§12subornauit etiam qui Gaio Rabirio perduellionis diem diceret, quo praecipuo adiutore aliquot ante annos Luci Saturnini seditiosum tribunatum senatus coercuerat, ac sorte iudex in reum ductus tam cupide condemnauit, ut ad populum prouocanti nihil aeque ac iudicis acerbitas profuerit.
他还唆使人指控盖乌斯·拉比里乌斯叛国罪，几年前，元老院正是以此人为主要助手，镇压了卢基乌斯·萨图尔尼努斯的叛乱性护民官职；凯撒抽签当选为针对该被告的法官后，极其热切地判其有罪，以至于被告向民众上诉时，没有什么能像法官的严酷那样对他有利。
§13deposita prouinciae spe pontificatum maximum petit non sine profusissima largitione; in qua reputans magnitudinem aeris alieni, cum mane ad comitia descenderet, praedixisse matri osculanti fertur domum se nisi pontificem non reuersurum.
放弃了对属州的希望后，他谋求最高祭司的职位，不免进行了极其慷慨的贿赂；在此过程中，考虑到自己巨额的债务，据说在早上前往民会时，他对亲吻他的母亲预言，自己若不成为最高祭司就绝不回家。
atque ita potentissimos duos competitores multumque et aetate et dignitate antecedentes superauit, ut plura ipse in eorum tribubus suffragia quam uterque in omnibus tulerit.
并且，他彻底击败了两位在年龄和地位上都远超过他的极强大的竞争对手，以至于他自己在他们各自的部落中所获的选票，比他们任何一人在所有部落中获得的选票还要多。
§14Praetor creatus, detecta coniuratione Catilinae senatuque uniuerso in socios facinoris ultimam statuente poenam, solus municipatim diuidendos custodiendosque publicatis bonis censuit.
当选法官后，卡蒂里纳的阴谋败露，在全体元老院企图对同谋者判处极刑时，唯独他主张在没收其财产后，应将他们分派并拘留在各个自治市中。
quin et tantum metum iniecit asperiora suadentibus, identidem ostentans quanta eos in posterum a plebe Romana maneret inuidia, ut Decimum Silanum consulem designatum non piguerit sententiam suam, quia mutare turpe erat, interpretatione lenire, uelut grauius atque ipse sensisset exceptam.
不仅如此，他还向那些主张严刑的人施加了极大的恐惧，反复指出未来罗马平民对他们的怨恨有多大，以至于候任执政官德基穆斯·西拉努斯不惜用一种解释来缓和自己的意见（因为改变意见是可耻的），仿佛他的意见被理解得比他本意更为严酷。
obtinuisset adeo transductis iam ad se pluribus et in his Cicerone consulis fratre, nisi labantem ordinem confirmasset M. Catonis oratio.
实际上他本可以达到目的，因为许多人已经被争取到他那一面，其中包括执政官的弟弟西塞罗，要不是马尔库斯·加图的演说重振了动摇的元老院。
ac ne sic quidem impedire rem destitit, quoad manus equitum Romanorum, quae armata praesidii causa circumstabat, inmoderatius perseueranti necem comminata est, etiam strictos gladios usque eo intentans, ut sedentem una proximi deseruerint, uix pauci complexu togaque obiecta protexerint.
即使在这种情况下，他也没有停止阻挠此事，直到作为卫队全副武装围立在周围的罗马骑士队伍，向过度坚持阻挠的他威胁要处以死刑，甚至将出鞘的剑指向他，以至于坐在他身旁的人都离他而去，极少数人搂住他并用托加遮挡来勉强保护他。
tunc plane deterritus non modo cessit, sed et in reliquum anni tempus curia abstinuit.
这时他显然被吓倒了，不仅作出了让步，而且在当年的其余时间里都不再进入元老院。
§15Primo praeturae die Quintum Catulum de refectione Capitoli ad disquisitionem populi uocauit rogatione promulgata, qua curationem eam in alium transferebat; uerum impar optimatium conspirationi, quos relicto statim nouorum consulum officio frequentes obstinatosque ad resistendum concucurrisse cernebat, hanc quidem actionem deposuit.
在他就任法官的第一天，他便公布了一项法案，将重建卡皮托里乌斯的任务移交给他人，以此传唤昆图斯·卡图卢斯接受民众的质询；但由于无法抗衡优化派的联合力量——他看到这些人立即放弃了向新执政官行礼的职责，成群结队且坚定地赶来抵抗——他便放弃了这一举动。
§16ceterum Caecilio Metello tribuno plebis turbulentissimas leges aduersus collegarum intercessionem ferenti auctorem propugnatoremque se pertinacissime praestitit, donec ambo administratione rei publicae decreto patrum submouerentur.
此外，当平民护民官凯基利乌斯·梅特路斯不顾同僚的否决权而提出极具煽动性的法案时，凯撒极其执拗地充当其倡导者和支持者，直到两人都被元老院决议免除了国家行政职务。
ac nihilo minus permanere in magistratu et ius dicere ausus, ut comperit paratos, qui ui ac per arma prohiberent, dimissis lictoribus abiectaque praetexta domum clam refugit pro condicione temporum quieturus.
尽管如此，他仍敢于留任并主持司法，当得知有人准备用武力和武器来阻止他时，他解散了侍从，脱下宽边托加，秘密逃回家中，打算根据时局保持安静。
multitudinem quoque biduo post sponte et ultro confluentem operamque sibi in adserenda dignitate tumultuosius pollicentem conpescuit.
两天后，对于自发聚集并喧闹地承诺协助他维护尊严的群众，他也予以了安抚。
quod cum praeter opinionem euenisset, senatus ob eundem coetum festinato coactus gratias ei per primores uiros egit accitumque in curiam et amplissimis uerbis conlaudatum in integrum restituit inducto priore decreto.
由于这出乎意料，元老院因该集会而紧急召开，通过显贵人物向他表示感谢，并召他进入议事厅，用极其赞美的语言表彰他，撤销先前的决议，恢复了他的职位。
§17Recidit rursus in discrimen aliud inter socios Catilinae nominatus et apud Nouium Nigrum quaestorem a Lucio Vettio indice et in senatu a Quinto Curio, cui, quod primus consilia coniuratorum detexerat, constituta erant publice praemia.
他再次陷入了另一个危机，被列为卡蒂里纳的同谋，在财务官诺维乌斯·尼格尔面前受到告密者卢基乌斯·维蒂乌斯的指控，并在元老院受到昆图斯·库里乌斯的指控，由于后者最先揭露了阴谋者的计划，国家已决定给予其奖赏。
Curius e Catilina se cognouisse dicebat, Vettius etiam chirographum eius Catilinae datum pollicebatur.
库里乌斯声称自己是从卡蒂里纳那里得知的，维蒂乌斯甚至承诺提供凯撒给卡蒂里纳的手迹。
id uero Caesar nullo modo tolerandum existimans, cum inplorato Ciceronis testimonio quaedam se de coniuratione ultro ad eum detulisse docuisset, ne Curio praemia darentur effecit; Vettium pignoribus captis et direpta supellectile male mulcatum ac pro rostris in contione paene discerptum coiecit in carcerem; eodem Nouium quaestorem, quod compellari apud se maiorem potestatem passus esset.
但凯撒认为这绝不可容忍，通过请求西塞罗作证，证明自己曾主动向西塞罗提供过关于阴谋的某些情报，从而阻止了给予库里乌斯奖赏；至于维蒂乌斯，在扣押其抵押物、洗劫其家什、将其痛打，且在演坛前的群众大会上几乎被撕成碎片后，他将其投入监狱；他还将财务官诺维乌斯关入同处，因为诺维乌斯允许在自己面前指控一个更高职位的长官。