§4.74.1καὶ ὕστερον ὁ μὲν διαλυθέντων τῶν ξυμμάχων κατὰ πόλεις ἐπανελθὼν καὶ αὐτὸς ἐς τὴν Κόρινθον τὴν ἐπὶ Θρᾴκης στρατείαν παρεσκεύαζεν, ἵναπερ καὶ τὸ πρῶτον ὥρμητο· §4.74.2οἱ δὲ ἐν τῇ πόλει Μεγαρῆς, ἀποχωρησάντων καὶ τῶν Ἀθηναίων ἐπ’ οἴκου, ὅσοι μὲν τῶν πραγμάτων πρὸς τοὺς Ἀθηναίους μάλιστα μετέσχον, εἰδότες ὅτι ὤφθησαν εὐθὺς ὑπεξῆλθον, οἱ δὲ ἄλλοι κοινολογησάμενοι τοῖς τῶν φευγόντων φίλοις κατάγουσι τοὺς ἐκ Πηγῶν, ὁρκώσαντες πίστεσι μεγάλαις μηδὲν μνησικακήσειν, βουλεύσειν δὲ τῇ πόλει τὰ ἄριστα. §4.74.3οἱ δὲ ἐπειδὴ ἐν ταῖς ἀρχαῖς ἐγένοντο καὶ ἐξέτασιν ὅπλων ἐποιήσαντο, διαστήσαντες τοὺς λόχους ἐξελέξαντο τῶν τε ἐχθρῶν καὶ οἳ ἐδόκουν μάλιστα ξυμπρᾶξαι τὰ πρὸς τοὺς Ἀθηναίους ἄνδρας ὡς ἑκατόν, καὶ τούτων πέρι ἀναγκάσαντες τὸν δῆμον ψῆφον φανερὰν διενεγκεῖν, ὡς κατεγνώσθησαν, ἔκτειναν, καὶ ἐς ὀλιγαρχίαν τὰ μάλιστα κατέστησαν τὴν πόλιν. §4.74.4καὶ πλεῖστον δὴ χρόνον αὕτη ὑπ’ ἐλαχίστων γενομένη ἐκ στάσεως μετάστασις ξυνέμεινεν.
그 후 동맹군들이 각자의 도시로 해산하자, 브라시다스 자신도 코린토스로 돌아가 원래 처음부터 계획하고 있었던 트라키아 원정을 준비했다. 한편, 도시에 남아 있던 메가라인들은 아테네인들마저 본국으로 철수하자, 아테네인들과의 내통에 가장 깊이 관여했던 자들은 자신들의 음모가 탄로 난 것을 알고 즉시 비밀리에 도망쳤다. 그러나 나머지 사람들은 망명자들의 친구들과 협의한 끝에, 페가이에 있던 자들을 송환하였고, 이들에게 강한 맹세를 시켜 과거의 원한을 품지 않고 도시를 위해 최선의 조치를 취하겠다고 다짐받았다. 하지만 이들이 관직에 오르고 무기 점검을 실시했을 때, 부대들을 서로 격리해 배치한 뒤, 자신들의 적들과 아테네인들과의 내통에 가장 적극적으로 가담한 것으로 보이는 자들 중에서 약 100명의 남자를 선발했다. 그리고 이들에 대해 민중에게 공개 투표를 하도록 강요하여, 유죄 판결이 내려지자 그들을 처형하고, 도시를 철저한 과두정으로 재편했다. 내분에서 비롯되어 극소수의 사람들에 의해 수립된 이 정권 교체는 실로 매우 오랫동안 지속되었다.