§6.88.1τοιαῦτα δὲ ὁ Εὔφημος εἶπεν.
에우페모스는 이와 같이 말하였다.
οἱ δὲ Καμαριναῖοι ἐπεπόνθεσαν τοιόνδε.
한편 카마리나인들은 다음과 같은 처지에 놓여 있었다.
τοῖς μὲν Ἀθηναίοις εὖνοι ἦσαν, πλὴν καθ’ ὅσον [εἰ] τὴν Σικελίαν ᾤοντο αὐτοὺς δουλώσεσθαι, τοῖς δὲ Συρακοσίοις αἰεὶ κατὰ τὸ ὅμορον διάφοροι·
그들은 아테나이인들에게는 시켈리아를 노예화하려 한다고 생각한 점을 제외하고는 호의를 품고 있었고, 시라쿠사인들에게는 이웃해 있기 때문에 항상 불화를 겪고 있었다.
δεδιότες δ’ οὐχ ἧσσον τοὺς Συρακοσίους ἐγγὺς ὄντας μὴ καὶ ἄνευ σφῶν περιγένωνται, τό τε πρῶτον αὐτοῖς τοὺς ὀλίγους ἱππέας ἔπεμψαν καὶ τὸ λοιπὸν ἐδόκει αὐτοῖς ὑπουργεῖν μὲν τοῖς Συρακοσίοις μᾶλλον ἔργῳ, ὡς ἂν δύνωνται μετριώτατα, ἐν δὲ τῷ παρόντι, ἵνα μηδὲ τοῖς Ἀθηναίοις ἔλασσον δοκῶσι νεῖμαι, ἐπειδὴ καὶ ἐπικρατέστεροι τῇ μάχῃ ἐγένοντο, λόγῳ ἀποκρίνασθαι ἴσα ἀμφοτέροις.
그러나 가까이 있는 시라쿠사인들이 자신들 없이도 승리할까 봐 아테나이인들 못지않게 두려워하였기에, 처음에는 그들에게 소수의 기병을 보냈고, 앞으로도 사실상 시라쿠사인들을 될 수 있는 한 온건한 방식으로 돕는 편이 좋겠다고 생각했다. 하지만 현재로서는 아테나이인들이 전투에서 승리를 거둔 터라 그들에게도 소홀히 대하는 것처럼 보이지 않기 위해, 말로는 양자에게 동등하게 대답하기로 결정했다.
§6.88.2καὶ οὕτω βουλευσάμενοι ἀπεκρίναντο, ἐπειδὴ τυγχάνει ἀμφοτέροις οὖσι ξυμμάχοις σφῶν πρὸς ἀλλήλους πόλεμος ὤν, εὔορκον δοκεῖν εἶναι σφίσιν ἐν τῷ παρόντι μηδετέροις ἀμύνειν.
이와 같이 의논한 뒤 그들은 대답하기를, 양측이 모두 자신들의 동맹국인데 그들 사이에 전쟁이 일어나고 있으므로, 현재로서는 어느 쪽도 돕지 않는 것이 맹세에 부합하는 것으로 여겨진다고 하였다.
καὶ οἱ πρέσβεις ἑκατέρων ἀπῆλθον.
그리고 양측의 사절들은 떠났다.
§6.88.3καὶ οἱ μὲν Συρακόσιοι τὰ καθ’ ἑαυτοὺς ἐξηρτύοντο ἐς τὸν πόλεμον, οἱ δ’ Ἀθηναῖοι ἐν τῇ Νάξῳ ἐστρατοπεδευμένοι τὰ πρὸς τοὺς Σικελοὺς ἔπρασσον ὅπως αὐτοῖς ὡς πλεῖστοι προσχωρήσονται.
시라쿠사인들은 자신들의 전쟁 준비에 힘썼고, 아테나이인들은 낙소스에 진을 치고 시켈로이인들이 가능한 한 많이 자신들의 편에 가담하도록 협상을 벌이고 있었다.
§6.88.4καὶ οἱ μὲν πρὸς τὰ πεδία μᾶλλον τῶν Σικελῶν ὑπήκοοι ὄντες τῶν Συρακοσίων οἱ πολλοὶ ἀφειστήκεσαν·
평원 지역에 가까운 시켈로이인들은 시라쿠사인의 지배를 받고 있었기에 대부분 가담하지 않았다.
τῶν δὲ τὴν μεσόγειαν ἐχόντων αὐτόνομοι οὖσαι καὶ πρότερον αἰεὶ 〈αἱ〉 οἰκήσεις εὐθὺς πλὴν ὀλίγοι μετὰ τῶν Ἀθηναίων ἦσαν, καὶ σῖτόν τε κατεκόμιζον τῷ στρατεύματι καὶ εἰσὶν οἳ καὶ χρήματα.
그러나 내륙 지역을 차지하고 있어 이전부터 항상 독립되어 있던 정착지의 사람들은 극소수를 제외하고는 즉시 아테나이인들과 뜻을 같이하였으며, 군대에 식량을 실어 나르고 더러는 자금도 제공했다.
§6.88.5ἐπὶ δὲ τοὺς μὴ προσχωροῦντας οἱ Ἀθηναῖοι στρατεύοντες τοὺς μὲν προσηνάγκαζον, τοὺς δὲ καὶ ὑπὸ τῶν Συρακοσίων φρουρούς τε πεμπόντων καὶ βοηθούντων ἀπεκωλύοντο.
아테나이인들은 가담하지 않는 자들을 향해 원정을 떠나 어떤 이들은 강제로 굴복시켰으나, 다른 이들에 대해서는 시라쿠사인들이 수비대를 보내고 원조를 한 탓에 가로막혔다.
τόν τε χειμῶνα μεθορμισάμενοι ἐκ τῆς Νάξου ἐς τὴν Κατάνην καὶ τὸ στρατόπεδον ὃ κατεκαύθη ὑπὸ τῶν Συρακοσίων αὖθις ἀνορθώσαντες διεχείμαζον.
그리고 겨울이 되자 낙소스에서 카타네로 정박지를 옮기고, 시라쿠사인들에게 불탔던 진영을 다시 재건하여 그곳에서 겨울을 났다.
§6.88.6καὶ ἔπεμψαν μὲν ἐς Καρχηδόνα τριήρη περὶ φιλίας, εἰ δύναιντό τι ὠφελεῖσθαι, ἔπεμψαν δὲ καὶ ἐς Τυρσηνίαν, ἔστιν ὧν πόλεων ἐπαγγελλομένων καὶ αὐτῶν ξυμπολεμεῖν.
그들은 카르타고에 우호 관계를 맺기 위해 삼단노선을 보내 어떤 도움을 얻을 수 있을지 타진하였고, 티르세니아에도 사절을 보냈는데, 그곳의 몇몇 도시들이 스스로 공동 참전을 제의해 왔기 때문이었다.
περιήγγελλον δὲ καὶ τοῖς Σικελοῖς καὶ ἐς τὴν Ἔγεσταν πέμψαντες ἐκέλευον ἵππους σφίσιν ὡς πλείστους πέμπειν, καὶ τἆλλα ἐς τὸν περιτειχισμόν, πλινθία καὶ σίδηρον, ἡτοίμαζον, καὶ ὅσα ἔδει, ὡς ἅμα τῷ ἦρι ἑξόμενοι τοῦ πολέμου.
또한 시켈로이인들에게도 격문을 돌리고 에게스타에 사절을 보내 가능한 한 많은 말을 보내줄 것을 요청했으며, 포위벽 구축을 위한 벽돌과 철 등 필요한 기타 모든 장비를 준비하며 봄이 오자마자 본격적으로 전쟁에 돌입할 수 있도록 대비했다.
§6.88.7οἱ δ’ ἐς τὴν Κόρινθον καὶ Λακεδαίμονα τῶν Συρακοσίων ἀποσταλέντες πρέσβεις τούς τε Ἰταλιώτας ἅμα παραπλέοντες ἐπειρῶντο πείθειν μὴ περιορᾶν τὰ γιγνόμενα ὑπὸ τῶν Ἀθηναίων, ὡς καὶ ἐκείνοις ὁμοίως ἐπιβουλευόμενα, καὶ ἐπειδὴ ἐν τῇ Κορίνθῳ ἐγένοντο, λόγους ἐποιοῦντο ἀξιοῦντες σφίσι κατὰ τὸ ξυγγενὲς βοηθεῖν.
한편 코린토스와 라케다이몬으로 파견된 시라쿠사의 사절들은 해안을 따라 항해하며 이탈리아의 그리스인들에게도 아테나이인들이 벌이는 일들을 방관하지 말라고 설득하려 했다. 그것이 자신들에게도 똑같이 음모가 되고 있기 때문이었다. 그리고 코린토스에 도착하자, 그들은 동족의 정에 따라 자신들을 도와달라고 요구하는 연설을 했다.
§6.88.8καὶ οἱ Κορίνθιοι εὐθὺς ψηφισάμενοι αὐτοὶ πρῶτοι ὥστε πάσῃ προθυμίᾳ ἀμύνειν, καὶ ἐς τὴν Λακεδαίμονα ξυναπέστελλον αὐτοῖς πρέσβεις, ὅπως καὶ ἐκείνους ξυναναπείθοιεν τόν τε αὐτοῦ πόλεμον σαφέστερον ποιεῖσθαι πρὸς τοὺς Ἀθηναίους καὶ ἐς τὴν Σικελίαν ὠφελίαν τινὰ πέμπειν.
이에 코린토스인들은 즉시 자신들이 솔선하여 온 힘을 다해 도울 것을 결의하고, 자신들과 함께 라케다이몬으로 사절을 공동 파견했다. 이는 라케다이몬인들도 함께 설득하여 그곳에서의 아테나이인들과의 전쟁을 더욱 분명히 하고 시켈리아에 어떤 원조군을 보내도록 하기 위함이었다.
§6.88.9καὶ οἵ τε ἐκ τῆς Κορίνθου πρέσβεις παρῆσαν ἐς τὴν Λακεδαίμονα καὶ Ἀλκιβιάδης μετὰ τῶν ξυμφυγάδων περαιωθεὶς τότ’ εὐθὺς ἐπὶ πλοίου φορτηγικοῦ ἐκ τῆς Θουρίας ἐς Κυλλήνην τῆς Ἠλείας πρῶτον, ἔπειτα ὕστερον ἐς τὴν Λακεδαίμονα αὐτῶν τῶν Λακεδαιμονίων μεταπεμψάντων ὑπόσπονδος ἐλθών·
코린토스의 사절들이 라케다이몬에 도착하였고, 알키비아데스도 다른 망명자들과 함께 당시 즉시 화물선을 타고 투리아에서 엘리스 지방의 킬레네로 먼저 건너간 뒤, 나중에 라케다이몬인들 자신이 소환하자 신변 안전 보장을 약속받고 라케다이몬으로 들어갔다.
ἐφοβεῖτο γὰρ αὐτοὺς διὰ τὴν περὶ τῶν Μαντινικῶν πρᾶξιν.
그는 만티네이아와 관련된 일로 그들을 두려워하고 있었기 때문이다.
§6.88.10καὶ ξυνέβη ἐν τῇ ἐκκλησίᾳ τῶν Λακεδαιμονίων τούς τε Κορινθίους καὶ τοὺς Συρακοσίους τὰ αὐτὰ καὶ τὸν Ἀλκιβιάδην δεομένους πείθειν τοὺς Λακεδαιμονίους.
그리고 라케다이몬인의 민회에서 코린토스인들과 시라쿠사인들이 같은 요구를 하였고, 알키비아데스도 함께 라케다이몬인들을 설득하게 되었다.
καὶ διανοουμένων τῶν τε ἐφόρων καὶ τῶν ἐν τέλει ὄντων πρέσβεις πέμπειν ἐς Συρακούσας κωλύοντας μὴ ξυμβαίνειν Ἀθηναίοις, βοηθεῖν δὲ οὐ προθύμων ὄντων, παρελθὼν ὁ Ἀλκιβιάδης παρώξυνέ τε τοὺς Λακεδαιμονίους καὶ ἐξώρμησε λέγων τοιάδε.
감독관들과 집권자들이 시라쿠사에 사절을 보내 그들이 아테나이인들과 화해하는 것을 막으려 했으나 원조군을 보내는 데는 열성적이지 않았을 때, 알키비아데스가 연단에 올라 라케다이몬인들을 자극하고 고무하며 다음과 같이 연설하였다.