§3.65.1τῇ δὲ κατὰ πόδας ἡμέρᾳ προῆγον ἀμφότεροι παρὰ τὸν ποταμὸν ἐκ τοῦ πρὸς τὰς Ἄλπεις μέρους, ἔχοντες εὐώνυμον μὲν οἱ Ῥωμαῖοι, δεξιὸν δὲ τὸν ῥοῦν οἱ Καρχηδόνιοι.
次日，双方沿着河流从靠近阿尔卑斯山的一侧前进，罗马人将河水流向置于左侧，迦太基人则置于右侧。
§3.65.2γνόντες δὲ τῇ δευτέρᾳ διὰ τῶν προνομευόντων ὅτι σύνεγγύς εἰσιν ἀλλήλων, τότε μὲν αὐτοῦ καταστρατοπεδεύσαντες ἔμειναν.
第二天，他们通过侦察兵得知彼此已经非常接近，于是当时就在原地安营扎寨留了下来。
§3.65.3τῇ δʼ ἐπαύριον πᾶσαν τὴν ἵππον ἀναλαβόντες ἀμφότεροι, Πόπλιος δὲ καὶ τῶν πεζῶν τοὺς ἀκοντιστάς, προῆγον διὰ τοῦ πεδίου, σπεύδοντες κατοπτεῦσαι τὰς ἀλλήλων δυνάμεις.
第三天，双方都带上了全部骑兵，普布利乌斯还带上了步兵中的投枪兵，在平原上前进，急于侦察彼此的兵力。
§3.65.4ἅμα δὲ τῷ πλησιάζειν αὑτοῖς καὶ συνιδεῖν τὸν κονιορτὸν ἐξαιρόμενον εὐθέως συνετάττοντο πρὸς μάχην.
随着他们彼此接近并看到扬起的尘土，便立即列阵准备战斗。
§3.65.5ὁ μὲν οὖν Πόπλιος προθέμενος τοὺς ἀκοντιστὰς καὶ τοὺς ἅμα τούτοις Γαλατικοὺς ἱππεῖς, τοὺς δὲ λοιποὺς ἐν μετώπῳ καταστήσας προῄει βάδην.
普布利乌斯将投枪兵和随同他们的加利亚骑兵布置在前方，将其余的人部署在正面，缓缓前进。
§3.65.6ὁ δʼ Ἀννίβας τὴν μὲν κεχαλινωμένην ἵππον καὶ πᾶν τὸ στάσιμον αὐτῆς κατὰ πρόσωπον τάξας ἀπήντα τοῖς πολεμίοις, τοὺς δὲ Νομαδικοὺς ἱππεῖς ἀφʼ ἑκατέρου τοῦ κέρατος ἡτοιμάκει πρὸς κύκλωσιν.
汉尼拔则将套有缰绳的骑兵及其全部主力部署在正面迎击敌人，同时准备好努米底亚骑兵在两翼进行包围。
§3.65.7ἀμφοτέρων δὲ καὶ τῶν ἡγεμόνων καὶ τῶν ἱππέων φιλοτίμως διακειμένων πρὸς τὸν κίνδυνον, τοιαύτην συνέβη γενέσθαι τὴν πρώτην σύμπτωσιν ὥστε τοὺς ἀκοντιστὰς μὴ φθάσαι τὸ πρῶτον ἐκβαλόντας βέλος, φεύγειν δʼ ἐγκλίναντας εὐθέως διὰ τῶν διαστημάτων ὑπὸ τὰς παρʼ αὑτῶν ἴλας, καταπλαγέντας τὴν ἐπιφορὰν καὶ περιδεεῖς γενομένους μὴ συμπατηθῶσιν ὑπὸ τῶν ἐπιφερομένων ἱππέων.
由于双方的将领和骑兵都对这场危险的战斗充满斗志，第一轮冲突便呈现出这样的态势：投枪兵们甚至来不及投出第一支枪，就因被敌人的冲锋所震慑，并极度害怕被冲过来的骑兵践踏，而立即转身穿过己方骑兵队的间隙退到后方。
§3.65.8οἱ μὲν οὖν κατὰ πρόσωπον ἀλλήλοις συμπεσόντες ἐπὶ πολὺν χρόνον ἐποίουν ἰσόρροπον τὸν κίνδυνον· §3.65.9ὁμοῦ γὰρ ἦν ἱππομαχία καὶ πεζομαχία διὰ τὸ πλῆθος τῶν παρακαταβαινόντων ἀνδρῶν ἐν αὐτῇ τῇ μάχῃ.
在正面相互交锋的人在很长一段时间里使战斗保持着势均力敌的态势；因为由于在这场战斗中有大量人员下马交战，使得骑兵战和步兵战混杂在一起。
§3.65.10τῶν δὲ Νομάδων κυκλωσάντων καὶ κατόπιν ἐπιπεσόντων, οἱ μὲν πεζακοντισταὶ τὸ πρῶτον διαφυγόντες τὴν σύμπτωσιν τῶν ἱππέων τότε συνεπατήθησαν ὑπὸ τοῦ πλήθους καὶ τῆς ἐπιφορᾶς τῶν Νομάδων· §3.65.11οἱ δὲ κατὰ πρόσωπον ἐξ ἀρχῆς διαμαχόμενοι πρὸς τοὺς Καρχηδονίους, πολλοὺς μὲν αὑτῶν ἀπολωλεκότες, ἔτι δὲ πλείους τῶν Καρχηδονίων διεφθαρκότες, συνεπιθεμένων ἀπʼ οὐρᾶς τῶν Νομάδων, ἐτράπησαν, οἱ μὲν πολλοὶ σποράδες, τινὲς δὲ περὶ τὸν ἡγεμόνα συστραφέντες.
但当努米底亚人完成包围并从后方发起袭击时，最初逃过了骑兵冲突的步兵投枪兵们，此时却被人数众多的努米底亚人及其冲锋所践踏；而那些从一开始就在正面与迦太基人激战的士兵，虽然自身损失惨重，但消灭了更多的迦太基人，由于努米底亚人从后方夹击，他们最终溃败，大部分人四处散开，少数人则聚集在指挥官周围。