§17.1.6τὰ μὲν οὖν καθʼ ὅλου καὶ ἀνωτάτω περὶ τῆς Αἰγύπτου ταῦτα λέγομεν, τὰ καθʼ ἕκαστα δὲ καὶ τὰς ἀρετὰς αὐτῆς νῦν διέξιμεν.
以上，关于埃及的整体及最高纲要，我们便作如是说；接下来我们将逐一阐述其细节及优美之处。
ἐπεὶ δὲ τὸ πλεῖστον τοῦ ἔργου τούτου καὶ τὸ κυριώτατον ἡ Ἀλεξάνδρειά ἐστι καὶ τὰ περὶ αὐτήν, ἐντεῦθεν ἀρκτέον.
鉴于这部著作中最大且最核心的部分是亚历山大里亚及其周边地区，理应从此地开始。
ἔστι τοίνυν ἡ ἀπὸ Πηλουσίου παραλία πρὸς τὴν ἑσπέραν πλέουσι μέχρι μὲν τοῦ Κανωβικοῦ στόματος χιλίων που καὶ τριακοσίων σταδίων, ὃ δὴ καὶ βάσιν τοῦ Δέλτα ἔφαμεν· ἐντεῦθεν δʼ ἐπὶ Φάρον τὴν νῆσον ἄλλοι στάδιοι πεντήκοντα πρὸς τοῖς ἑκατόν.
且说，对于向西航行的人而言，从佩鲁西翁到卡诺布斯河口的海岸线大约有一千三百斯塔德，这也就是我们所说的三角洲的底边；从那里到法罗斯岛还有一百五十斯塔德。
ἡ δὲ Φάρος νησίον ἐστὶ παράμηκες, προσεχέστατον τῇ ἠπείρῳ, λιμένα πρὸς αὐτὴν ποιοῦν ἀμφίστομον.
法罗斯是一个狭长的细小岛屿，极靠近大陆，并在与大陆之间形成了一个双口的港口。
ᾐὼν γάρ ἐστι κολπώδης, ἄκρας εἰς τὸ πέλαγος προβεβλημένη δύο· τούτων δὲ μεταξὺ ἡ νῆσος ἵδρυται κλείουσα τὸν κόλπον, παραβέβληται γὰρ αὐτῷ κατὰ μῆκος·
因为海岸呈内湾状，有两处海岬伸入海中，而该岛即坐落于两岬之间，封闭了这一海湾，因为它沿其长度方向与海湾平行而设。
τῶν δʼ ἄκρων τῆς Φάρου τὸ μὲν ἑῷον μᾶλλόν ἐστι προσεχὲς τῇ ἠπείρῳ καὶ τῇ κατʼ αὐτὴν ἄκρᾳ (καλεῖται δʼ ἄκρα Λοχιάς), καὶ ποιεῖ τὸν λιμένα ἀρτίστομον· πρὸς δὲ τῇ στενότητι τοῦ μεταξὺ πόρου καὶ πέτραι εἰσὶν αἱ μὲν ὕφαλοι αἱ δὲ καὶ ἐξέχουσαι, τραχύνουσαι πᾶσαν ὥραν τὸ προσπῖπτον ἐκ τοῦ πελάγους κλυδώνιον.
在法罗斯岛的两端中，偏东的一端更靠近大陆及与之相对的海岬（该岬被称为洛基亚斯岬），并使港口的入口变得狭窄；且除其间通道狭窄之外，还有暗礁与露出水面的岩石，这使得从公海涌来的波涛无论何时都异常汹涌。
ἔστι δὲ καὶ αὐτὸ τὸ τῆς νησῖδος ἄκρον πέτρα περίκλυστος, ἔχουσα πύργον θαυμαστῶς κατεσκευασμένον λευκοῦ λίθου πολυώροφον, ὁμώνυμον τῇ νήσῳ· τοῦτον δʼ ἀνέθηκε Σώστρατος Κνίδιος, φίλος τῶν βασιλέων, τῆς τῶν πλοιζομένων σωτηρίας χάριν, ὥς φησιν ἡ ἐπιγραφή.
该小岛的端头本身也是一块被海水环绕的岩石，其上建有一座用白石奇妙筑成、多层且与岛同名的塔楼；如碑文所述，此塔乃是国王之友、克尼多斯人索斯特拉托斯为了航海者的安全而献纳的。
ἀλιμένου γὰρ οὔσης καὶ ταπεινῆς τῆς ἑκατέρωθεν παραλίας, ἐχούσης δὲ καὶ χοιράδας καὶ βράχη τινά, ἔδει σημείου τινὸς ὑψηλοῦ καὶ λαμπροῦ τοῖς ἀπὸ τοῦ πελάγους προσπλέουσιν ὥστʼ εὐστοχεῖν τῆς εἰσβολῆς τοῦ λιμένος.
因为两旁的海岸既无港口又是低地，而且还有暗礁和一些浅滩，所以对于从公海驶入的人来说，需要某种高大而明亮的标志，以便他们能准确找到港口的入口。
καὶ τὸ ἑσπέριον δὲ στόμα οὐκ εὐείσβολόν ἐστιν, οὐ μὴν τοσαύτης γε δεῖται προνοίας· ποιεῖ δὲ καὶ τοῦτο ἄλλον λιμένα τὸν τοῦ Εὐνόστου καλούμενον· πρόκειται δʼ οὗτος τοῦ ὀρυκτοῦ καὶ κλειστοῦ λιμένος·
西侧的入口同样不易驶入，不过确实不需要那么多的预防措施；而这一入口也形成了另一个被称为尤诺斯托斯港的港口；此港口位于人工挖掘且封闭的港口之前。
ὁ μὲν γὰρ ἐκ τοῦ λεχθέντος πύργου τῆς Φάρου τὸν εἴσπλουν ἔχων ὁ μέγας ἐστὶ λιμήν· οὗτοι δὲ συνεχεῖς ἐν βάθει ἐκείνῳ, τῷ ἑπτασταδίῳ καλουμένῳ χώματι διειργόμενοι ἀπʼ αὐτοῦ παράκεινται· τὸ δὲ χῶμά ἐστιν ἀπὸ τῆς ἠπείρου γέφυρα ἐπὶ τὴν νῆσον κατὰ τὸ ἑσπέριον αὐτῆς μέρος ἐκτεταμένη, δύο διάπλους ἀπολείπουσα μόνον εἰς τὸν Εὐνόστου λιμένα καὶ αὐτοὺς γεγεφυρωμένους· ἦν δʼ οὐ γέφυρα μόνον ἐπὶ τὴν νῆσον τὸ ἔργον τοῦτο, ἀλλὰ καὶ ὑδραγώγιον, ὅτε γε ᾠκεῖτο· νῦν δʼ ἠρήμωσεν αὐτὴν ὁ θεὸς Καῖσαρ ἐν τῷ πρὸς Ἀλεξανδρέας πολέμῳ τεταγμένην μετὰ τῶν βασιλέων· ὀλίγοι δʼ οἰκοῦσι πρὸς τῷ πύργῳ ναυτικοὶ ἄνδρες.
因为那个从上述法罗斯塔楼处进入的港口即是大港；而这些港口则与大港深处相连，与之相邻，被一处被称为“七斯塔德”的堤坝与其隔开；这一堤坝是一座从大陆延伸至岛屿西部的桥梁，仅留有两个通往尤诺斯托斯港的航道，且这些航道本身也建有桥梁；这一工程不仅是通往岛上的桥梁，而且在岛上有人居住时，它还是输水渠；如今，神圣的恺撒已在针对亚历山大里亚人的战争中将其摧毁，因为该岛当时与国王们站在一起；如今只有少数航海之人居住在塔楼附近。
ὁ γοῦν μέγας λιμὴν πρὸς τῷ κεκλεῖσθαι καλῶς τῷ τε χώματι καὶ τῇ φύσει ἀγχιβαθής τέ ἐστιν ὥστε τὴν μεγίστην ναῦν ἐπὶ κλίμακος ὁρμεῖν, καὶ εἰς πλείους σχίζεται λιμένας.
无论如何，大港除了因堤坝和自然地形而封闭完好之外，其近岸水深极深，以至于最大的船只都能靠岸搭跳板停泊，并且它还被划分成多个港口。
οἱ μὲν οὖν πρότεροι τῶν Αἰγυπτίων βασιλεῖς ἀγαπῶντες οἷς εἶχον καὶ οὐ πάνυ ἐπεισάκτων δεόμενοι, διαβεβλημένοι πρὸς ἅπαντας τοὺς πλέοντας καὶ μάλιστα τοὺς Ἕλληνας (πορθηταὶ γὰρ ἦσαν καὶ ἐπιθυμηταὶ τῆς ἀλλοτρίας κατὰ σπάνιν γῆς), ἐπέστησαν φυλακὴν τῷ τόπῳ τούτῳ κελεύσαντες ἀπείργειν τοὺς προσιόντας· κατοικίαν δʼ αὐτοῖς ἔδοσαν τὴν προσαγορευομένην Ῥακῶτιν, ἣ νῦν μὲν τῆς Ἀλεξανδρέων πόλεώς ἐστι μέρος τὸ ὑπερκείμενον τῶν νεωρίων, τότε δὲ κώμη ὑπῆρχε· τὰ δὲ κύκλῳ τῆς κώμης βουκόλοις παρέδοσαν δυναμένοις καὶ αὐτοῖς κωλύειν τοὺς ἔξωθεν ἐπιόντας.
且说，先前的埃及国王们满足于自己所拥有的一切，完全不需要进口物资，并且对所有航海之人，尤其是希腊人怀有敌意（因为由于土地稀缺，希腊人是抢夺者和觊觎他人土地的人），因此他们在此地设立了卫哨，命令其驱逐接近的人；他们给他们分配了被称为拉科提斯的居住地（此地如今是亚历山大里亚市船厂上方的那一部分，但在当时只是一个村庄）；而村庄周围的地区，他们则交给了牧人，这些牧人自身也有能力阻挡外来侵犯者。
ἐπελθὼν δὲ Ἀλέξανδρος, ἰδὼν τὴν εὐκαιρίαν ἔγνω τειχίζειν ἐπὶ τῷ λιμένι τὴν πόλιν· τῆς δʼ ὕστερον ἐπηκολουθηκυίας εὐδαιμονίας τῇ πόλει μνημονεύουσί τι σημεῖον κατὰ τὴν ὑπογραφὴν τοῦ κτίσματος συμβάν· τῶν γὰρ ἀρχιτεκτόνων γῇ λευκῇ διασημαινομένων τὴν τοῦ περιβόλου γραμμήν, ἐπιλιπούσης τῆς γῆς καὶ τοῦ βασιλέως ἐπιόντος, οἱ διοικηταὶ τῶν ἀλφίτων μέρος τῶν παρεσκευασμένων τοῖς ἐργάταις παρέσχον, διʼ ὧν καὶ αἱ ὁδοὶ κατετμήθησαν εἰς πλείους· τοῦτʼ οὖν οἰωνίσθαι λέγονται πρὸς ἀγαθοῦ γεγονός.
但当亚历山大来到并看到这一地利时，他便决定在港口修筑城墙，建立城市；至于该城后来随之而来的繁荣，人们记述了在规划该建筑蓝图时发生的一个征兆；因为当建筑师们用白土标记城墙轮廓线时，正值国王临近，白土用尽了，于是大麦粉的管理人员提供了一部分为工人们准备的麦粉，以此也将道路规划成了好几条；因此，据说他们占卜认为这一事件是吉兆。