§4.25.1ἐν τούτῳ οὖν τῷ μεταξὺ οἱ Συρακόσιοι καὶ οἱ ξύμμαχοι ναυσὶν ὀλίγῳ πλέοσιν ἢ τριάκοντα ἠναγκάσθησαν ὀψὲ τῆς ἡμέρας ναυμαχῆσαι περὶ πλοίου διαπλέοντος, ἀντεπαναγόμενοι πρός τε Ἀθηναίων ναῦς ἑκκαίδεκα καὶ Ῥηγίνας ὀκτώ. §4.25.2καὶ νικηθέντες ὑπὸ τῶν Ἀθηναίων διὰ τάχους ἀπέπλευσαν ὡς ἕκαστοι ἔτυχον ἐς τὰ οἰκεῖα στρατόπεδα, τό τε ἐν τῇ Μεσσήνῃ καὶ ἐν τῷ Ῥηγίῳ, μίαν ναῦν ἀπολέσαντες· καὶ νὺξ ἐπεγένετο τῷ ἔργῳ. §4.25.3μετὰ δὲ τοῦτο οἱ μὲν Λοκροὶ ἀπῆλθον ἐκ τῆς Ῥηγίνων, ἐπὶ δὲ τὴν Πελωρίδα τῆς Μεσσήνης ξυλλεγεῖσαι αἱ τῶν Συρακοσίων καὶ ξυμμάχων νῆες ὥρμουν καὶ ὁ πεζὸς αὐτοῖς παρῆν. §4.25.4προσπλεύσαντες δὲ οἱ Ἀθηναῖοι καὶ Ῥηγῖνοι ὁρῶντες τὰς ναῦς κενὰς ἐνέβαλον, καὶ χειρὶ σιδηρᾷ ἐπιβληθείσῃ μίαν ναῦν αὐτοὶ ἀπώλεσαν τῶν ἀνδρῶν ἀποκολυμβησάντων. §4.25.5καὶ μετὰ τοῦτο τῶν Συρακοσίων ἐσβάντων ἐς τὰς ναῦς καὶ παραπλεόντων ἀπὸ κάλω ἐς τὴν Μεσσήνην, αὖθις προσβαλόντες οἱ Ἀθηναῖοι, ἀποσιμωσάντων ἐκείνων καὶ προεμβαλόντων, ἑτέραν ναῦν ἀπολλύουσιν. §4.25.6καὶ ἐν τῷ παράπλῳ καὶ τῇ ναυμαχίᾳ τοιουτοτρόπῳ γενομένῃ οὐκ ἔλασσον ἔχοντες οἱ Συρακόσιοι παρεκομίσθησαν ἐς τὸν ἐν τῇ Μεσσήνῃ λιμένα. §4.25.7καὶ οἱ μὲν Ἀθηναῖοι, Καμαρίνης ἀγγελθείσης προδίδοσθαι Συρακοσίοις ὑπ’ Ἀρχίου καὶ τῶν μετ’ αὐτοῦ, ἔπλευσαν ἐκεῖσε·
이 중간의 기간에, 쉬라쿠사이인들과 그 동맹군들은 30척이 조금 넘는 배를 가지고, 통과하는 한 척의 배를 둘러싸고 날이 저물 무렵에 해전을 치를 수밖에 없었으니, 아테네 배 16척과 레기온 배 8척에 맞서 출격하였다. 그리고 아테네인들에게 패하여 그들은 급히 각자 흘러가는 대로 자신들의 진영, 즉 메쎄네와 레기온의 진영으로 퇴각하였고, 배 한 척을 잃었으며, 밤이 되자 전투가 끝났다. 이 일이 있은 후 로크로이인들은 레기온인들의 영토에서 철수하였고, 메쎄네의 펠로리스에 집결한 쉬라쿠사이인들과 동맹군들의 배는 정박하였으며 육상 군대도 그들과 함께 있었다. 아테네인들과 레기온인들이 배를 몰고 와서 배들이 비어 있는 것을 보고 공격하였으나, 철제 갈고리가 던져졌을 때, 적의 승무원들이 헤엄쳐 달아나고 그들 자신들의 배 한 척을 잃었다. 그 후 쉬라쿠사이인들이 배에 올라타 밧줄에 끌려 메쎄네를 향해 연안을 항해할 때, 아테네인들이 다시 공격하였으나, 그들이 배를 돌려 선제 돌격을 해왔기 때문에 아테네인들은 또 한 척의 배를 잃었다. 그리하여 연안 항해와 해전이 이와 같은 방식으로 진행되는 동안 쉬라쿠사이인들은 열세에 서지 않고 메쎄네의 항구로 들어갔다. 아테네인들은 카마리나가 아르키아스와 그 일파에 의해 쉬라쿠사이인들에게 내어줄 것이라는 소식을 듣고 그곳으로 항해했다.
Μεσσήνιοι δ’ ἐν τούτῳ πανδημεὶ κατὰ γῆν καὶ ταῖς ναυσὶν ἅμα ἐστράτευσαν ἐπὶ Νάξον τὴν Χαλκιδικὴν ὅμορον οὖσαν. §4.25.8καὶ τῇ πρώτῃ ἡμέρᾳ τειχήρεις ποιήσαντες τοὺς Ναξίους ἐδῄουν τὴν γῆν, τῇ δ’ ὑστεραίᾳ ταῖς μὲν ναυσὶ περιπλεύσαντες κατὰ τὸν Ἀκεσίνην ποταμὸν τὴν γῆν ἐδῄουν, τῷ δὲ πεζῷ πρὸς τὴν πόλιν ἐσέβαλλον. §4.25.9ἐν τούτῳ δὲ οἱ Σικελοὶ ὑπὲρ τῶν ἄκρων πολλοὶ κατέβαινον βοηθοῦντες ἐπὶ τοὺς Μεσσηνίους.
한편 메쎄네인들은 이 사이에 전 군세를 동원하여 육로와 해로로 동시에 인접한 칼키디케의 도시 낙소스로 원정을 떠났다. 그리고 첫날에는 낙소스인들을 성벽 안에 가두고 땅을 황폐화했으며, 이튿날에는 배로 아케시네스 강을 따라 우회하며 땅을 황폐화하는 한편 육상 군대로 도시를 공격했다. 이 사이에 많은 시켈인들이 메쎄네인들에 맞서 돕기 위해 산꼭대기에서 내려왔다.
καὶ οἱ Νάξιοι ὡς εἶδον, θαρσήσαντες καὶ παρακελευόμενοι ἐν ἑαυτοῖς ὡς οἱ Λεοντῖνοι σφίσι καὶ οἱ ἄλλοι Ἕλληνες ξύμμαχοι ἐς τιμωρίαν ἐπέρχονται, ἐκδραμόντες ἄφνω ἐκ τῆς πόλεως προσπίπτουσι τοῖς Μεσσηνίοις, καὶ τρέψαντες ἀπέκτεινάν τε ὑπὲρ χιλίους καὶ οἱ λοιποὶ χαλεπῶς ἀπεχώρησαν ἐπ’ οἴκου·
낙소스인들은 이를 보고 용기를 얻어 레온티노이인들과 다른 그리스인 동맹군이 자신들을 도우러 오고 있다고 서로를 고무하며, 갑자기 도시에서 뛰어나와 메쎄네인들을 덮쳤고, 그들을 패주시켜 천 명 이상을 죽였으며, 나머지는 간신히 고향으로 퇴각했다.
καὶ γὰρ οἱ βάρβαροι ἐν ταῖς ὁδοῖς ἐπιπεσόντες τοὺς πλείστους διέφθειραν. §4.25.10καὶ αἱ νῆες σχοῦσαι ἐς τὴν Μεσσήνην ὕστερον ἐπ’ οἴκου ἕκασται διεκρίθησαν.
도중에 야만인들이 그들을 습격하여 대부분을 죽였기 때문이다. 메쎄네의 배들은 메쎄네에 입항했다가 나중에 각자 고향으로 흩어졌다.
Λεοντῖνοι δὲ εὐθὺς καὶ οἱ ξύμμαχοι μετὰ Ἀθηναίων ἐς τὴν Μεσσήνην ὡς κεκακωμένην ἐστράτευον, καὶ προσβάλλοντες οἱ μὲν Ἀθηναῖοι κατὰ τὸν λιμένα ταῖς ναυσὶν ἐπείρων, ὁ δὲ πεζὸς πρὸς τὴν πόλιν. §4.25.11ἐπεκδρομὴν δὲ ποιησάμενοι οἱ Μεσσήνιοι καὶ Λοκρῶν τινὲς μετὰ τοῦ Δημοτέλους, οἳ μετὰ τὸ πάθος ἐγκατελείφθησαν φρουροί, ἐξαπιναίως προσπεσόντες τρέπουσι τοῦ στρατεύματος τῶν Λεοντίνων τὸ πολὺ καὶ ἀπέκτειναν πολλούς.
한편 레온티노이인들과 그 동맹군들은 아테네인들과 함께 즉시 타격을 입어 약해진 메쎄네로 원정을 떠났고, 아테네인들은 항구에서 배로 공격을 시도했으며 육상 군대는 도시를 향해 공격을 시도했다. 그러나 패배 후에 경비병으로 남겨진 데모텔레스 휘하의 일부 로크로이인들과 메쎄네인들이 성 밖으로 돌격하여 갑자기 습격함으로써 레온티노이 군대의 대부분을 패퇴시키고 많은 이들을 죽였다.
ἰδόντες δὲ οἱ Ἀθηναῖοι καὶ ἀποβάντες ἀπὸ τῶν νεῶν ἐβοήθουν, καὶ κατεδίωξαν τοὺς Μεσσηνίους πάλιν ἐς τὴν πόλιν,τεταραγμένοις ἐπιγενόμενοι·
이를 본 아테네인들이 배에서 내려 구원하러 나섰고, 혼란에 빠진 메쎄네인들을 습격하여 다시 도시로 쫓아 보냈다.
καὶ τροπαῖον στήσαντες ἀνεχώρησαν ἐς τὸ Ῥήγιον. §4.25.12μετὰ δὲ τοῦτο οἱ μὲν ἐν τῇ Σικελίᾳ Ἕλληνες ἄνευ τῶν Ἀθηναίων κατὰ γῆν ἐστράτευον ἐπ᾽ ἀλλήλους.
그리고 승전비를 세운 뒤 레기온으로 퇴각했다. 이 일이 있은 후 시켈리아의 그리스인들은 아테네인들 없이 육로를 통해 서로 전쟁을 벌였다.