§6.2.9ἀνταίρει δὲ τῇ Αἴτνῃ τὰ Νεβρώδη ὄρη ταπεινότερα μὲν πλάτει δὲ πολὺ παραλλάττοντα.
内布罗迪山脉与埃特纳山相对峙，虽然高度较低，但宽度大为超过。
ἅπασα δʼ ἡ νῆσος κοίλη κατὰ γῆς ἐστι, ποταμῶν καὶ πυρὸς μεστή, καθάπερ τὸ Τυρρηνικὸν πέλαγος, ὡς εἰρήκαμεν, μέχρι τῆς Κυμαίας.
整座岛屿的地下都是空洞，充斥着河流与火焰，正如我们所说，直到库美地区之前的提勒尼安海也是如此。
θερμῶν γοῦν ὑδάτων ἀναβολὰς κατὰ πολλοὺς ἔχει τόπους ἡ νῆσος, ὧν τὰ μὲν Σελινούντια καὶ τὰ Ἱμεραῖα ἁλμυρά ἐστι, τὰ δὲ Αἰγεσταῖα πότιμα περὶ Ἀκράγαντα δὲ λίμναι τὴν μὲν γεῦσιν ἔχουσαι θαλάττης, τὴν δὲ φύσιν διάφορον· οὐδὲ γὰρ τοῖς ἀκολύμβοις βαπτίζεσθαι συμβαίνει ξύλων τρόπον ἐπιπολάζουσιν.
至少，这座岛屿在许多地方都有温泉涌出，其中塞利努斯和希梅拉的温泉是咸的，而埃杰斯塔的温泉则是可饮用的；在阿克拉加斯附近有一些池塘，它们的味道虽与海水相同，但性质却不同：因为即使是不会游泳的人也不会沉下去，而是像木头一样漂浮着。
οἱ Παλικοὶ δὲ κρατῆρας ἔχουσιν ἀναβάλλοντας ὕδωρ εἰς θολοειδὲς ἀναφύσημα καὶ πάλιν εἰς τὸν αὐτὸν δεχομένους μυχόν.
帕利科伊则拥有一些火口，将水喷射成圆顶状的喷流，然后又将其接回到相同的深处。
τὸ δὲ περὶ Μάταυρον σπήλαιον ἐντὸς ἔχει σύριγγα εὐμεγέθη καὶ ποταμὸν διʼ αὐτῆς ῥέοντα ἀφανῆ μέχρι πολλοῦ διαστήματος, εἶτʼ ἀνακύπτοντα πρὸς τὴν ἐπιφάνειαν, καθάπερ Ὀρόντης ἐν τῇ Συρίᾳ καταδὺς εἰς τὸ μεταξὺ χάσμα Ἀπαμείας καὶ Ἀντιοχείας, ὃ καλοῦσι Χάρυβδιν, ἀνατέλλει πάλιν ἐν τετταράκοντα σταδίοις· τὰ δὲ παραπλήσια καὶ ὁ Τίγρις ἐν τῇ Μεσοποταμίᾳ καὶ ὁ Νεῖλος ἐν τῇ Λιβύῃ μικρὸν πρὸ τῶν πηγῶν.
马陶罗斯附近的洞窟内部有一条巨大的管道，一条河流流经其中，在很长一段距离内隐没于地下，随后又显露于地表；这正如叙利亚的奥龙特斯河，在沉入阿帕梅亚和安提阿之间被称为卡律布迪斯的裂缝后，于四十斯塔迪翁之外再次涌出；美索不达米亚的底格里斯河以及利比亚的尼罗河在其源头稍前处也有类似的情况。
τὸ δὲ περὶ Στύμφαλον ὕδωρ ἐπὶ διακοσίους σταδίους ὑπὸ γῆν ἐνεχθὲν ἐν τῇ Ἀργείᾳ τὸν Ἐρασῖνον ἐκδίδωσι ποταμόν, καὶ πάλιν τὸ πρὸς τὴν Ἀρκαδικὴν Ἀσέαν ὑποβρύχιον ὠσθὲν ὀψέ ποτε τόν τʼ Εὐρώταν καὶ τὸν Ἀλφειὸν ἀναδίδωσιν, ὥστε καὶ πεπιστεῦσθαι μυθῶδές τι, ὅτι τῶν ἐπιφημισθέντων στεφάνων ἑκατέρῳ καὶ ῥιφέντων εἰς τὸ κοινὸν ῥεῦμα ἀναφαίνεται κατὰ τὸν ἐπιφημισμὸν ἑκάτερος ἐν τῷ οἰκείῳ ποταμῷ.
斯廷法洛斯附近的水在地下流经两百斯塔迪翁后，在阿耳戈斯地区作为埃拉西诺斯河涌出；此外，阿尔卡迪亚阿塞亚附近的水在被迫潜入水下后，最终同时涌出埃乌罗塔斯河和阿尔菲奥斯河，以至于人们甚至相信了一个神话般的传说，即如果将献给它们各自的花圈扔进共同的急流中，每一个花圈都会根据其奉献之名显现在各自相对应的河流中。
εἴρηται δὲ καὶ τὸ λεγόμενον περὶ τοῦ Τιμαύου.
关于蒂马武斯河的传说也已经提到过了。
§6.2.10συγγενῆ δὲ καὶ τούτοις καὶ τοῖς κατὰ τὴν Σικελίαν πάθεσι τὰ περὶ τὰς Λιπαραίων νήσους καὶ αὐτὴν τὴν Λιπάραν δείκνυται.
事实表明，利帕里群岛及利帕里岛本身的现象，与这些现象以及西西里岛的现象属于同类。
εἰσὶ δʼ ἑπτὰ μὲν τὸν ἀριθμόν, μεγίστη δὲ ἡ Λιπάρα Κνιδίων ἄποικος ἐγγυτάτω τῆς Σικελίας κειμένη μετά γε τὴν Θέρμεσσαν· ἐκαλεῖτο δὲ πρότερον Μελιγουνίς·
它们在数量上共有七个，其中克尼多斯人的殖民地利帕里岛最大，紧邻西西里岛，至少在特尔梅萨岛之后；它以前被称为美丽古尼斯。
ἡγήσατο δὲ καὶ στόλῳ καὶ πρὸς τὰς τῶν Τυρρηνῶν ἐπιδρομὰς πολὺν χρόνον ἀντέσχεν, ὑπηκόους ἔχουσα τὰς νῦν λεγομένας Λιπαραίων νήσους ἃς Αἰόλου τινὲς προσαγορεύουσι.
该岛曾凭借舰队进行统治，并在很长一段时间内抵抗了第勒尼安人的侵袭，使现在被称为利帕里群岛（有人称之为埃俄洛斯群岛）的岛屿成为其属地。
καὶ δὴ καὶ τὸ ἱερὸν τοῦ Ἀπόλλωνος ἐκόσμησε πολλάκις τὸ ἐν Δελφοῖς ἀπὸ τῶν ἀκροθινίων· ἔχει δὲ καὶ τὴν γῆν εὔκαρπον καὶ στυπτηρίας μέταλλον ἐμπρόσοδον καὶ θερμὰ ὕδατα καὶ πυρὸς ἀναπνοάς.
事实上，它曾多次用战利品的初穗装点德尔斐的阿波罗神庙；它的土地肥沃，并拥有一座有利可图的明矾矿山，以及温泉和喷火口。
ταύτης δὲ μεταξύ πώς ἐστι καὶ τῆς Σικελίας ἣν νῦν ἱερὰν Ἡφαίστου καλοῦσι, πετρώδης πᾶσα καὶ ἔρημος διάπυρος· ἔχει δὲ ἀναπνοὰς τρεῖς ὡς ἂν ἐκ τριῶν κρατήρων.
在这座岛屿与西西里岛之间，大致坐落着人们现在称为“赫菲斯托斯圣岛”的岛屿，全是岩石，荒凉且灼热；它有三个喷气口，仿佛来自三个火口。
ἐκ δὲ τοῦ μεγίστου καὶ μύδρους αἱ φλόγες ἀναφέρουσιν, οἳ προσκεχώκασιν ἤδη πολὺ μέρος τοῦ πόρου.
从最大的那个喷口中，火焰还带起了炽热的石块，这些石块已经堆积并堵塞了海峡的大部分。
ἐκ δὲ τῆς τηρήσεως πεπίστευται διότι τοῖς ἀνέμοις συμπαροξύνονται καὶ αἱ φλόγες αἵ τε ἐνταῦθα καὶ αἱ κατὰ τὴν Αἴτνην, παυομένων δὲ παύονται καὶ αἱ φλόγες.
根据观察，人们相信这里的火焰以及埃特纳山的火焰，都是随着风势而加剧的，风止息时，火焰也会止息。
οὐκ ἄλογον δέ· καὶ γὰρ οἱ ἄνεμοι γεννῶνται καὶ τρέφονται τὴν ἀρχὴν λαβόντες ἀπὸ τῶν ἐκ τῆς θαλάττης ἀναθυμιάσεων, ὥστʼ ἀπὸ συγγενοῦς ὕλης καὶ πάθους καὶ τὸ πῦρ ἐξαπτόμενον οὐκ ἐᾷ θαυμάζειν τοὺς ὁρῶντας ἀμωσγέπως τὰ τοιάδε.
这并非不合理；因为风也是海上的蒸气产生的，并以此为起点得到滋养，所以，既然火也是由同类的物质和现象点燃的，它就不会让目睹这类事情的人感到莫名惊奇。
Πολύβιος δὲ τῶν τριῶν κρατήρων τὸν μὲν κατερρυηκέναι φησὶν ἐκ μέρους, τοὺς δὲ συμμένειν, τὸν δὲ μέγιστον τὸ χεῖλος ἔχειν περιφερὲς ὂν πέντε σταδίων, κατʼ ὀλίγον δὲ συνάγεσθαι εἰς πεντήκοντα ποδῶν διάμετρον· καθʼ οὗ βάθος εἶναι τὸ μέχρι θαλάττης σταδιαῖον, ὥστε καθορᾶν ταῖς νηνεμίαις.
波利比乌斯说，在这三个火口中，有一个已部分塌陷，其余的则保存完好，最大的一个拥有周长为五斯塔迪翁的圆形边缘，但逐渐缩小到五十英尺的直径；从其边缘向下到海面的深度为一斯塔迪翁，因此在风平浪静时可以俯瞰其底部。
ἐὰν μὲν οὖν νότος μέλλῃ πνεῖν, ἀχλὺν ὁμιχλώδη καταχεῖσθαι κύκλῳ φησὶ τῆς νησῖδος ὥστε μηδὲ τὴν Σικελίαν ἄπωθεν φαίνεσθαι· ὅταν δὲ βορέας, φλόγας καθαρὰς ἀπὸ τοῦ λεχθέντος κρατῆρος εἰς ὕψος ἐξαίρεσθαι καὶ βρόμους ἐκπέμπεσθαι μείζους· τὸν δὲ ζέφυρον μέσην τινὰ ἔχειν τάξιν.
他说，如果南风将要吹起，一团雾蒙蒙的阴霾就会笼罩在小岛周围，以至于从远处甚至看不见西西里岛；但当北风将起时，澄澈的火焰会从上述火口高高升起，并发出更大的轰鸣声；而西风则处于某种中间状态。
τοὺς δʼ ἄλλους κρατῆρας ὁμοειδεῖς μὲν εἶναι, τῇ δὲ βίᾳ λείπεσθαι τῶν ἀναφυσημάτων·
其余的火口形状相似，但喷射的威力较弱。
ἔκ τε δὴ τῆς διαφορᾶς τῶν βρόμων καὶ ἐκ τοῦ πόθεν ἄρχεται τὰ ἀναφυσήματα καὶ αἱ φλόγες καὶ αἱ λιγνύες προσημαίνεσθαι καὶ τὸν εἰς ἡμέραν τρίτην πάλιν μέλλοντα ἄνεμον πνεῖν· τῶν γοῦν ἐν Λιπάραις γενομένης ἀπλοίας προειπεῖν τινάς φησι τὸν ἐσόμενον καὶ μὴ διαψεύσασθαι.
事实上，从轰鸣声的差异以及喷射、火焰和浓烟从何处开始，就可以预示第三天将要再次吹起的风；至少他说，在利帕里由于风阻而无法航行时，有一些人预言了将要刮起的风，并且没有落空。
ἀφʼ οὗ δὴ τὸ μυθωδέστατον δοκοῦν εἰρῆσθαι τῷ ποιητῇ οὐ μάτην φαίνεσθαι λεχθέν, ἀλλʼ αἰνιξαμένου τὴν ἀλήθειαν, ὅταν φῇ ταμίαν τῶν ἀνέμων τὸν Αἰόλον· περὶ ὧν ἐμνήσθημεν καὶ πρότερον ἱκανῶς.
由此可见，诗人口中那看似最神话般的话语，显然并非无端说出，而是在他称埃俄洛斯为风的管理者时，隐喻了真理；关于这些事情，我们以前也已经作了充分的提及。
ἐπάνιμεν δʼ ἐπὶ τὰ ἑξῆς ἀφʼ ὧν παρεξέβημεν.
现在让我们回到我们所偏离的后续主题。