§28.10.1cum comitiorum tempus adpeteret et per dictatorem comitia haberi placuisset, C. Claudius consul M. Livium conlegam dictatorem dixit, Livius Q. Caecilium magistrum equitum.
当选举日期临近，并已决定由一位独裁官主持选举时，执政官盖乌斯·克劳狄乌斯任命其同僚马尔库斯·利维乌斯为独裁官，利维乌斯则任命昆图斯·凯基利乌斯为骑兵长官。
§28.10.2a M. Livio dictatore creati consules L. Veturius Q. Caecilius, is ipse, qui tum erat magister equitum.
在独裁官马尔库斯·利维乌斯主持下，卢基乌斯·维图里乌斯和昆图斯·凯基利乌斯（即当时的骑兵长官本人）被选为执政官。
inde praetorum comitia habita.
随后举行了法务官选举。
§28.10.3creati C. Servilius M. Caecilius Metellus Ti. Claudius Asellus Q. Mamilius Turrinus, qui tum aedilis plebis erat.
当选者为：盖乌斯·塞尔维利乌斯、马尔库斯·凯基利乌斯·梅特鲁斯、提贝里乌斯·克劳狄乌斯·阿塞鲁斯、以及当时任平民市政官的昆图斯·马米利乌斯·图里努斯。
§28.10.4comitiis perfectis dictator magistratu abdicato dimissoque exercitu in Etruriam provinciam ex senatus consulto est profectus ad quaestiones habendas, §28.10.5qui Etruscorum Umbrorumve populi defectionis ab Romanis ad Hasdrubalem sub adventum eius consilia agitassent quique eum auxiliis aut commeatu aut ope aliqua iuvissent.
选举结束后，独裁官卸任，并解散了军队，根据元老院决议前往埃特鲁里亚属州进行调查，以查明哪些埃特鲁里亚或温布里亚部落在哈斯德鲁拔到来之际曾谋划背叛罗马人而投靠他，以及哪些部落曾通过辅助兵、粮饷或其他援助给予他支持。
§28.10.6haec eo anno domi militiaeque gesta.
这一年中，对内对外的事政皆以此告终。
§28.10.7ludi Romani ter toti instaurati ab aedilibus curulibus Cn. Servilio Caepione Ser. Cornelio Lentulo; item ludi plebei semel toti instaurati ab aedilibus plebis M. Pomponio Mathone et Q. Mamilio Turrino.
罗马大祭由高级市政官格奈乌斯·塞尔维利乌斯·凯皮奥与塞尔维乌斯·科尔内利乌斯·伦图卢斯完整地重建举办了三次；同样地，平民大祭由平民市政官马尔库斯·蓬波尼乌斯·马托与昆图斯·马米利乌斯·图里努斯完整地重建举办了一次。
§28.10.8tertio decimo anno Punici belli L. Veturio Philone et Q. Caecilio Metello consulibus, Bruttii ambobus, ut cum Hannibale bellum gererent, provincia decreta.
在第二次布匿战争的第十三年，执政官卢基乌斯·维图里乌斯·菲洛和昆图斯·凯基利乌斯·梅特鲁斯在任时，布鲁提乌姆地区被指定为两人的共同属州，以便他们与汉尼拔作战。
§28.10.9praetores exinde sortiti sunt, M. Caecilius Metellus urbanam, Q. Mamilius peregrinam, C. Servilius Siciliam, Ti. Claudius Sardiniam.
此后法务官们抽签分配了管辖权：马尔库斯·凯基利乌斯·梅特鲁斯获得城市法务权，昆图斯·马米利乌斯获得外侨法务权，盖乌斯·塞尔维利乌斯获得西西里，提贝里乌斯·克劳狄乌斯获得撒丁。
§28.10.10exercitus ita divisi: consulum alteri, quem C. Claudius prioris anni consul, alteri, quem Q. Claudius propraetor — eae binae legiones erant — habuissent exercitum; §28.10.11in Etruria duas volonum legiones a C. Terentio propraetore M. Livius proconsul, cui prorogatum in annum imperium erat, acciperet; §28.10.12et Q. Mamilio, ut collegae iuris dictione tradita Galliam cum exercitu, cui L. Porcius propraetor praefuerat, obtineret, decretum est, iussusque populari agros Gallorum, qui ad Poenos sub adventure Hasdrubalis defecissent.
军队分配如下：执政官中的一人获得前一年执政官盖乌斯·克劳狄乌斯所指挥的军队，另一人获得前法务官昆图斯·克劳狄乌斯所指挥的军队——这两支军队各由两个军团组成；在埃特鲁里亚，任期延长一年的前执政官马尔库斯·利维乌斯应从前法务官盖乌斯·特伦蒂乌斯手中接管两个由志愿奴隶组成的军团；而对于昆图斯·马米利乌斯，元老院决议其应在将司法权移交给同僚后，率领前法务官卢基乌斯·波尔基乌斯曾指挥的军队去掌管高卢，并被命令蹂躏那些在哈斯德鲁拔到来时背叛投靠迦太基人的高卢人的土地。
§28.10.13C. Servilio cum Cannensibus duabus legionibus, sicut C. Mamilius tenuerat, Sicilia tuenda data.
盖乌斯·塞尔维利乌斯被授命率领两个戛纳军团防守西西里，正如盖乌斯·马米利乌斯此前所掌管的那样。
§28.10.14ex Sardinia vetus exercitus, cui A. Hostilius praefuerat, deportatus; novam legionem, quam Ti. Claudius traiceret secum, consules conscripserunt.
从撒丁撤回了由奥卢斯·霍斯蒂利乌斯指挥的旧军队；执政官们征召了一个新军团，以便提贝里乌斯·克劳狄乌斯随身带过海去。
§28.10.15Q. Claudio, ut Tarentum, C. Hostilio Tubulo, ut Capuam provinciam haberet, prorogatum in annum imperium est.
昆图斯·克劳狄乌斯对塔兰托、盖乌斯·霍斯蒂利乌斯·图布卢斯对卡普阿的属州指挥权被延长了一年。
§28.10.16M. Valerius proconsul, qui tuendae circa Siciliam maritumae orae praefuerat, triginta navibus C. Servilio traditis cum cetera omni classe redire ad urbem iussus.
前执政官马尔库斯·瓦莱里乌斯曾负责防守西西里周边的海岸线，他被命令在将三十艘船移交给盖乌斯·塞尔维利乌斯后，率领其余的所有舰队返回城市。