§35.20.1Romae destinabant quidem sermonibus hostem Antiochum, sed nihildum ad id bellum praeter animos parabant.
在罗马，人们在谈论中确实已将安条克视为敌人，但除了一腔决心之外，他们尚未为这场战争做任何准备。
§35.20.2consulibus ambobus Italia provincia decreta est, ita ut inter se compararent sortirenturve, §35.20.3uter comitiis eius anni praeesset; ad utrum ea non pertineret cura, ut paratus esset, si quo eum extra Italiam opus esset ducere legiones.
两位执政官被分派到意大利作为行省，他们将通过协商或抽签来决定由谁主持该年度的选举；而未分担到该项任务的那位执政官，则需做好准备，以备需要他率领军团前往意大利以外的任何地方。
§35.20.4huic consuli permissum, ut duas legiones scriberet novas et socium Latini nominis viginti milia et equites octingentos; §35.20.5alteri consuli duae legiones decretae, quas L. Cornelius consul superioris anni habuisset, et socium ac Latini nominis ex eodem exercitu quindecim milia et equites quingenti.
这位执政官获准招募两个新军团，以及拉丁同盟的盟军步兵二万人和骑兵八百人；另一位执政官则分得前一年度执政官卢基乌斯·科尔内利乌斯所率领的两个军团，以及来自同一支军队的盟国和拉丁同盟步兵一万五千人和骑兵五百人。
§35.20.6Q. Minucio cum exercitu, quem in Liguribus habebat, prorogatum imperium; additum, in supplementum ut quattuor milia peditum Romanorum scriberentur, centum quinquaginta equites, et sociis eodem quinque milia peditum imperarentur, ducenti quinquaginta equites.
昆克图斯·米努基乌斯与其在利古里亚人地区所率领的军队一同被延长了帝国命令权；此外还补充规定，招募罗马步兵四千人、骑兵一百五十人作为兵源补充，并向同盟国征集同一去向的步兵五千人和骑兵二百五十人。
§35.20.7Cn. Domitio extra Italiam, quo senatus censuisset, provincia evenit, L. Quinctio Gallia et comitia habenda.
克奈乌斯·多米蒂乌斯分得了意大利以外、由元老院决定的行省，卢基乌斯·昆克蒂乌斯则分得了高卢并负责主持选举。
§35.20.8praetores deinde provincias sortiti, M. Fulvius Centumalus urbanam, L. Scribonius Libo peregrinam, L. Valerius Tappo Siciliam, Q. Salonius Sarra Sardiniam, M. Baebius Tamphilus Hispaniam citeriorem, A. Atilius Serranus ulteriorem.
随后，法务官们抽签分配了行省：马尔库斯·富尔维乌斯·肯图马卢斯获得城市法务官职位，卢基乌斯·斯克里博尼乌斯·利博获得外侨法务官职位，卢基乌斯·瓦莱里乌斯·塔波获得西西里，昆克图斯·萨洛尼乌斯·萨拉获得撒丁，马尔库斯·巴埃比乌斯·塔姆菲卢斯获得近西班牙，奥卢斯·阿蒂利乌斯·塞拉努斯获得远西班牙。
§35.20.9sed his duobus primum senatus consulto, deinde plebei etiam scito permutatae provinciae sunt: §35.20.10Atilio classis et Macedonia, Baebio Brutti decreti.
但后两者的行省首先通过元老院决议，随后又通过平民会议决议进行了互换：阿蒂利乌斯分得舰队与马其顿，巴埃比乌斯分得布鲁蒂乌姆。
§35.20.11Flaminio Fulvioque in Hispaniis prorogatum imperium.
弗拉米尼乌斯和富尔维乌斯在西班牙的命令权被延长。
Atilio in Bruttios duae legiones decretae, quae priore anno urbanae fuissent, et ut sociis eodem milia peditum quindecim imperarentur et quingenti equites.
阿蒂利乌斯被分派了两个原本在布鲁蒂乌姆的军团（它们在前一年曾是城市军团），并向同盟国征集同一去向的步兵一万五千人和骑兵五百人。
§35.20.12Baebius Tamphilus triginta naves quinqueremes facere iussus et ex navalibus veteres deducere, si quae utiles essent, et scribere navalis socios; et consulibus imperatum, ut ei duo milia socium ac Latini nominis et mille Romanos darent pedites.
巴埃比乌斯·塔姆菲卢斯被命令建造三十艘五列桨战船，并从船坞中拉出尚可使用的旧船，招募海军盟友；执政官们也被命令拨给他两千名同盟及拉丁盟军步兵和一千名罗马步兵。
§35.20.13hi duo praetores et duo exercitus, terrestris navalisque, adversus Nabim aperte iam oppugnantem socios populi Romani dicebantur parari; §35.20.14ceterum legati ad Antiochum missi expectabantur, et priusquam ii redissent, vetuerat Cn. Domitium consulem senatus discedere ab urbe.
据说，这两位法务官以及陆海军两支军队，是为对付如今已公开攻击罗马人民盟友的纳比斯而准备的；不过，派往安条克处的使节们仍被期待归来，在他们返回之前，元老院已禁止执政官克奈乌斯·多米蒂乌斯离开罗马城。