§5.2.1δοξάντων δὲ τούτων, οἱ μὲν Ἀχαιοὶ διελύθησαν ἐπὶ τὰς πόλεις·
这些决议通过后，阿派亚人各自散去，回到自己的城邦。
τῷ δὲ βασιλεῖ βουλευομένῳ μετὰ τῶν φίλων, ἐπειδὴ συνῆλθον αἱ δυνάμεις ἐκ τῆς παραχειμασίας, ἔδοξε χρῆσθαι κατὰ θάλατταν τῷ πολέμῳ.
而国王与朋友们商议后，待军队从冬营地集结完毕，决定在海上开展战争。
§5.2.2οὕτως γὰρ ἐπέπειστο μόνως αὐτὸς μὲν δυνήσεσθαι ταχέως πανταχόθεν ἐπιφαίνεσθαι τοῖς πολεμίοις, τοὺς δʼ ὑπεναντίους ἥκιστʼ ἂν δύνασθαι παραβοηθεῖν ἀλλήλοις, §5.2.3ἅτε διεσπασμένους μὲν ταῖς χώραις, δεδιότας δʼ ἑκάστους περὶ σφῶν διὰ τὴν ἀδηλότητα καὶ τὸ τάχος τῆς κατὰ θάλατταν παρουσίας τῶν πολεμίων· πρὸς γὰρ Αἰτωλοὺς καὶ Λακεδαιμονίους ἔτι δʼ Ἠλείους ὁ πόλεμος ἦν αὐτῷ.
因为他深信，唯有通过这种方式，他自己才能从四面八方迅速出现在敌人面前，而他的对手们则最无法互相救援，因为他们的领土分散，且由于敌人在海上出现的不可预测性与迅速性，每个人都在为自己担忧；因为他的战争是针对埃托利亚人、拉刻代蒙人以及伊利斯人的。
§5.2.4κριθέντων δὲ τούτων, ἥθροιζε τάς τε τῶν Ἀχαιῶν νῆας καὶ τὰς σφετέρας εἰς τὸ Λέχαιον, καὶ συνεχεῖς ποιούμενος ἀναπείρας ἐγύμναζε τοὺς φαλαγγίτας καὶ συνείθιζε ταῖς εἰρεσίαις, προθύμως αὐτῷ πρὸς τὸ παραγγελλόμενον συνυπακουόντων τῶν Μακεδόνων· §5.2.5πρός τε γὰρ τοὺς ἐν γῇ κινδύνους ἐκ παρατάξεως γενναιότατοι πρός τε τὰς κατὰ θάλατταν ἐκ τοῦ καιροῦ χρείας ἑτοιμότατοι, λειτουργοί γε μὴν περὶ τὰς ταφρείας καὶ χαρακοποιίας καὶ πᾶσαν τὴν τοιαύτην ταλαιπωρίαν φιλοπονώτατοί τινες, §5.2.6οἵους Ἡσίοδος παρεισάγει τοὺς Αἰακίδας,
πολέμῳ κεχαρηότας ἠΰτε δαιτί.
决定这些事情后，他将阿派亚人的船只和自己的船只集结在莱哈翁，并通过进行不间断的操练来训练方阵兵，让他们习惯于划桨，马其顿人也热切地服从他的命令；因为他们不仅在陆上阵地战中面对危险时最为英勇，而且对于海上临时的勤务也最为迅速响应，甚至在挖掘战壕、修筑栅栏以及所有此类艰苦劳作中，也是最勤勉的工作者，正如赫西俄德所描绘的埃阿科斯子孙那样，在战争中欢欣，宛如身处宴席。
§5.2.7ὁ μὲν οὖν βασιλεὺς καὶ τὸ τῶν Μακεδόνων πλῆθος ἐν τῷ Κορίνθῳ διέτριβε, περὶ τὴν κατὰ θάλατταν ἄσκησιν καὶ παρασκευὴν γινόμενος· §5.2.8ὁ δʼ Ἀπελλῆς, οὔτʼ ἐπικρατεῖν τοῦ Φιλίππου δυνάμενος οὔτε φέρειν τὴν ἐλάττωσιν παρορώμενος, ποιεῖται συνωμοσίαν πρὸς τοὺς περὶ Λεόντιον καὶ Μεγαλέαν, ὥστʼ ἐκείνους μὲν συμπαρόντας ἐπʼ αὐτῶν τῶν καιρῶν ἐθελοκακεῖν καὶ λυμαίνεσθαι τὰς τοῦ βασιλέως χρείας, αὐτὸς δὲ χωρισθεὶς εἰς Χαλκίδα φροντίζειν ἵνα μηδαμόθεν αὐτῷ χορηγία παραγίνηται πρὸς τὰς ἐπιβολάς.
于是，国王和马其顿大军留守在科林斯，致力于海上训练和准备工作；但阿佩莱斯既无法左右腓力，又无法忍受自己因被忽视而导致的地位下降，便与雷翁提乌斯和梅加莱亚斯一派合谋：由他们留守王侧，在危急时刻消极怠工并破坏国王的事务，而他自己则前往哈尔基斯，确保国王的计划无法从任何地方获得物资供应。
§5.2.9οὗτος μὲν οὖν τοιαῦτα συνθέμενος καὶ κακοτροπευσάμενος πρὸς τοὺς προειρημένους ἀπῆρεν εἰς τὴν Χαλκίδα; σκήψεις τινὰς εὐλόγους πρὸς τὸν βασιλέα πορισάμενος· §5.2.10κἀκεῖ διατρίβων οὕτως βεβαίως ἐτήρει τὰ κατὰ τοὺς ὅρκους, πάντων αὐτῷ πειθαρχούντων κατὰ τὴν προγεγενημένην πίστιν, ὥστε τὸ τελευταῖον ἀναγκασθῆναι τὸν βασιλέα διʼ ἀπορίαν ἐνέχυρα τιθέντα τῶν πρὸς τὴν χρείαν ἀργυρωμάτων ἀπὸ τούτων ποιεῖσθαι τὴν διαγωγήν.
因此，他在与上述人等达成如此协议并进行合谋后，向国王提出了一些合理的借口，便动身前往哈尔基斯；他在那里逗留期间，极其忠实地履行了誓言，所有人因以往对他的信任而顺从他，以至于最后国王因物资匮乏，不得不将日常使用的银器典当，以此维持生计。
§5.2.11ἡθροισμένων δὲ τῶν πλοίων, καὶ τῶν Μακεδόνων ἤδη ταῖς εἰρεσίαις κατηρτισμένων, σιτομετρήσας καὶ μισθοδοτήσας ὁ βασιλεὺς τὴν δύναμιν ἀνήχθη, καὶ κατῆρε δευτεραῖος εἰς Πάτρας, ἔχων Μακεδόνας μὲν ἑξακισχιλίους, μισθοφόρους δὲ χιλίους καὶ διακοσίους.
船只集结完毕，马其顿人也已熟练掌握划桨技术，国王向军队发放了口粮和军饷后便起航，并于第二天抵达帕特雷，率领六千名马其顿兵和一千二百名雇佣兵。