않았다. 이때에 이르러 라케다이몬인들은 이전에 자신들이 저질렀던 것과 똑같은 불법 행위가 이번에는 아테네인들에게로 고스란히 돌아갔다고 생각하여, 전쟁에 적극적인 태도를 보이게 되었다.
§7.18.4καὶ ἐν τῷ χειμῶνι τούτῳ σίδηρόν τε περιήγγελλον κατὰ τοὺς ξυμμάχους καὶ τἆλλα ἐργαλεῖα ἡτοίμαζον ἐς τὸν ἐπιτειχισμόν, καὶ τοῖς ἐν τῇ Σικελίᾳ ἅμα ὡς ἀποπέμψοντες ἐν ταῖς ὁλκάσιν ἐπικουρίαν αὐτοί τε ἐπόριζον καὶ τοὺς ἄλλους Πελοποννησίους προσηνάγκαζον.
그리고 이번 겨울에 그들은 동맹국들에게 철을 공급하도록 명령을 돌리고 성채 구축에 필요한 다른 도구들을 준비하는 한편, 시켈리아에 있는 이들을 위해 상선 편으로 보낼 지원을 스스로 조달하고 다른 펠로폰네소스인들에게도 이를 강요했다.
καὶ ὁ χειμὼν ἐτελεύτα, καὶ ὄγδοον καὶ δέκατον ἔτος τῷ πολέμῳ ἐτελεύτα τῷδε ὃν Θουκυδίδης ξυνέγραψεν.
이렇게 겨울이 끝났고, 투키디데스가 기록한 이 전쟁의 열여덟째 해도 막을 내렸다.