§2.1Hic enim cum Phylen confugisset, quod est castellum in Attica munitissimum, non plus habuit secum triginta de suis.
事实上，当他逃往阿提卡极坚固的堡垒菲莱避难时，随行的人员不超过三十人。
hoc initium fuit salutis Atticorum, hoc robur libertatis clarissimae civitatis.
这是阿提卡人救星的开端，也是这个最显赫国家自由的坚实支柱。
§2.2neque vero hic non contemptus est primo a tyrannis atque eius solitudo.
而起初，他以及他人数的稀少确实并非没有受到僭主们的轻视。
quae quidem res et contemnentibus perniciei et despecto saluti fuit: etenim illos segnes ad persequendum, hos autem tempore ad comparandum dato fecit robustiores.
而这一事实，恰恰给轻视者带来了毁灭，给被轻视者带来了救助：因为这使得前者在追击时懈怠，而后者由于获得了准备的时间，变得更加强大。
§2.3quo magis praeceptum illud omnium in animis esse debet, nihil in bello oportere contemni, neque sine causa dicitur matrem timidi flere non solere.
因此，那个教训更应当铭记在所有人的心中，即在战争中不应轻视任何事物；而且人们常说“懦夫的母亲不常哭泣”并非没有道理。
§2.4neque tamen pro opinione Thrasybuli auctae sunt opes: nam iam illis temporibus fortius boni pro libertate loquebantur quam pugnabant.
然而，力量并没有按照色拉西布洛斯的预期而增长：因为在那个时代，正义的公民们口头上为自由高歌比实际战斗要勇敢得多。
§2.5hinc in Piraeum transiit Munichiamque munivit.
他从这里前往比雷埃夫斯，并加固了慕尼基亚。
hanc bis tyranni oppugnare sunt adorti, ab eaque turpiter repulsi protinus in urbem armis impedimentisque amissis refugerunt.
僭主们曾两次企图进攻该地，但都被狼狈地击退，丢失了武器和辎重，随即逃回城内。
§2.6usus est Thrasybulus non minus prudentia quam fortitudine.
色拉西布洛斯所展现的智慧不亚于其勇气。
nam cedentes violari vetuit (cives enim civibus parcere aequum censebat), neque quisquam est vulneratus nisi qui prior impugnare voluit.
因为他禁止伤害撤退的人（因为他认为公民容纳公民是合情合理的），而且除了首先发起进攻的人之外，没有一个人受伤。
neminem iacentem veste spoliavit, nil attigit nisi arma, quorum indigebat, quaeque ad victum pertinebant.
他没有剥去任何倒地者的衣服，除了他所需要的武器以及与维持生活有关的物品之外，他什么也没有动。
§2.7in secundo proelio cecidit Critias, dux tyrannorum, cum quidem adversus Thrasybulum fortissime pugnaret.
在第二次战斗中，僭主们的领袖克里提亚斯阵亡了，而他当时确实在针对色拉西布洛斯进行着极英勇的战斗。