§4.26.1ἐν δὲ τῇ Πύλῳ ἔτι ἐπολιόρκουν τοὺς ἐν τῇ νήσῳ Λακεδαιμονίους οἱ Ἀθηναῖοι, καὶ τὸ ἐν τῇ ἠπείρῳ στρατόπεδον τῶν Πελοποννησίων κατὰ χώραν ἔμενεν. §4.26.2ἐπίπονος δ’ ἦν τοῖς Ἀθηναίοις ἡ φυλακὴ σίτου τε ἀπορίᾳ καὶ ὕδατος·
한편, 필로스에서는 아테네인들이 섬에 있는 라케다이몬인들을 여전히 포위하고 있었고, 본토에 있는 펠로폰네소스인들의 진영은 제자리에 머물러 있었다. 식량과 물의 부족으로 아테네인들에게 경비는 고된 일이었다.
οὐ γὰρ ἦν κρήνη ὅτι μὴ μία ἐν αὐτῇ τῇ ἀκροπόλει τῆς Πύλου καὶ αὕτη οὐ μεγάλη, ἀλλὰ διαμώμενοι τὸν κάχληκα οἱ πλεῖστοι ἐπὶ τῇ θαλάσσῃ ἔπινον οἷον εἰκὸς ὕδωρ. §4.26.3στενοχωρία τε ἐν ὀλίγῳ στρατοπεδευομένοις ἐγίγνετο, καὶ τῶν νεῶν οὐκ ἐχουσῶν ὅρμον αἱ μὲν σῖτον ἐν τῇ γῇ ᾑροῦντο κατὰ μέρος, αἱ δὲ μετέωροι ὥρμουν. §4.26.4ἀθυμίαν τε πλείστην ὁ χρόνος παρεῖχε παρὰ λόγον ἐπιγιγνόμενος, οὓς ᾤοντο ἡμερῶν ὀλίγων ἐκπολιορκήσειν ἐν νήσῳ τε ἐρήμῃ καὶ ὕδατι ἁλμυρῷ χρωμένους. §4.26.5αἴτιον δὲ ἦν οἱ Λακεδαιμόνιοι προειπόντες ἐς τὴν νῆσον ἐσάγειν σῖτόν τε τὸν βουλόμενον ἀληλεμένον καὶ οἶνον καὶ τυρὸν καὶ εἴ τι ἄλλο βρῶμα, οἷ’ ἂν ἐς πολιορκίαν ξυμφέρῃ, τάξαντες ἀργυρίου πολλοῦ καὶ τῶν Εἱλώτων τῷ ἐσαγαγόντι ἐλευθερίαν ὑπισχνούμενοι. §4.26.6καὶ ἐσῆγον ἄλλοι τε παρακινδυνεύοντες καὶ μάλιστα οἱ Εἵλωτες, ἀπαίροντες ἀπὸ τῆς Πελοποννήσου ὁπόθεν τύχοιεν καὶ καταπλέοντες ἔτι νυκτὸς ἐς τὰ πρὸς τὸ πέλαγος τῆς νήσου. §4.26.7μάλιστα δὲ ἐτήρουν ἀνέμῳ καταφέρεσθαι·
필로스 아크로폴리스 자체 내에 오직 하나의 샘밖에 없었고 그나마도 크지 않았기 때문에, 대부분의 사람들은 해변에서 자갈을 파내어 당연히 그런 곳에서 나올 법한 물을 마셨기 때문이다. 좁은 곳에 진을 치고 있었기에 공간이 협소해졌고, 배들이 정박할 곳이 없었으므로 어떤 배들은 차례로 육지에서 식사를 해결했고, 다른 배들은 바다 한가운데에 정박해 있었다. 또한, 며칠 만에 황량한 섬에서 짠물을 마시며 버티는 자들을 굶겨 죽일 수 있을 것이라 생각했으나, 예상과 달리 시간이 지체되자 큰 낙담이 찾아왔다. 그 원인은 라케다이몬인들이 원하는 사람은 누구든지 빻은 밀가루와 포도주, 치즈, 그 밖에 포위전에 유용한 다른 식량을 섬으로 들여오라고 미리 공포하고, 다액의 포상금을 정하였으며, 이를 들여오는 헤일로테스들에게는 자유를 약속했기 때문이다. 이에 위험을 무릅쓴 다른 사람들과 특히 헤일로테스들이 식량을 들여왔는데, 그들은 펠로폰네소스반도의 출발하기 좋은 곳이면 어디서나 출항하여, 아직 밤일 때 섬의 외해를 향한 쪽에 도달했다. 그들은 특히 바람에 쓸려 내려가는 기회를 엿보았다.
ῥᾷον γὰρ τὴν φυλακὴν τῶν τριήρων ἐλάνθανον, ὁπότε πνεῦμα ἐκ πόντου εἴη·
바다에서 바람이 불어올 때면 삼단노선들의 경비망을 피하기가 더 쉬웠기 때문이다.
ἄπορον γὰρ ἐγίγνετο περιορμεῖν, τοῖς δὲ ἀφειδὴς ὁ κατάπλους καθειστήκει·
아테네인들에게는 섬 주위를 순찰하는 것이 불가능해진 반면, 그들에게는 수단을 가리지 않는 상륙이 확립되어 있었다.
ἐπώκελλον γὰρ τὰ πλοῖα τετιμημένα χρημάτων, καὶ οἱ ὁπλῖται περὶ τὰς κατάρσεις τῆς νήσου ἐφύλασσον.
그들은 돈으로 가치가 보증된 배들을 기꺼이 좌초시켰고, 중장보병들은 섬의 착륙 지점 주변을 지켰다.
ὅσοι δὲ γαλήνῃ κινδυνεύσειαν, ἡλίσκοντο. §4.26.8ἐσένεον δὲ καὶ κατὰ τὸν λιμένα κολυμβηταὶ ὕφυδροι,καλῳδίῳ ἐν ἀσκοῖς ἐφέλκοντες μήκωνα μεμελιτωμένην καὶ λίνου σπέρμα κεκομμένον·
그러나 잔잔한 날씨에 위험을 무릅쓴 자들은 모두 붙잡혔다. 또한 잠수부들이 물속으로 항구를 통해 헤엄쳐 들어오며, 가죽 주머니에 담긴 꿀을 섞은 양귀비 씨와 으깬 아마 씨를 끈으로 끌고 왔다.
ὧν τὸ πρῶτον λανθανόντων φυλακαὶ ὕστερον ἐγένοντο. §4.26.9παντί τε τρόπῳ ἑκάτεροι ἐτεχνῶντο οἱ μὲν ἐσπέμπειν τὰ σιτία, οἱ δὲ μὴ λανθάνειν σφᾶς.
처음에는 발각되지 않았으나 나중에는 경비병들이 배치되었다. 이처럼 양측은 모든 방법을 동원하여, 한쪽은 식량을 밀반입하려 했고, 다른 쪽은 이를 놓치지 않으려 했다.