§5.111.1ἐπράχθη δέ τι κατὰ τούτους τοὺς χρόνους καὶ Προυσίᾳ μνήμης ἄξιον.
在此期间，普鲁西亚斯也做了一件值得纪念的事。
§5.111.2τῶν γὰρ Γαλατῶν, οὓς διεβίβασεν ἐκ τῆς Εὐρώπης ὁ βασιλεὺς Ἄτταλος εἰς τὸν πρὸς Ἀχαιὸν πόλεμον διὰ τὴν ἐπʼ ἀνδρείᾳ δόξαν, τούτων χωρισθέντων τοῦ προειρημένου βασιλέως διὰ τὰς ἄρτι ῥηθείσας ὑποψίας καὶ πορθούντων μετὰ πολλῆς ἀσελγείας καὶ βίας τὰς ἐφʼ Ἑλλησπόντῳ πόλεις, τὸ δὲ τελευταῖον καὶ πολιορκεῖν τοὺς Ἰλιεῖς ἐπιβαλομένων, §5.111.3ἐγένετο μέν τις οὐκ ἀγεννὴς περὶ ταῦτα πρᾶξις καὶ ὑπὸ τῶν τὴν Τρῳάδα κατοικούντων Ἀλεξάνδρειαν· §5.111.4Θεμίστην γὰρ ἐξαποστείλαντες μετʼ ἀνδρῶν τετρακισχιλίων ἔλυσαν μὲν τὴν Ἰλιέων πολιορκίαν, ἐξέβαλον δʼ ἐκ πάσης τῆς Τρῳάδος τοὺς Γαλάτας, ἐμποδίζοντες ταῖς χορηγίαις καὶ διαλυμαινόμενοι τὰς ἐπιβολὰς αὐτῶν.
因为那些因勇敢的名声而被阿塔罗斯国王从欧洲渡运过来、用于对阿开奥斯战争的加拉太人，由于最近提到的猜疑而与前述国王决裂，并以极大的放荡和暴力劫掠赫勒斯滂沿岸的城市，最后甚至企图围攻伊利翁人，对此，居住在特罗阿斯地区亚历山大里亚的人民也采取了一次并非不体面的行动；因为他们派出了带着四千名士兵的塞米斯特斯，解除了对伊利翁人的围攻，并将加拉太人从整个特罗阿斯地区驱逐出去，阻碍了他们的物资供应并挫败了他们的企图。
§5.111.5οἱ δὲ Γαλάται κατασχόντες τὴν Ἀρίσβαν καλουμένην ἐν τῇ τῶν Ἀβυδηνῶν χώρᾳ, λοιπὸν ἐπεβούλευον καὶ προσεπολέμουν ταῖς περὶ τούτους τοὺς τόπους ἐκτισμέναις πόλεσιν.
然而，加拉太人占领了阿比多斯人领地内被称为阿里斯巴的地方，此后便对建在这些地区的城市阴谋策划并进行战争。
§5.111.6ἐφʼ οὓς στρατεύσας μετὰ δυνάμεως Προυσίας καὶ παραταξάμενος τοὺς μὲν ἄνδρας κατʼ αὐτὸν τὸν κίνδυνον ἐν χερῶν νόμῳ διέφθειρε, τὰ δὲ τέκνα σχεδὸν ἅπαντα καὶ τὰς γυναῖκας αὐτῶν ἐν τῇ παρεμβολῇ κατέσφαξε, τὴν δʼ ἀποσκευὴν ἐφῆκε διαρπάσαι τοῖς ἠγωνισμένοις.
普鲁西亚斯率军讨伐他们，并列阵交战，在实际的战斗中以白兵战消灭了他们的男子，并在营地中屠杀了几乎所有的儿童和妇女，将行李和战利品留给参战的士兵们掠夺。
§5.111.7πράξας δὲ ταῦτα μεγάλου μὲν ἀπέλυσε φόβου καὶ κινδύνου τὰς ἐφʼ Ἑλλησπόντου πόλεις, καλὸν δὲ παράδειγμα τοῖς ἐπιγινομένοις ἀπέλιπε τοῦ μὴ ῥᾳδίαν ποιεῖσθαι τοὺς ἐκ τῆς Εὐρώπης βαρβάρους τὴν εἰς τὴν Ἀσίαν διάβασιν.
通过这些行动，他使赫勒斯滂沿岸的城市摆脱了极大的恐惧和危险，并给后世留下了极好的榜样，使欧洲的野蛮人不敢轻易渡海进入亚洲。
§5.111.8τὰ μὲν οὖν περὶ τὴν Ἑλλάδα καὶ τὴν Ἀσίαν ἐν τούτοις ἦν.
那么，希腊和亚洲的情况就是这样。
τὰ δὲ κατὰ τὴν Ἰταλίαν τῆς περὶ Κάνναν μάχης ἐπιτελεσθείσης τὰ πλεῖστα μετετίθετο πρὸς τοὺς Καρχηδονίους, καθάπερ ἐν τοῖς πρὸ τούτων ἡμῖν δεδήλωται.
至于意大利，在坎尼战役结束之后，大部分地区正如我们在前文中所阐明的那样，转向了迦太基人一边。
§5.111.9ἡμεῖς δὲ νῦν μὲν ἐπὶ τούτων τῶν καιρῶν τῆς διηγήσεως λήξομεν, ἐπεὶ διεληλύθαμεν ἃς περιέσχε τῶν τε κατὰ τὴν Ἀσίαν καὶ τῶν Ἑλληνικῶν πράξεων ἡ τετταρακοστὴ τῶν ὀλυμπιάδων πρὸς ταῖς ἑκατόν· §5.111.10ἐν δὲ τῇ μετὰ ταῦτα βύβλῳ, βραχέα προσαναμνήσαντες τῆς [ἐν ταύτῃ τῇ βύβλῳ] προκατασκευῆς, ἐπὶ τὸν περὶ τῆς Ῥωμαίων πολιτείας λόγον ἐπάνιμεν κατὰ τὴν ἐν ἀρχαῖς ὑπόσχεσιν.
我们现在将在此阶段结束我们的叙述，因为我们已经讲完了第百四十届奥林匹亚期内所包含的亚洲及希腊的事件；在下一卷中，在简要回顾了［本卷中的］预备性论述后，我们将按照最初的承诺，重新回到关于罗马政制的讨论中。