§2.86.1οἱ δ’ ἐν τῇ Κυλλήνῃ Πελοποννήσιοι, ἐν τούτῳ ἐν ᾧ οἱ Ἀθηναῖοι περὶ Κρήτην κατείχοντο, παρεσκευασμένοι ὡς ἐπὶ ναυμαχίαν παρέπλευσαν ἐς Πάνορμον τὸν Ἀχαϊκόν, οὗπερ αὐτοῖς ὁ κατὰ γῆν στρατὸς τῶν Πελοποννησίων προσεβεβοηθήκει.
한편, 아테네인들이 크레타 주변에서 발이 묶여 있는 동안, 킬레네에 있던 펠로폰네소스인들은 해전에 대비한 태세를 갖추고 아카이아의 파노르모스로 연안을 따라 항해했는데, 그곳에는 펠로폰네소스인의 육상 군대가 그들을 지원하기 위해 와 있었다.
§2.86.2παρέπλευσε δὲ καὶ ὁ Φορμίων ἐπὶ τὸ Ῥίον τὸ Μολυκρικὸν καὶ ὡρμίσατο ἔξω αὐτοῦ ναυσὶν εἴκοσιν, αἷσπερ καὶ ἐναυμάχησεν.
포르미온 역시 연안을 따라 몰리크리온의 리온으로 항해하여, 지난번 해전에서 싸웠던 것과 같은 스무 척의 배를 이끌고 그 외측에 정박했다.
§2.86.3ἦν δὲ τοῦτο μὲν τὸ Ῥίον φίλιον τοῖς Ἀθηναίοις, τὸ δ’ ἕτερον Ῥίον ἐστὶν ἀντιπέρας, τὸ ἐν τῇ Πελοποννήσῳ·
이곳 리온은 아테네인들에게 우호적이었던 반면, 다른 쪽 리온은 그 맞은편인 펠로폰네소스에 있었다.
διέχετον δὲ ἀπ’ ἀλλήλων σταδίους μάλιστα ἑπτὰ τῆς θαλάσσης, τοῦ δὲ Κρισαίου κόλπου στόμα τοῦτό ἐστιν.
두 곳은 바다를 사이에 두고 서로 약 7스타디온 거리만큼 떨어져 있었으며, 이곳이 크리사만의 입구였다.
§2.86.4ἐπὶ οὖν τῷ Ῥίῳ τῷ Ἀχαϊκῷ οἱ Πελοποννήσιοι, ἀπέχοντι οὐ πολὺ τοῦ Πανόρμου, ἐν ᾧ αὐτοῖς ὁ πεζὸς ἦν, ὡρμίσαντο καὶ αὐτοὶ ναυσὶν ἑπτὰ καὶ ἑβδομήκοντα, ἐπειδὴ καὶ τοὺς Ἀθηναίους εἶδον.
이에 펠로폰네소스인들도 아테네인들을 보자, 자신들의 보병 부대가 있던 파노르모스에서 멀지 않은 아카이아의 리온에 일흔일곱 척의 배를 이끌고 정박했다.
§2.86.5καὶ ἐπὶ μὲν ἓξ ἢ ἑπτὰ ἡμέρας ἀνθώρμουν ἀλλήλοις μελετῶντές τε καὶ παρασκευαζόμενοι τὴν ναυμαχίαν, γνώμην ἔχοντες οἱ μὲν μὴ ἐκπλεῖν ἔξω τῶν Ῥίων ἐς τὴν εὐρυχωρίαν, φοβούμενοι τὸ πρότερον πάθος, οἱ δὲ μὴ ἐσπλεῖν ἐς τὰ στενά, νομίζοντες πρὸς ἐκείνων εἶναι τὴν ἐν ὀλίγῳ ναυμαχίαν.
그리고 6-7일 동안 그들은 서로 마주 보며 정박한 채 훈련과 해전 준비를 병행했는데, 한편(펠로폰네소스인)은 이전의 패배를 두려워하여 리온 밖의 넓은 해역으로 나가지 않으려 했고, 다른 편(아테네인)은 좁은 곳에서의 해전이 적에게 유리할 것이라 생각하여 좁은 수로로 들어가지 않으려 하는 의도를 품고 있었다.
§2.86.6ἔπειτα ὁ Κνῆμος καὶ ὁ Βρασίδας καὶ οἱ ἄλλοι τῶν Πελοποννησίων στρατηγοί, βουλόμενοι ἐν τάχει τὴν ναυμαχίαν ποιῆσαι πρίν τι καὶ ἀπὸ τῶν Ἀθηναίων ἐπιβοηθῆσαι, ξυνεκάλεσαν τοὺς στρατιώτας πρῶτον, καὶ ὁρῶντες αὐτῶν τοὺς πολλοὺς διὰ τὴν προτέραν ἧσσαν φοβουμένους καὶ οὐ προθύμους ὄντας παρεκελεύσαντο καὶ ἔλεξαν τοιάδε.
그 후 크네모스와 브라시다스를 비롯한 펠로폰네소스의 장군들은 아테네로부터 지원군이 오기 전에 서둘러 해전을 벌이고자 하여, 먼저 병사들을 소집했다. 그리고 그들 중 다수가 이전의 패배로 인해 두려워하고 사기가 저하되어 있는 것을 보고, 그들을 고무하며 다음과 같이 말했다.