§27.2.1τούτων δὲ συντελουμένων ἐν ταῖς Θήβαις, οἱ φυγάδες ἐν τῇ Χαλκίδι προστησάμενοι Πομπίδην κατηγορίαν ἐποιοῦντο τῶν περὶ τὸν Ἰσμηνίαν καὶ Νέωνα καὶ Δικέταν.
在底比斯进行这些事情的同时，聚集在哈尔基斯的流亡者推举蓬皮达斯为首，起诉了伊斯梅尼亚斯、尼翁和迪凯塔斯及其党羽。
§27.2.2προδήλου δὲ τῆς ἀγνοίας οὔσης τῶν προειρημένων, καὶ τῶν Ῥωμαίων συνεπισχυόντων τοῖς φυγάσιν, §27.2.3εἰς τὴν ἐσχάτην διάθεσιν ἧκον οἱ περὶ τὸν Ἱππίαν, ὥστε καὶ τῷ βίῳ κινδυνεῦσαι παρʼ αὐτὸν τὸν καιρὸν ὑπὸ τῆς ὁρμῆς τοῦ πλήθους, ἕως οὗ βραχύ τι τῆς ἀσφαλείας αὐτῶν προυνοήθησαν οἱ Ῥωμαῖοι, παρακατασχόντες τὴν ἐπιφορὰν τῶν ὄχλων.
由于前述之人的愚行已显而易见，且罗马人也对流亡者予以支持，希皮亚斯及其党羽陷入了极度的困境，以至于在那一刻因群众的冲动而面临生命危险，直到罗马人制止了暴民的冲击，对他们的安全给予了少许顾及。
§27.2.4τῶν δὲ Θηβαίων παραγενομένων καὶ κομιζόντων τὰ προειρημένα δόγματα καὶ τὰς τιμάς, ταχεῖαν ἕκαστα τῶν πραγμάτων ἐλάμβανε τὴν ἀνταπόδοσιν, ἅτε τῶν πόλεων παρακειμένων ἀλλήλαις ἐν πάνυ βραχεῖ διαστήματι.
当底比斯人抵达并带来前述决议和荣誉时，由于各城市之间相距极近，每项事务都迅速得到了落实。
§27.2.5πλὴν ἀποδεξάμενοι τοὺς Θηβαίους οἱ περὶ τὸν Μάρκιον τήν τε πόλιν ἐπῄνεσαν καὶ τοὺς φυγάδας συνεβούλευσαν καταγαγεῖν εἰς τὴν οἰκείαν.
不过，马尔基乌斯一行人在接纳底比斯人后，赞扬了该城，并建议他们将流亡者召回本国。
§27.2.6εὐθύς τε παρήγγειλαν πρεσβεύειν πᾶσι τοῖς ἀπὸ τῶν πόλεων εἰς τὴν Ῥώμην, διδόντας αὑτοὺς εἰς τὴν πίστιν κατʼ ἰδίαν ἑκάστους.
他们随即命令来自各城市的所有代表向罗马派遣使节，各自单独向罗马表示顺服。
§27.2.7πάντων δὲ κατὰ τὴν πρόθεσιν αὐτοῖς χωρούντων — ταῦτα δʼ ἦν τὸ διαλῦσαι τῶν Βοιωτῶν τὸ ἔθνος καὶ λυμήνασθαι τὴν τῶν πολλῶν εὔνοιαν πρὸς τὴν Μακεδόνων οἰκίαν — §27.2.8οὗτοι μὲν μεταπεμψάμενοι Σέρουιον ἐξ Ἄργους καὶ καταλιπόντες ἐπὶ τῆς Χαλκίδος προῆγον ἐπὶ Πελοπόννησον, Νέων δὲ μετά τινας ἡμέρας ἀνεχώρησεν εἰς Μακεδονίαν.
由于一切都按照他们的意图顺利进行——这一意图即瓦解玻俄提亚联盟，并摧毁大众对马其顿王家的好感—— 他们从阿哥斯召来塞尔维乌斯并留守哈尔基斯，随后前往伯罗奔尼撒；而尼翁则在数日后退回马其顿。
§27.2.9οἱ δὲ περὶ τὸν Ἰσμηνίαν καὶ Δικέταν τότε μὲν ἀπήχθησαν εἰς φυλακήν, μετὰ δέ τινα χρόνον ἀπήλλαξαν αὑτοὺς ἐκ τοῦ ζῆν.
至于伊斯梅尼亚斯和迪凯塔斯及其党羽，当时被带走关押，并在一段时间后自寻短见。
§27.2.10τὸ δὲ τῶν Βοιωτῶν ἔθνος ἐπὶ πολὺν χρόνον συντετηρηκὸς τὴν κοινὴν συμπολιτείαν καὶ πολλοὺς καὶ ποικίλους καιροὺς διαπεφευγὸς παραδόξως τότε προπετῶς καὶ ἀλογίστως ἑλόμενον τὰ παρὰ Περσέως, εἰκῇ καὶ παιδαριωδῶς πτοηθὲν κατελύθη καὶ διεσκορπίσθη κατὰ πόλεις.
玻俄提亚联盟长期维持着共同的联邦体制，且奇迹般地渡过了许多不同时期的危机，当时却因轻率且无理智地选择倒向珀尔修斯，并在盲目且幼稚的惊慌中瓦解，按城市被拆散开来。
§27.2.11οἱ δὲ περὶ τὸν Αὖλον καὶ Μάρκιον παραγενηθέντες εἰς τὴν τῶν Ἀργείων πόλιν ἐχρημάτισαν ταῖς συναρχίαις ταῖς τῶν Ἀχαιῶν καὶ παρεκάλεσαν Ἄρχωνα τὸν στρατηγὸν χιλίους ἐκπέμψαι στρατιώτας εἰς Χαλκίδα, παραφυλάξοντας τὴν πόλιν μέχρι τῆς Ῥωμαίων διαβάσεως.
奥卢斯和马尔基乌斯一行人抵达阿哥斯人的城市后，与阿开亚人的联合执政官们进行了磋商，并要求将军阿尔孔派遣一千名士兵前往哈尔基斯，以在罗马军队渡海之前守卫该城。
§27.2.12τοῦ δʼ Ἄρχωνος ἑτοίμως συνυπακούσαντος, οὗτοι μὲν ταῦτα διαπράξαντες ἐν τοῖς Ἕλλησι κατὰ χειμῶνα καὶ τῷ Ποπλίῳ συμμίξαντες ἀπέπλεον εἰς τὴν Ῥώμην. —
在阿尔孔欣然应允后，他们在冬季里完成了在希腊人中的这些事务，并与普布利乌斯会合后启航返回罗马。