§27.4.1iam aestas in exitu erat, comitiorumque consularium instabat tempus.
夏日已近尾声，执政官选举的时刻也临近了。
sed litterae Marcelli negantis e re publica esse vestigium abscedi ab Hannibale, cui cedenti certamenque abnuenti gravis ipse instaret, curam iniecerant, §27.4.2ne aut consulem tum maxime res agentem a bello avocarent, aut in annum consules deessent.
但马尔凯鲁斯的来信引发了人们的担忧，信中声称从汉尼拔身边退让一步都不符合国家利益，因为他正对退却并规避交战的汉尼拔施加沉重的压力，他们担心要么会把当时正全力指挥作战的执政官从战场上召回，要么来年将缺少执政官。
§27.4.3optimum visum est, quamquam extra Italiam esset, Valerium potius consulem ex Sicilia revocari.
尽管执政官瓦莱里乌斯身在意大利境外，但元老院认为最好还是将他从西西里召回。
§27.4.4ad eum litterae iussu senatus ab L. Manlio praetore urbano missae cum litteris consulis M. Marcelli, ut ex iis nosceret, quae causa patribus eum potius quam collegam revocandi ex provincia esset.
在元老院的命令下，城市裁判官卢基乌斯·曼利乌斯给瓦莱里乌斯送去了一封信，并附上了执政官马尔凯鲁斯的来信，以便他能从中了解，元老院议员们为何决定将他而不是他的同僚从行省召回。
§27.4.5eo fere tempore legati ab rege Syphace Romam venerunt, quae is prospera proelia cum Carthaginiensibus fecisset, memorantes.
大致在同一时间，国王西法克斯的使节来到罗马，叙述了他与迦太基人进行的那些成功的战斗。
§27.4.6regem nec inimiciorem ulli populo quam Carthaginiensi nec amiciorem quam Romano esse adfirmabant; misisse eum antea legatos in Hispaniam ad Cn. et P. Cornelios imperatores Romanos; §27.4.7nunc ab ipso velut fonte petere Romanam amicitiam voluisse.
他们声称，国王对任何民族的敌意都不及对迦太基人，对任何民族的友好也不及对罗马人；他此前曾派使节前往西班牙，拜会罗马指挥官格奈乌斯和普布利乌斯·科尔内利乌斯；而现在他希望从友谊的源头本身来寻求与罗马的友好。
senatus non legatis modo benigne respondit, sed et ipse legatos cum donis ad regem misit, L. Genucium P. Poetelium P. Popillium.
元老院不仅对使节们作了友好的答复，而且自己也派出了带着礼物的使节，即卢基乌斯·格努基乌斯、普布利乌斯·波埃特留斯和普布利乌斯·波皮利乌斯去觐见国王。
§27.4.8dona tulere togam et tunicam purpuream, sellam eburneam, pateram ex quinque pondo auri factam.
他们携带的礼物有一件紫色的托加和突尼克、一张象牙椅，以及一个用五磅黄金制成的献祭盘。
protinus et alios Africae regulos iussi adire.
他们还被命令立即去拜访非洲的其他小王。
§27.4.9iis quoque quae darentur, portata, togae praetextae et terna pondo paterae aureae.
给这些小王的礼物也一同运去了，包括饰有边缘的托加和各重三磅的金献祭盘。
§27.4.10et Alexandream ad Ptolomaeum et Cleopatram reges M. Atilius et M’. Acilius legati, ad commemorandam renovandamque amicitiam missi, dona tulere, regi togam et tunicam purpuream cum sella eburnea, reginae pallam pictam cum amiculo purpureo.
此外，前往亚历山大里亚觐见托勒密和克利奥帕特拉双王的使节马尔库斯·阿蒂利乌斯和马尼乌斯·阿奎利乌斯被派去纪念并重续友谊，他们携带了礼物：送给国王的是一件紫色托加和突尼克及一张象牙椅，送给王后的是一件刺绣的帕拉和一件紫色的小披风。
§27.4.11multa ea aestate, qua haec facta sunt, ex propinquis urbibus agrisque nuntiata sunt prodigia: Tusculi agnum cum ubere lactenti natum, Iouis aedis culmen fulmine ictum ac prope omni tecto nudatum; §27.4.12isdem ferme diebus Anagniae terram ante portam ictam diem ac noctem sine ullo ignis alimento arsisse, et aves ad compitum Anagninum in luco Dianae nidos in arboribus reliquisse; §27.4.13Tarracinae in mari haud procul portu angues magnitudinis mirae lascivientium piscium modo exsultasse; §27.4.14Tarquiniis porcum cum ore humano genitum, et in agro Capenate ad lucum Feroniae quattuor signa sanguine multo diem ac noctem sudasse.
在发生这些事情的那年夏天，邻近的城市和郊野报告了许多异兆：在图斯库鲁姆，出生了一只长着出奶乳房的羔羊，朱庇特神庙的顶部被雷击中，几乎整个屋顶都被剥落；大约在同一时期，在阿纳尼亚，城门前的地面遭到雷击，在没有任何燃料的情况下昼夜燃烧，而在阿纳尼亚十字路口的狄安娜神林中，鸟儿们遗弃了树上的巢穴；在塔拉奇纳，在离港口不远的海里，体型惊人的大蛇像嬉戏的鱼儿一样跃出水面；在塔尔奎尼亚，出生了一只长着人脸的小猪，而在卡佩纳地区的费罗尼亚神林里，四尊神像昼夜渗出大量的鲜血。
§27.4.15haec prodigia hostiis maioribus procurata decreto pontificum; et supplicatio diem unum Romae ad omnia pulvinaria, alterum in Capenati agro ad Feroniae lucum indicta.
按照祭司团的决定，这些异兆用较大的祭牲进行了消灾仪式；并宣布在罗马的所有神座前举行一天的祈愿，在卡佩纳地区的费罗尼亚神林再举行一天的祈愿。