§2.79.1τοῦ δ’ αὐτοῦ θέρους καὶ ἅμα τῇ τῶν Πλαταιῶν ἐπιστρατείᾳ Ἀθηναῖοι δισχιλίοις ὁπλίταις ἑαυτῶν καὶ ἱππεῦσι διακοσίοις ἐπεστράτευσαν ἐπὶ Χαλκιδέας τοὺς ἐπὶ Θρᾴκης καὶ Βοττιαίους ἀκμάζοντος τοῦ σίτου·
같은 해 여름, 플라타이아이 원정과 동시에 아테네인들은 자신들의 중장보병 이천 명과 기병 이백 명을 거느리고, 곡식이 익을 무렵 트라케 지방의 칼키데아인들과 보티아이인들을 상대로 원정을 떠났다.
ἐστρατήγει δὲ Ξενοφῶν ὁ Εὐριπίδου τρίτος αὐτός.
장군은 에우리피데스의 아들 크세노폰이었으며, 그를 포함해 세 명이었다.
§2.79.2ἐλθόντες δὲ ὑπὸ Σπάρτωλον τὴν Βοττικὴν τὸν σῖτον διέφθειραν.
그들은 보티케 지방의 스파르톨로스 아래에 이르러 곡식을 망쳐 놓았다.
ἐδόκει δὲ καὶ προσχωρήσειν ἡ πόλις ὑπό τινων ἔνδοθεν πρασσόντων.
내부에서 내통하는 자들이 있었기에 그 도시도 항복하여 귀순할 것처럼 보였다.
προσπεμψάντων δὲ ἐς Ὄλυνθον τῶν οὐ ταὐτὰ βουλομένων ὁπλῖταί τε ἦλθον καὶ στρατιὰ ἐς φυλακήν·
그러나 이에 동조하지 않는 자들이 올린토스로 전령을 보냈기 때문에, 수비를 위해 중장보병과 군대가 도착했다.
ἧς ἐπεξελθούσης ἐκ τῆς Σπαρτώλου ἐς μάχην καθίστανται οἱ Ἀθηναῖοι ὑπ’ αὐτῇ τῇ πόλει.
이들이 스파르톨로스에서 출격하자 아테네인들은 도시 바로 아래에서 전투에 들어갔다.
§2.79.3καὶ οἱ μὲν ὁπλῖται τῶν Χαλκιδέων καὶ ἐπίκουροί τινες μετ’ αὐτῶν νικῶνται ὑπὸ τῶν Ἀθηναίων καὶ ἀναχωροῦσιν ἐς τὴν Σπάρτωλον, οἱ δὲ ἱππῆς τῶν Χαλκιδέων καὶ ψιλοὶ νικῶσι τοὺς τῶν Ἀθηναίων ἱππέας καὶ ψιλούς·
칼키데아인들의 중장보병과 그들과 함께한 일부 지원병들은 아테네인들에게 패배하여 스파르톨로스로 퇴각했으나, 칼키데아인들의 기병과 경장보병은 아테네인들의 기병과 경장보병을 물리쳤다.
§2.79.4εἶχον δέ τινας οὐ πολλοὺς πελταστὰς ἐκ τῆς Κρουσίδος γῆς καλουμένης.
그들은 이른바 크루시스 지방에서 온 그리 많지 않은 경방패병(펠타스타이)들을 거느리고 있었다.
ἄρτι δὲ τῆς μάχης γεγενημένης ἐπιβοηθοῦσιν ἄλλοι πελτασταὶ ἐκ τῆς Ὀλύνθου.
전투가 막 끝났을 때, 올린토스로부터 다른 경방패병들이 원군으로 도착했다.
§2.79.5καὶ οἱ ἐκ τῆς Σπαρτώλου ψιλοὶ ὡς εἶδον, θαρσήσαντες τοῖς τε προσγιγνομένοις καὶ ὅτι πρότερον οὐχ ἥσσηντο, ἐπιτίθενται αὖθις μετὰ τῶν Χαλκιδέων ἱππέων καὶ τῶν προσβοηθησάντων τοῖς Ἀθηναίοις·
스파르톨로스의 경장보병들은 이를 보자 원군이 합류한 것과 이전에도 자신들이 패하지 않았다다는 사실에 용기를 얻어, 칼키데아인들의 기병 및 원군들과 함께 다시 아테네인들을 공격했다.
καὶ ἀναχωροῦσι πρὸς τὰς δύο τάξεις ἃς κατέλιπον παρὰ τοῖς σκευοφόροις.
아테네인들은 수하물 수송대 곁에 남겨두었던 두 개의 대열을 향해 퇴각했다.
§2.79.6καὶ ὁπότε μὲν ἐπίοιεν οἱ Ἀθηναῖοι, ἐνεδίδοσαν, ἀναχωροῦσι δ’ ἐνέκειντο καὶ ἐσηκόντιζον.
아테네인들이 전진해 올 때마다 그들은 물러섰고, 아테네인들이 퇴각할 때는 바짝 추격하며 투창을 던졌다.
οἵ τε ἱππῆς τῶν Χαλκιδέων προσιππεύοντες ᾗ δοκοίη προσέβαλλον, καὶ οὐχ ἥκιστα φοβήσαντες ἔτρεψαν τοὺς Ἀθηναίους καὶ ἐπεδίωξαν ἐπὶ πολύ.
칼키데아인들의 기병들도 말을 타고 다가와 틈이 보이는 곳마다 습격했고, 적지 않은 공포를 불러일으키며 아테네인들을 패주시킨 후 멀리까지 추격했다.
§2.79.7καὶ οἱ μὲν Ἀθηναῖοι ἐς τὴν Ποτείδαιαν καταφεύγουσι, καὶ ὕστερον τοὺς νεκροὺς ὑποσπόνδους κομισάμενοι ἐς τὰς Ἀθήνας ἀναχωροῦσι τῷ περιόντι τοῦ στρατοῦ·
아테네인들은 포티다이아로 도망쳤고, 나중에 휴전 협정을 맺고 시신들을 수습한 후 살아남은 군대를 거느리고 아테네로 철수했다.
ἀπέθανον δὲ αὐτῶν τριάκοντα καὶ τετρακόσιοι καὶ οἱ στρατηγοὶ πάντες.
그들 중 사백삼십 명과 장군들 전원이 전사했다.
οἱ δὲ Χαλκιδῆς καὶ Βοττιαῖοι τροπαῖόν τε ἔστησαν καὶ τοὺς νεκροὺς τοὺς αὑτῶν ἀνελόμενοι διελύθησαν κατὰ πόλεις.
칼키데아인들과 보티아이인들은 전승비를 세우고 자신들의 시신을 수습한 후 각자의 도시로 해산했다.